🇺🇿 🇫🇷Fransiya taraqqiyot agentligi (AFD) delegatsiyasi bilan uchrashuv o‘tkazildi

13-iyul kuni Sanoat kooperatsiyasi va davlat xaridlari agentligida Fransiya taraqqiyot agentligi (AFD) delegatsiyasi vakillari bilan davlat xaridlari tizimini yanada takomillashtirish masalalariga bag‘ishlangan uchrashuv bo‘lib o‘tdi.

🤝 Muloqot davomida davlat xaridlarini raqamlashtirish, interaktiv xizmatlarni rivojlantirish, elektron platformalarning funksional imkoniyatlarini kengaytirish, xarid jarayonlarining ochiqligi va shaffofligini ta’minlash hamda monitoring mexanizmlarini takomillashtirish masalalari muhokama qilindi.

Shuningdek, uchrashuvda Insofsiz ijrochilar reyestrini yuritish tizimi, uni shakllantirish mezonlari va huquqiy asoslari, mazkur mexanizmning davlat xaridlaridagi xavflarni kamaytirish hamda shartnoma majburiyatlari ijrosini ta’minlashdagi o‘rni yuzasidan fikr almashildi.

📍 Uchrashuv yakunida tomonlar xalqaro ilg‘or tajribalarni o‘rganish, zamonaviy yechimlarni joriy etish, raqamli xizmatlarni rivojlantirish hamda davlat xaridlari sohasida amaliy hamkorlik va tajriba almashishni izchil davom ettirishga kelishib oldilar.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🚄“Milliy sanoat zanjiri” ko‘rgazmasiga start berildi

Samarqand viloyatida transport sohasiga bag‘ishlangan “Milliy sanoat zanjiri” ko‘rgazmasining tantanali ochilish marosimi bo‘lib o‘tdi.

Mazkur ko‘rgazma mahalliy ishlab chiqaruvchilarni yirik davlat buyurtmachilari bilan bir maydonda uchrashtirib, sanoat kooperatsiyasini kengaytirish va transport sohasida import o‘rnini bosuvchi mahsulotlar ishlab chiqarishni rivojlantirishga xizmat qiladi.

Bugungi kunda transport tizimida 12,8 milliard dollarlik 36 ta investitsiya loyihasi amalga oshirilmoqda. Tahlillarga ko‘ra esa ushbu loyihalarda 407,3 million dollarlik mahsulotlarni mahalliylashtirish salohiyati mavjud.

Shu maqsadda tashkil etilgan ko‘rgazmada 80 ta tarmoq va hududiy korxona transport sohasi uchun mo‘ljallangan mahsulotlari, butlovchi qismlari hamda texnologik yechimlarini namoyish etmoqda.

Tadbir davomida B2B va B2G uchrashuvlari, amaliy muzokaralar hamda hamkorlik memorandumlari va shartnomalarini imzolash jarayonlari o‘tkazilmoqda. Ko‘rgazma yangi ishlab chiqarish loyihalarini yo‘lga qo‘yish va uzoq muddatli sanoat kooperatsiyasini rivojlantirish uchun muhim platforma vazifasini o‘tamoqda.

📸 Foto: ko‘rgazmaning ochilish marosimidan lavhalar.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin