Prezident Shavkat Mirziyoyev ishtirokida mamlakatimiz mustaqilligining 35 yilligi munosabati bilan davlat mukofotlarini topshirish marosimi bo‘lib o‘tmoqda.

Tadbirda davlatimiz rahbari yig‘ilganlarni O‘zbekiston Respublikasi davlat mustaqilligining 35 yilligi bilan samimiy tabrikladi.

– 35 yil – tarix uchun juda qisqa davr. Lekin ortda qolayotgan yillar o‘zining ko‘lami, yutuq va natijalari bilan asrga tatigulik davr bo‘ldi, desak, aslo mubolag‘a bo‘lmaydi,

– dedi Prezident.

Ushbu o‘zgarishlarning haqiqiy muallifi mehnatkash va olijanob xalqimiz ekani ta’kidlandi.

Davlatimiz rahbari mustaqillikning qadr-qimmati qishloqda rizq-ro‘z yaratayotgan fermer va dehqonlar, farzandlarga ta’lim-tarbiya berayotgan ustoz va murabbiylar, inson hayotini asrayotgan shifokorlar mehnatida namoyon bo‘lishini qayd etdi.

Shuningdek, ilm-fan taraqqiyotiga yangi g‘oya va kashfiyotlar olib kirayotgan olimlar, zamonaviy korxonalar barpo etayotgan sanoatchi va tadbirkorlar, shahar va qishloqlarni obod qilayotgan quruvchi hamda arxitektorlarning hissasiga alohida to‘xtaldi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

So‘nggi o‘n yilda xalq bilan hamjihat bo‘lib amalga oshirilayotgan ishlar natijasida iqtisodiyot tez sur’atlarda barqaror o‘sib borayotgani qayd etildi.

O‘tgan davrda mamlakatimizga 160 milliard dollardan ortiq xorijiy investitsiya kirdi. Iqtisodiyotimiz 2,5 barobardan ziyod ko‘paydi. Joriy yil yalpi ichki mahsulot hajmi 180 milliard dollardan oshishi kutilmoqda.

Sanoat tarmoqlari, servis va qishloq xo‘jaligi sohalarida 5 million 700 ming doimiy ish o‘rni yaratildi. Davlat va xususiy sektor ishtirokida 1 million 500 ming o‘rinli zamonaviy maktab, 342 ming o‘rinli bog‘cha va 62 ming o‘rinli shifoxonalar ishga tushirildi.

Odamlarning uzog‘ini yaqin qilish uchun 83 ming kilometr umumiy foydalanishdagi ichki yo‘llar qurildi va ta’mirlandi. Hududlarda 8 million aholi yashaydigan xonadonlarga ilk bor markazlashgan ichimlik suvi kirib bordi, yana 11,5 million aholining suv ta’minoti yaxshilandi.

O‘tgan o‘n yilda 650 ming oila yangi zamonaviy uy-joyga ega bo‘ldi. Xalqimizda “Uyli bo‘lish – vatanli bo‘lish” degan naql bor. Shu ma’noda, kamida 2,5 million aholi vatanli bo‘ldi!

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari
28-qahramon

75 foizgacha mahalliy: “Elite Group”ning yangi bozorlari

O‘zbekiston Mustaqilligining 35 yilligiga bag‘ishlangan “Sanoat qahramonlari” maxsus loyihasi davom etadi.

🎬 Loyihaning 28-qahramoni — Abrorjon G‘afforov, “Elite Group” korxonasi direktori.

🏭Korxonada sovutkich va boshqa turdagi maishiy texnika mahsulotlari ishlab chiqariladi. Bugungi kunda sovutkichlarning mahalliylashtirish darajasi 70–75 foizga yetgan. Ishlab chiqarishda foydalaniladigan plastik detallar esa 100 foiz korxonaning o‘zida tayyorlanadi.

📈 Joriy yil boshidan buyon korxonada qariyb 30 milliard so‘mlik mahsulot ishlab chiqarilgan.

🌍 Mahsulotlar Tojikiston, Qirg‘iziston va Afg‘onistonga eksport qilinib, eksport hajmi 700 ming AQSH dollariga yaqinlashgan. Ayni paytda Turkmaniston bozoriga kirish bo‘yicha muzokaralar olib borilmoqda.

