Tadbirkorlar bilan “Ochiq muloqot”da tilga olingan 4 trillion so‘mlik natijaning bir misoli — MCity

Prezident Shavkat Mirziyoyevning tadbirkorlar bilan VI Ochiq muloqotida mahalliy ishlab chiqaruvchilarni yirik korxonalar bilan bog‘layotgan “Milliy sanoat zanjiri” ko‘rgazmalari natijalariga alohida e’tibor qaratildi. Ushbu ko‘rgazmalar doirasida tadbirkorlar va yirik buyurtmachilar o‘rtasida 4 trillion so‘mlik shartnomalar tuzilgani qayd etildi.

Bu raqamlar ortida esa real korxonalar va yangi hamkorliklar bor.

✈️ Shulardan biri — aeroportlar uchun maxsus texnikalar ishlab chiqaruvchi MCity korxonasi.

Korxona rahbari Davronxo‘ja Abdulhafizovning ta’kidlashicha, transport sohasiga bag‘ishlangan “Milliy sanoat zanjiri” ko‘rgazmasida MCity va Uzbekistan Airports o‘rtasida 75 milliard so‘mlik memorandum imzolangan.

Ko‘rgazma korxona uchun nafaqat ichki bozorda yangi buyurtmachilar bilan hamkorlik qilish, balki xorijiy sheriklar topish uchun ham amaliy maydonga aylandi. Natijada Qirg‘iziston va Qozog‘iston bilan hamkorlik aloqalari yo‘lga qo‘yilib, bugungi kunda korxona Qirg‘izistonning “Manas” xalqaro aeroportiga aerodrom maxsus texnikalarini yetkazib bermoqda.

🤝 Bu — “Milliy sanoat zanjiri”ning asosiy maqsadi amalda qanday ishlayotganiga bir misol: mahalliy ishlab chiqaruvchini yirik buyurtmachi bilan uchrashtirish, kooperatsiyani yo‘lga qo‘yish va bu aloqani real buyurtma hamda yangi bozorlarga olib chiqish.

Ko‘rgazma — ikki kun. Unda boshlangan hamkorlik esa yillarga davom etishi mumkin.

🎥 MCity rahbari Davronxo‘ja Abdulhafizov “Milliy sanoat zanjiri” korxonaga qanday yangi imkoniyatlar bergani haqida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari
20-qahramon

Ilgari Janubiy Afrikadan import qilingan mahsulot — bugun O‘zbekistonda ishlab chiqarilmoqda

Ilgari xorijdan olib kelingan ayrim sanoat mahsulotlari bugun mahalliy korxonada ishlab chiqarilmoqda. Ayrim mahsulotlarda mahalliylashtirish darajasi esa 100 foizga yetgan.

🇺🇿“Sanoat qahramonlari” loyihasining 20-qahramoni — Sherzod Ahmadjonov, “NAVPROMLITMASH” korxonasi direktor o‘rinbosari.

🏭Korxonada rangli va qora metallarni eritish va qayta ishlash orqali turli butlovchi qismlar hamda sanoat mahsulotlari ishlab chiqariladi. Mashinasozlik yo‘nalishida esa tog‘-kon sanoatida foydalaniladigan, ilgari asosan import qilingan qator uskuna va ehtiyot qismlarni mahalliy sharoitda ishlab chiqarish o‘zlashtirilgan.

Jumladan, ilgari Janubiy Afrikadan import qilingan tog‘-kon sanoati uchun ayrim butlovchi qismlar, shuningdek, havo, suv va moyni sovutishga mo‘ljallangan radiatorlar bugungi kunda korxonaning o‘zida ishlab chiqarilmoqda.

📈Korxona faoliyatining dastlabki davrida mahalliylashtirish darajasi 10 foiz atrofida bo‘lgan bo‘lsa, bugun aksariyat mahsulotlarda bu ko‘rsatkich 90 foizgacha, ayrim mahsulotlarda esa 100 foizga yetgan. Bunda mahalliy ishlab chiqaruvchilar bilan yo‘lga qo‘yilgan kooperatsiya aloqalari ham muhim o‘rin tutmoqda.

🌍 Mahsulotlar Tojikiston, Qozog‘iston va Ozarbayjonga eksport qilinmoqda. Kelgusida esa energetika sohasi uchun gaz va bug‘ turbinalarining butlovchi qismlarini ishlab chiqarishni o‘zlashtirish rejalashtirilgan.

🤝 Qahramonimizning ta’kidlashicha, davlat korxonalari va mahalliy ishlab chiqaruvchilarni bir maydonda uchrashtirayotgan ko‘rgazmalar hamda ochiq muloqotlar yangi kooperatsiya aloqalarini yo‘lga qo‘yishda muhim imkoniyat yaratmoqda.

🎬 10% dan 100% gacha mahalliylashtirish. Import o‘rniga mahalliy ishlab chiqarish. Ichki bozordan — eksportgacha.

Batafsil — “Sanoat qahramonlari”ning 20-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✔️ Prezidentning tadbirkorlar bilan VI ochiq muloqoti: davlat xaridlarida qanday yangiliklar bo‘ladi?

O‘zbekiston Respublikasi Prezidenti Shavkat Mirziyoyevning tadbirkorlar bilan VI ochiq muloqotida biznes vakillarini qo‘llab-quvvatlash, davlat xaridlarida ular uchun yanada qulay sharoitlar yaratish bo‘yicha qator muhim tashabbuslar ilgari surildi.

Sanoat kooperatsiyasi va davlat xaridlari agentligi direktori o‘rinbosari Jahongir Yunusov intervyuda davlat xaridlari sohasida belgilangan ustuvor vazifalar, tadbirkorlar uchun yaratilayotgan yangi imkoniyatlar hamda ularni amaliyotga joriy etish mexanizmlari haqida ma’lumot berdi.

📹 Batafsil — intervyuda.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✔️ Prezidentning tadbirkorlar bilan VI ochiq muloqoti: sanoat kooperatsiyasida yangi imkoniyatlar

O‘zbekiston Respublikasi Prezidenti Shavkat Mirziyoyevning tadbirkorlar bilan VI ochiq muloqotida mahalliy ishlab chiqarishni kengaytirish, sanoat kooperatsiyasini rivojlantirish va tadbirkorlarni yangi loyihalarga jalb etish bo‘yicha muhim vazifalar belgilab berildi.

🏛️ Sanoat kooperatsiyasi va davlat xaridlari agentligi direktori o‘rinbosari Ilhomjon Pardayev intervyuda mazkur tashabbuslarning ahamiyati, sanoat kooperatsiyasini yanada rivojlantirish bo‘yicha belgilangan vazifalar hamda mahalliy ishlab chiqaruvchilar uchun yaratilayotgan imkoniyatlar haqida so‘z yuritdi.

📹 Batafsil — intervyuda.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🏛️ HAFTALIK DAYJEST | 17-22 avgust, 2026-yil

Hafta davomida Sanoat kooperatsiyasi va davlat xaridlari agentligi tomonidan quyidagi muhim tadbirlar amalga oshirildi:

✅ Agentlik vakillari Xitoyda sanoat parklarini qurish va boshqarish bo‘yicha xalqaro seminarda ishtirok etmoqda;

✔️Ommaviy axborot vositalarida Sanoat kooperatsiyasi va davlat xaridlari agentligi tomonidan mahalliy ishlab chiqaruvchilar va tadbirkorlik subyektlari bilan o‘tkazilgan navbatdagi ochiq muloqot keng yoritildi;

✔️ INNO Texnoparkda Koreya Lift Universiteti vakillari bilan uchrashuv o‘tkazildi;

🎥 Prezident Shavkat Mirziyoyev kichik va mikro gidroelektr stansiyalari tarmogʻini rivojlantirishning navbatdagi chora-tadbirlari yuzasidan taqdimot bilan tanishdi;

🏛️ Prezident tashabbusi amalda: tadbirkorning 12 mlrd so‘m mablag‘i qaytarildi;

🤝 Kasbiy ta’lim-oliy ta’lim-sanoat ishlab chiqarishi zanjiri lift sanoati misolida: Koreya tajribasi va texnologiyalarini transfer qilish qilish bo‘yicha amaliy qadamlar qo‘yildi;

🏛️ Mahalliy ishlab chiqaruvchilar bilan ochiq muloqot: muammo va takliflar muhokama qilindi;

🇺🇿 Agentlik vakillari 20-avgust kuni 🇨🇳Xitoy Xalq Respublikasining Chengdu shahrida “Chengdu dunyoga ochilmoqda — global aloqalarni kengaytirish” tashabbusi doirasida aqlli ishlab chiqarish sanoatiga bag‘ishlangan xalqaro tadbir ishtirok etdi;

🏛️ Tadbirkorlar bilan “Ochiq muloqot”da tilga olingan 4 trillion so‘mlik natijaning bir misoli — MCity;

🇺🇿O‘zbekiston Mustaqilligining 35 yilligi munosabati bilan Sanoat kooperatsiyasi va davlat xaridlari agentligi tomonidan “Sanoat qahramonlari ” maxsus loyihasining 5-20-sonlari e’lon qilindi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari
21-qahramon

Mahalliy yuk avtomobillari eksport geografiyasini kengaytirmoqda

2023-yilda faoliyatini boshlagan korxona bugun yuk tashish transport vositalarini mahalliylashtirish bilan birga, ishlab chiqarish quvvatlarini kengaytirish va yangi eksport bozorlariga chiqish ustida ishlamoqda.

🇺🇿“Sanoat qahramonlari” loyihasining 21-qahramoni — Ismoil Nazirov, “Van Universal Motors” MChJ boshqaruv direktori.

🏭Korxonada bugungi kunda 7 xil modeldagi yuk avtomobillari ishlab chiqariladi. Mahalliylashtirish doirasida transport vositalarining ayrim butlovchi qismlarini korxonaning o‘zida ishlab chiqarish yo‘lga qo‘yilgan bo‘lib, mahalliylashtirish darajasi 30 foizni tashkil etmoqda.

🚚 Korxona 12 tonnagacha yuk tashishga mo‘ljallangan avtomobillar bilan cheklanib qolmasdan, ishlab chiqarish qatorini kengaytirishni maqsad qilgan. Kelgusida 12 tonnadan 50 tonnagacha yuk ko‘tarish quvvatiga ega transport vositalari ishlab chiqarishni yo‘lga qo‘yish rejalashtirilmoqda.

Ishlab chiqarishni kengaytirish uchun sanoat hududida yangi maydon ajratilib, yangi ishlab chiqarish quvvatlarini barpo etish bo‘yicha ishlar boshlangan.

🌍 Korxona mahsulotlari Tojikiston va Afg'onistonga eksport qilinmoqda.

🎬 7 model. 30% mahalliylashtirish. 50 tonnagacha yuk avtomobillari. Keyingi manzil — yangi eksport bozorlari.

Batafsil — “Sanoat qahramonlari”ning 21-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari
22-qahramon

Surxondaryoda ishlab chiqarilib, 100% eksport qilinmoqda

Mahalliy xomashyo va ishlab chiqarish imkoniyatlaridan samarali foydalanib, mahsulotni to‘liq tashqi bozorga yo‘naltirish — Surxondaryodagi yana bir sanoat korxonasining bugungi natijasi.

🇺🇿“Sanoat qahramonlari” loyihasining 22-qahramoni — Xudoyor Isroilov, “Khilal Vortex” MChJ rahbari.

🏭 Korxonada sun’iy va tabiiy tolalardan 7 turdagi ip-kalava mahsulotlari ishlab chiqarish yo‘lga qo‘yilgan. Loyihaning amalga oshirilishi natijasida hududda 400 ta yangi ish o‘rni yaratilgan.

📈Bugungi kunda korxonada mahalliylashtirish darajasi 70 foizga yetgan. Yillik ishlab chiqarish quvvati 360 tonna ip-kalavani tashkil etib, ishlab chiqarilgan mahsulotlarning 100 foizi eksportga yo‘naltirilmoqda.

💼 Korxonani tashkil etish va ishlab chiqarish quvvatlarini shakllantirish uchun 18,5 million AQSH dollari miqdorida investitsiya kiritilgan.

Bu — hududda yangi ish o‘rinlari yaratish, mahalliy xomashyoni qayta ishlab qo‘shilgan qiymat yaratish va tayyor mahsulot bilan tashqi bozorga chiqishning amaliy misollaridan biri.

