“အရင်နှစ်နွေရာသီက ဆိုးဝါးတဲ့ဖြစ်ရပ်တစ်ခု ဖြစ်ခဲ့တယ် ကျွန်မကို ဘယ်အရာ ဒါမှမဟုတ် ဘယ်သူကထိခိုက်နာကျင်စေလဲဆိုတာကို မမှတ်မိဘူး

ကျွန်မမိသားစုထဲက ဘယ်သူကမှလည်း ပြန်မပြောပြကြဘူး သူတို့က ကျွန်မနဲ့စကားပြောချင်စိတ်တောင် ရှိကြရဲ့လား မသိဘူး….

အမှန်တရားကြောင့် ကျွန်မစိတ်ထိခိုက်သွားမှာကို သူတို့စိုးထိတ်ကြတယ်ထင်တယ် မဟုတ်လည်း အဲဒါက သူတို့ကိုအရင်ထိခိုက်စေမှာကို စိုးရိမ်ပုံပဲ ကိုယ့်ကိုသေအောင်လို့ဆိုပြီး ပစ်ထားခံလိုက်ရတဲ့အခါ သိချင်စိတ်ဖြစ်လာမိတာ ပုံမှန်ပါပဲ….ကျွန်မအဖြစ်ကို သိအောင်လုပ်ဖို့ စိတ်ဆုံးဖြတ်လိုက်ပြီ….”

ဒီလိုစကားလေးနဲ့ ဇာတ်လမ်းကို အစချီထားပြီး ဇာတ်လိုက်မင်းသမီးက ကမ်းခြေတစ်ခုမှာ ဒဏ်ရာတွေနဲ့ လဲကျနေတာကို အရင်ဆုံး မြင်တွေ့ရမှာပါ။

အမေရိကန်တော်ဝင်မိသားစုလို့တောင် ခေါ်ထိုက်တဲ့ စင်ကလဲမိသားစုဟာ နွေရာသီတိုင်း သူတို့ရဲ့ ကိုယ်ပိုင်ကျွန်းဖြစ်တဲ့ ဘိချ်ဝုဒ်ကျွန်းကြီးပေါ်မှာ မိသားစုစုံစုံလင်လင်နဲ့ အားလုံးအတူတကွ ပျော်ပျော်ပါးပါး အချိန်ဖြုန်းလေ့ရှိကြပါတယ်တဲ့။

ဟယ်ရစ်စင်ကလဲဆိုတဲ့ ချမ်းသာပြီး ဩဇာအာဏာလည်းရှိသူ စီးပွားရေးလုပ်ငန်းရှင်ကြီးမှာ သမီး သုံးယောက်ရှိတယ် – ကယ်ရီ၊ ပန်နီနဲ့ ဘက်စ်တဲ့။

သမီး ၃ယောက်က အိမ်ထောင်ကိုယ်စီကျပြီး ကလေးတွေ ထပ်ရှိလာတော့ ကေဒန့်စ်၊ ဂျော်နီနဲ့ မီရန်… သူတို့အောက်မှာ အငယ်တွေထပ်ရှိသေးတယ်။ ဒါပေမဲ့ ကေဒန့်စ်တို့သုံးယောက်က ဇာတ်လိုက်ပေါ့။

တစ်နှစ်တစ်ခါ ကျွန်းပေါ်ရောက်တိုင်း ဆူမရ ဆဲမရနဲ့ အော်ကြောလန် အမွှေစိန်တွေကို နာမည်ပေးထားကြတယ်။ လူလိမ်လေးများတဲ့။

သူတို့အဖွဲ့မှာ စင်ကလဲမိသားစုဝင်မဟုတ်တဲ့ ဂက်ဆိုတဲ့ အိန္ဒိယနွယ်ဖွား ကောင်လေးတစ်ယောက်လည်းပါတယ်။ ဇာတ်လိုက်မင်းသမီး ကေဒန့်စ်အတွက် ကံဆိုးမိုးမှောင်ကျတဲ့ နွေရာသီက သူတို့လေးတွေအားလုံး အသက် ၁၆နှစ်ပြည့်တဲ့ နွေရာသီမှာပေါ့။

ဘယ်နေရာမှာ ဘယ်လိုတွေမှားယွင်းခဲ့ကြပြီး ထိခိုက်အနာတရတွေ ဖြစ်ရတဲ့အထိ ဘာတွေဖြစ်ခဲ့ကြလဲဆိုတာကို ကေဒန့်စ်က ပြန်သတိရလာအောင်လုပ်မယ့်ခရီးစဉ်ကို အတူလိုက်ပါစီးမျောပြီး ကြည့်ရှုရမယ့် Psychological Thriller အမျိုးအစားဖြစ်ပါတယ်

စာဂျပိုးတော်တော်များများက အေးအေးဆေးဆေးလေးနဲ့ Feel သမားတွေလို့ပဲထင်နေရင်တော့ မှားပါလိမ့်မယ်...Genius တယောက်က psychopath ဖြစ်နေတဲ့အခါမှာတော့...

အချစ်အတွက်ဆိုရင် ပရိတ်သပ်ကြီးတို့ ဘယ်လောက်အထိ လုပ်ရဲသလဲ..ချစ်ရတဲ့သူကောင်းစားဖို့.. ချစ်ရတဲ့သူ ဘဝမှာအဆင်ပြေစေဖို့ အရာရာလုပ်ရဲပါတယ်လို့ ဆိုရဲပါသလား..

Netflix ရဲ့ Masterpice ဂန္ဓဝင်လက်ရာတခုဖြစ်တဲ့ "You" ဆိုတဲ့ စီးရီးကောင်းတခုနဲ့ မိတ်ဆက်ပေးချင်ပါတယ်

စာအုပ်ဆိုင်လေးတဆိုင်က မန်နေဂျာလေး Joe Goldbergတစ်ယောက် တရက်မှာ စာအုပ်လာဝယ်တဲ့ စာရေးဆရာမလက်သစ်လေး Gunivere Beck ကို တွေ့ပြီး မြင်မြင်ချင်း ချစ်မိသွားတဲ့အခါ...

အချစ်နဲ့နီးစပ်ရဖို့ ဘာမဆိုလုပ်မယ်ဆိုတဲ့ ဂျိုး ဟာ တကယ့်ကို ဘာမဆိုလုပ်ရင်းနဲ့ Beck ဘဝထဲက သူမအတွက် မကောင်းတဲ့သူငယ်ချင်းတွေ မကောင်းတဲ့ရည်းစားတွေကို သူ့နည်းလမ်းနဲ့ ကိုင်တွယ်ဖို့ ဆုံးဖြတ်လိုက်တဲ့အခါ...

စာဂျပိုးတော်တော်များများက အေးအေးဆေးဆေးလေးနဲ့ Feel သမားတွေလို့ပဲ တွေးထင်ထားတာပါ ဒီဇာတ်ကောင်နဲ့တွေ့မှပဲ အဲဒီအမြင်တွေအားလုံး ဆန့်ကျင်ဘက်ဖြစ်ကုန်တော့တာပါပဲ

Genius တယောက်က psychopath ဖြစ်နေတဲ့အခါမှာတော့...

ကိုယ်တိုင်ကတော့ Elizabeth Lail ရဲ့အပြုံးကို ငေးနေရတာနဲ့တင် ဒီစီးရီးက တန်နေပါပြီ😊

Penn Badgley လို ခန့်ချောကြီးက Joe အဖြစ် သရုပ်ဆောင်ထားပါတယ်...Thriller ဖြစ်သလို Romance လဲ ဖြစ်ပါတယ်

လိင်ပိုင်းဆိုင်ရာပြကွက်တွေနဲ့ ကြမ်းတမ်းတဲ့စကားလုံးတွေ သွေးထွက်သံယို ပြကွက်တွေ ပါဝင်နေတဲ့အတွက် ၁၈နှစ်အောက်အရွယ်တွေ ကြည့်ရှု့ဖို့ မသင့်လျော်ပါဘူး...

အထူးသတိပေးလိုတာကတော့ မိသားစုနဲ့အတူလုံးဝမကြည့်သင့်သလို အပိုင်း ၁ စလို့ အစမိနစ်လေးကို အစမ်းသဘောအနေနဲ့ ယောင်လို့တောင် လူကြားထဲမဖွင့်မိပါစေနဲ့လို့ ပြောကြားလိုပါတယ်…

ဒီလိုပြောလိုက်လို့  ဓာတ်ဆီတစ်ဂါလံ ၃ကားရတဲ့ Adult စီးရီးလို့မထင်လိုက်ပါနဲ့...နာမည်ကြီး Cast တွေသုံးထားတဲ့အပြင် ဇာတ်လမ်းသွားလည်းတကယ်ကိုကောင်းပါတယ်…)

ဆာကူရာဟီရာဂါဆိုတဲ့ အမျိုးသမီးတစ်ဦး မတော်တဆမှု တစ်ခုကြောင့် သူမရဲ့ အိပ်မက်ကို လက်လွှတ်ခဲ့ရတယ်။ သူမဟာ အိမ်ထောင်ကျသွားပြီး သူမရဲ့ခင်ပွန်းသည်က hair salon တွေကို ဦးစီးတယ်ပေါ့။

အင်မတန်းခမ်းနားထည်ဝါတဲ့ မိုးမြင့်အဆောက်အဦးရဲ့ ထိပ်ဆုံးအလွှာမှာနေတဲ့ လင်မယား၂ဦး။ အမျိုးသမီးတိုင်းဟာ သူမကို အားကျရတယ်။ ဒါပေမယ့် သူမရဲ့ ခင်ပွန်းက အိမ်ထောင်ရေး ပေါ်တင်ဖောက်ပြန်နေပြီး သူမကို အိမ်တွင်းအကြမ်းဖက်တာမျိုးလုပ်တယ်။

တစ်နေ့မှာ ရွှေငါးလေးတစ်ကောင်ကိုအကြောင်းပြုပြီး သူမက အမျိုးသားငယ်လေးတစ်ဦးနဲ့ တွေ့ဆုံခဲ့တယ်…

အိမ်ထောင်ရှင်မ ဇနီးသည် ၆ဦးရဲ့ ကြုံတွေ့ရတဲ့ အိမ်ထောင်ရေးအခက်အခဲ ကာမဆက်ဆံရာမှာ ကြုံရတဲ့အခက်အခဲတွေကို ကွင်းကွင်းကွက်ကွက် ပြသပေးမှာပါ။

“ယောက်ျားတွေ ဖောက်ပြန်တာကျ ထုံးစံလိုဖြစ်နေပြီး မိန်းမတွေဖောက်ပြန်ရင်ကျ အပြစ်တစ်ခုလို သတ်မှတ်ကြတယ်” ဆိုတဲ့ အမြင်ကို ပြောင်းလဲသွားအောင်လုပ်တဲ့ ဇာတ်ကားလေးဖြစ်တာမို့ အရွယ်ရောက်ပြီး အမျိုးသား အမျိုးသမီးတို့ ကြည့်ဖို့ အထူးသင့်တော်ကြောင်းပြောကြားရင်း…

Istanbul မြို့မှာ ဖခင်ကို လုပ်ကျွေးပြုစုရင်း ဘ၀ကိုရိုးရှင်းစွာဖြတ်သန်းနေတဲ့လူငယ်လေးတစ်ယောက်ရှိတယ်...နေ့ရှိသမျှ ရှေးဟောင်းပစ္စည်းဆိုင်လေးမှာ ဈေးရောင်းလိုက် ဖခင်လိုအပ်တာလေးတွေကူညီလိုက်ပေါ့...

မြို့ကလည်း တိတ်ဆိတ်အေးချမ်းလို့၊ ဒီတိတ်ဆိတ်အေးချမ်းမှုတွေပြည့်နေတဲ့မြို့ဟာ တစ်နေ့တော့ ပျက်သုန်းရမယ့်အခြေအနေကိုရောက်လာတယ်

အဲ့ဒါကတော့ မိစ္ဆာစိတ်အပြည့်ရှိနေတဲ့ မသေမျိုး ၇ပါးထဲမှ နောက်ဆုံးလက်ကျန် ၁ပါးဟာ မြို့ကိုဖျက်ဆီးဖို့လုပ်နေခြင်းကြောင့်ပါ

ဒီလိုပျက်သုန်းမယ့်အရေးကိုကာကွယ်ဖို့ ဒီလူငယ်ဟာ ရသမျှကိုယ်စွမ်းဉာဏ်စွမ်းနဲ့ကြိုးစားပါတော့တယ်

မသေမျိုးဖြစ်နေတဲ့သူကို သာမာလူငယ်လေးတစ်ယောက်က ဘယ်လိုနှိမ်နှင်းမလဲ၊ ဘယ်လိုကြိုးစားမလဲဆိုတာကိုတော့...