Korxona endi eksport geografiyasini yanada kengaytirishni maqsad qilgan. Mahsulotlar Turkiyadagi ko‘rgazmada ham namoyish etilib, Yaqin Sharq bozorlariga chiqish navbatdagi yo‘nalishlardan biri sifatida belgilangan.

🎥 Mahalliylashtirish qanday qilib yangi eksport bozorlariga yo‘l ochmoqda?

Batafsil — “Sanoat qahramonlari” loyihasining 28-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Hurmatli tadbirkorlar va import faoliyati ishtirokchilari!

O‘zbekiston Respublikasi Prezidentining “Loyihaoldi va xarid hujjatlarini kompleks ekspertiza qilish tizimining samaradorligini oshirish chora-tadbirlari to‘g‘risida”gi PQ-104-son qaroriga muvofiq, 2026-yil 1-sentabrdan bojxona to‘lovlari bo‘yicha imtiyozlar qo‘llagan holda import qilinadigan tovarlar ro‘yxatini kompleks ekspertizadan o‘tkazish funksiyasi “O‘zbekekspertiza” AJga o‘tkaziladi.

Mazkur jarayonlarni qulay, tezkor va shaffof tashkil etish maqsadida 2026-yil 2-sentabrdan app.expertiza.uz elektron platformasida yangi yo‘nalish ishga tushiriladi.

🌐 Elektron platforma: app.expertiza.uz

📞 Qo‘llab-quvvatlash xizmati: +998 71 230 23 55

📹 Foydalanish bo‘yicha videoqo‘llanma

Shuningdek, rasmiylashtirilgan xulosalar bo‘yicha tegishli ma’lumotlar bojxona qo'mitasi axborot tizimlariga elektron tarzda yuboriladi.

📌 2026-yil 2-sentabrdan mazkur xizmatdan app.expertiza.uz platformasi orqali foydalanish mumkin bo‘ladi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#OAV_BIZ_HAQIMIZDA

🇺🇿 Prezidentning tadbirkorlar bilan VI ochiq muloqoti: sanoat kooperatsiyasi va davlat xaridlari tizimida yangi imkoniyatlar

#Ortga_qaytmas_islohotlar | 27.08.2026

"O'zbekiston 24" telekanali

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari
29-qahramon

🚘 O‘zbekistonda ishlab chiqarilgan avtokomponentlar Yevropa sari

🇺🇿O‘zbekiston Mustaqilligining 35 yilligiga bag‘ishlangan “Sanoat qahramonlari” maxsus loyihasi davom etadi.

🎬 Loyihaning 29-qahramoni — Elyorbek Asadov, “UzAuto-INZI” korxonasi direktori.

🏭 2015-yilda tashkil etilgan korxona avtomobillarning turli tizimlari uchun yuqori bosim ostida quyish texnologiyasi asosida alyuminiy butlovchi qismlar ishlab chiqarishga ixtisoslashgan. Bugungi kunda korxonada 300 nafarga yaqin xodim mehnat qilmoqda.

📈 Korxonaning ishlab chiqarish ko‘lami yildan-yilga kengayib bormoqda. 2017-yilda qariyb 2 ming dona mahsulot ishlab chiqarilgan bo‘lsa, 2025-yilga kelib bu ko‘rsatkich 3 milliondan oshgan. 2026-yilda esa 2 450 tonna yoki 250 milliard so‘mlik mahsulot ishlab chiqarish va yetkazib berish rejalashtirilgan.

🌍 Navbatdagi muhim yo‘nalish — eksport. Joriy yilda Chexiyaning Motorpal kompaniyasiga alyuminiy butlovchi qismlar yetkazib berish rejalashtirilgan bo‘lib, ushbu yo‘nalishda yillik eksport hajmini 300 ming AQSH dollariga yetkazish ko‘zda tutilmoqda.

Mahalliy avtomobilsozlik zanjiridagi hamkorlikdan xalqaro yetkazib berishgacha — korxona oldida yangi bosqich turibdi.