🎬 400 ta ish o‘rni. 70% mahalliylashtirish. Ishlab chiqarilgan mahsulotning 100% — eksportga.

Batafsil — “Sanoat qahramonlari”ning 22-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

O‘zbekiston va Ozarbayjon Prezidentlari qo‘shma loyihalarga start berdilar.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇦🇿“Shavkat Mirziyoyev O‘zbekistonni butunlay o‘zgartirdi” — Ilhom Aliyev

✍️Ozarbayjon Prezidenti Ilhom Aliyev O‘zbekistonning so‘nggi yillardagi taraqqiyoti va Prezident Shavkat Mirziyoyev rahbarligida mamlakatda amalga oshirilgan o‘zgarishlarga yuqori baho berdi.

U Shavkat Mirziyoyev O‘zbekiston rahbarligiga kelgan davrdagi vaziyat bilan bugungi holat o‘rtasida katta farq borligini ta’kidladi.

“Shavkat Miromonovich O‘zbekistonga rahbarlik qilishni boshlaganida vaziyat butunlay boshqacha edi. Buni O‘zbekiston fuqarolari ham, biz ham juda yaxshi bilamiz. Shu sababli u mamlakatni rivojlanish yo‘liga qo‘yish hamda davlatning iqtisodiy jihatlarini noldan shakllantirish uchun katta kuch bilan ishlashiga to‘g‘ri keldi”, — dedi Ilhom Aliyev.

Ozarbayjon rahbari sanoat va qishloq xo‘jaligini rivojlantirish, xorijiy investisiyalarni jalb qilish borasidagi ishlarga ham to‘xtaldi.

“Bugun biz butunlay boshqacha O‘zbekistonni ko‘rib turibmiz — jahon hamjamiyatining juda hurmatga sazovor a’zosiga aylangan O‘zbekistonni. Sanoatni rivojlantirish, qishloq xo‘jaligi, energetika, transport infratuzilmasi bilan bog‘liq masalalar juda tezkor va samarali hal etilmoqda”, — dedi u.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari
23-qahramon

Filtr, motor moyi, antifriz: mahalliy ishlab chiqarishda yangi yo‘nalish

Ishlab chiqarish hajmining qariyb 4 barobar o‘sishi, eksport geografiyasining kengayishi va elektromobillar uchun yangi mahsulotlarni o‘zlashtirish — navbatdagi sanoat hikoyamiz ana shu natijalar haqida.

🇺🇿“Sanoat qahramonlari” loyihasining 23-qahramoni — Rustam Tojiboyev - “World trading company” ijrochi direktori.

🏭 Korxona faoliyatining dastlabki davrida ishlab chiqarish hajmi 2,5 ming tonna atrofida bo‘lgan bo‘lsa, bugungi kunda bu ko‘rsatkich 10 ming tonnaga yetgan. Ish o‘rinlari soni ham 20 nafardan 120 nafardan ortiq darajaga ko‘paygan.

Korxonada havo filtrlari ishlab chiqarish dastlab kuniga 200–300 donadan boshlangan. Bugungi kunda esa ishlab chiqarish quvvati kuniga 1,5 ming donagacha yetkazilgan.

🌍 Mahsulotlar Qozog‘iston, Qirg‘iziston, Tojikiston va Turkmanistonga eksport qilinmoqda. Shu bilan birga, Gruziya, Litva va Ozarbayjon kabi yangi yo‘nalishlar hisobiga eksport geografiyasi kengayib bormoqda.

🔬 Korxonada zamonaviy laboratoriya tashkil etilgan. Keyingi bosqichda avtomobillar uchun motor va texnik moylar ishlab chiqarishni yo‘lga qo‘yish, buning hisobiga yana 20 dan ortiq yangi ish o‘rni yaratish rejalashtirilgan.

🔋 Yana bir yangi yo‘nalish — elektromobillar uchun antifriz ishlab chiqarish. Mazkur mahsulot bo‘yicha ishlab chiqarish ishlari boshlangan, shuningdek, BYD bilan hamkorlik yuzasidan muzokaralar olib borilmoqda.

🎬 4 barobar o‘sgan ishlab chiqarish, kengayayotgan eksport geografiyasi va yangi mahsulotlar.

Batafsil — “Sanoat qahramonlari”ning 23-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

👜 Ochiq muloqotdagi tashabbus – tadbirkor uchun amaliy natija

Davlatimiz rahbarining tadbirkorlar bilan VI Ochiq muloqotida davlat xaridlarida tadbirkorlarning mablag‘larini ortiqcha muddatga band qilib turgan muammolardan biriga alohida e’tibor qaratildi.

Xususan, mahsulot yetkazib berilganidan keyin ham ayrim hollarda tadbirkorlarning xaridlarda ishtirok etish uchun kiritgan kafolat mablag‘lari o‘z vaqtida qaytarilmayotgani qayd etildi. Endilikda qabul qilingan tovar bo‘yicha ushbu mablag‘larni avtomatik qaytarish tizimini joriy etish belgilandi.

🏢 Buning amaliy natijasini “Tafakkur xizmati samarasi” korxonasi misolida ham ko‘rish mumkin.

2021-yildan buyon kompyuter va qurilmalarga texnik xizmat ko‘rsatish yo‘nalishida faoliyat yuritayotgan korxona davlat xaridlaridagi tanlov va tenderlarda muntazam qatnashib keladi. Faoliyati davomida korxonaning xaridlarda ishtirok etish uchun kiritgan ayrim kafolat mablag‘lari qaytarilishi bilan bog‘liq muammolar yuzaga kelgan.

Prezidentning tadbirkorlar bilan ochiq muloqotidan so‘ng korxonaning qaytarilishi kutilayotgan kafolat mablag‘lari qaytarildi.

💬 Korxona rahbarining ta’kidlashicha, mablag‘larning o‘z vaqtida qaytarilishi ularni aylanmadan chiqarib qo‘ymaslik, keyingi tenderlarda faolroq qatnashish va yangi shartnomalar uchun qo‘shimcha imkoniyat yaratish nuqtayi nazaridan muhim ahamiyatga ega.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari
24-qahramon

🚆 Lokomotivlar uchun ehtiyot qismlar mahalliylashtirilmoqda

Lokomotivlarni ta’mirlash, ularning xizmat muddatini uzaytirish va ilgari import qilingan ehtiyot qismlarni mahalliy sharoitda ishlab chiqarish — navbatdagi sanoat hikoyamiz temir yo‘l mashinasozligi haqida.

🇺🇿“Sanoat qahramonlari” loyihasining 24-qahramoni — Ma’ruf Rixsibayev, “O‘ztemiryo‘lmashta’mir” AJ bosh texnologi.

🚂Korxona “O‘zbekiston temir yo‘llari” tizimidagi lokomotivlarni ta’mirlash va ularga texnik xizmat ko‘rsatish bilan bir qatorda, temir yo‘l transporti uchun zarur ehtiyot qismlarni ishlab chiqarishni ham bosqichma-bosqich o‘zlashtirib kelmoqda.

Bugungi kunda korxonada 1 000 nafardan ortiq xodim faoliyat yuritadi. E’tiborlisi, ularning 70 foizdan ortig‘ini yoshlar tashkil etadi. Bu murakkab sanoat yo‘nalishida yangi avlod mutaxassislarining shakllanib borayotganini ko‘rsatadi.

🌍 Korxona faoliyati ichki bozor bilan cheklanmaydi. Tojikiston, Qirg‘iziston va Turkmaniston bilan lokomotivlarni ta’mirlash, ularga xizmat ko‘rsatish hamda ehtiyot qismlar yetkazib berish yo‘nalishlarida hamkorlik yo‘lga qo‘yilgan.

⚙️ So‘nggi yillarda ilgari import qilingan qator mahsulotlarni mahalliy ishlab chiqarish o‘zlashtirildi. 2026-yilda yana 7 turdagi yangi mahsulotni o‘zlashtirish rejalashtirilgan.

🎬 Lokomotiv ta’miridan ehtiyot qismlar ishlab chiqarishgacha, mahalliylashtirishdan mintaqaviy hamkorlikkacha.

Batafsil — “Sanoat qahramonlari”ning 24-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari
25-qahramon

Radiator ortidagi 23,5 million dollarlik hikoya

“Sanoat qahramonlari” loyihasining 25-qahramoni — Jahongirmirzo Jumanazarov, “Osten Technologies” MChJ muhandis-texnologi.

