عمري ما رضيت فيك حاجة ، تعاركت مع كل حد قال فيك حاجة كانت ممكن توجعك لو سمعتها ، كنت نقول كلهم فداك مهم انت معاي ، لعند ما نلقاك قاعد تضحك وتساير وتنكر فيا على خاطر ناس عرفتهم امس، قداش ما حسيت بدنائتك وكمية النفس الغير سوية اللي فيك ، اني هلبا عليك ، والمواقف اللي درتها مش حتفهمها لانك متفهمش الا فقلة الاصل!

طبيعي يحنوا على أيامك لما بديلهم يسيبهم ويمشي لغيرهم، راك تخلي روحك مضحكة وتحسابهم مستاحشينك

الدنيا كليوم ح توريك الحياه كيف تعيشهااااا ،وكيف تكشف معدن الناس اللي متغطين بألف وجه

ف أوقات ينفرض عليكك تسيب كل حاجه وتمشي

يصير الإنسان يحب منطقه ع خاطر شخص !

نواسي فيهم كلهم ومالقيتش من يواسيني

مادام صوت أمي وضحكتها موجودين الباقي في الحيط

يارب اني مش قد الضغوطات هذي كلها

لحظه ادراك :

اني معش نقدر نتحمل الفقد 💔💔🤚🏻.

يحيّرك ربي في روحك زي ماحيرتني معاك .

لحظة ادراك إنه حياتي احلى من غير الناس اللي كنت خايفة نخسرهم

كلمة كفيلة تغيرلي مزاجي 360درجة

كل اللي قلنا حياتنا كيف حتمشي من غيرهم طلعوا من حياتنا وحياتنا ماشية ف أحسن حال

العز الحمدلله عايشين فيه من يومنا غير مش كل حاجة تتصور

عاملوهم زي مايعاملوكم وشوفوهم كيف حيمشوا من حياتكم

قعدت إنسانة ماتحسبش للعشرة الا مع اللي يقدرها ويحترم عشرتها غير هكي نبيعك ونبيع عشرتك

ديمه يقولولي كيف قادره تكُوني بارده لهدرجه ، الشئ ينحرق قدامك وانتِ ولا على بالك ، موعد مهم مزال عليه دقايق وانتِ راقده وقاعده موسعه بالك ، حافره قبر فقلبك ودافنه فيه شوقك وساكته ، حاجه توجعك تضحكيلها ضحكه من وسط خاطرك ، حاجات خطيره فعيُون الكل وفعينك انتِ تافهه ،
ديمة يلومُوا ويذموا فيا على برودي منعرفش ليش يشوفوا فيه عيب وفعيُوني هذا اكبر ميزاتِي ، انا كنت اعصاب لدرجه متتوقعوهاش نكسر فروحي مليون كسره نخيب فروحي بروحي ونحرق فأعصابي بـ ايديا اي شئ كان يصير عواقبه تكون وخيمه عليا فُوق من انه يكسرني قادر انه يدمرني ويحيطني بالأرض ، وملقيتش من هالشئ الا قلة ضحكتي وهناي وقصر عمري ، وماكسبت شئ غير الهم يلي تسجل فشريطي والدموع يلي نقصولي عمري ، كله اكتشفته مع شخص وقلبي برد على ايدين هالشخص مشعارفه هل نشكره لإنه برد قلبي او نلومه لإنه مش بس برده لا حتى قساه ..

معد عندي شي نخاف منه السنه هادي مخاوفي ڪلها عشتها و تحققت💔👍🏼،