نەتەوەیەکی نادیار

كوردەكان گەورەترین گروپی نەتەوەیین لەم گەردوونەدا، كە وڵاتیان نییە. كاتێک دەسەڵاتدارەكانی ئەورووپا دوای جەنگی جیهانیی یەكەم ئیمپڕاتۆریەتی عوسمانییان دابەش كرد، بەڵێنیان دا بەو چەند ملیۆن كوردەی كە لە سنووری وڵاتەكانی توركیا، ئێران، عێراق و سووریا دەژیان، تا بیانكەن بە خاوەن وڵات، بەڵام هەرگیز قسەی خۆیان بە جێ نەگەیاند. لە وانەی لە ڕۆژگاری ئەمڕۆدا ژمارەیان لە بیستوپێنج ملیۆن زیاتر بێت، بەڵام بە ژمارەیەكی ورد و دەقیق، سەرژمێریكردنیان زەحمەتە، چونكە هیچ كامێك لەو چوار وڵاتە بە تەواوی نەیانویستوە دان بە كوردەكاندا بنێن.

ئێستا ئەم کتێبە بەردەستە و دەتوانن داوای بکەن...

ژیانی ڕووناکبیری و فەرهەنگی لە ئیمپراتۆریای عوسمانیدا

ڕه‌نگه‌ به ‌بێ تێگه‌ییشتن له‌ مێژووی ڕووناكبیری و فه‌رهه‌نگیی ئیمپراتۆریای عوسمانی و به‌ بێ گه‌ڕانه‌وه‌ بۆ سه‌ره‌تاكانی ئه‌م ئه‌ده‌بیات و فه‌رهه‌نگه،‌ سه‌خت بێت بتوانین به‌‌ وردی له‌ مێژووی ڕووناكبیری و فەر‌هه‌نگیی كورد تێ بگه‌ین، بۆیه‌ بۆ به‌رچاوڕوونی و بۆ زیاتر تێگه‌ییشتن له‌م مێژووه‌، پێویستمان به‌ لێكۆڵینه‌وه‌ی وردی زانستی و بێلایه‌نانه‌ هه‌یه،‌ كه‌ قامك بخاته‌ سه‌ر سه‌ره‌تاكانی ئه‌م فه‌رهه‌نگه‌. ئه‌م لێكۆڵینه‌وه‌یه‌ به‌ شێوه‌یه‌كی زۆر زانستی ده‌ستگیرۆییمان ده‌كات بۆ تێگه‌ییشتن له‌ سه‌رجه‌م قۆناغه‌كانی ئه‌م فه‌رهه‌نگه‌ تاوه‌كوو سه‌روبه‌ندی ڕووخانی ئه‌م ئیمپراتۆریایه‌.

ئێستا ئەم کتێبە بەردەستە و دەتوانن داوای بکەن...