Toshkent zamonaviy san’at xaritasida yangi markaz sifatida namoyon bo‘lmoqda.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇺🇿Oʻzbekiston Respublikasi Prezidenti Shavkat Mirziyoyev Serbiya Respublikasi Prezidenti Aleksandr Vuchichning taklifiga binoan 7-8-sentabr kunlari rasmiy tashrif bilan ushbu mamlakatda boʻladi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🏛️ HAFTALIK DAYJEST | 31 avgust-5 sentabr, 2026-yil

Hafta davomida Sanoat kooperatsiyasi va davlat xaridlari agentligi tomonidan quyidagi muhim tadbirlar amalga oshirildi:

✔️ Sanoat kooperatsiyasi va davlat xaridlari agentligi tomonidan davlat xaridlari sohasida faoliyat yuritayotgan mutaxassislar uchun yangi tashkil etilgan platforma orqali bepul onlayn o‘quv kurs tashkil etilmoqda;

📹 "O'zbekiston 24" telekanalining "Axborot24" dasturida “O‘zbekekspertiza” AJ faoliyati yuzasidan lavha e'lon qilindi;

🇺🇿“Sanoat qahramonlari” maxsus loyihasining yakuniy ko‘rsatuvi e'lon qilindi;

🎤 Jismoniy va yuridik shaxslarning murojaatlari bilan ishlash natijalari yuzasidan brifing o‘tkazildi;

✅ Davlat xaridlarida ishtirok etish jarayonida kiritilgan zakalat mablag‘larini qaytarish bilan bog‘liq muammo yoki kechikishlarga duch kelayotgan tadbirkorlik subyektlari Agentlikka murojaat qilishi mumkinligi bo'yicha post e'lon qilindi;

📊 2026-yil 1-yarim yilligida agentlikka kelib tushgan jismoniy va yuridik shaxslarning murojaatlari ijrosi bo'yicha infografika.

🔬 Agentlikda Yadro fizikasi institutining ilmiy va ishlab chiqarish salohiyati muhokama qilindi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

AQShning Sietl shahrida O‘zbekiston Respublikasi Bosh konsulxonasi rasman ochildi.

Bu Tinch okeani shimoli-g‘arbiy mintaqasida mamlakatimizning birinchi konsullik muassasasi bo‘lib, uning ochilishi O‘zbekiston va AQSh o‘rtasidagi aloqalarni yanada rivojlantirish yo‘lidagi muhim qadamdir.

Yangi Bosh konsulxona savdo, investitsiya, texnologiya, ta’lim hamda xalqlararo aloqalarni yanada mustahkamlashga xizmat qiladi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

"Bugun nafaqat O‘zbekiston, balki butun mintaqamiz madaniy hayotidagi muhim voqeaga guvoh bo‘lib turibmiz. Shunday kunda sizlarni Toshkent Zamonaviy san’at markazida qutlash men uchun katta sharaf. Bugun Markaziy Osiyoda ilk bor zamonaviy san’atga ixtisoslashgan, doimiy faoliyat yurituvchi muassasa o‘z eshiklarini ochmoqda", - Saida Mirziyoyeva

Prezident Administratsiyasi rahbari mazkur markaz O‘zbekistonning dunyoga ochiqligi, yangilikka intilishi hamda turli madaniyatlar va qarashlarga bo‘lgan yuksak hurmatining amaliy ifodasi ekanligini ma'lum qildi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✔️ Davlat xaridlarida ishtirok uchun 17,5 mlrd so‘mga yaqin kredit ajratildi

Tadbirkorlarning davlat xaridlarida ishtirokini yengillashtirish maqsadida Elektron kooperatsiya portali hamda Garant bank hamkorligida zakalat mablag‘larini moliyalashtirish mexanizmi yo‘lga qo‘yilgan edi.

✅2026-yil 4-sentabr holatiga ushbu imkoniyatdan 150 ta tadbirkorlik subyekti foydalanib, ularga jami 201 ta kredit ajratildi. Ajratilgan kreditlarning umumiy qiymati qariyb 17,5 mlrd so‘mni tashkil etdi.

Mazkur kredit mahsuloti tadbirkorlarga davlat xaridlarida ishtirok etish uchun talab etiladigan zakalat mablag‘ini o‘z aylanma mablag‘laridan ajratmasdan moliyalashtirish imkonini bermoqda.

➡️ Shu kunga qadar mazkur mexanizm doirasida 100 mln so‘mgacha bir martalik foizsiz kredit olish imkoniyati mavjud edi.

✍️ Endilikda tadbirkorlar uchun ushbu imkoniyat yanada kengaytirilib, kreditning eng yuqori miqdorini 300 mln so‘mgacha oshirish rejalashtirilmoqda.

Bu, ayniqsa, yirikroq hajmdagi davlat xaridlarida ishtirok etish uchun ko‘proq zakalat mablag‘i talab etiladigan tadbirkorlarga qo‘shimcha moliyaviy imkoniyat yaratadi.

➡️Davlat xaridida ishtirok etmoqchisiz, ammo zakalat uchun aylanma mablag‘ingizni band qilishni istamaysizmi? Mazkur kredit mexanizmi orqali zarur mablag‘ni moliyalashtirish imkoniyati mavjud.
🤥 new.cooperation.uz

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🏛 Loyiha boshqaruvi bo‘yicha yangi o‘quv dasturi boshlandi

Sanoat kooperatsiyasi va davlat xaridlari agentligi KPMG hamda Toshkent shahridagi Management Development Institute of Singapore (MDIS) bilan hamkorlikda “Professional boshqaruv dasturi” doirasida loyiha boshqaruvi bo‘yicha o‘quv-trening kurslarini boshladi.

📚 Jami 130 akademik soatga mo‘ljallangan dastur 7-sentabrdan boshlab ikki hafta davomida oflayn shaklda tashkil etiladi. Mashg‘ulotlarga KPMGning xalqaro va mahalliy amaliyotchi ekspertlari, shuningdek, MDIS Toshkent professor-o‘qituvchilari jalb qilingan.

Dasturda loyihalarni boshqarishning zamonaviy usullari, strategik rejalashtirish, liderlik, moliyaviy va operatsion boshqaruv, samaradorlikni oshirish hamda investitsiya loyihalarini boshqarish bo‘yicha nazariy bilimlar real keyslar va amaliy tajriba bilan uyg‘unlashtiriladi.

🏭 O‘quv jarayonining amaliy qismini kuchaytirish maqsadida ishtirokchilarning “Olmaliq kon-metallurgiya kombinati” AJ hamda boshqa yirik investitsiya loyihalariga tashriflari ham ko‘zda tutilgan. Bu orqali ular ishlab chiqarish va yirik loyihalarni boshqarish jarayonlari bilan bevosita tanishish imkoniyatiga ega bo‘ladi.

Bugungi kunda mamlakatimizda sanoat, infratuzilma va investitsiya loyihalari ko‘lami kengayib borayotgani zamonaviy bilimga ega muhandislar va professional loyiha boshqaruvi mutaxassislariga bo‘lgan talabni oshirmoqda.

Shu jihatdan, mazkur dastur nafaqat bilim va tajriba almashish, balki ishtirokchi tashkilotlardagi mavjud amaliyot va muammolarni ekspertlar bilan birgalikda muhokama qilish, olingan tajribani real loyihalarda qo‘llash imkonini beradi.

✅ Asosiy maqsad — sanoat, mahalliylashtirish va investitsiya loyihalarini zamonaviy boshqaruv yondashuvlari asosida samarali amalga oshira oladigan malakali loyiha boshqaruvi mutaxassislari salohiyatini oshirish.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🏛 Tadbirkorning 1 milliard 14 million so‘m zakalat mablag‘i qaytarildi

Prezident Shavkat Mirziyoyevning tadbirkorlar bilan VI ochiq muloqotida davlat xaridlarida zakalat mablag‘larini qaytarish jarayonini avtomatlashtirish bo‘yicha topshiriq berilgan edi.

Mazkur yo‘nalishda Sanoat kooperatsiyasi va davlat xaridlari agentligiga zakalat mablag‘ini qaytarishda muammoga duch kelgan tadbirkorlarning murojaatlari o‘rganilib, ularni hal etish bo‘yicha amaliy choralar ko‘rilmoqda.

Navbatdagi murojaatlardan biri “Mateko” MChJga tegishli. Korxonaning davlat xaridlarida ishtirok etish jarayonida kiritilgan va qaytarilishi kutilayotgan 1 milliard 14 million so‘m zakalat mablag‘i qaytarilishiga amaliy ko‘mak ko‘rsatildi.

Korxona rahbari Sunatilla Xayrullayevning ta’kidlashicha, ushbu mablag‘ning band bo‘lib turishi yangi davlat xaridlari va loyihalarda ishtirok etish imkoniyatlarini cheklab kelgan. Mablag‘ qaytarilgach, korxona uni yana aylanmaga yo‘naltirib, yangi savdolarda faol qatnashish imkoniyatiga ega bo‘ldi.

📍Davlat xaridlarida zakalat mablag‘larini qaytarish bilan bog‘liq muammo yoki kechikishga duch kelayotgan tadbirkorlar Agentlikka murojaat qilishlari mumkin.
Kelib tushgan murojaatlar mutaxassislar tomonidan o‘rganilib, masalalarni hal etish bo‘yicha amaliy ko‘mak ko‘rsatiladi.

☎️Murojaat uchun: @Icppa_aloqa_bot

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇺🇿 Oʻzbekiston Respublikasi Oliy Majlisi Qonunchilik palatasining yalpi majlisida davlat xaridlari tizimini yanada takomillashtirishga qaratilgan qonun loyihasi birinchi o‘qishda muhokama qilinmoqda.

🚨 Ushbu hujjat bilan davlat xaridlari sohasida hisobdorlikni kuchaytirish, xaridlar to‘g‘risidagi ma’lumotlarning ochiqligini ta’minlash hamda davlat buyurtmachilari faoliyati ustidan nazorat mexanizmlarini takomillashtirish nazarda tutilmoqda.

🚨 Xususan, davlat xaridlarida sotilgan tovarlar va ko‘rsatilgan xizmatlar to‘g‘risidagi ma’lumotlarni hududlar kesimida e’lon qilib borish taklif etilyapti. Bu orqali davlat xaridlarining hududlar bo‘yicha holatini tahlil qilish, qaysi turdagi tovar va xizmatlarga talab yuqori ekanini kuzatib borish hamda xarid jarayonlarining ochiqligini oshirish imkoniyati yaratiladi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✔️ Loyihada Davlat budjeti ijrosi to‘g‘risidagi hisobotlar tarkibiga davlat buyurtmachilari tomonidan amalga oshirilgan davlat xaridlari natijalarini kiritish ham nazarda tutilyapti.

✍️ Bunda to‘g‘ridan-to‘g‘ri shartnomalar asosida amalga oshirilgan xaridlar to‘g‘risidagi ma’lumotlarni ham hisobotlarda alohida aks ettirish belgilanmoqda. Bu deputatlarga budjet mablag‘larining davlat xaridlari orqali qanday sarflanayotganini tizimli tahlil qilish, xarid usullari va natijalarini baholash hamda zarur hollarda parlament nazorati choralarini qo‘llash imkoniyatini kengaytiradi.

➡️ Qonun loyihasida davlat xaridlari jarayonida tadbirkorlik subyektlarining huquqlarini himoya qilishga ham alohida e’tibor qaratilmoqda.

Xususan, tadbirkorlarning davlat xaridlari jarayonida yuzaga keladigan shikoyatlarini joylarda tezkor ko‘rib chiqish maqsadida Davlat xaridlari sohasidagi shikoyatlarni ko‘rib chiqish bo‘yicha komissiyaning doimiy faoliyat yurituvchi hududiy komissiyalarini tashkil etish taklif etilmoqda. Bu esa shikoyatlarni joylarda tezroq ko‘rib chiqish, nizolarni qisqa vaqtda hal qilish, tadbirkorlarning vaqt va xarajatlarini tejashga xizmat qiladi.

✅ Muhokamalar davomida deputatlar davlat xaridlari to‘g‘risidagi ma’lumotlarning ochiqligini oshirish, to‘g‘ridan-to‘g‘ri shartnomalar bo‘yicha axborotlarni parlament nazorati doirasiga kiritish hamda tadbirkorlar shikoyatlarini tezkor ko‘rib chiqish mexanizmlarini kuchaytirish davlat xaridlari tizimida shaffoflik va hisobdorlikni ta’minlashga xizmat qilishini ta’kidladilar. Shu bilan birga, qonun loyihasida nazarda tutilgan normalar davlat xaridlarida sog‘lom raqobat muhitini kengaytirish, tadbirkorlik subyektlarining xarid jarayonlarida faol ishtirokini rag‘batlantirish hamda byudjet mablag‘laridan samarali va maqsadli foydalanish ustidan nazoratni kuchaytirishga xizmat qilishi qayd etildi.

🇺🇿 Majlisda qonun loyihasi deputatlar tomonidan birinchi o‘qishda qabul qilindi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin