Umumiy o‘rta ta’lim maktablari o‘quvchilari, ixtisoslashtirilgan ta’lim muassasalari o‘quvchilari hamda o‘rta-maxsus va professional ta’lim muassasalari o‘quvchilari o‘rtasidagi “Zakovat” musobaqalari bo‘yicha ma’lumot

📢 Ta’lim muassasalari o‘quvchilari o‘rtasida “Zakovat” musobaqalarini o‘tkazish yuzasidan Respublika tashkiliy qo‘mitasi 2025-yildan boshlab umumiy o‘rta ta’lim maktablari o‘quvchilari, Ixtisoslashtirilgan ta’lim muassasalari agentligi tizimidagi ta’lim muassasalari o‘quvchilari hamda o‘rta-maxsus va professional ta’lim muassasalari o‘quvchilari o‘rtasidagi “Zakovat” musobaqalarini bahor faslida o‘tkazish to‘g‘risida qaror qabul qildi.

📆 Bunda, joriy yil aprel-may oylarida har uchala musobaqa ham tashkil etiladi.

💰 Musobaqalarning respublika bosqichida g‘olib bo‘lgan jamoalarga egallagan o‘rniga mos ravishda 100, 60 va 40 mln so‘m pul mukofotlari topshiriladi!

☝️🏻 Shu bilan birga 2024/25-o‘quv yilining kuzgi mavsumida ham mazkur musobaqalar o‘tkazilgani va ularda g‘olib bo‘lgan jamoalarga oliy o‘quv yurtlariga imtihonsiz o‘qishga kirish bo‘yicha imtiyoz hamda stipendiya berilgani inobatga olinib, bu safar musobaqada 1-, 2- va 3-o‘rinni egallagan jamoalarga mazkur imtiyoz va stipendiya berilmasligi nazarda tutilgan.

❗️G‘olib jamoalar a’zolariga imtiyoz va stipendiyalar berish 2025/26-o‘quv yilining bahorgi mavsumida o‘tkaziladigan musobaqalardan davom ettiriladi.

ℹ️ Bu yil aprel oyidan boshlab o‘tkaziladigan musobaqalar sanasi haqida keyinroq ma’lumot beriladi.

Telegram I Facebook I Instagram I YouTube I TikTok

#iqtibos📚

Orzularing tomon eltuvchi eng yaxshi transport bu sening bilimingdir. Shu transportga chiqishing uchun bilet esa kitoblarda yashiringan!

Amir Temur o‘gitlari

Kuch — adolatdadir.

Kurashib erishilmagan g‘alaba g‘alaba emas.

Chorasi yo‘q ishga kirishma, chunki undan qutulib bo‘lmaydi.

Qudratimizga shubha qilsangiz, biz qurdirgan imoratlarga boqing.

Bir tayoqni sindirish mumkin, ko‘p tayoqni bukolmaysan ham.

Og‘zingga qon to‘lsa ham, dushman oldida tupurma.

Yuz ming otliq askar qila olmagan ishni bir to‘g‘ri tadbir bilan amalga oshirish mumkin.

Ulamo bilan suhbatda bo‘l va pok niyatli, toza qalbli kishilarga talpin. Bularning himmatlaridan ulush tilanib, muborak nafaslari bilan duo-fotiha berishlarini iltimos qil.

Bir kun keladiki, zolim o‘z barmoqlarini tishlaydi.

Vahima — dushmanning yo‘ldoshi.

Qilich o‘tkir bo‘lsa-da o‘z sopini kesmagay.

Kechira olishlik— mardlik, kechira bilmaslik nomardlik sanaladi.

📘 @akademnashr