🏭 23,5 million AQSH dollari miqdoridagi investitsiya asosida tashkil etilgan korxona panel radiatorlar ishlab chiqarishga ixtisoslashgan. 2025-yil dekabr oyida ishlab chiqarish faoliyatini boshlagan korxonada bugungi kunda 200 nafardan ortiq xodim mehnat qilmoqda.

📈 Qisqa vaqt ichida ishlab chiqarilgan 72 milliard so‘mlik panel radiatorlar ichki bozorga yetkazib berildi. Yil yakuniga qadar mahsulot realizatsiyasi hajmini 137 milliard so‘mga yetkazish rejalashtirilgan.

⚙️ E’tiborlisi, korxonada ishlab chiqarilayotgan panel radiatorlarning mahalliylashtirish darajasi 80 foizdan oshgan. Keyingi maqsad esa ushbu ko‘rsatkichni 100 foizga yetkazish.

🌍 Korxona tashqi bozorga chiqishni ham boshlagan. Hozirgacha 60 ming AQSH dollarlik mahsulot eksport qilingan bo‘lsa, yil oxirigacha eksport hajmini 1 million dollarga yetkazish maqsad qilingan.

🎬 23,5 mln dollar investitsiya. 80% dan yuqori mahalliylashtirish. Keyingi marra — 100% va yangi eksport bozorlari.

Batafsil — “Sanoat qahramonlari”ning 25-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari
26-qahramon

2 ming inson mehnati ortidagi “Premier electrotech”

“Sanoat qahramonlari” loyihasining 26-qahramoni — “Premier electrotech” brendi asoschisi Saidmuxtor Saidnuriddinov.

🏭 Bugun korxonada konditsioner, televizor, yarim avtomat kir yuvish mashinasi, changyutgich kabi maishiy texnika mahsulotlari ishlab chiqarilmoqda. Mahsulot turiga qarab, mahalliylashtirish darajasi 55 foizdan 90 foizgacha yetgan.

Muhimi, yangi mahsulotni shunchaki yig‘ish emas, uning butlovchi qismlarini ham bosqichma-bosqich mahalliylashtirish tamoyili asosida ishlab chiqarish yo‘lga qo‘yilgan.

👥 Korxonada bugungi kunda 2 mingga yaqin yurtdoshimiz mehnat qilmoqda.

🌍 Mahalliy maishiy texnika Qozog‘iston, Tojikiston va Rossiya bozorlariga yetkazib berilmoqda. Yaqinda esa Suriya yo‘nalishida ham eksport boshlangan. Korxona 2026-yil yakuniga qadar eksport hajmini qariyb 40 million AQSH dollariga yetkazishni maqsad qilgan.

⚙️ Keyingi bosqichda ishlab chiqarish qatorini yanada kengaytirib, suv isitgichlari, avtomat kir yuvish mashinalari, gaz plitalari va boshqa turdagi maishiy texnikalarni o‘zlashtirish rejalashtirilgan.

🎬 Mahalliylashtirish 90 foizgacha. 2 mingga yaqin ish o‘rni. Eksport geografiyasi esa kengaymoqda.

Batafsil — “Sanoat qahramonlari”ning 26-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇺🇿 Prezident Shavkat Mirziyoyev ishtirokida mamlakatimiz mustaqilligining 35 yilligi munosabati bilan hududlarda umumiy qiymati 50 trillion so‘mlik 163 ta yangi obyektni ishga tushirish marosimi boʻlib oʻtdi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari
27-qahramon

Yo‘lovchi vagonlarida mahalliy ulush — 75 foizgacha

🇺🇿O‘zbekiston Mustaqilligining 35 yilligiga bag‘ishlangan “Sanoat qahramonlari” maxsus loyihasi davom etadi.

🎬 Loyihaning 27-qahramoni — yo‘lovchi vagonlarini ta’mirlash va ishlab chiqarishga ixtisoslashgan "Toshkent yo'lovchi vagonlarini qurish va ta'mirlash zavodi" AJ direktor o'rinbosari Dilmurod Nigmanov .

🚆 Korxonada bugungi kunga qadar 20 mingdan ortiq yo‘lovchi vagoni ta’mirlangan, 500 ga yaqin yangi vagon qurilib, foydalanishga topshirilgan. Ishlab chiqarilayotgan vagonlarning mahalliylashtirish darajasi esa 70–75 foizga yetgan.

🤝 Bu natijalar ortida keng sanoat kooperatsiyasi ham bor. Vagonlar uchun zarur mahsulot va butlovchi qismlarni mahalliylashtirish yo‘nalishida 100 ga yaqin mahalliy ishlab chiqaruvchi bilan hamkorlik yo‘lga qo‘yilgan.

Korxonada yangi vagonlar ishlab chiqarish bilan bir qatorda, eksport xizmatlarini rivojlantirish, mahalliylashtirish darajasini yanada oshirish va mahalliy korxonalarni ishlab chiqarish zanjiriga kengroq jalb etish bo‘yicha ishlar davom ettirilmoqda.

🎥 Bir vagon ortida qancha mahalliy korxona mehnati turadi?

Batafsil — “Sanoat qahramonlari” loyihasining 27-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Prezident Shavkat Mirziyoyev ishtirokida mamlakatimiz mustaqilligining 35 yilligi munosabati bilan davlat mukofotlarini topshirish marosimi bo‘lib o‘tmoqda.

Tadbirda davlatimiz rahbari yig‘ilganlarni O‘zbekiston Respublikasi davlat mustaqilligining 35 yilligi bilan samimiy tabrikladi.

– 35 yil – tarix uchun juda qisqa davr. Lekin ortda qolayotgan yillar o‘zining ko‘lami, yutuq va natijalari bilan asrga tatigulik davr bo‘ldi, desak, aslo mubolag‘a bo‘lmaydi,

– dedi Prezident.

Ushbu o‘zgarishlarning haqiqiy muallifi mehnatkash va olijanob xalqimiz ekani ta’kidlandi.

Davlatimiz rahbari mustaqillikning qadr-qimmati qishloqda rizq-ro‘z yaratayotgan fermer va dehqonlar, farzandlarga ta’lim-tarbiya berayotgan ustoz va murabbiylar, inson hayotini asrayotgan shifokorlar mehnatida namoyon bo‘lishini qayd etdi.

Shuningdek, ilm-fan taraqqiyotiga yangi g‘oya va kashfiyotlar olib kirayotgan olimlar, zamonaviy korxonalar barpo etayotgan sanoatchi va tadbirkorlar, shahar va qishloqlarni obod qilayotgan quruvchi hamda arxitektorlarning hissasiga alohida to‘xtaldi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

So‘nggi o‘n yilda xalq bilan hamjihat bo‘lib amalga oshirilayotgan ishlar natijasida iqtisodiyot tez sur’atlarda barqaror o‘sib borayotgani qayd etildi.

O‘tgan davrda mamlakatimizga 160 milliard dollardan ortiq xorijiy investitsiya kirdi. Iqtisodiyotimiz 2,5 barobardan ziyod ko‘paydi. Joriy yil yalpi ichki mahsulot hajmi 180 milliard dollardan oshishi kutilmoqda.

Sanoat tarmoqlari, servis va qishloq xo‘jaligi sohalarida 5 million 700 ming doimiy ish o‘rni yaratildi. Davlat va xususiy sektor ishtirokida 1 million 500 ming o‘rinli zamonaviy maktab, 342 ming o‘rinli bog‘cha va 62 ming o‘rinli shifoxonalar ishga tushirildi.

Odamlarning uzog‘ini yaqin qilish uchun 83 ming kilometr umumiy foydalanishdagi ichki yo‘llar qurildi va ta’mirlandi. Hududlarda 8 million aholi yashaydigan xonadonlarga ilk bor markazlashgan ichimlik suvi kirib bordi, yana 11,5 million aholining suv ta’minoti yaxshilandi.

O‘tgan o‘n yilda 650 ming oila yangi zamonaviy uy-joyga ega bo‘ldi. Xalqimizda “Uyli bo‘lish – vatanli bo‘lish” degan naql bor. Shu ma’noda, kamida 2,5 million aholi vatanli bo‘ldi!

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin