2-"A"sinf o‘quvchisi Oxunjonova E'zoza

2-"A"sinf o‘quvchisi Oxunjonova E'zoza

2-"A"sinf o‘quvchisi Arslonov Jasurbek

4-"A" sinf o'quvchisi Abdurasulova Feruza

🎉 Assalomu alaykum shijoatli , bilimga chanqoq maktabimiz o'quvchilari .

📚 Ushbu tanlov maktabimiz o'quvchilari kitob o'qishga bo'lgan qiziqishlarini oshirish maqsadida tashkil qilinmoqda

🔷 Ushbu tanlovda siz o'zbek va jahon adabiyotining sara asariga yoki o'zingiz sevib o'qigan kitobga #taqriz (kitobdan olgan xulosangiz) yozishingiz kerak bo'ladi.

😊 Tanlovda 1-11-sinf o'quvchilari ishtirok etish huquqiga egadirlar.

⭕️ Har bir taqrizida o'quvchi sinfi va ism-familiyasi yozilishi shart ❗️

‼️ 1-4-sinflar (ertak, hikoya)
‼️ 5-11-sinflar (qissa , roman , asar)

📩Ijodiy ishlaringizni @Asadova_Jasmina manziliga yuboring.

☝️ Boshlandi : 14.03.2021
⏰ Yakunlanadi: 19.03.2021

🛑 100 tadan ko'p ovoz to'plaganlar Sertifikatga ega bo'lishadi .

🔰 3 nafar g'olib 1-2-3-o'rinlar maktab rahbariyati tomonidan taqrizlar ma'nosiga , likelar soniga qarab aniqlanadi va DIPLOM ( kitob) bilan taqdirlanadi.

📚 @idumbuxara19 📚

#taqriz

📚 O'tkir Hoshimovning "Dunyoning ishlari" asarini to'lqinlanib o'qidim. Muallif asarining har bir so'zini qalbi larzaga kelib ko'zlari yoshga to'lib yozganligi har qanday muzlagan qalbni ham eritib yubora oladi . Farzandi uchun jonidan-da kechadigan , kuchli matonat egasi,oqko'ngil onaizor timsolida o'zbekning barcha onalari madh etiladi . Asarda o'g'ilning onasi haqidagi xotiralari tasviri kishining ma'naviy olamini yanada boyitadi , ona timsolida Vataniga sadoqatli bo'lish hissini uyg'otadi . Dunyoda hech bir chegarani tan olmaydigan va quyosh kabi muttasil nur sochib turadigan sehrli kuch bor . Bu—Ona mehri ! Alloh Onani shunday yaratgan!"
Aziz kitobxonlar ! Bu kitobni sizlarga ham o‘qishni taklif qilaman.

💫 7-"A"sinf o'quvchisi Sultonova Dilfuzabonu.

#taqriz

Alvido....bolalik
"Alvido....bolalik" Tohir Malikning ijodida alohida o'rin tutadi. Asardagi asosiy mavzu- hech kim jinoyatchi bo'lib tug'ilmaydi, bolani atrof-muhit, jamiyatdagi turli illatlar jinoyatchiga aylantiradi. Xususan, qissa qahramoni Asror ham shu ko'chaga bilib-bilmay kirib qolganlardan. Bo'lmasa, u iste'dodli o'quvchi bo'lsa. Bunday qiziqarli paradoks mazkur qissani qo'ldan qo'ymay o'qishga majbur etadi kitobxonni ham. Adib o'mirlar va yoshlarning jinoyat ko'chasiga kirib qolayotganiga befarq qarab turolmagan. Bolalar axloq tuzatish koloniyalaridagi bolalar..... Ozod, erkin yashab, o'qib, hunar o'rganadigan yoshdagi bolalar bu yerga qanday tushib qolishadi?! Nahot jinoyat olami ularga jozibali ko'rinsa?! Bu qissani yoshlar uchun bir ogohlantirish deb atash mumkin.

💫7-A sinf o'quvchisi Hakimova Ruxshona

#taqriz
📚📖"Ot kishnagan oqshom" _Tog‘ay Murod

Inson zoti borki, hayotdan doimo nimanidir axtaradi: kimdir boylik, kimdir baxt, yana kimdir adolat. Mana shu hayoti yo'lida qanchadan qancha to'siqlarga uchraydi. Asar qahramoni Ziyodulla chavandoz bu to'siqlarni Tarlon nomli oti bilan birgalikda yengib o‘tadi Kitobni o'qish mobaynida bu insonning beg'ubor soddaligi sizni ko‘p bor kulguga solsa, uning mana shu soddaligi tufayli vaqti kelib shunchalar achinasizki...
Ziyodulla og'ir qiyinchiliklarga duch kelganda, atrofidagi odamlar bu sodda insonni qo'llash o'rniga uni aybsiz aybdorga chiqarishadi. Bozorda bir musulmonni qutqaraman deb qamoqqa tushadi. Og'ir yillarda majburiy go‘shtga topshirish uchun qishloqdagi barchadan "Ko‘pga kelgan to‘y" deb qo‘y, sigir, otlarni olib ketishayotganda Tarlonni ulardan yashiradi va vaqti kelib Tarlon shunday yaxshilik qiladiki, uni uncha -muncha odam qilolmaydi. Bir oqshom oqko‘ngil, yuragi pok bir o‘zbek o‘g‘loni bo'lmish Ziyodullani aybsiz do‘pposlaydilar. Inson insonni jonini olmoqchi bo'lganda bor ma'suliyat hayvonga qoladi, odam odamni o'ldirayotganda, hayvon jonga oro kiradi...
Bu qissa oz bo'lishiga qaramasdan har qanday insonning qalbi tubidagi ezgulik, mehr-oqibat, insoniylik tuyg'ularini uyg'otishga, albatta, kuchi yetadi.Barcha do'stlarimga bu asarni o'qishni taklif qilardim


💫8-"M"sinf o'quvchisi:Asadova Zarina

#taqriz

📚 Bolalar adabiyoti yoshlarni imon-e'tiqodli kishilar qilib va vatanga muhabbat ruhida tarbiyalashda davrimizning qudratli qurolidir. Bolalar yozuvchilarining eng yaxshi kitoblarda yosh avlodning hayotga to'g'ri munosabatda bo'lishga o'rgatadi, ona-diyorimizga,mehnatga muhabbat,zamonamizga sadoqat ruhida tarbiyalaydi,ular yurtimizning munosib farzandlari bo'lishga chaqiradi.
O'zbek xalq yozuvchisi, bolalarning sevimli adibi X.To'xtaboyevning asarlari nafaqat respublikamizda, balki chet ellarda ham ma'lum va mashhurdir. Qo'lingizdagi "Sariq devni minib" sarguzasht romani bolalar hayotidan olib yozilgan bo'lib, ularning sevimli kitoblaridandir. Bu asarda orzu-havasga eltadigan chinakam yo'l halol mexnat, yaxshi xulq va qunt bilan o'qishga ekanligi ta'kidlanadi.

💫 19-IDUM 6-A sinf o'quvchisi
Hakimov Mirsaid

‼️ Tanlov shartida #taqriz yozilgan , ba'zi ishtirokchilar kitoblarning muqaddima qismida yozilgan gaplarni yuborishmoqda . Faqat #taqrizlar ya'ni ( kitobdan olgan xulosangiz) qabul qilinadi .

#taqriz

💫 4-b sinf o'quvchisi Hasanov Shohrux

📚 ( Askar Qaytgan kun) Safar Barnoyev hikoyasi.

Men xulosa qildimki Sarvi xola o'g'li urushdan qaytgach sevinchidan o'g'lini qo'yarga joy topolmasdi.O'g'li ikki oyog'dan ajralgan edi.Ona yurti uchun jon berib jon olgan bunday insonlarga tazimdamiz.Urushdan oyoqsiz qaytish ham Qurbon akaning baxtidur chunki qaytmasligi ham mumkin edi.Uning qo'shnilari kelib ko'rishardi, qo'shni bolalar esa uni savolga tutar edi.Urishga qatnashish ham er yigitning burchidir.Xalq osuda hayot kechirsa hamma baxtli yashaydi.Askar akalarimizdek yurt qo'riqboni bo'laman.

#taqriz

📚Men ózbek xalq ertaklaridan tulki bilan turna ertagini óqidim.Bu ertakda bir kuni tulki turnani mehmonga chaqirdi.Va ovqat qildi,qilgan ovqatini likopchaga suzdi.Turna keldi va likopchadan ovqat yemoqchi bóldida tumshuğini likopchaga taq-taq urdi lekin oğziga hech narsa ilinmadi.Tulki dedi uzur seni yaxshi mehmon qilolmadim.Shunisiga ham rahmat dedi turna.Turna ertaga menikiga mehmon boʻlib kel dedi.Turna ham ovqat qildi,qilgan ovqatini oğzi ingichka kózaga suzibdi.Tulki keldida ovqatdan yemoqchi bóldi lekin boshi kózaga siğmadi.Bu vaqtda turna hamma ovqatni yebdi.Turna ham uzur seni yaxshi mehmon qilolmadim dedi.Tulki
óylagandiki bir haftalik ovqatimni turnanikida yeb kelaman.Xulosa: yomonlikning ketidan yomonlik keladi.

💫 3-A sinf óquvchisi: Hoshimova Sabina

#taqriz

✨9-A sinf oʻquvchisi Rashidova Gulnora

📖 Antuan de Sent Ekzyuperi "Kichkina Shahzoda"
Ushbu asar hayotimizga taʼsir koʻrsatadigan chiroyli iboralar va taʼlimotlar bilan toʻla. Har bir soʻz, har bir jumla bizning kundalik hayotimiz,atrof muhitimiz bilan munosabatlarimizni rivojlantirish va muammolarni hal qilish usullari haqida fikr yuritishga majbur qiladi. Men hali ham uni chiroyli, sehrli kitob deb oʻylayman. Ajablanarlisi, kitob har bir oʻquvchiga uning hayotiy tajribasi taʼsirida boshqacha taʼsir qiladi.
Asar bolalar uchun yozilganday tuyuladi. Lekin yuqori falsafiy va sheʼriy mazmun bilan boyitilgan bu qissa bekorga sayyoradagi eng koʻp tarjima qilingan badiiy asarlar uchligiga kirmaydi. Zamonaviy madaniyatda "Kichkina Shahzoda" koʻp davlatlarning oʻrta taʼlimida qabul qilingan. Yaponiyada esa hatto syujet qahramoni uchun muzey qurilgan.
Asar yosh bolalar uchun ibrat sifatida oʻqib berilishi mumkin.Uni oʻqib chiqish bolalarcha orzu qilishni toʻxtatgan kattalar uchun ham zarur. Hayotning ogʻir tashvishlarini unutib,asarni oʻqib chiqing. Yengil tortasiz. Dunyoga bolalarcha yengil nigoh bilan qarab yashasak, muammolar miyamizdagina mavjud ekaniga amin boʻlamiz.
Shuni yodda tutishimiz kerakki asar yozilgan paytda Ikkinchi Jahon urushi davom etayotgandi. Urush davrida esa asardagi har qanday umid uchquni,xayolot yoki yangi hayot orzusi oʻsha paytda yashaganlar uchun juda koʻp narsani anglatar edi.💫🌷

#taqriz

📚 Rudolf Erix Raspe "Baron Myunxanzen sarguzashtlari"

Bu kitobda Baronning boshidan kechirganlari yozilgan. U o'zini dunyodagi eng rostgo'y odam hisoblardi. U ayiq bilan olishishgani , tomdagi otni ko'rgani , oyga 2 marta sayohat qilgani , to'p o'qga mingani, baliq qorniga kirgani va xitoy vinosini ichgani haqida hammaga aytib beradi . Lekin afsuski uning gaplari yolg'on edi. Xalqimiz, yolg'onning umri qisqa deb, bekorga aytishmagan. Men bu kitobni o'qib shuni bildimki, inson boshiga qilich kelsa ham yolg'on gapirmasligi kerak . Kitobxonlar men sizlarga bu hikoyani o'qishni tavsiya qilaman , chunki bu kitobning ibratli tomonlari juda ko'p .

💫 4-"A" sinf o'quvchisi Raxmonova Aziza

#taqriz

💫 2- b sinf o'quvchisi Hasanov Shahsuvor

📚 (Xalq ertagi) Yaxshilik va yomonlik. Hayotda har bir inson yaxshilik qilib, yaxshilikni kutmaslik kerak , xo'tik bilan bo'rini olsak xo'tik uni qopdan qutqaradi.Bo'ri esa uni quvlab ketedi shunda xo'tik men seni qutqardim yaxshilikka yomonlikmi deydi. Ular sigirni daraxtni oldiga borib bo'lgan voqeani aytib beradilar ullar esa hech qachon yaxshilik qaytmaydi deyishadi. Xo'tikka bo'ri endi seni yeyman deganda sichqoncha kelib shu katakon bo'ri mitti qopga sig'adimi deb kuladi sig'aman deb bo'ri qopga kiradi.Shunda Sichqoncha Xo'tikka aytadi yomonga yaxshilik qilsang hech qachon yaxshilik qaytmaydi.Yaxshilarim doimo yaxshilik qilib yashaylik.

