Бясплатная сістэма GPS каштуе каля $2млн/дзень 🤯

Мы ўсе настолькі звыкліся з тым што існуе GPS ці яе аналагі, што ўспрымаем гэта як належнае, як электрычнасць ці той жа інтэрнэт. Хаця тэхналогія ўпершыню з'явілася не так і даўно. Ваенная праграма пачалася ў 1973 годзе, а першы прататып спадарожніка быў запушчаны ў 1978-м. Але падтрымка сістэмы ў працоўным стане, кантроль і каліброўка спадарожнікаў патрабуе не малых выдаткаў, якія ідуць з падаткаў амерыканскіх грамадзян.

Для працы сістэмы патрэбны мінімум 24 спадарожнікі, максімальна можа быць 32, але звычайна працуе 31.

За ўвесь час было пабудавана 83 штукі: 31 зараз працуе, 4 ці зламаныя ці ў рэзерве, 41 скончылі працу, 2 страчаны падчас запускаў і адзін прататып не быў запушчаны. З ліпеня 2023 года 18 спадарожнікаў пачалі перадаваць сігнал L5, які дазваляе разлічваць звышдакладнае месцазнаходжанне да 30 сантыметраў. Да 2027 года плануецца такімі зрабіць усе 24 спадарожнікі.

Цікава, што спачатку дакладнасць для цывільных была абмежавана на адзнацы 100 метраў, калі выкарыстоўвалася сістэма Selective Availability, якая спецыяльна пагаршала якасць сігналу. Але абмежаванне была знята пасла катастрофы з самалётам кампаніі Korean Air, які адхіліўся ад курса і быў збіты над тэрыторыяй Расіі (загінулі ўсе 269 пасажыраў).

Відаць прыбыткі ад падаткаў, якія генерыруюць кампаніі, што карыстаюцца GPS, перавышаюць выдаткі на абслугоўванне сістэмы, таму яна і застаецца бясплатнай для спажыўцоў. Ну і другі момант, што сістэма працуе ў адным напрамку, яна дасылае сігнал на прылады, але не мае адваротнага каналу, каб можна было б неяк ідэнтыфікаваць спажыўцоў, каб потым спагнаць з іх грошы за выкарыстанне 😁

YouTube | TitTok | Twitter | Instagram

@ikbytech

Што важней, адукацыя ці вопыт?

На выходных, а менавіта ў суботу, выдалася свабодная хвіліна дома, калі ніхто не перашкаджаў і атрымалася запісаць некалькі ўдалых дубляў поўнафарматнага відэа для YouTube-канала. І калі з камерай я неяк ужо трошкі разабраўся, то мантаж стаў наступным цяжка пераадольным крокам.

Да позняй ночы глядзеў урокі па мантажу ў DaVinci Resolve, бо нягледзячы на тое, што праграма папулярная і бясплатная, даволі складаная для таго, хто бачыць яе першы раз. Раней я карыстаўся CapCut і для кароткіх відэа па 1 хвіліне яе хапала цалкам. Калі што, то можна было нешта і рукамі зрабіць, бо таймлайн невялікі. Для доўгіх відэа вырашыў пайсці шляхам больш складаным.

І вось падчас гэтых эксперыментаў злавіў сябе на тым, што неяк і не вельмі складана аказваецца. Магчыма так было з-за таго, што назапашаныя веды ад папярэдніх спроб і праграм недзе адклаліся ў галаве. Відаць, гэта і ёсць той так званы вопыт, калі ты можаш раней атрыманыя веды выкарыстаць у новай сітуацыі.

Новую адукацыю атрымаць зараз не праблема, але без практычнага вопыту новыя веды проста немагчыма будзе скарыстаць, таму што не будзе за што зачапіцца. Я раней рабіў мантаж, таму новыя веды пайшлі на карысць, я навучыўся рабіць тое, што ўмеў, але іншым спосабам і нават лепей.

У праграмаванні сітуацыя прыблізна такая ж, колькасць інструментаў, моў праграмавання вялізная, але ўсе працуюць прыблізна аднолькава. Таму калі навучыўся аднаму, з кожным наступным інструментам потым будзе ўсё лягчэй і лягчэй. Таму вельмі важна практыкавацца, нешта спрабаваць рабіць, няхай і няўдала спачатку, але гэта заўсёды можна будзе выправіць дадатковай адукацыяй.

