အစ္စရေးရဲ့ မော့ဆတ်အေးဂျင့်မလေး အီရန်ရဲ့ တီဟီရန်မြို့ထဲမှာ နျူကလီယားဖျက်သိမ်းဖို့ လျှို့ဝှက်မစ်ရှင်ပေးလိုက်သောအခါ...

နည်းပညာဆန်ဆန်ဇာတ်လမ်းတွေဆို သဘောကျနှစ်ခြိုက်တဲ့ ပရိတ်သတ်တွေအတွက် ကြည့်သင့်တဲ့ နည်းပညာအေးဂျင့် လျှို့ဝှက်သည်းဖိုဇာတ်လမ်းတွဲပါ

အဓိကဇာတ်ကောင်ဖြစ်တဲ့ တာမာဟာ အီရန်မှာမွေးဖွားခဲ့ပေမယ့် အစ္စရေးမှာ ကြီးပြင်းခဲ့သူပါ

သူမရဲ့ စွမ်းဆောင်ရည်က ကွန်ပျူတာဟက်ကင်းပိုင်းမှာ ကျွမ်းကျင်တာပါပဲ

တနေ့မှာတော့ သူမရဲ့ဌာနက သူမကို အရေးကြီးမစစ်ရှင်တခု တာဝန်ပေးခဲ့ပါတယ်

သူမရဲ့မစ်ရှင်ကတော့ အီရန်နိုင်ငံရဲ့ အဏုမြူဒြပ်ပေါင်းဖိုကို ပိတ်ချပစ်ဖို့အတွက် လိုအပ်တဲ့အချက်အလက်တွေကို ခိုးယူပြီး ဌာနချုပ်ကို ပို့ပေးဖို့ပါ

အရေးကြီးမစ်ရှင်ဖြစ်တာကြောင့် အစ္စရေးကနေ အီရန်ကို သွားတဲ့အချိန်က စပြီး အီရန်မှာ သတင်းအချက်အလက်ခိုးယူဖို့ လျှပ်စစ်ကုမ္ပဏီကိုပါ ဝင်ဖို့အထိပါ အသေးစိတ်စီမံထားပေမယ့်လဲ မထင်မှတ်ထားတဲ့အခြေအနေတွေဖြစ်ပေါ်လာပြီး ခက်ခဲသွားခဲ့ပါတယ်

ဇာတ်အိမ်တခုလုံးကို အသေးစိတ်တည်ဆောက်ထားပြီး အစ္စရေးနဲ့ အီရန်ကြားက တင်းမာမှု့တွေ နိုင်ငံရေးလှည့်ကွက်တွေအပြင် အမျိုးသမီးအေးဂျင့်တယောက်ရဲ့ စွမ်းဆောင်ရည်နဲ့ သတ္တိကိုပါ ချပြထားတဲ့ စီးရီးကောင်းတပုဒ်ဖြစ်တာကြောင့် ကြည့်ဖြစ်အောင်ကြည့်ဖို့ ညွှန်းပါရစေ...

အညွှန်းကိုတော့ YK မှ ရေးသားပေးထားပြီး YK, Thet Hnin Hsu, Dolly နဲ့ Van Sui Par တို့မှ ဘာသာပြန်ပေးထားပါတယ်

The Raid ရဲ့ မင်းသား Iko uwais ဦးဆောင်ထားတဲ့ Wu Assassin ဆိုတဲ့ ဇာတ်ကားလေးနဲ့ မိတ်ဆက်ပေးပါ စေ။အက်ရှင်အကြမ်းစားတွေကြိုက်တဲ့ ဘော်ဒါတွေအတွက်တော့ ကြည့်ကောင်းမယ့်စီးရီးဖြစ်ပါတယ်

ဆန်ဖရန်စစ်စကို ရဲ့ တရုတ်တန်းမှာ အုပ်ချုပ်နေတဲ့ ထရိုက်ရက်ဂုဏ်း ခေါင်းဆောင် ဦးလေးခြောက် ရဲ့ မွေးစားသား ခိုင်ဂျင်း ကလူမိုက်လေကထဲမှာ မနေချင်ပါ ဘူး။

ဒါပေမဲ့ သဘာဝလေကကြီးရဲ့ ဟန်ချက်ကို ထိန်းညှိဖို့ အတွက် ဝူ လို့ခေါ်တဲ့မီး ရေ မြေကြီး သစ်သား သတ္ထု စတဲ့ ဓာတ်တွေရဲ့ အရှင်သခင်တွေကိုမကောင်းမှုလုပ်ခြင်းမှ တားဖို့ ဝူ သုတ်သင်သူ အဖြစ် ခိုင်ဂျင်း ကိုရွေးချယ် လိုက်ပါတယ်။

ကိုယ်ခံပညာနဲ့ချတဲ့ အက်ရှင်ကားတွေ ကြိုက်တဲ့ ပရိတ် သတ်တွေအတွက်အက်ရှင်ခန်းတွေ အများကြီးပါတဲ့ Wu Assassin ဇာတ်လမ်းတွဲကို ကြည့်ကြည့်ဖို့ တိုက်တွန်းပါရစေ

ဒဏ္ဍာရီထဲက ပင်လယ်ဓားပြဖြစ်တဲ့ ဆန်ဒိုကန်ကို ပြန်လည်အသက်သွင်းထားတဲ့ ဒီစီးရီးဟာ ချစ်ခြင်းကိုရှာဖွေရင်း စွန့်စားခန်းတွေထွက်ရင်းနဲ့ ကိုလိုနီနယ်ချဲ့တွေရဲ့အာဏာကို တွန်းလှန်တိုက်ခိုက်တဲ့ ပင်လယ်ဓားပြဇာတ်လမ်းဖြစ်ပါတယ်။

ငွေကြေးတော်တော်ကို အကုန်အကျခံရိုက်ထားတာကလည်း ဒီဇာတ်လမ်းကို တစ်ဖက်ကနေ အားဖြည့်ပေးထားပါတယ်။ ရိုက်ကွင်းတွေဆိုရင်လည်း
တကယ့်နေရာအစစ်တွေမှာ သွားရိုက်တယ်၊ ဝတ်စုံတွေဆိုလည်း
ဝိတိုရိယခေတ်ရဲ့ဝတ်စုံတွေအတိုင်း ရိုက်ကူးတယ်။

အဲဒီအပြင် လက်ရှိခေတ်ရဲ့ CGI ကောင်းကောင်းနဲ့ ဇာတ်အိမ်ခိုင်ခိုင်အပြင် ခမ်းနားတဲ့ရှုခင်းတွေပါ
ပေါင်းလိုက်တော့ တော်တော်ကိုရုပ်လုံးကြွလာတဲ့စီးရီးတစ်ခုဖြစ်လာတယ်။
 
အဓိကဇာတ်ကောင် ဆန်ဒိုကန်က ပင်လယ်ဓားပြ ဒါပေမဲ့ သူက
တော်ကီကြွယ်တယ်၊ သတ္တိကောင်းတယ် ပြီးတော့ တိုက်ရည်ခိုက်ရည်ကလည်းကောင်းတယ်။

မင်းသမီးဖြစ်တဲ့ မာရီအန်းက ကောင်စစ်ဝန်ရဲ့သမီး ခပ်သွက်သွက်ကလေး။

အိမ်ကိုလာကြောင်းလမ်းတဲ့သူတွေဆို အထူးလက်ဖက်ရည်တိုက်တယ်။
တခြားတော့ မဟုတ်ဘူး တောထဲကနေ ဖမ်းလာတဲ့ပင့်ကူကို လက်ဖက်ရည်ခွက်အောက်မှာ ထည့်ပေးလိုက်တာ။ အဲဒါကြောင့်ပဲ အကုန်လစ်ပြေးကုန်ကြတာများတယ်။

ဆန်ဒိုကန်က ပင်လယ်ဓားပြ ဇာတ်လမ်းစစချင်းမှာတင် မာရီအန်းရဲ့အဖေ ကောင်စစ်ဝန်ဆီကို မလေးရှားကနေ ရွက်လွှင့်လာတဲ့ သင်္ဘောကို ဓားပြတိုက်ထားတယ်။

အဖေက ကောင်စစ်ဝန် သူနဲ့ဇာတ်လမ်းဖြစ်လာမဲ့သူက ပင်လယ်ဓားပြ ဒီမှာတင်
လွန်ဆွဲပွဲက မြင်ရတော့မယ်။

မာရီအန်းကလည်း စလာကတည်းက တောထဲမှာ တောလည်ထွက်နေတာကို ပြထားတော့ သူကလည်း ခေသူမဟုတ်။

ဇာတ်ပို့ဇာတ်ကောင်တွေကလည်း တော်တော်လေးကို သူ့နေရာနဲ့သူ သရုပ်ဆောင်ကောင်း လုပ်ကွက်ရကြတယ်။ မင်းသားနဲ့မင်းသမီးအတွက် လိုက်ကူညီနေရတဲ့ဇာတ်ကောင်တွေမဟုတ်ကြဘူး။

ဝိတိုရိယခေတ်မှာလို သမီးတွေဆို အိမ်ထောင်ချပေးမှသင့်တော်မဲ့အတွေးမျိုးတွေရှိတဲ့အချိန်မှာ မာရီအန်းဇာတ်ကောင်က ခေတ်ဆန်နေတော့ ဝေဖန်ရေးဆရာတွေကြားမှာ အသံထွက်တာတွေရှိပေမဲ့ ဇာတ်လမ်းနဲ့ကိုက်ညီအောင်ရေးထားတော့ တော်တော်လေးကြည့်လို့ကောင်းတယ်လို့ညွှန်းပါရစေ။

သြော် ဒါနဲ့ မင်းသားရော မင်းသမီးရောက တော်တော်ကိုချောကြတယ်။