#taqriz

📚 Chingiz Aytmatov "Oq kema"

Men Chingiz Aytmatovning "Oq kema" qissasini o'qidim. Ushbu asarni o'qish chog'larimda unchalik qiziqmagan edim. Lekin bu asar shunchalik meni o'z domiga torttiki uni butunlay o'qigim keldi. Asarning bosh qahramoni bo'lmish bolaning taassurot dunyosi xuddi o'z dunyoyimga o'xshardi. Adib bu asarni shunday yaratganki uni o'qigan har bir bola o'z xayolot dunyosiga g'arq bo'ladi.Ayniqsa asarda keltirilgan ramziy obrazlar ham juda go'zal o'z ifodasini topgan desam mubolag'a bo'lmaydi.Bu kitobni o'qishni barchangizga taklif etaman.Zotan bizning adabiyotimiz sarvari bo'lgan bu asarlar inson uchun juda muhimdir.U xoh yosh bo'lsin xoh qari.

💫 7-"V" sinf o'quvchisi Muhitdinova Marjona

💫 2-B sinf o'quvchisi Sultanova Shaxina

📚 “Ordak va uning bolalari” Ozbek xalq ertagi.
Kitob bizning eng yaqin do'stimiz. Kitob o'qish biz bolalarni yaxshilik sari yetaklaydi, ularni to'g'rilikka chorlaydi. Kitob bilimlar o'chog'i hisoblanadi. Мen kitob oqishni juda ham yaxshi ko'raman, ayniqsa ertaklarni. Mening eng sevimli kitobim “Dangasa quyon” o'zbek xalq ertagi kitobi. Ushbu kitobda juda qiziqarli va ajoyib ertaklar kop. Men bu ertaklarini judayam sevib oqiyman. Menga ayniqsa kitobdagi “Ordak va uning bolalari” ertagi yoqadi. Bu ertakda onaning farzandlari uchun jonkuyarligi, ularga bolgan mehr-muhabbati, butun fikr-u yodi ularning baxt-u saodatiga qaratilganligi halollik, mehnatsevarlik, xudbinlik, dangasalik qilmaslik kabi xislatlar aks ettirilgan. Ayniqsa, ertakdagi chinakam insoniy fazilatlar menda chuqur mehr uyg'otdi. Ona ordakning mehnatsevarligi, bolalariga mehribonligi, bolalari uchun jonkuyarligi, butun fikr-u yodi bolalarining soglom, baquvvat katta bolishlari uchun tinmay mehnat qilishi menga katta taassurot yugotdi.
Tengdoshlarimga bu ertak kitobini òqishlarini maslahat beraman.
Xulosa: Bilaman, dunyodagi barcha onalar yaxshi, lekin ularning hammasi mening Onamga o'xshashini xohlayman. Farzandini yorug' dunyoga keltirish, katta qilish azobini o'ziga baxt deb bilgan, kichkinaligidan katta bolgunigacha har qanday mashaqqatni o'z bo'yniga olgan, jigarbandi o'nqir-cho'nqir yo'lda qoqilgudek bo'lsa, o'z jonini ayamaydigan onajonlarimiz biz farzandlarning boshiga sog- salomat bolsinlar.

📚Xudoyberdi To'xtaboyev "Sariq devni minib"

#taqriz

Men Xudoyberdi To'xtaboyevning "Sariq devni minib"asarini maroq bilan o'qidim. Ushbu asar juda chiroyli,fantastik tarzda yozilgan bo'lib yoshlar uchun juda mos asardir.Men bu asarni o'qidim-u xuddi o'sha asarning ichiga kirib qolgandek bo'ldim.Ayniqsa asar qahramoni Hoshimjon meni o'z domiga tortdi. Uning qat'iyligi ya'ni "o'qimasdan turib ham olim bo'lish" mumkinligi haqidagi fikri meni asarni oxirigacha o'qishga majbur qildi desam mubolag'a bo'lmaydi. Shoyadki Hoshimjonning barcha fikrlari noto'g'ri ekanligi isbotlandi. Vaholanki shu asarni o'qiganimdan so'ng menda ilm olishga bo'lgan ishtiyoq ancha kuchaydi.

💫5-"b" sinf o'quvchisi Muhitdinov Abrorxon