🇺🇿 27-iyun – Matbuot va ommaviy axborot vositalari xodimlari kuni muborak!

Sanoat kooperatsiyasi va davlat xaridlari agentligi barcha jurnalistlar, blogerlar, muharrirlar, operatorlar, fotomuxbirlar hamda axborot sohasida fidokorona mehnat qilayotgan barcha media vakillarini kasb bayrami bilan samimiy tabriklaydi.

🔊 Sizning xolis, tezkor va mas'uliyatli faoliyatingiz jamiyatda ochiqlik va ishonchni mustahkamlash, islohotlarning mazmun-mohiyatini keng jamoatchilikka yetkazishda muhim o‘rin tutadi.

🤝 Agentligimiz OAV vakillari bilan ochiq muloqot va samarali hamkorlikni bundan buyon ham izchil davom ettiradi.

Sizlarga mustahkam sog‘liq, ijodiy muvaffaqiyat va yangi yutuqlar tilaymiz!

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

➡️Har bir lavha, maqola va reportaj ortida jurnalist, operator, montajchi, fotograf, muharrir va yana ko‘plab fidoyi media vakillarining mehnati mujassam.

🤝 Kadr ortida turib, jamiyatni xolis axborot bilan ta'minlayotgan barcha kasb egalarini samimiy tabriklaymiz!

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🏛️ HAFTALIK DAYJEST | 22–27-iyun, 2026-yil

O'tgan hafta davomida Sanoat kooperatsiyasi va davlat xaridlari agentligi tomonidan quyidagi muhim tadbirlar amalga oshirildi:

▪️ Agentlik hamda Bank-moliya akademiyasi hamkorligida investitsion loyihalarda mahalliylashtirish va qo‘shilgan qiymat yaratishga bag‘ishlangan navbatdagi qisqa muddatli malaka oshirish kursi yakunlandi.

🏦 Elektron kooperatsiya portali ishtirokchilari uchun onlayn kredit xizmati ishga tushirildi. Garant Bank hamkorligida yo‘lga qo‘yilgan yangi xizmat sanoat kooperatsiyasi ishtirokchilarini moliyaviy qo‘llab-quvvatlash va ularning savdolardagi ishtirokini kengaytirishga xizmat qiladi.

📍 Agentlik direktori Baxtiyor Xaydarov Namangan viloyatidagi yirik sanoat korxonalari faoliyati, ishlab chiqarish quvvatlari hamda mahalliylashtirish imkoniyatlari bilan tanishdi.

💬 Andijon va Jizzax viloyatlarida ochiq muloqot o‘tkazildi. Uchrashuvlarda tadbirkorlar bilan bir qatorda byudjet buyurtmachilari ham ishtirok etib, davlat xaridlari tizimining har ikki tomoni o‘rtasida ochiq muloqot tashkil etildi.

🤝 Agentlikda KPMG Uzbekistan vakillari bilan uchrashuv o‘tkazilib, davlat xaridlari va sanoat kooperatsiyasi yo‘nalishlarida hamkorlikni rivojlantirishga qaratilgan Anglashuv memorandumi imzolandi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇺🇿 30-iyun — Yoshlar kuni muborak!

Yoshlar — Yangi O‘zbekistonning eng katta boyligi, taraqqiyotining tayanchi va ertangi kun bunyodkorlaridir.
Bugun mamlakatimizda yoshlarning zamonaviy bilim va kasb-hunar egallashi, o‘z salohiyatini ro‘yobga chiqarishi, innovatsion g‘oyalari va tashabbuslarini qo‘llab-quvvatlash davlat siyosatining ustuvor yo‘nalishlaridan biri hisoblanadi.

Sanoat kooperatsiyasi va davlat xaridlari agentligi ham yoshlarning ilmiy salohiyatini rivojlantirish, ularning sanoat, ishlab chiqarish, davlat xaridlari va tadbirkorlik sohalaridagi faolligini oshirish hamda yangi g‘oya va tashabbuslarini qo‘llab-quvvatlash yo‘lida izchil ishlarni amalga oshirib kelmoqda.

Aziz yoshlar!
Sizlarning bilimga chanqoqligingiz, izlanuvchanligingiz va Vatan ravnaqi yo‘lidagi intilishingiz Yangi O‘zbekiston taraqqiyotining eng muhim omillaridan biridir.
30-iyun — Yoshlar kuni munosabati bilan yurtimizning barcha yoshlarini chin qalbdan tabriklaymiz!

Sizlarga mustahkam sog‘liq, cheksiz shijoat, ulkan marralar, yangi g‘oyalar va barcha ezgu maqsadlaringiz ro‘yobini tilaymiz.

Kelajak siz bilan bunyod bo‘ladi!

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Bugun, Yoshlar kunida Prezident Shavkat Mirziyoyev yoshlar bilan muloqot qiladi hamda faol va tashabbuskor yigit-qizlardan bir guruhiga davlat mukofotlarini topshiradi. Shuningdek, davlatimiz rahbari iqtidorli yoshlar bilan uchrashib, ularning turli sohalardagi loyihalari bilan tanishadi.  

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Yangi O‘zbekistonda yoshlarni qo‘llab-quvvatlash, ularning orzu va intilishlarini ro‘yobga chiqarish – davlat siyosatining eng ustuvor yo‘nalishlaridan biri.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#OAV_biz_haqimizda

Sanoat kooperatsiyasi va davlat xaridlari agentligida The Asia Foundation (TAF) vakillari bilan o'tkazilgan uchrashuv yuzasidan.

https://t.me/UZDAILY/81362

UzDaily.uz

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#OAV_biz_haqimizda

📍 Hududlarda o‘tkazilayotgan ochiq muloqotlar ommaviy axborot vositalari e'tiborida. Xususan, 26-iyun kuni Jizzax viloyati, Sharof Rashidov tumanida bo‘lib o‘tgan navbatdagi ochiq muloqot ham OAV sahifalarida keng yoritildi.

Mazkur ochiq muloqot O‘zbekiston Respublikasi Prezidenti bilan tadbirkorlarning navbatdagi Ochiq muloqotiga tayyorgarlik doirasida tashkil etilib, unda tadbirkorlar, davlat buyurtmachilari hamda sohaga mas'ul tashkilotlar vakillari ishtirok etdi.

✔️ Tadbirda 57 nafardan ortiq tadbirkorlik subyekti vakili va 22 nafar davlat buyurtmachisi bevosita qatnashdi. Shuningdek, 15 ta hududiy studiya orqali 126 nafar tadbirkor jarayonga onlayn ulandi.

➡️ Muloqot davomida 23 ta murojaat va taklif ko‘rib chiqildi:
➡️ 7 tasi joyida hal etildi;
➡️ 3 ta masala yuzasidan tushuntirish berildi;
➡️ 13 tasi tegishli tashkilotlarga yo‘naltirildi.

Muloqot davomida mahalliy ishlab chiqaruvchilarni davlat xaridlariga keng jalb etish, davlat xaridlari bo‘yicha o‘quv markazini tashkil etish, Elektron kooperatsiya portalida logistika xizmatini yo‘lga qo‘yish hamda yangi kooperatsiya aloqalarini rivojlantirishga oid takliflar muhokama qilindi.

✍️ Hududlardagi ochiq muloqotlar izchil davom etmoqda. Ularning asosiy maqsadi – tadbirkorlarning muammo va takliflarini joylarda o‘rganish, amaliy yechimlar ishlab chiqish hamda O‘zbekiston Respublikasi Prezidenti bilan tadbirkorlarning navbatdagi Ochiq muloqoti uchun puxta takliflar bazasini shakllantirishdan iborat.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✅Tadbirkorlar bilan ochiq muloqotlar davom etmoqda

Sanoat kooperatsiyasi va davlat xaridlari agentligining tadbirkorlar bilan ochiq muloqotlari respublika bo'ylab davom etmoqda. Navbatdagi ertaga 2-iyul kuni Sayxunobod tumanida o'tkaziladi.

✔️Agentlikning loyiha ofisi mas'ullari quyidagi hududlardan bevosita ishtirok etadi:
Ulugʻnor, Romiton, Forish, Yakkabogʻ, Taxiatosh, Karmana, Urgut, Shoʻrchi, Zangiota, Fargʻona, Yangiariq, Koson, Xoʻjaobod, Toʻraqoʻrgʻon, Arnasoy, Boʻzatov, Tomdi,  Qoʻshrabod, Boʻka, Qoʻshtepa, Hazorasp, Uchtepa, tumanlari Bekobod, Fargʻona shahri.

🎤 Savol yoki takliflaringiz bormi?
Murojaat va takliflaringizni @Icppa_aloqa_bot orqali yuborishingiz mumkin. Mutaxassislar tomonidan bevosita javob beriladi.

➡️ 2-iyul 2026-yil,
⚫️ Soat 11:00 da
📌 Sayxunobod tumanida

🎥Ochiq muloqotda onlayn ishtirok etish.

🔴Eslatib o'tamiz may–iyul oylarida 208 ta hududda uchrashuvlar bo'lib o'tadi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✅Transport sohasida "Milliy sanoat zanjiri" ko‘rgazmasi

Joriy yilning 15–16-iyul kunlari Samarqand viloyati, Jomboy tumanidagi "Sof Expo" ko‘rgazma markazida Transport sohasi yo'nalishida "Milliy sanoat zanjiri" ko‘rgazmasi bo‘lib o‘tadi.

