‏على نور الصباح وهبّ ذعذاعه وصوت الطير
‏ثلاث أشيا .. كفيله تنعش أشواقي وتحييها

‏صباح الطيب ولا الفل ولا الحب ولا الخير
‏تخيّر في الصباحات الجميله : وأنت راعيها

‏أدري إني غير مهتم و إن شعوري باخل
‏وأدري إن أقصى كلامي وينك و وشلونك

‏أتثيقل عن غرامك ، ولا أنا من داخل
‏عاشقٍ .. باع الحياه الفانيه / لـ عيونك

" قهوةٍ ماهيب من هيل ولا من بهار
‏من ورا شط البرازيل جات حبوبها

‏كنها رشات غيمة معاقبها غبار
‏يوم من خشم المكينة تطيح فـ كوبها

‏من يحب يذوقها .. مايحب الانتظار
‏كيف لا جات إتمايل على محبوبها

‏مالها عذروب عندي ولا منها مضار
‏غير بس إنها تخلّص .. هذا عذروبها "

‏"وكان تذكرني مع الخلوه ثواني
‏أنت في بالي شهر شوّال كلّه"

"لو ما تعلق صورتي وياك بجدار السنين
يكفيني إنك محتفظ فيها عشان تشوفها"

شايفٍ في عيونك الثنتين ترحالي وحلّي 💓

و إذا الله اشاء وعاد حنا من الحييّن
علي الحرام اني لا أعايدك بضحييييه

"على شباك بالي هبت الذكرى وانا اللي كل
ما مالت للحنين أغصان طيفك ..طار نسياني

تذكرتك وانا أغني "ابا اركض فالمطر وابتل"
ياليته لا غسل وجه الشوارع يغسل أحزاني

وناديتك وأنا عيني تغورق والكلام يهلّ
وكلام عيوني اللي فالغياب أصدق من لساني

ياكثرك داخلي — وأخاف لو طال الغياب تقلّ
وأخاف ألقى بعدك اللي يبيني ويتمناني

ياليتك جيتني قبل الشعور من الشعور يملّ
ومعك باقي العمر — كل العمر يمديك تنساني

تعبت أهرب من الذكرى ومثلك ذكرياته ظل
لو أن الأرض تركض تحت رجلي ماتعداني

غريب أكثر من إني عايش بغربة وفاقد خل
وحيد أكثر من إني في زحام الناس وحداني

أشوف إن المفارق مشكله .. وانته تشوفه حل
مثل ما الحب اشوف إنه غني .. وتشوفه أغاني

تمر أحلى مواعيدي معك مثل العمر وتزل
وأخاف إنك تجي في موعد وماعاد تلقاني

بكيت بيوم توديعك — ما زاد من الدموع ودل
يا ليته ما يجيك اللي بيوم فراقنا جاني

وابا أبكي لو يقولون إن دمع الرجل عيب وذل
أنا أحس إني — ليا من بكيتك يرتفع شاني"
— عبدالله مدعج

"وأنت ترفٍ ما يلد العين فـ أصحاب المعالي"

" قلبي ولو مرت عليه الليالي / به صبح عيّا ينتهي من عرفتك "

هذي مداهيلك ودارك ومرباك
ايامك الحلوه وامانيك فيها

امرّها في كل فتره ولولاك !
والله العظيم انّي ما اوقّف عليها

فجّر صدري حَنيني وأتعب الأقدام درهامي*

لاتودد لي ولا ترجي غرامي
‏من لذيذ الحب تربكني السعاده

‏ماعطيت المقبلين من اهتمامي
‏ولا خذيت من الحظوظ الا القراده

‏في حمى الايام جالس لي حرامي
‏يخطف من العمر هاديه ووداده

‏لا يغرك ضحكي وصافي كلامي
‏لي مزاجٍ ماعرف وش هو قناده

‏ان رضيت ارسلت للعالم سلامي
‏وان غضبت ارخيت راسي للوساده

وكن سرعة الساعات لاجيت " سرعة برق "
‏معاك السوالف لو طويلات ما تنمّل ،

‏تشابهت أنا ويّاك والفرق ؟ مامن فرق
‏" أنا من عرفتك وأنت طيّب ومتجمّل "

‏جعل دارٍ ضمت خطاك تسقيها المزون
‏جعلها من صادق الغيث - شق ٍ من سما

‏نورك على رزنامة أيامي السود
‏طاغي لو ستار الحياه يتسدّل*

"‏يا شباب المهتوي و أيام طيشه"

‏ما نسيتك يا حلو كلا وحاشا
‏يا محسسني بلذات المعيشه

‏يا شموخ محمد إبراهيم باشا
‏ويانسانيس الشمال وتمر بيشه

من اللب وين اللي يدوّر كلام اللب
بدا ينكشف وجه الحقيقه شوي.. شوي

يدور الزمان وفيه كاره وفيه محب
مثل ما حصل لين اصبح الوضع كله سي

مفاهيم بعض الناس ماعاد فيها طب
‏شف اللي ضميره مات ياللي ضميرك حي

‏( تهاون خطا حسادك اللي تسبك سب
‏ ليا سبك اللي مابعد جاه منك شي )