🏛️ HAFTALIK DAYJEST | 10-15 avgust, 2026-yil

Hafta davomida Sanoat kooperatsiyasi va davlat xaridlari agentligi tomonidan quyidagi muhim tadbirlar amalga oshirildi:

🎤 2026-yil 2-chorak yakuniga ko'ra, davlat xaridlarida shartnoma ma’lumotlarini joylashtirishda 38% gacha kechikish aniqlandi;

🎥 "Ekspertga so'z" loyihasining navbatdagi soni e'lon qilindi – Agentlik qaysi yo‘nalishlarda Saudiya Arabistoni tajribasini o‘rganadi?

🇺🇿🇨🇳 Agentlik xodimlari Xitoyning Chendu shahrida malaka oshirish seminarlarida ishtirok etmoqda;

🏛 Toshkent davlat iqtisodiyot universiteti bilan hamkorlik istiqbollari muhokama qilindi;

✔️Hududlarda mahalliy ishlab chiqaruvchilar bilan manzilli ishlash davom etmoqda;

🎥 "Ekspertga so'z" loyihasining navbatdagi soni e'lon qilindi: Janubiy Koreya tajribasi: davlat xaridlarini raqamlashtirishda qanday yechimlar muhim?

🎤 Ilm-fan va sanoat integratsiyasi: Materialshunoslik institutining ilmiy salohiyati o‘rganildi;

🎥 "Ekspertga so'z" loyihasining navbatdagi soni e'lon qilindi: Kadrlar salohiyati va ilm-fan integratsiyasi: Xitoy va Germaniya tajribasi nimasi bilan muhim?

🇺🇿O‘zbekiston Mustaqilligining 35 yilligi munosabati bilan Sanoat kooperatsiyasi va davlat xaridlari agentligi tomonidan “Sanoat qahramonlari ” maxsus loyihasi yo'lga qo'yildi;

🎤 Tadbirkorlar bilan navbatdagi ochiq muloqot o‘tkazildi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari
3-qahramon

Sanoat qahramonlari — yangi maxsus loyiha

🇺🇿O‘zbekiston Mustaqilligining 35 yilligi munosabati bilan Sanoat kooperatsiyasi va davlat xaridlari agentligining “Sanoat qahramonlari” maxsus loyihasi davom etadi.

🤖 Loyiha orqali yurtimizning turli hududlarida faoliyat yuritayotgan 35 ta mahalliy ishlab chiqarish korxonasi va ular ortida turgan insonlar misolida O‘zbekiston sanoatining bugungi salohiyati, mahalliylashtirish natijalari va ishlab chiqarishdagi real o‘zgarishlar yoritib boriladi.

🎬Loyihaning uchinchi qahramoni — “Crown Ceramic” korxonasi rahbari Bobur Sultonaliyev.

Umumiy qiymati 70 million dollar bo‘lgan “Crown Ceramic” bugungi kunda Markaziy Osiyodagi yirik keramogranit mahsulotlari ishlab chiqaruvchi korxonalardan biri hisoblanadi.

Korxonada zamonaviy ishlab chiqarish texnologiyalari bilan ilmiy yondashuv uyg‘unlashtirilgan. Eng muhimi, ilgari importga bog‘liq bo‘lgan mahsulotni mahalliy sharoitda ishlab chiqarishni yo‘lga qo‘yish natijasida uning tannarxini ikki baravar arzonlashtirishga erishilgan.

Navbatdagi son orqali yirik sanoat loyihasini yo‘lga qo‘yish, ilm-fan va ishlab chiqarishni birlashtirish, mahsulotni mahalliylashtirish hamda raqobatbardosh ishlab chiqarishni shakllantirish ortidagi jarayonlar bilan yaqindan tanishasiz.

Sanoat qahramonlari. O‘zbekiston sanoatining bugungi qiyofasi.

🔹Uchinchi sonni tomosha qiling.

▶️ Batafsil

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari
4-qahramon

Sanoat qahramonlari — yangi maxsus loyiha

🇺🇿O‘zbekiston Mustaqilligining 35 yilligi munosabati bilan Sanoat kooperatsiyasi va davlat xaridlari agentligining “Sanoat qahramonlari” maxsus loyihasi davom etadi.