Ko‘rgazma Sanoat kooperatsiyasi va davlat xaridlari agentligi, Transport vazirligi hamda transport sohasining yirik davlat buyurtmachilari va tarmoq korxonalari hamkorligida tashkil etiladi.

➡️ Ko‘rgazma transport sohasida davlat xaridlari orqali mahalliy ishlab chiqarishni rivojlantirish, sanoat kooperatsiyasini kengaytirish hamda yangi ishlab chiqarish va investitsiya loyihalarini shakllantirishga qaratilgan.

Ko‘rgazma doirasida transport sohasidagi yirik davlat buyurtmachilarining mavjud va istiqboldagi xarid ehtiyojlari taqdim etiladi. Shuningdek, mahalliy ishlab chiqarilayotgan mahsulotlar, butlovchi qismlar, zamonaviy texnologik yechimlar hamda import o‘rnini bosuvchi mahsulotlar namoyish etiladi.

Tadbir davomida davlat xaridlari, mahalliy kontentni kengaytirish, mahalliylashtirish va sanoat kooperatsiyasini rivojlantirish, import o‘rnini bosuvchi mahsulotlarni ishlab chiqarish, investitsiyalarni jalb etish, logistika, malakali kadrlar tayyorlash hamda ilmiy ishlanmalarni ishlab chiqarishga joriy etish yo‘nalishlari bo‘yicha amaliy muloqotlar va hamkorlik uchrashuvlari tashkil etiladi.

✔️ Hurmatli tadbirkorlar, ko‘rgazmada siz:
🤝 transport sohasidagi yirik davlat buyurtmachilarining xarid ehtiyojlari bilan yaqindan tanishish;
🤝 mahsulot va texnologik yechimlaringizni bevosita buyurtmachilarga taqdim etish;
🤝 yirik davlat buyurtmachilari, tarmoq korxonalari va investorlar bilan to‘g‘ridan-to‘g‘ri muloqot o‘rnatish;
🤝 yangi kooperatsiya aloqalari, istiqbolli shartnomalar va ishlab chiqarish loyihalarini yo‘lga qo‘yish imkoniyatiga ega bo‘lasiz.

Ko‘rgazmaning asosiy maqsadi — transport sohasidagi davlat xaridlarida mahalliy mahsulotlar ulushini kengaytirish, yirik davlat buyurtmachilarining ehtiyojlari asosida yangi ishlab chiqarish loyihalarini shakllantirish, sanoat kooperatsiyasini rivojlantirish hamda import o‘rnini bosuvchi mahsulotlar ishlab chiqarishni qo‘llab-quvvatlashdan iborat.

Transport sanoati rivojiga hissa qo‘shayotgan barcha tadbirkor va ishlab chiqaruvchilarni mazkur ko‘rgazmada faol ishtirok etishga taklif qilamiz!

"Milliy sanoat zanjiri" — mahalliy ishlab chiqaruvchi va yirik davlat buyurtmachisi uchrashadigan maydon.

📍 Manzil: Samarqand viloyati, Jomboy tumani, "Sof Expo" ko‘rgazma markazi.

📞 Ma'lumot uchun: (97) 888-10-01, (33) 711-08-88

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✅ Oʻzlashtirishga tavsiya etiladigan raqobatbardosh mahsulotlar roʻyxati eʼlon qilib boriladi
 
Oʻzbekiston Respublikasi Prezidentining 2026-yil 4-fevraldagi PF-17-sonli Farmoniga muvofiq, 2026-yil 1-iyuldan boshlab Sanoat kooperatsiyasi va davlat xaridlari agentligi respublika va mintaqa bozorini tahlil qilib, milliy iqtisodiyotga qoʻshilgan qiymat zanjirlarini oshirishga xizmat qiluvchi oʻzlashtirishga tavsiya etiladigan raqobatbardosh mahsulotlar roʻyxatini bosqichma-bosqich shakllantirib, eʼlon qilib borishi belgilangan.

🏛️ Bugungi kunda Agentlik tomonidan respublika va tashqi bozorlardagi talab, import tarkibi, eksport salohiyati, mavjud xomashyo bazasi, ishlab chiqarish kooperatsiyasi imkoniyatlari hamda yuqori qoʻshilgan qiymat yaratish salohiyati tahlil qilinib, dastlabki bosqichda respublikada mahalliylashtirish va oʻzlashtirish uchun istiqbolli deb baholangan 10 ta raqobatbardosh mahsulotlarning roʻyxati shakllantirildi.

➡️ Mazkur mahsulotlarni ishlab chiqarishni yoʻlga qoʻyishdan manfaatdor tadbirkorlik subyektlarini xabardor qilish maqsadida har bir mahsulot boʻyicha asosiy iqtisodiy koʻrsatkichlar, foydalaniladigan xomashyo turlari, ehtimoliy sotuv bozorlari, import oʻrnini bosish va eksport salohiyati toʻgʻrisidagi maʼlumotlarni qamrab olgan tizerlar tayyorlandi.

Agentlik tomonidan elektrotexnika, elektronika va robototexnika, avtomobilsozlik, qurilish materiallari, gaz va neft kimyosi, yengil sanoat, oziq-ovqat, kimyo, metallurgiya, energetika, togʻ-kon, farmatsevtika va boshqa bir qator sanoat sohalarida  mahalliylashtirish va oʻzlashtirish uchun istiqbolli deb baholangan mahsulotlar roʻyxati eʼlon qilib boriladi.

✔️ Ushbu roʻyxatga kiritilgan mahsulotlarni oʻzlashtirgan tadbirkorlik subyektlari bilan oʻrnatilgan tartibda kafolatli xarid shartnomalari tuziladi hamda ular oʻrta va uzoq muddatda mahalliy mahsulotlar ishlab chiqarishni kengaytirish va sanoat kooperatsiyasini rivojlantirish dasturlariga kiritiladi.

📄 Mahsulotlar roʻyxati bilan tanishish

Shuningdek, Tibbiyot va farmatsevtika tarmogʻini rivojlantirish agentligi tomonidan “Mahalliylashtirish uchun tavsiya etiladigan dori vositalari va tibbiy jihozlar roʻyxati” eʼlon qilindi.

📄 Roʻyxat bilan tanishish.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✔️ Davlat xaridlarida narxlarni sun’iy oshirishga qarshi yangi mexanizm joriy etilmoqda

O‘zbekiston Respublikasi Prezidenti tomonidan imzolangan O‘RQ–1155-son Qonun bilan davlat xaridlari sohasida narxlarning asossiz oshirilishining oldini olish, byudjet mablag‘laridan samarali foydalanish hamda korrupsiyaviy xavflarni kamaytirishga qaratilgan o‘zgartishlar kiritildi.
 
🧷 Xususan, “Davlat xaridlari to‘g‘risida”gi Qonunning 33-moddasiga kiritilgan qo‘shimchalarga muvofiq, davlat xaridlarida sotib olinadigan tovarlar va xizmatlar narxi hamda ularning o‘rtacha bozor narxi o‘rtasidagi eng ko‘p yo‘l qo‘yiladigan tafovutni belgilash tartibi Vazirlar Mahkamasi tomonidan belgilanadi.
 
🔴 Endilikda davlat buyurtmachilari davlat xaridlarini amalga oshirishda boshlang‘ich narxni shakllantirish bo‘yicha belgilangan talablarga rioya qilishi shart.
 
✅ Shuningdek, Ma’muriy javobgarlik to‘g‘risidagi kodeksga kiritilgan qo‘shimchalarga muvofiq, davlat xaridi predmetining boshlang‘ich narxi va uning o‘rtacha bozor narxi o‘rtasida yo‘l qo‘yiladigan tafovutning eng ko‘p miqdoriga nisbatan belgilangan talabni buzish:

❗️mansabdor shaxslarga bazaviy hisoblash miqdorining 30 baravarigacha miqdorda jarima solishga sabab bo‘ladi.

❗️ Mazkur huquqbuzarlik ma’muriy jazo qo‘llanilganidan keyin bir yil davomida takror sodir etilsa, mansabdor shaxslarga bazaviy hisoblash miqdorining 30 baravaridan 50 baravarigacha miqdorda jarima solinadi.
 
📍 Mazkur o‘zgartishlar davlat xaridlarida boshlang‘ich narxlarni bozor narxlariga mos va asosli shakllantirish, byudjet mablag‘larining maqsadli sarflanishini ta’minlash hamda xarid jarayonlarida ochiqlik va mas’uliyatni kuchaytirishga xizmat qiladi.

⛓️ Qonunga muvofiq, davlat xaridlarida tovar va xizmatlarning o‘rtacha bozor narxini aniqlash, narxlar o‘rtasidagi eng ko‘p yo‘l qo‘yiladigan chegarani belgilash hamda ushbu jarayon ustidan nazoratni amalga oshirish tartibi uch oy muddatda Vazirlar Mahkamasi tomonidan ishlab chiqiladi va tasdiqlanadi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#OAV_biz_haqimizda

Sanoat kooperatsiyasi va davlat xaridlari agentligida Germaniyaning xalqaro hamkorlik tashkiloti GIZ hamda ACT Global xalqaro ekspertlari ishtirokida barqaror davlat xaridlari (Sustainable Public Procurement – SPP) tizimini rivojlantirishga bag‘ishlangan ikki kunlik ilk missiya yuzasidan.

Biznes Daily Birja jurnali 51-soni

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin