American Pie ဇာတ်ကားတွေဆိုတာနဲ့ အူတက်အောင် ရယ်နေရတဲ့ ကျောင်းသားဟာသ အခွီကားတွေမှန်း သိကြမှာပါ။ဒါပေမယ့် အဲ့လိုဟာသက်သက် အပြောင်အပျက်ဇာတ်ကားတွေမဟုတ်ဘဲ သူ့မှာ တခြားအဓိပ္ပါယ်ရှိတဲ့ ချစ်ခြင်းမေတ္တာ နွေးထွေးမှုတွေအကြောင်း အများကြီးပါဝင်နေပါတယ်။

ဒါကို ရှင်းပြဖို့ဆို American Pie ဇာတ်ကားတွေကို အပိုင်း (၂)ပိုင်းနဲ့ ရှင်းပြဖို့လိုပါတယ်။

American Pie ရဲ့ Original မူလဇာတ်ကြောင်းက ဇာတ်ကား (၄) ကားပဲရှိတယ်။

– American Pie (1999)
– American Pie 2 (2001)
– American Wedding (2003)
– American Reunion (2012)

ဒီရုပ်ရှင်ကား ၄ ကားသာလျင် သရုပ်ဆောင်တွေရော ဇာတ်လမ်းရောက တဆက်တည်းဖြစ်ပါတယ်။လူငယ်သဘာဝ လူပျိုဖော်ဝင်စ အပျိုဖော်ဝင်စ ပြသနာတွေနဲ့ ကျောင်းသားဟာသတွေကို အစပြုထားပြီးတော့
သူငယ်ချင်းတွေကြားက ခင်မင်မှုတွေ၊ ချစ်သူတွေကြားက ကြင်နာယုယမှုတွေ၊ မိသားစုတွေကြားက နွေးထွေးတဲ့မေတ္တာတွေကို အဓိကထားတင်ဆက်ထားတာမလို့ ရယ်လဲရယ်နေရသလို နွေးထွေးတဲ့ ချစ်ခြင်းမေတ္တာတွေအကြောင်းကိုလဲ ခံစားမိစေမှာပါ။

ဒီရုပ်ရှင်ကား ၄ ကားစလုံးရဲ့ ကုန်ကျစရိတ်က Budget $147 million ခန့်သာရှိခဲ့ပေမယ့် ရုံတင်ဝင်ငွေ Box office $989.5 million ပြန်ရတဲ့ထိ အောင်မြင်ခဲ့ပြီး Rating တွေလဲ ထိုက်သင့်သလောက်ကောင်းမွန်ခဲ့သလို ဝေဖန်ရေးဆရာတွေလဲ အကြိုက်တွေ့ခဲ့ကြတဲ့ ဇာတ်ကားတွေဖြစ်ပါတယ်။

နောက်တပိုင်းကတော့ American Pie ရဲ့ Spin-off ဇာတ်ကားတွေဖြစ်တဲ့ American Pie Presents ဇာတ်ကားတွေပါ။

– American Pie Presents: Band Camp (2005)

– American Pie Presents: The Naked Mile (2006)

– American Pie Presents: Beta House (2007)

– American Pie Presents: The Book of Love (2009)

– American Pie Presents: Girls’ Rules (2020)

ဒီ American Pie Presents ဇာတ်ကားတွေကတော့ ဇာတ်လမ်းတွေ ဆက်စပ်မှုသိပ်မရှိတော့ဘဲ ဆယ်ကျော်သက် ပါတီတွေ၊ နောက်ပြောင်မှုတွေ၊ လိင်မှုဆိုင်ရာ ဟာသတွေကိုသာ အသားပေး တင်ဆက်ထားပါတယ်။

မူလဇာတ်ကြောင်းထဲက Jim ရဲ့ အဖေဖြစ်သူနဲ့ Stifler ရဲ့မိသားစုကိုသာ အခြေခံထားပြီး Stifler ရဲ့ညီဝမ်းကွဲတွေက အဓိကဇာတ်ကောင်အဖြစ်ပါဝင်သွားပါတယ်။ဒီ American Pie Presents ဇာတ်ကားတွေကတော့ direct-to-video(DVD)လိုအဖြစ်သာ ရိုက်ကူးထားတာဖြစ်လို့
Rating တွေလဲ သိပ်မကောင်းခဲ့ဘဲ ကျောင်းသားဟာသဇာတ်ကားတွေအဖြစ်သာ ကြည့်ရှုကြရမှာဖြစ်ပါတယ်။

American Pie (1999)IMDb Rating (7.0) ဒီကားကတော့ American Pie ဇာတ်လမ်းတွေရဲ့ ပထမဆုံးရုပ်ရှင်ကားဖြစ်ပြီး အရယ်ရဆုံးနဲ့ အကြိုက်ဆုံးဇာတ်ကားဖြစ်ပါတယ်။

အထက်တန်းကျောင်းပြီးတော့မယ့် ကျောင်းသားအုပ်စုတစု ကောလိပ်မရောက်ခင် ကျောင်းနှုတ်ဆက်ပါတီမှာတင် လူပျိုဘဝကိုစွန့်လွှတ်နိုင်ရမယ်ဆိုတဲ့ သံဓိဌာန်တွေချပြီး ချစ်သူရည်းစားအသီးသီးရှာကြပါတယ်။

ရည်းစားလဲမထားဖူး မိန်းကလေးတွေကို စကားတောင် ရဲရဲမပြောရဲသူဆိုပေမယ့် လုပ်ချင်တာလဲအလွန်ဖြစ်နေသူ ဝင်းနုသမားလေး Jim

ရည်းစားတော့ရှိပေမယ့် ခရီးအဆုံးထိမသွားဖူးလို့ အချိန်ကောင်းကိုစောင့်ဆိုင်းနေတဲ့ BJ သမားလေး Kevin

ရှိတဲ့ရည်းစားကို စောင်တလွဲတွေသွားပြောမိလို့ ဖြတ်ခံလိုက်ရပြီး လူမသိသူမသိ ကောင်မလေးကိုထပ်ကြိုးစားမယ့် ကဗျာသမားလေး Oz

လူနားမလည်တဲ့စကားတွေပြောလို့ အရင်က ဘယ်ကောင်မလေးမှစိတ်မဝင်စားပေမယ့် ဘယ်ကမှန်းမသိတဲ့ သတင်းတခုကြောင့် ကောင်မလေးတွေကြား ရေပန်းစားလာတဲ့ Finch

တွေ့သမျှချောက်တွန်း ရှိသမျှချကျွေး ကြုံသမျှဆော်တဲ့ သဘောကောင်းလူမိုက်ကြီး Stifler...

ဒီလို တကယ့်ကောင်တွေစုထားတဲ့ သူငယ်ချင်းအုပ်စုလိုက်ကြီး သူတို့ရည်မှန်းထားသလို ဖြစ်လာနိုင်ပါ့မလား
ဘယ်လိုတွေအလွဲလွဲအချော်ချော်နဲ့ ခွီနေကြရမလဲဆိုတာ…….။

ဘာဆင်ဆာမှမဖြတ်ထားတဲ့ Unrated Version ကို တင်ဆက်ထားပြီး
CM အနေနဲ့ မြန်မာစာတန်းထိုးကိုလဲ ယခင်ကထက်ပိုမိုကောင်းမွန်အောင် ပြင်ဆင်ပေးထားပါတယ်။

(American Pie ဇာတ်ကားတွေက အဖော်အချွတ်ခန်းတွေနဲ့ အပြောအဆိုတချို့ကြောင့် R-Rated အဆင့်ဖြစ်ပြီး မိသားစုနဲ့ကြည့်လို့မရပါဘူး။)

သေသွားတာ နှစ်တွေနဲ့ချီကြာပြီဖြစ်တဲ့ လူတချို့ဟာ အသက်ပြန်ရှင် လာပြီး သူတို့သေသွားတာကိုမမှတ်မိဘဲနဲ့ ပုံမှန်အတိုင်းပဲ အသွေးနဲ့အသားနဲ့ တကယ့်သာမန်လူအတိုင်း ကိုယ့် အိမ်ကိုယ်ပြန်ရောက်လာကြပါတယ်။

ကျောင်းကား မတော်တဆဖြစ်ပြီး သေသွားတဲ့ ကာမီလ်၊ လက်ထပ်မဲ့နေ့မှာ သေသွားခဲ့ရတဲ့ ဆီမွန်၊ ဖောက်ထွင်း သူခိုးတွေသတ်တာခံခဲ့ရတဲ့ ကလေးလေး ဗစ်တာ၊ ပြီး တော့ ကွင်းဆက်လူသတ်သမားဖြစ်သူ ဆာ့ခ်ျ….စ သဖြင့် ပြန်ရှင်လာခဲ့ကြပါတယ်။

ပြန်ရှင်လာသူတိုင်းက အသက်ထပ်ကြီးသွားခြင်းမရှိဘဲ သေသွားစဉ်ကအတိုင်း ရှိနေတာဖြစ်ပြီး သူတို့ပြန် ရောက်လာတာနဲ့အတူ မြို့နေလူထုတွေရဲ့ ဘဝနေထိုင်မှု အပေါ် ဘယ်လိုရိုက်ခတ်မှုရှိလာမလဲဆိုတာ ဇာတ်ရှိန်ငြိမ် ໑ Mystery/Horror/Drama ဇာတ်လမ်းကောင်းတစ်ခုဖြစ်ပါတယ်။

365 Days ဇာတ်လမ်းမျိုးကြိုက်သူများအတွက် အလောင်တလိုင်း ဇာတ်လမ်းတွဲလေး လာပါပြီ...Lockdown ကာလမှာ Romance ခင်းမယ်ကြံတုန်း Thriller ဖြစ်သွားတဲ့ ဇာတ်လမ်းမျိုး ကြိုက်တဲ့သူတွေအတွက် စီးရီးအသစ်စက်စက် လာပါပြီ။

Erotic thriller ဘက်ကိုသွားထားပြီး vibe ကတော့ 365 days လိုပုံစံမျိုးသွားထားပါတယ်။

ဒီစီးရီးကတော့ နာမည်ကျော် Best Seller ဝတ္ထု "56 Days" ကို ပြန်လည်ရိုက်ကူးထားတာဖြစ်ပြီး "Gone Girl" တိုလိုမျိုး လျှို့ဝှက်ချက်တွေ၊ လိမ်ညာမှုတွေနဲ့ တည်ဆောက်ထားတဲ့ Psychological Thriller အမျိုးအစားပါ။

ဇာတ်လမ်းကတော့...
ကိုဗစ်ကာလ Lockdown မချခင်လေးမှာ စီအာရာနဲ့ အိုလီဗာဆိုတဲ့ လူငယ်နှစ်ယောက် စူပါမားကတ်မှာ မတော်တဆ ဆုံတွေ့ရာကနေ စပါတယ်။
မြင်မြင်ချင်း love spark ပွင့်သွားကြတဲ့ သူတိုနှစ်ယောက်ဟာ Lockdown ကျသွားရင် မတွေ့ရမှာစိုးလို့ဆိုပြီး လူချင်းသိတာ ရက်ပိုင်းပဲရှိသေးပေမဲ့ စီအာရာ့ တိုက်ခန်းမှာ အတူတူနေဖို့ ဆုံးဖြတ်လိုက်ကြပါတယ်။
အစပိုင်းမှာတော့ အရာရာဟာ Romantic ဆန်ပြီး ပျော်စရာကောင်းနေခဲ့ပေမဲ့...

ရက်ပေါင်း (၅၆) ရက်အကြာမှာတော့ အဲဒီတိုက်ခန်းထဲမှာ ပုပ်ပွနေတဲ့ အလောင်းတစ်ခုကို ရဲတွေ တွေ့ရှိလိုက်ရတဲ့အခါ...

ဒီ (၅၆) ရက်အတွင်းမှာ သူတိုနှစ်ယောက်ကြား ဘာတွေဖြစ်ခဲ့လဲ။ သေဆုံးသွားတာက ဘယ်သူလဲ။ သတ်လိုက်တာကရော ဘယ်သူလဲ။

အခန်းကျဉ်းကျဉ်းလေးထဲမှာ နှစ်ယောက်တည်းရှိနေချိန် ကိုယ့်ချစ်သူက လူသတ်သမားဖြစ်နေနိုင်တယ်ဆိုတဲ့ Claustrophobic vibe ကို အပြည့်အဝပေးနိုင်မယ့် ဇာတ်ကားမို့ အခုပဲ ဒေါင်းကြည့်လိုက်ကြပါဦး။