🤖 Loyiha doirasida yurtimizning turli hududlarida faoliyat yuritayotgan 35 ta mahalliy ishlab chiqarish korxonasi va ular ortida turgan insonlar misolida O‘zbekiston sanoatining bugungi salohiyati, mahalliylashtirish natijalari va ishlab chiqarishdagi real o‘zgarishlar yoritib boriladi.

🎬 Loyihaning to‘rtinchi qahramoni — Farg‘ona viloyati Toshloq tumanida faoliyat yuritayotgan “Zamin Azia Farm” korxonasi bosh muhandisi Sherzodjon Qosimov.

➕7 million dollar investitsiya kiritilgan korxonada bugungi kunda 10 turdagi dori-darmon mahsulotlari ishlab chiqarilmoqda. Ishlab chiqarish to‘liq quvvatga chiqqach, mahsulot turlarini 40 tagacha yetkazish imkoniyati mavjud.

Korxonada mahalliylashtirish darajasi 70 foizni tashkil etadi. Ayni paytda ishlab chiqarish quvvatlari hisobiga ichki bozorga oyiga 2 million dona farmatsevtika mahsulotlari yetkazib berilmoqda.

Navbatdagi son orqali zamonaviy farmatsevtika ishlab chiqarishi, mahalliylashtirish jarayonlari, ishlab chiqarish quvvatlarini kengaytirish hamda ichki bozorni mahalliy dori vositalari bilan ta’minlash yo‘lida amalga oshirilayotgan ishlar bilan yaqindan tanishasiz.

Sanoat qahramonlari. O‘zbekiston sanoatining bugungi qiyofasi.

🔹 To‘rtinchi sonni tomosha qiling.

🎞Batafsil

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Ekspertga_soz

Yashil davlat xaridlari: ekologik mezonlar xaridlar tizimiga qanday joriy etiladi?

“Ekspertga so‘z” loyihasining navbatdagi sonida yashil davlat xaridlarini rivojlantirish hamda bu yo‘nalishda Fransiya taraqqiyot agentligi (AFD) bilan olib borilayotgan hamkorlik haqida so‘z yuritiladi.

Unda davlat xaridlarida ekologik mezonlarni bosqichma-bosqich joriy etish, xususan, ayrim tovar va xizmatlar kategoriyalaridagi xaridlarning 15 foizini “yashil xaridlar” tamoyillari asosida amalga oshirish bo‘yicha rejalar haqida ma’lumot beriladi.

Shuningdek, ushbu yondashuv orqali ekologik talablarga javob beradigan ishlab chiqarishni rag‘batlantirish, resurslardan samarali foydalanish va ishlab chiqarish jarayonlarida ekologik standartlarni kengroq qo‘llash bo‘yicha belgilangan vazifalar haqida batafsil bilib oling.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari
5-qahramon

Sanoat qahramonlari — O‘zbekiston sanoatining bugungi qiyofasi

O‘zbekiston Mustaqilligining 35 yilligi munosabati bilan Sanoat kooperatsiyasi va davlat xaridlari agentligining “Sanoat qahramonlari” maxsus loyihasi davom etmoqda.

💊Loyihaning beshinchi qahramoni — Zokir Rahimov, 2011-yilda tashkil etilgan “Nova Farm” korxonasining ishlab chiqarish direktori.

🏭Korxona bugungi kunda 3 ta ishlab chiqarish sexida tabletka, kapsula, suspenziya va antibiotiklar ishlab chiqaradi. Ishlab chiqarish jarayonlari GMP standarti talablari asosida tashkil etilgan bo‘lib, korxonaning yillik ishlab chiqarish quvvati qariyb 100 mlrd so‘mni tashkil etadi.

🌍 Mahsulotlar ichki bozor bilan bir qatorda qo‘shni va boshqa xorijiy bozorlarga, jumladan, Afg‘oniston va Ozarbayjonga eksport qilinmoqda.