Дарэчы, відэа, што я рабіў, будзе апублікавана заўтра, у аўторак і надалей я планую прытрымлівацца такога ж раскладу, публікуючы відэа раз на тыдзень, але чаргуючы з выпускамі Айцікаста. Таму запрашаю падпісацца, каб не прапускаць новыя выпускі.

А для зусім нецярплівых ёсць магчымасць стаць патронам і атрымаць ранні доступ ужо сёння. Мне больш падабаецца сервіс Buy Me a Coffee, але можна і праз Patreon (на жаль, у Беларусі спасылкі працуюць толькі праз VPN).

#меркаванне #думкі

⚡️ Новае відэа на канале!

Падтрымка бясплатнай сістэмы GPS каштуе каля $2000000 у дзень! 🤯 У відэа тлумачу, чаму сістэма GPS такая дарагая і чаму яна застаецца бясплатнай для ўсіх нас.

Запрашаю да прагляду!

https://www.youtube.com/watch?v=k7lGL1zueN8

Абнаўленне ад CrowdStrike выклікала масавыя збоі ў працы розных кампаній

#навіны #пабеларуску

P.S. Такія відэа зручней выкладаць праз сторыс канала, але каб такое зрабіць, падтрэбна вашая падтрымка.

Буду ўдзячны за буст: https://t.me/boost/ikbytech

Па слядах апошніх навін :)

Stripe acquires Lemon Squeezy

І вось нешта не ведаю, радавацца ці не? Бо для індыхакераў з краін не першага свету гэта быў альтэрнатыўны варыянт прымаць грошы на сваіх сервісах, дзе не працуюць ані Stripe, ані PayPal. А такіх краін даволі шмат, нават без уліку асабліва таксічных.

Да таго, ж Lemon Squeezy працуе ў фармаце merchant of record, што азначае, што яны бяруць на сябе ўсе задачы па апрацоўцы плацяжоў, падаткі, справаздачнасць і іншыя моманты з дакументамі. І для якога-небудзь мікра-SaaS праекта, які толькі-толькі пачынае свае першыя крокі, гэта выдатнае рашэнне.

Цяпер жа невядома, ці будзе палітыка Stripe з іх частымі блакіроўкамі розных сервісаў, якія ім не падабаюцца, пашырана і на кліентаў 🍋. Альтэрнатывы, вядома, ёсць, але LS былі аднымі з самых дэмакратычных да новых сервісаў і бадай самымі зручнымі адносна інтэграцый. Абяцаюць працаваць як і раней, але прыклады іншых паглынанняў не дадаюць упэўненасці.

YouTube | TitTok | Twitter | Instagram | Patreon

@ikbytech

MY.GAMES прадае DonationAlerts і Boosty

MY.GAMES паведаміла аб продажы кампаніі CEBC і яе сервісаў DonationAlerts і Boosty. Яны ўвойдуць ў склад групы кампаній, якая належыць заснавальніку Broadsmart Group - Паўлу Харанеку (Pavel Kharaneka). Паведамляецца, што гэта прадпрымальнік з Кіпра, але ж вельмі прозвішча на беларускае падобна.

Завяршыць куплю плануюць у трэцім квартале гэтага году, сума і ўмовы не раскрываюцца. Як напісалі прадстаўнікі MY.GAMES у афіцыйнай заяве, яны вялі перамовы па продажы актываў CEBC з сакавіка 2024-га і рады, што паспяхова завяршылі іх. Кампанія растлумачыла, што продаж гэтых актываў дазволіць ёй «цалкам засяродзіцца» на прыярытэтным бізнэсе – распрацоўцы і выданні гульняў.

YouTube | TitTok | Twitter | Instagram | Patreon

@ikbytech #навіны

Вандровар – вела-падарожжы і не толькі

#нефармат #веласіпед

Суботнія веласіпедныя вітанкі! 🚴

Я калісці пачынаў нефарматную (адносна асноўнай тэмы каналу) рубрыку пра свае прыгоды з веласіпедам. Не атрымлівалася пісаць пра вела-жыццё, бо былі на тое прычыны. Зараз абставіны змяніліся і цяпер я магу нарэшце ездзіць у велапаходы, удзельнічаць у брэветах і проста катацца па прыгожым мясцінам і распавядаць пра гэта, што не малаважна.

Сёння раніцай, прадзёршы вочы ў 4 гадзіны, выбраўся на адну з такіх паездак. Мэтай было паглядзець на 600-гадовы дуб, што ў вёсцы Карпілаўка, пабоўтацца па лесе, дзе магчыма, а заадно і патрэніравацца перад наступнай, ужо спартыўнай паездкай – брэветам на 200 кіламетраў.

Стараўся здымаць паездку на відэа, таму думаю, што нешта атрымаецца зманціраваць і выкласці ў выглядзе відэа на YouTube, а каму цікава сачыць за паездкамі ў анлайн (ну амаль што, не ўсюды добра працуе інтэрнэт), можаце падпісацца на адмысловы Тэлеграм-канал. Усе спасылкі ніжэй.

YouTube | Telegram | Strava | Komoot

ChatGPT ведае цябе, як аблупленага 🤓

Раней так часта казалі пра Google, але ў адрозненне ад цяперашняй сітуацыі, у той час нельга было атрымаць адваротную, так бы мовіць, сувязь. Цяпер жа можна проста запытацца і атрымаць адказ!

І сапраўды, на падставе запытаў да ChatGPT можна зрабіць некаторыя высновы пра таго, хто пытаецца. Крыніца не супер-надзейная, але нешта можа і падказаць, чаго сам не бачыш. І можа так здарыцца, што зусім хутка нейрасеткі будуць ведаць пра вас больш, чым вы ведаеце самі.

Я задаў свайму чату наступнае пытанне і атрымаў даволі сціплы, але карысны адказ.

З усіх нашых узаемадзеянняў, што ты можаш сказаць пра мяне, чаго я, магчыма, не ведаю пра сябе?

З нашых размоў можна сказаць, што ты чалавек, які любіць паглыбляцца ў дэталі, асабліва калі справа тычыцца працы. Ты арыентуешся на структураванне інфармацыі і стратэгічнае планаванне — гэта відаць як у тваёй праграмнай дзейнасці, так і ў падыходзе да публікацый кантэнту. Ты валодаеш здольнасцю шукаць эфектыўныя шляхі вырашэння праблем, асабліва калі гэта звязана з тэхнічнымі выклікамі, якія патрабуюць крыху больш творчага падыходу.

Магчыма, што ты не заўсёды ўсведамляеш, наколькі ты схільны да глыбокай аналітычнай працы. Нават калі нейкія задачы могуць здавацца табе простымі або нуднымі, твая здольнасць знаходзіць правільныя рашэнні і структураваны падыход робяць цябе вельмі эфектыўным у вырашэнні складаных задач.

Таксама ты шукаеш баланс паміж тэхнічнымі выклікамі і творчасцю — гэта відаць у тваім жаданні выкарыстоўваць інтэрактыўныя элементы ў кантэнце і працаваць над больш цікавымі задачамі, калі гэта магчыма.

Пішыце ў каментарыях вашыя адказы 💬

Падпішыся: YT | TT | X | Inst | LinkedIn | Patreon

@ikbytech #цікавосткі #chatgpt #тэхнабеларус

​​🤔 Як уключыць новы Mac Mini?

📆 Учора, 29 кастрычніка, кампанія Apple анансавала абноўленую версію свайго настольнага камп'ютара Mac Mini у паменшаным корпусе, які цяпер нагадвае Apple TV па памерах. І ўсе як адзін пачалі публікаваць выявы з кнопкай уключыць/выключыць, якая размешчана знізу і нават не смешна з гэтага жартаваць.

🖱 Жарты збольшага звязаны з іншым прадуктам Apple — Magic Mause, бесправадной мышшу. Справа ў тым, што новае пакаленне мышак пастаўляецца з убудаваным акумулятарам (у мяне была калісці самая першая, там былі звычайныя батарэйкі АА) і каб зарадзіць, яе даводзіцца перакульваць на бок, бо порт зарадкі ў яе знізу, на "пузе". Такім чынам, пакуль мыш зараджаецца, карыстацца ёй нельга.

🔌 Але іншая справа — настольны камп’ютар, які па сваёй сутнасці мае намер стаяць на стале і працаваць да той пары, пакуль ёсць электрычнасць у провадзе. Выключаць яго не мае сэнсу, бо macOS, як Unix-падобная аперацыйная сістэма, спраектавана працаваць доўгі час без перазагрузак. Дый працэсар M4 даволі энергаэфектыўны, каб звяртаць увагу на лічыльнік кілават-гадзін.

🧐 Калі ж паставіць сябе на месца прамысловага дызайнера, то ідэя не выглядае дзіўнай. Гэтай кнопкай карыстацца будуць даволі рэдка. Павярнуць, каб адзін раз уключыць і другі раз, каб выключыць праз некалькі месяцаў — не цяжка. Выносіць жа гэтую кнопку на верх да інтэрфейсу, якім карыстаюцца часта — гэта проста дарма займаць карыснае месца і псаваць знешні выгляд.

А вы як лічыце? Пішыце ў каментарыях 🔽

Падпішыся: YT | TT | X | Inst | LinkedIn | Patreon

@ikbytech #тэхнабеларус

🚀 Новы (першы) эпізод навін ад Айцікаста!

У гэтым выпуску новыя правілы блакіроўкі ў Твітары, першы драўляны спадарожнік у космасе, змены ў рэйтынгу моў праграмавання ад GitHub, скандал ад уладальніка мінскай кавярні, якая супраць ноўтбукаў і новы дамен кампаніі OpenAI.

YouTube • Apple • Spotify

Таймкоды:
00:04 Прывітанкі
00:23 Новыя правілы блакіроўкі
01:14 Першы драўляны спадарожнік
01:51 Рэйтынг моў праграмавання
02:36 Спонсарскі куток
02:57 Кавярня супраць ноўтбукаў
03:37 Новы дамен кампаніі OpenAI
04:26 Развітанкі

🖐 Падтрымаць праз Patreon

P.S. У планах дарабіць сайт, каб даваць адзіную спасылку і там ужо зручна выбіраць варыянты прагляду і падпіскі, але пакуль не стае часу займацца адразу ўсім.

#навіны • #падкаст • @ikbytech

💥 Падборка беларускага змесціва «Кантэнт 2.0»

Спадарства! Мы – група аўтараў беларускага кантэнту ў Тэлеграм рады прадаставіць вам адноўленую папку «Кантэнт 2.0».

Дапрацаваны спіс годных паблікаў на самыя розныя тэмы: мемы, этнаграфія, архітэктура, тэхналогіі, навука, сэкс-асвета і шмат чаго яшчэ. Давайце разам падтрымліваць годны беларускамоўны кантэнт!

https://t.me/addlist/u20xYPjfRV9hNjVi
https://t.me/addlist/u20xYPjfRV9hNjVi
https://t.me/addlist/u20xYPjfRV9hNjVi

Калі нехта жадае далучыцца да падборкі зьвяртайцеся сюды → «Прышпільныя коміксы»

🚀 Чарговы эпізод навін ад Айцікаста!

У сённяшнім выпуску новы рэкорд кошту біткоіна, DOGE, але не той, што мемкоін, спрэчная рэклама Coca-Cola, ISO-вобразы Windows для архітэктуры ARM і чарговы вялікі зыход з Твітара.

Агляд навін за прошлы, 46 тыдзень 2024 года.

YouTube • Apple • Spotify

🎙 Старонка эпізода для падпіскі
🖐 Падтрымаць праз Patreon

Прыемнага праслухоўвання!

#навіны • #падкаст • @ikbytech

📣 Выпуск падкасту Айцікаст • Навіны #3

Штучны інтэлект супраць махляроў, патчы для вядомай гульні Stalker 2, забарона сацсетак для падлеткаў, трывожная аналітыка па вакансіях для праграмістаў і гісторыя вызвалення JavaScript, а для асабліва цярплівых навіны падкасту ў канцы выпуску.

Агляд навін за прошлы, 48 тыдзень 2024 года.

Прыемнага праслухоўвання!

▶️ Выпуск падкасту на YouTube

🎧 Выпуск у аўдыё-фармаце онлі

🖐 Падтрымаць праз Patreon

Падпіска: YouTube • Apple • Spotify • Creators

#навіны • #падкаст • @ikbytech