🎥 Batafsil — “Sanoat qahramonlari” loyihasining 29-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari
30-qahramon

⚙️Kritik minerallardan yuqori qo‘shilgan qiymatli mahsulotlargacha

🇺🇿 O‘zbekiston Mustaqilligining 35 yilligiga bag‘ishlangan “Sanoat qahramonlari” maxsus loyihasi davom etadi.

🎬 Loyihaning 30-qahramoni — Amir Abidov, “O‘zbekiston texnologik metallar kombinati” AJ boshqaruv raisi o‘rinbosari.

🏭 O‘zbekiston texnologik metallar kombinati — mamlakatimizda kritik minerallar va texnologik metallarni o‘zlashtirish, ularni chuqur qayta ishlash hamda yuqori qo‘shilgan qiymatli mahsulotlar ishlab chiqarishni yagona sanoat zanjirida rivojlantirayotgan korxona. Bugun kombinat volfram, molibden, reniy, litiy, grafit va boshqa strategik minerallar yo‘nalishida loyihalarni amalga oshirmoqda.

🔬Bu yerda R&D markazi, nano-analitik laboratoriya hamda “Kelajak metallari” texnoparki faoliyati xomashyoni o‘rganishdan boshlab, uni qayta ishlash va tayyor mahsulot olishgacha bo‘lgan jarayonlarni bir-biriga bog‘lashga qaratilgan.

R&D markazidagi pilot sex yangi texnologiyalarni sinovdan o‘tkazish va ilmiy ishlanmalarni sanoat bosqichiga olib chiqish imkonini beradi. Additiv texnologiyalar asosida yuqori qo‘shilgan qiymatli yangi mahsulotlarni o‘zlashtirish bo‘yicha ham loyihalar amalga oshirilmoqda.

⚙️ Volfram, molibden va reniy kabi texnologik metallarni chuqur qayta ishlash, yangi metallurgiya quvvatlarini yaratish hamda tadbirkorlarni ushbu ishlab chiqarish zanjiriga jalb etish kombinat faoliyatining muhim yo‘nalishlaridan Davlat miqyosida ham kritik minerallarni shunchaki qazib olish emas, balki ulardan metall kukunlari, qotishmalar, sanoat detallari va boshqa yuqori qo‘shilgan qiymatli mahsulotlar ishlab chiqarishga alohida e’tibor qaratilmoqda.

Maqsad — xomashyoni shunchaki qazib olish emas, undan yaratiladigan texnologiya va yuqori qo‘shilgan qiymatni O‘zbekistonda shakllantirish.

🎥 Rudadan tayyor mahsulotgacha bo‘lgan yangi sanoat zanjiri haqida batafsil — “Sanoat qahramonlari” loyihasining 30-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇺🇿 “Vatanning obro‘si — bizning obro‘yimiz”: Amerikadagi 500 vatandoshdan Prezidentga maktub keldi

AQSH va Kanadada yashayotgan 500 nafar o‘zbekistonlik Prezident Shavkat Mirziyoyevga murojaat yo‘llab, Yangi O‘zbekistondagi o‘zgarishlar va mamlakatning xalqaro maydondagi nufuzi yuksalayotganini alohida eʼtirof etdi.

Murojaatda so‘nggi yillarda davlatning ochiqligi, xorijdagi vatandoshlar bilan munosabat mutlaqo yangi bosqichga ko‘tarilgani, ular bilan muloqot qilish, fikrini eshitish va Vatan bilan aloqalarini mustahkamlashga katta eʼtibor qaratilayotgani qayd etilgan.

🇺🇸🇺🇿 Ayniqsa, O‘zbekiston va AQSH munosabatlarining yangi bosqichga ko‘tarilayotgani vatandoshlarda katta umid uyg‘otayotgani taʼkidlangan. Ular Prezident Shavkat Mirziyoyevning Donald Tramp bilan bo‘lajak bevosita va ishonchli muloqoti, oliy darajadagi uchrashuvlar, shuningdek, AQSH hukumati, Kongressi va ishbilarmon doiralari bilan kengayib borayotgan hamkorlik O‘zbekiston uchun yangi imkoniyatlar ochishiga ishonch bildirgan.

🔷“Siz olib borayotgan siyosat bizga nafaqat yangi imkoniyatlar yaratmoqda, balki zimmamizga katta masʼuliyat ham yuklamoqda. Biz xorijda yashayotgan vatandoshlar O‘zbekistonning munosib vakillari bo‘lishimiz, Vatanimizning haqiqiy qiyofasini keng jamoatchilikka yetkazishimiz kerak”, — deyiladi murojaatda.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari

31-QAHRAMON | O‘zbekistondan 20 dan ortiq davlatga

Bir paytlar maishiy texnika bozorida import mahsulotlari ustunlik qilgan bo‘lsa, bugun O‘zbekistonda ishlab chiqarilgan mahsulotlar dunyoning 20 dan ortiq davlatiga eksport qilinmoqda.

🇺🇿 O‘zbekiston Mustaqilligining 35 yilligiga bag‘ishlangan “Sanoat qahramonlari” maxsus loyihasi davom etadi.

“Sanoat qahramonlari” loyihasining 31-qahramoni — Artel kompaniyasi boshqaruv raisi o‘rinbosari Bektemir Murodov.

🏭 Bugungi kunda Artel tizimida 7 mingdan ortiq xodim mehnat qilmoqda. Kompaniya maishiy texnikaning ko‘plab turlarini ishlab chiqarib, ishlab chiqarish quvvatlari va texnologik imkoniyatlarini izchil kengaytirib bormoqda.

🌍 Artel faoliyati O‘zbekiston chegarasidan tashqariga ham chiqdi. Qozog‘iston va Tojikistonda ishlab chiqarish quvvatlari yo‘lga qo‘yilgan, kompaniya mahsulotlari esa 20 dan ortiq xorijiy bozorga eksport qilinmoqda.

Bu — mahalliy ishlab chiqarishning keyingi bosqichi: ichki bozor uchun mahsulot ishlab chiqarishdan mintaqaviy ishlab chiqarish va xalqaro bozorlarda o‘z o‘rnini egallashgacha bo‘lgan yo‘l.

🎥 7 mingdan ortiq xodim, kengayayotgan ishlab chiqarish va 20 dan ortiq eksport bozori — Artelning bugungi sanoat salohiyati haqida batafsil “Sanoat qahramonlari” loyihasining 31-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇺🇿🇺🇸Sietl shahri 1 sentyabrni “O‘zbekiston Mustaqilligi kuni” deb e’lon qildi

AQSHning Sietl shahri meri Keti B. Uilson 2026-yil 1-sentyabrni “O‘zbekiston Mustaqilligi kuni” deb rasman e’lon qildi. Bu haqda shahar meri tomonidan imzolangan maxsus proklamatsiyada qayd etilgan.

🇺🇿Hujjatda O‘zbekiston mustaqilligining 35 yilligi, mamlakatning shu davr mobaynida suverenitet, taraqqiyot va keng ko‘lamli o‘zgarishlar yo‘lini bosib o‘tgani alohida ta’kidlangan.

➡️Shuningdek, proklamatsiyada O‘zbekistonning Markaziy Osiyodagi eng ko‘p aholiga ega davlat ekani, iqtisodiyot yillik 5–6 foiz atrofida o‘sib borayotgani, ochiq bozor va xalqaro hamkorlikni rivojlantirishga intilayotgani qayd etilgan.

➡️Hujjatda O‘zbekistonning qadimiy Ipak yo‘li markazida joylashgani va bugungi kunda 100 milliondan ortiq iste’molchini qamrab oluvchi mintaqaga strategik darvoza vazifasini bajarayotganiga ham urg‘u berilgan. Bu esa savdo, investisiya, logistika, texnologiya va energetika sohalarida Sietl biznes hamjamiyati bilan hamkorlik uchun katta imkoniyat sifatida baholangan.

➡️ Bundan tashqari, O‘zbekistonning Sietldagi Bosh konsulligi faoliyati ikki tomon o‘rtasida odamlar, biznes va davlat idoralari darajasida uzoq muddatli aloqalarni mustahkamlashga xizmat qilishi ta’kidlangan.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇺🇿 O‘zbekiston Respublikasi davlat mustaqilligining 35 yilligiga bag‘ishlangan bayram tantanasini quyidagi havolalar orqali tomosha qiling:

✍️ Telegram

✍️ Youtube

✍️ Facebook

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Prezident Shavkat Mirziyoyev O‘zbekiston Respublikasi davlat mustaqilligining 35 yilligiga bag‘ishlangan tantanali marosimda nutq so‘zladi.

Katta siyosiy iroda bilan O‘zbekiston dunyoga keng ochildi, chegara muammolari hal qilinib, qo‘shnilar bilan do‘stlik va hamkorlik mustahkamlandi.
 
Valyuta, soliq, bojxona va investitsiya siyosatida tub o‘zgarishlar amalga oshirildi.
 
Natijada mamlakatimizning Iqtisodiy erkinlik indeksidagi o‘rni 80 pog‘ona yaxshilanib, O‘zbekiston iqtisodiyoti mo‘tadil erkin davlatlar qatoridan joy oldi.
 
Ilgari iqtisodiyotimizga yiliga 2-3 milliard dollar xorijiy investitsiya jalb qilingan bo‘lsa, hozir mazkur ko‘rsatkich 40-50 milliard dollarni tashkil etmoqda. Investitsiyalar bilan birga ilg‘or texnologiyalar, zamonaviy bilim va yangi iqtisodiy imkoniyatlar ham kirib kelmoqda.
 
Uch yil oldin 2030-yilda yalpi ichki mahsulot hajmini 160 milliard dollarga yetkazish reja qilingan edi. Global logistikadagi uzilishlar va dunyodagi notinch vaziyatga qaramasdan, ushbu marra joriy yilning o‘zida ortig‘i bilan bajarilib, O‘zbekiston daromadi o‘rtachadan yuqori davlatlar qatoriga kiradi.
 

– Bunday yuksak natijalarga xalqimizning fidokorona mehnati, intellektual salohiyati hamda millat va davlat birdamligi tufayli erishyapmiz. Ijobiy o‘zgarishlarni har bir inson, har bir oila o‘z hayotida chuqur his etyapti,

– dedi Prezidentimiz. 

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Prezidentimiz bugun mamlakatimiz tarixning yanada mas’uliyatli va hal qiluvchi pallasida turganini, taraqqiyotning mutlaqo yangi davriga qadam qo‘yayotganini ta’kidladi.
 

– Kelgusi o‘n yillik biz uchun milliy yuksalish davri bo‘ladi,

– dedi davlatimiz rahbari.
 
Mazkur davrni faqat xalqimizning aql-zakovati, mehnati va birdamligi orqali bunyod etish mumkinligi qayd etildi.
 
Shu maqsadda kelgusi yillarda inson qadrini yanada yuksaltiradigan 7 ta milliy dastur amalga oshiriladi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

– Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish,

– dedi davlatimiz rahbari.
 
Buning uchun kelgusi o‘n yilda 450 milliard dollar xorijiy investitsiya jalb qilinadi.
 
Iqtisodiyotda yuqori o‘sish sur’ati saqlangan holda, 2030-yilgacha yalpi ichki mahsulot hajmi 300 milliard dollarga yetkaziladi. Sanoatda 2 millionta yuqori daromadli ish o‘rni yaratiladi.
 
Yoshlar salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
 
Kichik biznesning o‘rta biznesga, o‘rta korxonalarning yirik kompaniya va korporatsiyalarga aylanishi uchun yaxlit ekotizim yo‘lga qo‘yiladi.
 

– Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi,

– dedi Prezidentimiz.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Prezident Shavkat Mirziyoyevning davlat mustaqilligining 35 yilligi munosabati bilan so‘zlagan tabrigidan asosiy fikrlar (birinchi qism):

📌Buyuk istiqlolimizning ildizlari uch ming yildan ziyod bo‘lgan davlatchilik an’analarimiz va qadimiy sivilizatsiyamiz tarixiga borib taqaladi;

📌 Mustaqillik, eng avvalo, bizga shonu sharafimizni, muqaddas dinimizni, ona tilimizni, unutilayotgan milliy qadriyatlarimizni qaytarib berdi;

📌 Bugungi erkin hayot uchun jonini fido qilgan ulug‘ ajdodlarimiz, jadidlar xotirasiga ta'zim bajo keltiramiz;

📌 Birinchi Prezidentimiz, atoqli davlat va siyosat arbobi Islom Abdug‘aniyevich Karimovning yorqin xotirasini ehtirom bilan yod etamiz;

📌 Islohotlarni boshlagan birinchi kunlardanoq xalqning qalbiga quloq soldik, aholining dardiga darmon bo‘lishni maqsad qildik;

📌 "Paxta qulligi", "majburiy mehnat va bolalar mehnati", "konvertatsiya cheklovi", "propiska" kabi odamlarni yillar davomida qiynab kelgan muammolarga barham berdik;

📌 Har bir inson erkin va farovon yashaydigan jamiyatni barpo etish uchun keyingi 10 yilda tinimsiz izlandik, qattiq mehnat qildik. O‘zbekistonni dunyoga keng ochdik;

📌 2030-yilga borib yalpi ichki mahsulot hajmini 160 milliard dollarga yetkazishni reja qilgan edik. Bu vazifani shu yilning o‘zida ortig'i bilan amalga oshiramiz va daromadi o‘rtachadan yuqori bo‘lgan davlatlar qatoriga kiramiz;

📌 Bugungi kunda kambag'allik darajasini 2017-yildagi 35 foizdan 4 foizga tushurishga erishdik. 10 million nafar insonning turmush sifati yaxshilandi;

📌 Mamlakatimiz oliy ta’lim muassasalari talabalarining yarmidan ko‘pini qizlar va ayollar tashkil etadi. Bilimli qizlar — bilimli oila, bilimli avlod, ma’rifatli jamiyat deganidir;

📌Ta’lim bilan bir qatorda ilm-fan, zamonaviy texnologiya va innovatsiyalarni ham taraqqiyotimizning hal qiluvchi omili deb bilamiz;

📌 Mening niyatim: O‘zbekiston texnologiya sohalarida jahonga ilg‘or tashabbuslarni taklif qiladigan markazga aylanishi zarur.

Facebook|Instagram|X

Prezident Shavkat Mirziyoyevning davlat mustaqilligining 35 yilligi munosabati bilan so‘zlagan tabrigidan asosiy fikrlar (ikkinchi qism):

📌 Aholining o‘rtacha umr ko‘rish davomiyligi 1991-yildagi 66,4 yoshdan 2025-yilda 75,4 yoshga yetgani, go‘daklar va onalar o‘limi ko‘rsatkichi 4 barobar kamaygani sohadagi islohotlarimizning eng muhim natijasidir;

📌 Mamlakatimiz taraqqiyotning mutlaqo yangi davriga qadam qo‘ymoqda. Kelgusi o‘n yillik biz uchun milliy yuksalish davri bo‘ladi;

📌 Kelgusi yillarda yurtimizda inson qadrini yanada yuksaltiradigan 7 ta milliy dasturni amalga oshiramiz;

📌 Birinchi milliy dastur bilim va malakani kelgusi taraqqiyotimizning asosiy kapitaliga aylantirishdan iborat bo‘ladi;

📌 Tibbiyotda profilaktikani kuchaytirish orqali salomatlikni asrash modeliga o‘tamiz. Davlat tibbiy sug‘urtasi mamlakatning barcha xonadonlariga kirib boradi;

📌 2030-yilgacha yalpi ichki mahsulot hajmi 300 milliard dollarga yetkaziladi;

📌 To‘rtinchi milliy dastur suv va tabiatga munosabatni tubdan o‘zgartirishga qaratiladi;

📌Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz;

📌Mahalla jamiyat taraqqiyotining asosiy buyurtmachisiga aylantiriladi;

📌 O‘zbekistonni xalqaro diplomatiyaning muhim markaziga aylantirish uchun ko‘pqirrali, vazmin va muvozanatli tashqi siyosatni davom ettiramiz;

📌 Biz bugun kechagidan kuchlimiz. Nasib etsa, ertaga bundan ham kuchli bo‘lamiz;

📌 Xalq va davlat yagona maqsad yo‘lida birlashib, astoydil harakat qilsa, zabt etib bo‘lmaydigan marraning o‘zi yo‘q. Bunday buyuk qudratga ega xalq va davlatni yenga oladigan kuchning o‘zi yo‘q;

📌 Matonatli, mard va olijanob xalqimiz o‘z oldiga qo‘ygan ulug‘ maqsadlarga albatta yetadi.

Facebook|Instagram|X