Duy Beni : Hear Me (2022) တူရကီ Serie

IMDB 6.4

အီကင်နဲ့လေလာဆိုတဲ့ ကျောင်းသူလေးနှစ်ယောက်ဟာ သာမန် လက်လုပ်လက်စားမိဘတွေကနေ မွေးဖွားလာတဲ့ အရမ်းလည်းချစ်ကြတဲ့ သူငယ်ချင်းတွေပါ ....။

တနေ့ မူးပြီး အရှိန်လွန်မောင်းလာတဲ့ ပြိုင်ကားတစ်စီးကြောင့် လေလာဟာ အောက်ပိုင်းသေ သွားခဲ့ရပေမယ့် တရားခံဟာ မျက်နာဖုံးစွပ်ထားတဲ့ လူချမ်းသာ သားသမီးတစ်ယောက်ဖြစ်နေတဲ့အပြင် နာမည်ကြီးအထက်တန်းကျောင်းက ကျောင်းသားပါဖြစ်နေတော့ ပြစ်ဒဏ်ကို မခံရဘဲ
နစ်နာကြေးနဲ့သာ ကြေအေးဖို့ လူချမ်းသာမိသားစုကရော ကျောင်းဘက်ကပါ ဖိအားပေးပါတော့တယ်....

ကျောင်းဘက်ကနေ ဒီဖြစ်ရပ်ကို ဖုံးဖိချင်တဲ့အတွက် အီကင်နဲ့အတူ သူတို့ရပ်ကွက်ထဲက နောက်ထပ်ကျောင်းသူတစ်ယောက်ကိုပါ ပညာသင်ဆုပေးပြီး ကျောင်းဝင်ခွင့်ပေးလိုက်ပါတော့တယ်။အီကင်တို့က ပညာသင်ဆုကိုလက်ခံလိုက်ပေမဲ့ သူတို့ရဲ့ရည်ရွယ်ချက်က ပညာသင်ဖို့ထက် ကားနဲ့တိုက်ခဲ့တဲ့တရားခံကို ဖော်ထုတ်ဖို့သာ ဖြစ်နေပါတယ်။

အခွင့်ထူးခံကျောင်းသားတွေရဲ့ လွှမ်းမိုးမှုတွေ၊ အနိုင်ကျင့်မှုတွေ၊ လူ့အဆင့်အတန်းကွာဟမှုတွေနဲ့ လျှို့ဝှက်ချက်တွေပြည့်နေတဲ့ ဒီကျောင်းကြီးထဲမှာ အီကင်တို့တွေ အမှန်တရားကို ဖော်ထုတ်နိုင်ပါ့မလား ....

ဒါမှမဟုတ် နက်နဲတဲ့လျှို့ဝှက်ချက်တွေကြားမှာ ကိုယ့်ကိုယ်ကိုယ်ပျောက်ဆုံးသွားကြမလားဆိုတာကို စိတ်ဝင်စားဖွယ် ကြည့်ရှုရမဲ့ တူရကီစီးရီးတစ်ခုဖြစ်ပါတယ်....

....

စီးရီးချန်နယ်လင့်

https://t.me/ierrorse/2627?single

Love Story (2026) Serie

IMDB: 7.6

အမေရိကန်သမ္မတဟောင်း ဂျွန်ကနေဒီရဲ့သားနဲ့ Calvin Klein ကုမ္ပဏီက အရောင်းစာရေးမလေးရဲ့ ​ဖြစ်ရပ်မှန်အချစ်ဇာတ်လမ်း​ဖြစ်ပါတယ် ၂၀၂၆ ခုနှစ်ထွက်  Biographical Romance Anthology Television Series ကောင်းလေးတစ်ခုဖြစ်ပါတယ်။ ..၁၉၉၉ ခုနှစ်မှာဇာတ်အိမ်တည်ထားပြီး သမ္မတ John F. Kennedy ရဲ့ သားဖြစ်သူ John F. Kennedy Jr နဲ့ သူ့ရဲ့ ဇနီးသည် Carolyn Bessette တို့ရဲ့ အချစ်ဇာတ်လမ်းကို ရိုက်ကူးထားတာဖြစ်ပါတယ်။

ဇာတ်ညွှန်း
John F. Kennedy ဟာ ရှေ့နေစာမေးပွဲကို ၂ ခါဆက်ကျထားသူတစ်ယောက်ဖြစ်ပါတယ်။  သမ္မတရဲ့သားမလို့ ခေါင်းကြီးပိုင်းမှာ သူဘာလုပ်လုပ်ကို ပါနေခဲ့ပါတယ်။

စာမေးပွဲကျတော့ ပိုလို့တောင်ဆိုးပါသေးတယ်။ Carolyn ကတော့ Kelly Kelin နဲ့ Calvin Klein တို့ ပိုင်ဆိုင်တဲ့
Calvin Klein ကုမ္ပဏီမှာ အရောင်းစာရေး။

အရောင်းစာရေးဆိုပေမဲ့
သာမန် အရောင်းစာရေးမဟုတ်ပဲ VIP ဖောက်သည်တွေကိုပဲ အဓိကထား
ဆက်ဆံရတဲ့လူတစ်ယောက်ဖြစ်ပါတယ်။ကုမ္ပဏီကလည်း Calvin Klein ဆိုတော့ ခေတာမှမဟုတ်ပဲ။

ဒီလိုကနေ သမ္မတသားနဲ Calvin Klein က အရောင်းစာရေးတို့ရဲ့ အချစ်ဇာတ်လမ်းကဘယ်လိုဆက်ဖြစ်သွားမှာလဲဆိုတာကို ခံစားကြည့်လိုက်ကြရအောင်လား။

...

စီးရီးချန်နယ်လင့်

https://t.me/ierrorse/2683?single

Sandokan (2025) (တူရကီ)

IMDB: 7.0

တူရကီမင်းသား Can Yaman ရဲ့ ဒဏ္ဍာရီထဲက ပင်လယ်ဓားပြဖြစ်တဲ့ ဆန်ဒိုကန်ကို ပြန်လည်အသက်သွင်းထားတဲ့ ဒီစီးရီးဟာ ချစ်ခြင်းကိုရှာဖွေရင်း စွန့်စားခန်းတွေထွက်ရင်းနဲ့ ကိုလိုနီနယ်ချဲ့တွေရဲ့အာဏာကို တွန်းလှန်တိုက်ခိုက်တဲ့ ပင်လယ်ဓားပြဇာတ်လမ်းဖြစ်ပါတယ်။

ငွေကြေးတော်တော်ကို အကုန်အကျခံရိုက်ထားတာကလည်း ဒီဇာတ်လမ်းကို တစ်ဖက်ကနေ အားဖြည့်ပေးထားပါတယ်။ ရိုက်ကွင်းတွေဆိုရင်လည်း
တကယ့်နေရာအစစ်တွေမှာ သွားရိုက်တယ်၊ ဝတ်စုံတွေဆိုလည်း
ဝိတိုရိယခေတ်ရဲ့ဝတ်စုံတွေအတိုင်း ရိုက်ကူးတယ်။

အဲဒီအပြင် လက်ရှိခေတ်ရဲ့ CGI ကောင်းကောင်းနဲ့ ဇာတ်အိမ်ခိုင်ခိုင်အပြင် ခမ်းနားတဲ့ရှုခင်းတွေပါ
ပေါင်းလိုက်တော့ တော်တော်ကိုရုပ်လုံးကြွလာတဲ့စီးရီးတစ်ခုဖြစ်လာတယ်။
 
အဓိကဇာတ်ကောင် ဆန်ဒိုကန်က ပင်လယ်ဓားပြ ဒါပေမဲ့ သူက
တော်ကီကြွယ်တယ်၊ သတ္တိကောင်းတယ် ပြီးတော့ တိုက်ရည်ခိုက်ရည်ကလည်းကောင်းတယ်။

မင်းသမီးဖြစ်တဲ့ မာရီအန်းက ကောင်စစ်ဝန်ရဲ့သမီး ခပ်သွက်သွက်ကလေး။

အိမ်ကိုလာကြောင်းလမ်းတဲ့သူတွေဆို အထူးလက်ဖက်ရည်တိုက်တယ်။
တခြားတော့ မဟုတ်ဘူး တောထဲကနေ ဖမ်းလာတဲ့ပင့်ကူကို လက်ဖက်ရည်ခွက်အောက်မှာ ထည့်ပေးလိုက်တာ။ အဲဒါကြောင့်ပဲ အကုန်လစ်ပြေးကုန်ကြတာများတယ်။

ဆန်ဒိုကန်က ပင်လယ်ဓားပြ ဇာတ်လမ်းစစချင်းမှာတင် မာရီအန်းရဲ့အဖေ ကောင်စစ်ဝန်ဆီကို မလေးရှားကနေ ရွက်လွှင့်လာတဲ့ သင်္ဘောကို ဓားပြတိုက်ထားတယ်။

အဖေက ကောင်စစ်ဝန် သူနဲ့ဇာတ်လမ်းဖြစ်လာမဲ့သူက ပင်လယ်ဓားပြ ဒီမှာတင်
လွန်ဆွဲပွဲက မြင်ရတော့မယ်။

မာရီအန်းကလည်း စလာကတည်းက တောထဲမှာ တောလည်ထွက်နေတာကို ပြထားတော့ သူကလည်း ခေသူမဟုတ်။

ဇာတ်ပို့ဇာတ်ကောင်တွေကလည်း တော်တော်လေးကို သူ့နေရာနဲ့သူ သရုပ်ဆောင်ကောင်း လုပ်ကွက်ရကြတယ်။ မင်းသားနဲ့မင်းသမီးအတွက် လိုက်ကူညီနေရတဲ့ဇာတ်ကောင်တွေမဟုတ်ကြဘူး။

ဝိတိုရိယခေတ်မှာလို သမီးတွေဆို အိမ်ထောင်ချပေးမှသင့်တော်မဲ့အတွေးမျိုးတွေရှိတဲ့အချိန်မှာ မာရီအန်းဇာတ်ကောင်က ခေတ်ဆန်နေတော့ ဝေဖန်ရေးဆရာတွေကြားမှာ အသံထွက်တာတွေရှိပေမဲ့ ဇာတ်လမ်းနဲ့ကိုက်ညီအောင်ရေးထားတော့ တော်တော်လေးကြည့်လို့ကောင်းတယ်လို့ညွှန်းပါရစေ။

သြော် ဒါနဲ့ မင်းသားရော မင်းသမီးရောက တော်တော်ကိုချောကြတယ်။

.
စီးရီးချန်နယ်လင့်

https://t.me/ierrorse/2743?single