📈 Kelgusida ishlab chiqarish quvvatlarini yanada kengaytirish maqsadida korxonada qo‘shimcha 4 ta sexni ishga tushirish rejalashtirilgan. Yangi quvvatlarda, jumladan, ampula shaklidagi dori vositalarini ishlab chiqarishni yo‘lga qo‘yish ko‘zda tutilgan.

🎬 Navbatdagi son orqali Zokir Rahimov faoliyati misolida farmatsevtika mahsulotlarini ishlab chiqarish jarayoni, xalqaro standartlar asosida yo‘lga qo‘yilgan ishlab chiqarish, eksport va korxonaning istiqboldagi rejalari bilan yaqindan tanishasiz.

Sanoat qahramonlari. O‘zbekiston sanoatining bugungi qiyofasi.

🔹Beshinchi sonni tomosha qiling.

▶️ Batafsil

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari
6-qahramon

Sanoat qahramonlari — O‘zbekiston sanoatining bugungi qiyofasi

O‘zbekiston Mustaqilligining 35 yilligi munosabati bilan Sanoat kooperatsiyasi va davlat xaridlari agentligining “Sanoat qahramonlari” maxsus loyihasi davom etmoqda.

🏭Loyihaning navbatdagi qahramoni — Ixtiyor Hamroyev, ventilyatsiya mahsulotlari ishlab chiqarishga ixtisoslashgan “Jihozvent” korxonasi rahbari.

⚙️2002-yilda o‘z faoliyatini boshlagan korxonada bugungi kunda ishlab chiqarilayotgan mahsulotlarning mahalliylashtirish darajasi 80 foizdan oshgan. 2026-yilda esa korxonada 300 mlrd so‘mlik mahsulot ishlab chiqarish rejalashtirilgan.

🤝 Korxona mahsulotlariga bo‘lgan buyurtmalarning 70 foizdan ortig‘i davlat xaridlari hissasiga to‘g‘ri keladi. Mahalliy ishlab chiqarishni kengaytirish orqali sanoat kooperatsiyasi aloqalarini rivojlantirish bilan birga, mahsulotlar Qozog‘iston, Qirg‘iziston va Tojikiston bozorlariga ham eksport qilinmoqda.

⚙️Kelgusida ishlab chiqarishni konveyer tizimiga o‘tkazish, jarayonlar samaradorligini oshirish va shu orqali mahsulot tannarxini yanada pasaytirish maqsad qilingan.

🎬 Navbatdagi son orqali Ixtiyor Hamroyev faoliyati misolida ventilyatsiya mahsulotlarini mahalliylashtirish, davlat xaridlaridagi talab, sanoat kooperatsiyasi va eksportni kengaytirish yo‘nalishida amalga oshirilayotgan ishlar bilan yaqindan tanishasiz.

Sanoat qahramonlari. O‘zbekiston sanoatining bugungi qiyofasi.

🔹Navbatdagi sonni tomosha qiling.

▶️ Batafsil

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Birozdan so‘ng Prezident Shavkat Mirziyoyevning tadbirkorlar bilan VI ochiq muloqoti boshlanadi.

Tadbirda 500 nafarga yaqin tadbirkor bevosita, ilk bor tumanlardagi studiyalardan yana 25 mingga yaqin biznes vakillari ishtirok etmoqda.

Davlatimiz rahbari tomonidan:

– tadbirkorlik uchun barqaror o‘sish trayektoriyasini ta’minlash,

– hududlarda biznes imkoniyatlarini oshirish,

– “sun’iy intellekt – boshqaruv samaradorligi – yangi investitsiyalar” ekotizimini yaratish,

– eksport salohiyatini oshirish, milliy brendlarni tashqi bozorlarga olib chiqish,

– biznesga ma’muriy bosimni keskin kamaytirish yo‘nalishlarida muhim tashabbuslar ilgari surilishi kutilmoqda.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Sanoat qahramonlari — O‘zbekiston sanoatining bugungi qiyofasi

O‘zbekiston Mustaqilligining 35 yilligi munosabati bilan Sanoat kooperatsiyasi va davlat xaridlari agentligining “Sanoat qahramonlari” maxsus loyihasi davom etmoqda.

🏗 Loyihaning yettinchi qahramoni — Istam To‘rayev, Surxondaryo viloyati Termiz shahrida joylashgan “Surkhon Sendwich” MChJ savdo bo‘limi xodimi.

🏭2016-yilda tashkil etilgan korxona sendvich panellar ishlab chiqarishga ixtisoslashgan. Joriy yilning dastlabki 7 oyida korxonada 30 mlrd so‘mlik mahsulot ishlab chiqarildi.

🤝 Ishlab chiqarish jarayonida zarur bo‘lgan qurilish xomashyolari respublikaning turli hududlaridagi mahalliy korxonalardan yetkazib beriladi. Bu esa hududlararo sanoat kooperatsiyasi aloqalarini kengaytirish va mahalliy ishlab chiqaruvchilar o‘rtasida barqaror qiymat zanjirini shakllantirishga xizmat qilmoqda.

📈 Korxonaning istiqboldagi rejalari ham ishlab chiqarish ko‘lamini yanada kengaytirishga qaratilgan. Xususan, 2027-yilda 12 mln AQSH dollari miqdorida investitsiya jalb etish va yangi ishlab chiqarish quvvatlarini tashkil etish rejalashtirilgan.

🎬 Navbatdagi son orqali sendvich panellar ishlab chiqarish jarayoni, mahalliy korxonalar o‘rtasidagi kooperatsiya aloqalari hamda korxonaning kelgusidagi investitsiya rejalari bilan yaqindan tanishasiz.

Sanoat qahramonlari. O‘zbekiston sanoatining bugungi qiyofasi.

🔹 Yettinchi sonni tomosha qiling.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Prezident Shavkat Mirziyoyev Xorazmda tadbirkorlar bilan ochiq muloqot o‘tkazmoqda. Bugungi anjumanda ilk bor tuman studiyalaridan ham 25 mingga yaqin tadbirkor ishtirok etmoqda.

Davlatimiz rahbari yurtimiz iqtisodiy qudratini mustahkamlashga faol hissa qo‘shayotgan 1 million 200 minglik biznes hamjamiyatini Tadbirkorlar kuni bilan tabrikladi.

Besh yil oldin tadbirkorlar bilan ochiq muloqot o‘tkazish anʼanasi boshlanganidan buyon biznesga to‘siq bo‘lgan minglab masalalarga yechim berildi. Bu borada 84 ta qonun, 861 ta farmon va qaror qabul qilindi.

– Nima uchun? Tadbirkorlarimizga sharoit yaratib, yangi ish o‘rinlarini ko‘paytirish, odamlarimizni uzoqqa bormasdan, mahallasining o‘zida daromadli qilish uchun!

– dedi Prezidentimiz.

O‘tgan davrda biznes uchun ajratilgan kredit portfeli qariyb 3 karra oshib, 450 trillion so‘mga yetdi. Tadbirkorlar 650 trillion so‘mlik soliq va bojxona imtiyozlaridan foydalandi.

Ko‘plab biznes vakillari xorijiy banklardan o‘z loyihalariga mustaqil ravishda 1 milliard dollar jalb qildi. Davlatimiz rahbari buni tadbirkorlarimiz zabt etgan yana bir ulkan marra sifatida baholadi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Jahondagi vaziyat qanchalik murakkab bo‘lmasin, o‘tgan yarim yillikda O‘zbekiston iqtisodiyoti 8,5 foizga o‘sdi. “Fitch” va “Moodyʼs” agentliklari mamlakatimiz suveren kredit reytingini bir pog‘ona yaxshiladi.

Jahon bankining investitsiya va ishbilarmonlik muhiti bo‘yicha hisobotida O‘zbekiston 31-o‘rinni egalladi. Davlatimiz rahbari bu natijalar, avvalo, tadbirkorlar bilan yelkama-yelka amalga oshirilayotgan islohotlar samarasi ekanini taʼkidladi.

Joriy yil kooperatsiya, davlat xaridi, standart, oziq-ovqat xavfsizligi va urbanizatsiya sohalarida institutsional o‘zgarishlar amalga oshirildi. “Milliy sanoat zanjiri” orqali xususiy korxonalar yirik davlat kompaniyalaridan 4 trillion so‘mlik buyurtmalar oldi.

Strategik korxonalar mahalliylashtirish uchun 650 dan ziyod yangi mahsulot ro‘yxatini eʼlon qildi. Bu tadbirkorlar uchun qo‘shimcha 1 milliard dollarlik bozor yaratdi.

Qo‘shilgan qiymat solig‘iga o‘tish chegarasi 1 milliard so‘mdan 5 milliard so‘mga oshirildi. Kafe va restoranlarga 100 milliard so‘m QQS “keshbek” sifatida qaytarildi, qishloq xo‘jaligi mahsulotlariga “nol” stavka joriy qilinishi hisobiga 400 milliard so‘m fermerlarda qoldi.

Qozog‘istonda 11 turdagi qurilish materiallari importiga cheklov bekor qilindi, Turkmaniston bilan o‘zaro bojsiz savdo rejimi yo‘lga qo‘yildi. Iordaniya, Pokiston, Eron va Afg‘oniston bilan yuzlab mahsulotlar bo‘yicha imtiyozli savdo bitimlari tuzildi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Iqtisodiyot o‘sishiga katta turtki beradigan yirik loyihalar ham amalga oshirilmoqda. Jizzaxda atom elektr stansiyasi, Olmaliqda to‘rtinchi mis boyitish fabrikasi, “Toshkent – Samarqand” va “Toshkent – Andijon” zamonaviy avtomobil yo‘llari shular jumlasidan.

Xorazmda ekologik aviayoqilg‘i majmuasi, Surxondaryoda 940 gektarlik zamonaviy issiqxona, Yuqori Chirchiqda Yangi Toshkent aeroporti qurilmoqda. Bu yil qiymati 27 milliard dollar bo‘lgan 105 ta yangi sanoat va infratuzilma loyihasi boshlanadi.

Barcha hududlarda jami 3 million aholi uchun yangi massivlar barpo etilmoqda. Bunday loyihalarda o‘z mahsuloti va xizmati bilan ishtirok etmoqchi boʻlgan mahalliy tadbirkorlarga xorijiy investorlar bilan teng sharoit yaratiladi.

Transport-logistika sohasida yuk mashinalarini import qilishda boj va utilizatsiya yig‘imi bekor qilindi. Xalqaro tashuvlar uchun vagon taqdim etishda qo‘shilgan qiymat solig‘i “nol” stavkaga tushiriladi.

Kelasi yil Gruziyaning Poti portida quvvati 500 ming tonna bo‘lgan logistika markazi ishga tushiriladi, Anakliya porti bo‘yicha ham amaliy ishlar boshlanadi. Olot, Termiz, Yangiyo‘l, Ohangaron va Xonobodda yirik transport-logistika markazlari tashkil etiladi.

Kelgusi yilda Toshkent xalqaro moliya markazi hamda “Enterprise Uzbekistan” xalqaro raqamli texnologiyalar markazi ishga tushiriladi. Ular 20-25 milliard dollar kapital, yangi bilim va texnologiyalarni jalb etish imkonini yaratadi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Auksionda yer sotib olgan tadbirkor qurilishni boshlash uchun 6 oydan 1 yilgacha hujjat yig‘ib yurishiga barham beriladi. Endi hokimlar yerni qurilish ruxsati, arxitektura-rejalashtirish topshirig‘i va loyihasi bilan “tayyor paket” shaklida savdoga chiqaradi.

Bunday yerni olgan tadbirkor qurilishni darhol boshlashi mumkin bo‘ladi. Infratuzilma yig‘imi bo‘yicha avans ham 20 foizdan 5 foizga tushiriladi.

Banklar balansidagi 9 trillion so‘mlik 2,5 mingta mulkni chegirmali narxda, boshlang‘ich to‘lovsiz va foizsiz bo‘lib to‘lash sharti bilan sotishga ruxsat beriladi. Uni sotib olgan tadbirkor bir yil yer va mulk solig‘ini to‘lamaydi.

Birinchi navbatda mahalliylashtiriladigan 50 ta mahsulot ro‘yxati shakllantirildi. Ularni o‘zlashtirish uchun Navoiy, Jizzax, Namangan, Urgut va Hazorasp maxsus iqtisodiy zonalarining bir qismida “Bond sanoat zonalari” tashkil etiladi.

Bu zonalarga xomashyo va butlovchi qismlarni olib kirishda barcha soliq va bojxona to‘lovlaridan ozod qilinadi. Mahalliylashtirish darajasi 30-40 foizdan oshsa, mahsulotni ichki bozorga chiqarishda ham imtiyozli shartlar qo‘llanadi.

“Bond sanoat zonalari”da zamonaviy R&D markazlari, laboratoriya, muhandislik va texnologik xizmatlar yagona zanjirda ishlaydi. Tadbirkorlarga infratuzilmali tayyor binolar taqdim etish uchun 50 million dollar ajratiladi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

To‘rtinchi yo‘nalish – eksport salohiyatini oshirish va milliy brendlarni tashqi bozorlarga olib chiqish. Prezidentimiz tashqi bozorda har bir dollar eksport uchun kuchli raqobat ketayotganini taʼkidladi.

O‘rganishlarga ko‘ra, eksportchilarning 40 foizi xorijlik mijoz topishga, 36 foizi standart va sertifikatsiya talablariga moslashishga qiynalmoqda. 37 foizida qulay moliyaviy instrumentlar, 33 foizida bozor, marketing va brend bo‘yicha ko‘nikmalar yetishmaydi.

Shu bois, tashqi bozorga chiqishning barcha bosqichlarida kompleks xizmat ko‘rsatadigan “eksport navigator” tizimi yo‘lga qo‘yiladi. Xorijda talab yuqori bo‘lgan 100 ta mahsulotning ro‘yxati shakllantiriladi.

Har bir mahsulot bo‘yicha tashqi bozordagi raqobatchilar, tarif tizimi va logistika yechimlari ishlab chiqiladi. 2 mingta korxonaning ishlab chiqarish jarayoni tashqi bozor va xaridor segmentiga moslashtiriladi.

Tadbirkorlarga xorijiy brendmeyker jalb qilish xarajatining yarmi – 500 ming dollargacha qoplab beriladi. Milliy brendni tashqi bozorda targ‘ib qilish va xalqaro talablarga moslashtirish uchun 50 ming dollargacha subsidiya ajratiladi.

Marketpleyslarda omborga joylashtirish va sotish xarajatining yarmi, xalqaro tenderlar uchun konsalting xarajatining 80 foizi kompensatsiya qilinadi. Eksportchilarni qo‘llab-quvvatlashning yagona tizimiga kamida 1 milliard dollar yo‘naltiriladi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Hozir 51 ta idora moliyaviy jarima qo‘llash vakolatiga ega. Ayrim idoralarda jarimadan tushgan mablag‘ning bir qismi o‘zida qolishi “tekshirsa – qo‘rqadi, qo‘rqsa – to‘laydi” degan noto‘g‘ri yondashuvni keltirib chiqarayotgani tanqid qilindi.

– Jarima mablag‘ yig‘ish uchun emas, sohada tartib-intizom va profilaktika uchun xizmat qilishi kerak,

– dedi Prezidentimiz.

Shu bois, barcha turdagi jarimalar miqdori o‘rtacha 2 barobar kamaytiriladi.

Davlat korxonalari xarid qilgan tovarlar bo‘yicha tadbirkorning zakalat pulini qaytarish avtomatlashtiriladi.

Kelasi yildan tadbirkor va davlat o‘rtasidagi nizolarda “Tadbirkorning haqlilik prezumpsiyasi” joriy etiladi. Tadbirkorning aybi sudda isbotlanmaguncha u aybsiz hisoblanadi va unga jarima yoki boshqa taʼsir chorasi qo‘llanmaydi.

Shuningdek, “Birinchi xato uchun ogohlantirish” qoidasi joriy etiladi. Birinchi bor qoida buzgan va odamlar hayoti, sog‘lig‘i yoki mulkiga zarar yetkazmagan tadbirkorga kamchilikni bartaraf etish uchun 10 kun beriladi.

Nazorat organlari birinchi instansiyadan keyingi har bir sud bosqichida davlat bojini to‘laydi. Savdo-sanoat palatasi huzuridagi ekspert kengashiga bojxona, qurilish, sanitariya, karantin va veterinariya sohalaridagi nizolarni ham ko‘rib chiqish vakolati beriladi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Prezidentimiz muloqot yakunida iqtisodiyotni yangi bosqichga olib chiqish bo‘yicha asosiy maqsadlarni belgilab berdi.

– Biz 40 millionli xalqmiz. Odamlarimiz hayotini yanada yaxshilash uchun yuqori iqtisodiy o‘sishni saqlab qolishimiz zarur,

– dedi davlatimiz rahbari.

Joriy yil yalpi ichki mahsulotni 180 milliard dollardan, eksportni 40 milliard dollardan oshirish marrasi olingan. Buning uchun tadbirkorlarga yuqori daromadli ish o‘rinlari, qo‘shilgan qiymat va tashqi bozorlarni kengaytirish uchun barcha sharoitlar yaratib boriladi.

Toshkentda eksportga yo‘naltirilgan biznes, Andijon, Farg‘ona va Namanganda to‘liq zanjirli to‘qimachilik va mashinasozlik, Samarqand, Buxoro va Xorazmda turizm, kreativ industriya va agrosanoat brendlari yangi o‘sish nuqtalari bo‘lishi kerakligi taʼkidlandi.

Navoiy va Toshkent viloyatida tog‘-kon, metallurgiya va ilmiy kimyo, Qashqadaryo va Surxondaryoda agrosanoat va neft-gaz kimyosida uzun qo‘shilgan qiymat zanjirlarini yaratish vazifasi qo‘yildi. Qoraqalpog‘istonda “yashil” energetika, AT va sunʼiy intellekt iqtisodiy drayverga aylantiriladi.

Jizzax va Sirdaryoda avtomobilsozlik, elektrotexnika va qurilish materiallari bo‘yicha raqobatbardosh klasterlar rivojlantiriladi.

– Ana shunda odamlarimiz chetga chiqib ishlashiga zarurat qolmaydi, Yangi O‘zbekiston tadbirkorlari yangi rivojlanish bosqichiga chiqadi. Ishonchim komil, bunga kuchimiz ham, imkoniyatimiz ham, salohiyatimiz ham yetadi!

– dedi davlatimiz rahbari.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Sanoat qahramonlari — O‘zbekiston sanoatining bugungi qiyofasi

O‘zbekiston Mustaqilligining 35 yilligi munosabati bilan Sanoat kooperatsiyasi va davlat xaridlari agentligining “Sanoat qahramonlari” maxsus loyihasi davom etmoqda.

🔉Loyihaning sakkizinchi qahramoni — Nodir Yorqulov, ichimliklar uchun alyuminiy qadoqlar ishlab chiqarish va ichimlik quyish kompleksiga ega “East Can Solutions” korxonasi savdo bo‘limi rahbari.

🏭Korxona yiliga 600 mln dona alyuminiy banka ishlab chiqarish quvvatiga ega bo‘lib, bugungi kunda mahsulotning mahalliylashtirish darajasi 75 foizni tashkil etmoqda.

📦 Mazkur mahsulotlar ilgari asosan Xitoy, Qozog‘iston va Rossiyadan import qilingan. Bugun esa ularning O‘zbekistonda ishlab chiqarilishi ichimlik ishlab chiqaruvchi mahalliy korxonalar uchun ta’minot jarayonini sezilarli darajada tezlashtirish imkonini bermoqda.

⏱️Xususan, avvallari ishlab chiqaruvchilar alyuminiy bankalar importini bir necha hafta kutishiga to‘g‘ri kelgan bo‘lsa, endilikda zarur mahsulotni bir necha soat ichida yetkazib berish imkoniyati mavjud. Bu ishlab chiqarishni rejalashtirishni optimallashtirish, logistika vaqtini qisqartirish va mahalliy korxonalar o‘rtasidagi kooperatsiyani kuchaytirishga xizmat qilmoqda.

🎬Navbatdagi son orqali ilgari import qilingan mahsulotning bugun O‘zbekistonda ishlab chiqarilishi, 75 foizlik mahalliylashtirish darajasi hamda buning mahalliy ishlab chiqaruvchilar uchun amaliy samarasi bilan yaqindan tanishasiz.

Sanoat qahramonlari. O‘zbekiston sanoatining bugungi qiyofasi.

🔹Sakkizinchi sonni tomosha qiling.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#OAV_BIZ_HAQIMIZDA

Ommaviy axborot vositalarida Sanoat kooperatsiyasi va davlat xaridlari agentligi tomonidan mahalliy ishlab chiqaruvchilar va tadbirkorlik subyektlari bilan o‘tkazilgan navbatdagi ochiq muloqot keng yoritildi.

Quyida tadbir haqida e'lon qilingan materiallar havolalari bilan tanishishingiz mumkin:

🟢Xalq so'zi - Mahalliy ishlab chiqaruvchilar bilan ochiq muloqot: muammolardan amaliy yechimlargacha
🟢O'zbekiston 24 - Открытый диалог с предпринимателями
🟢Platforma.uz - Давлат харидларида маҳаллий ишлаб чиқарувчилар учун имкониятлар кенгаймоқда
🟢UzDaily - Новости Узбекистана Открытый диалог с местными производителями: от выявления проблем к практическим решениям
🟢UzDaily - Uzbekistan Agency Holds Open Dialogue With Local Producers
🟢UzA - Davlat xaridlarida mahalliy ishlab chiqaruvchilarga 15 foizgacha preferensiya beriladi
🟢UzA | Rasmiy kanal - Davlat xaridlarida mahalliy mahsulotlar ulushini oshirish va tadbirkorlar uchun yangi imkoniyatlar muhokama qilindi.
🟢O'zbekiston 24 - Tadbirkorlar bilan muloqot
🟢Yoshlar TV - Tadbirkorlikni qo‘llab-quvvatlash jarayonlari tahliliga bag‘ishlangan davra suhbati tafsiloti.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Sanoat qahramonlari — O‘zbekiston sanoatining bugungi qiyofasi

O‘zbekiston Mustaqilligining 35 yilligi munosabati bilan Sanoat kooperatsiyasi va davlat xaridlari agentligining “Sanoat qahramonlari” maxsus loyihasi davom etmoqda.

⚙️Loyihaning to‘qqizinchi qahramoni — Sayot Qosimov, neft-gaz sanoatida qo‘llaniladigan asbob-uskunalar ishlab chiqarishga ixtisoslashgan “Kogon Mars Plyus” korxonasi rahbari.

🏭Bugungi kunga kelib korxonada neft-gaz sohasi uchun 700 turdan ortiq asbob-uskunalarni mahalliy sharoitda ishlab chiqarish o‘zlashtirilgan. Mahsulotlarning mahalliylashtirish darajasi 75 foizni tashkil etmoqda.

🔩 Bu orqali ilgari tashqi bozorlardan xarid qilinadigan qator sanoat mahsulotlarini mamlakatimizda ishlab chiqarish, mahalliy korxonalar o‘rtasidagi kooperatsiya aloqalarini kengaytirish va importga qaramlikni qisqartirish imkoniyati yaratilmoqda.

📈 Korxonaning yaqin istiqboldagi asosiy rejalaridan biri — quyuv sexini ishga tushirish. Yangi ishlab chiqarish bosqichining yo‘lga qo‘yilishi korxonaning o‘zida tayyorlanadigan butlovchi qismlar ulushini oshirish hamda mahalliylashtirilayotgan mahsulotlar turini yanada kengaytirish imkonini beradi.

🎬 Navbatdagi son orqali neft-gaz sanoati uchun asbob-uskunalarni mahalliylashtirish jarayoni, 75 foizlik mahalliylashtirish darajasi va korxonaning yangi ishlab chiqarish quvvatlarini yaratish bo‘yicha rejalari bilan yaqindan tanishasiz.

Sanoat qahramonlari. O‘zbekiston sanoatining bugungi qiyofasi.

🔹To‘qqizinchi sonni tomosha qiling.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Prezidentning tadbirkorlar bilan ochiq muloqoti: birinchi qadamdan boshlab katta biznesga aylangunga qadar qo‘llab-quvvatlashga qaratilgan ulkan imkoniyatlar yaratilmoqda.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin