#OAV_BIZ_HAQIMIZDA

“O‘zbekekspertiza” AJ: Yutuq va natijalar

"O'zbekiston 24" telekanali #Axborot24 | 31.08.2026

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

📚Davlat xaridlari bo‘yicha bilim va amaliy ko‘nikmalarni oshirish imkoniyati

Sanoat kooperatsiyasi va davlat xaridlari agentligi tomonidan davlat xaridlari sohasida faoliyat yuritayotgan mutaxassislar uchun yangi tashkil etilgan platforma orqali bepul onlayn o‘quv kursi tashkil etildi.

O‘quv dasturi 20 ta moduldan iborat bo‘lib, unda davlat xaridlarining huquqiy asoslaridan tortib, xaridlarni rejalashtirish, boshlang‘ich narxni shakllantirish, texnik topshiriq tayyorlash, xarid usullari, nazorat mexanizmlari va zamonaviy yondashuvlargacha bo‘lgan muhim mavzular qamrab olingan.

💻 Ta’lim jarayoni to‘liq onlayn shaklda tashkil etiladi. Videodarslar bilan birga testlar, amaliy keyslar va vaziyatli masalalar orqali olingan bilimlarni mustahkamlash imkoniyati yaratilgan.

✅ O’quv kurslari joriy yilning sentabr oyidan boshlanishi rejalashtirilmoqda.

🎥 Kurs kimlar uchun mo‘ljallangan, unda nimalar o‘rgatiladi va o‘quv jarayoni qanday tashkil etilgan?

Batafsil — videoda.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇺🇿 O‘zbekiston Birinchi xonimi Bishkekda ShHT sammiti doirasidagi madaniy tadbirlarda ishtirok etdi.

2026-yil 1-sentabr.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇺🇿35 YIL. 35 QAHRAMON. BIR SANOAT ZANJIRI.

35 ta korxona. 35 ta qahramon. Turli mahsulotlar, turli taqdirlar va turli natijalar. Ammo ularni birlashtiradigan bitta katta jarayon bor — O‘zbekistonda ishlab chiqarish.

“Sanoat qahramonlari” loyihasi davomida bir vaqtlar xorijdan olib kelingan mahsulot va butlovchi qismlarning bugun o‘zimizda ishlab chiqarilayotgani, mahalliy korxonalar yirik sanoat zanjirlariga kirib borayotgani, yangi texnologiyalar o‘zlashtirilib, milliy mahsulotlar tashqi bozorlarga chiqayotganiga guvoh bo‘ldik.

🏭 Kimdir ishni bir necha xodim bilan boshlagan — bugun yuzlab insonlarni ish bilan ta’minlamoqda. Kimdir ilgari import qilingan bitta detalni o‘zlashtirgan — bugun minglab turdagi mahsulot ishlab chiqarmoqda. Yana kimdir ichki bozor uchun ishlab chiqarishni boshlagan — bugun mahsulotini dunyo bozorlariga olib chiqmoqda.

🎬 “Sanoat qahramonlari” maxsus loyihasining yakuniy ko‘rsatuvida 35 qahramon misolida O‘zbekiston sanoatining bugungi qiyofasi, mahalliylashtirish ortidagi insonlar va mamlakatimizda yaratilayotgan yangi sanoat zanjiri haqida hikoya qilamiz.

📹 Tomosha qiling — “Sanoat qahramonlari” maxsus loyihasining yakuniy ko‘rsatuvi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✔️ Jismoniy va yuridik shaxslarning murojaatlari bilan ishlash natijalari yuzasidan brifing o‘tkazildi

Sanoat kooperatsiyasi va davlat xaridlari agentligida 2026-yilning birinchi yarim yilligida jismoniy va yuridik shaxslarning murojaatlari bilan ishlash natijalari yuzasidan brifing o‘tkazildi.

🎙 Brifingda hisobot davrida Agentlikka kelib tushgan murojaatlar, ularni ko‘rib chiqish natijalari, shuningdek, Call-markazga kelib tushgan qo‘ng‘iroq bo‘yicha ma’lumotlar taqdim etildi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Axborot24 | 02.09.2026

Davlatimiz rahbari Jizzax viloyatida integratsiyalashgan atom elektr stansiyasi hamda unga yondosh zamonaviy shaharcha barpo etish boʻyicha amalga oshirilayotgan ishlar taqdimoti bilan tanishdi

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Prezident Shavkat Mirziyoyevning Bishkekdagi ShHT Davlat rahbarlari kengashi yig‘ilishidagi nutqidan asosiy fikrlar:

📌O‘tgan 25 yil davomida ShHT teng huquqli muloqotni ta’minladi, mintaqaviy barqarorlik va mamlakatlarimizning barqaror rivojlanishiga ko‘maklashdi;
 
📌Hamkorligimiz markazida ShHTning geografik va strategik o‘zagi bo‘lgan Markaziy Osiyo turganini alohida qadrlaymiz;
 
📌Yaqin Sharqda muloqotni qayta tiklash va keskinlikni yumshatishning qat’iy tarafdorimiz;
 
📌ShHT mamlakatlarining ulkan insoniy, tabiiy, ishlab chiqarish va intellektual resurslari, eng avvalo, xalqlarimiz farovonligini yuksaltirishga xizmat qilishi kerak;
 
📌“ShHT – 2040: umumiy taraqqiyot makoni” konseptual qarashini ishlab chiqishga kirishishni taklif etaman. Uning asosiy maqsadi o‘zaro bog‘liq va barqaror makonni shakllantirishdan iborat bo‘lishi lozim;
 
📌Maxsus iqtisodiy zonalar, ishlab chiqarish jarayonlari, sotuv bozorlari va logistikani birlashtiradigan ShHT Sanoat kooperatsiyasi xaritasini ishlab chiqishni taklif etamiz;
 
📌Hozirning o‘zidayoq umumiy tamoyillarni kelishish bosqichidan ShHT Taraqqiyot bankini amaliy ishga tushirishga o‘tishni zarur deb hisoblaymiz;
 
📌Sun’iy intellekt sohasida hamkorlik bo‘yicha Butunjahon tashkilotini tashkil etish to‘g‘risidagi tashabbusni olqishlaymiz;
 
📌Kelgusi yili Toshkent shahrida ShHTning sun’iy intellekt va yangi raqamli yechimlar bo‘yicha forumini o‘tkazishga tayyormiz;
 
📌Iqlim o‘zgarishi bilan bog‘liq xavf-xatarlar mamlakatlarimizning oziq-ovqat, suv va energetik xavfsizligiga tobora ko‘proq ta’sir ko‘rsatmoqda. Bu ShHT doirasida ushbu masalalar bo‘yicha yagona kun tartibini shakllantirish zaruratini taqozo etmoqda;
 
📌ShHTga a’zo davlatlarning temir yo‘l makonlari integratsiyasi bo‘yicha kengash ta’sis etishni maqsadga muvofiq deb hisoblayman;
 
📌Xavfsizlik va iqtisodiy hamkorlikning keng ko‘lamli masalalarini muhokama qilish uchun ShHTning Afg‘oniston bilan muntazam muloqotini qayta tiklash vaqti keldi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Ayni paytda Prezident Shavkat Mirziyoyev raisligida kambag‘allikni qisqartirish va aholi daromadini oshirish bo‘yicha ishlarni yangi bosqichga olib chiqish masalalari muhokamasiga bag‘ishlangan yig‘ilish bo'lib o'tmoqda.

Prezidentimiz topshirig‘iga ko‘ra, iqtisodiy kompleksning barcha rahbarlari Xorazmda qolib, kambag‘allik bilan ishlash tizimini o‘zgartirish bo‘yicha tahlil o‘tkazdi.

Ikki hafta davomida viloyatdagi 81 ming kambag‘al aholi, ya’ni 19 ming oilaning holati o‘rganildi. Ushbu oilalarda 12 ming ishsiz va 10 ming daromadi past aholi borligi aniqlandi.

Ayni paytda Xorazmdagi tadbirkorlar qurilish sohasiga 4 ming, xizmatlar sohasiga 3 ming va sanoatga 2,5 ming ishchi izlamoqda.

Mas’ullarga ishsiz va kam daromadli aholini korxonalar talabi asosida kasbga o‘qitib, ish bilan ta’minlash imkoniyatlarini ishga solish vazifasi qo‘yildi.

Mavjud bo‘sh ish o‘rinlari va kasbga tayyorlash imkoniyatlaridan foydalanish orqali kambag‘al oilalardagi 10-15 ming nafar aholi daromadini oshirish mumkinligi qayd etildi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

📢Tadbirkorlar diqqatiga!

Prezident Shavkat Mirziyoyevning tadbirkorlar bilan VI ochiq muloqotida davlat korxonalari xarid qilgan tovarlar bo‘yicha shartnoma majburiyatini bajargan tadbirkorlarning zakalat mablag‘larini qaytarish jarayonini avtomatlashtirish yuzasidan topshiriq berilgan edi.

Bugungi kunda Sanoat kooperatsiyasi va davlat xaridlari agentligi tomonidan mazkur yo‘nalishda tegishli amaliy ishlar olib borilmoqda.

Shu bilan birga, ayni paytda davlat xaridlarida ishtirok etish jarayonida kiritilgan zakalat mablag‘larini qaytarish bilan bog‘liq muammo yoki kechikishlarga duch kelayotgan tadbirkorlik subyektlari Agentlikka murojaat qilishlari mumkin.

Kelib tushgan murojaatlar mutaxassislar tomonidan o‘rganilib, shartnoma majburiyatini bajargan tadbirkorlarning zakalat mablag‘larini qaytarish bilan bog‘liq masalalarni hal etish bo‘yicha amaliy ko‘mak ko‘rsatiladi.

☎️Murojaat uchun: @Icppa_aloqa_bot

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin