✔️Xalqaro investitsiya forumida istiqbolli hamkorlik yo‘nalishlari muhokama qilindi

🌐 Toshkent shahrida o‘tayotgan V Xalqaro investitsiya forumi doirasida Sanoat kooperatsiyasi va davlat xaridlari agentligi rahbariyati qator nufuzli xalqaro kompaniyalar vakillari uchrashdi.

Jumladan, dunyoning yetakchi konsalting kompaniyalaridan biri — McKinsey & Company rahbariyati bilan muzokaralar tashkil etildi. Uchrashuvda kompaniyaning Yevropa, Yaqin Sharq va Afrika mintaqasida davlat sektori yo‘nalishiga mas’ul Senior Partneri Tarek Mansour, McKinsey & Company’ning Ozarbayjondagi ofisi rahbari va Senior Partneri Murat Gursoy hamda Associate Partner Orkhan Salmanli ishtirok etdi.

Muloqot davomida strategik rejalashtirish, infratuzilmani rivojlantirish, davlat boshqaruvi samaradorligini oshirish hamda investitsiya loyihalarini amalga oshirishning zamonaviy yondashuvlari muhokama qilindi.

Shuningdek, forum doirasida Hindistonning yetakchi infratuzilma kompaniyalaridan biri — Ashoka Buildcon Ltd. aksiyadori Sachin Singh bilan ham uchrashuv o‘tkazildi.

Tomonlar kompaniyaning istiqbolli infratuzilma loyihalaridagi ishtiroki, investitsiyalarni jalb etish imkoniyatlari hamda transport va yo‘l qurilishi sohasidagi ilg‘or xalqaro tajribani joriy etish masalalari yuzasidan fikr almashdilar.

✔️ Mazkur uchrashuvlar xalqaro hamkorlikni mustahkamlash, yangi biznes aloqalarini yo‘lga qo‘yish hamda mamlakatimizning investitsion va sanoat salohiyatini yanada kengaytirishga xizmat qiladi.

#TIIF2026 #SanoatKooperatsiyasi #DavlatXaridlari

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✅Qo'shilgan qiymat yaratish va mahalliylashtirish: navbatdagi malaka oshirish kursi o'z nihoyasiga yetdi

✔️Sanoat kooperatsiyasi va davlat xaridlari agentligi va Bank-moliya akademiyasi hamkorligida tashkil etilgan "Investitsion loyihalarni boshqarishda mahalliylashtirish va milliy iqtisodiyotda qo'shiladigan qiymatni rivojlantirish" mavzusidagi navbatdagi qisqa muddatli malaka oshirish o'quv kursi muvaffaqiyatli yakunlandi.

➡️Mazkur o'quv dasturiga jami 29 nafar mutaxassis jalb etildi, ularning 12 nafari investitsiya loyihalarini amalga oshirishda muhim o'rin tutuvchi loyiha ofislari rahbarlaridan iborat bo'ldi.

🎤 Kurs davomida ishtirokchilarga davlat xaridlari sohasidagi zamonaviy yondashuvlar, xaridlarni strategik rejalashtirish, mahalliy mahsulot va xizmatlarni xarid jarayonlariga
integratsiya qilish mexanizmlari, investitsiya loyihalarida iqtisodiy samaradorlikni baholash hamda davlat mablag'laridan oqilona foydalanish bo'yicha nazariy va amaliy bilimlar berildi.

🟢 Shuningdek, ishtirokchilar xalqaro tajriba asosida investitsiya loyihalarida mahalliy qiymat zanjirlarini rivojlantirish, import o'rnini bosuvchi mahsulotlardan foydalanish imkoniyatlarini kengaytirish va davlat xaridlari orqali milliy iqtisodiyotning raqobatbardoshligini oshirish bo'yicha ko'nikmalarga ega bo'ldilar.

💬 Kurs yakunlarida ishtirokchilar o'z tashkilotlarida davlat xaridlarini yanada samarali tashkil etish, investitsiya loyihalarida mahalliy ishlab chiqaruvchilar ishtirokini faollashtirish va mahalliylashtirish ko'rsatkichlarini oshirishga qaratilgan amaliy taklif va tashabbuslar ishlab chiqdilar.

〰️ Tadbir so'ngida o'quv dasturini muvaffaqiyatli o'zlashtirgan tinglovchilarga belgilangan namunadagi sertifikatlar tantanali ravishda topshirildi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

📍 Namanganda tadbirkorlar bilan ochiq muloqot o'tkazildi

17-iyun kuni Namangan viloyatining Pop tumanida sanoat korxonalari va tadbirkorlik subyektlari bilan ochiq muloqot bo'lib o'tdi.

🎤 Sanoat kooperatsiyasi va davlat xaridlari agentligi ushbu muloqotlarni oddiy bir maqsad bilan tashkil etmoqda – tadbirkorning ovozini bevosita eshitish, muammolarni hujjatlar orqali emas, yuzma-yuz muhokama qilish.

Unda agentlik, "Raqamli transformatsiya markazi", "O'zbekekspertiza" AJ, hududiy loyiha ofislari hamda tegishli tashkilotlar vakillari ishtirok etdi.

✍️ Muloqotda 45 ta korxonadan 52 nafar ishtirokchi bevosita qatnashdi. 13 ta hududiy studiya orqali 125 nafar tadbirkor jarayonga onlayn ulandi – jami 165 nafardan ortiq ishtirokchi.

✔️Muloqot davomida 42 ta muammo va taklif ko'rib chiqildi:
✅10 tasi joyida hal etildi;
🎤 8 ta masala yuzasidan tushuntirish berildi;
➡️ 14 ta muammo va 10 ta taklif tegishli tashkilotlarga yo'naltirildi.

Ochiq muloqotlar O'zbekiston Respublikasi Prezidenti bilan tadbirkorlarning VI Ochiq muloqotiga tayyorgarlik doirasida davom etmoqda – hududlardagi muammolarni aniqlash, amaliy yechimlar topish va tadbirkorlik muhitini yaxshilashga qaratilgan takliflar shakllantirish maqsad qilingan.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

McKinsey & Company bilan strategik uchrashuv

17-iyun kuni Sanoat kooperatsiyasi va davlat xaridlari agentligi direktori B.Xaydarov dunyo miqyosidagi yetakchi konsalting kompaniyalaridan biri– McKinsey & Company vakillari bilan ishchi uchrashuv o'tkazdi.

Uchrashuv davomida tog'-kon sanoati sohasida strategik hamkorlik istiqbollari keng muhokama qilindi.
Xususan, quyidagi masalalar ko'rib chiqildi:
✍️ tog'-kon sanoatini rivojlantirish strategiyasini ishlab chiqish;
✍️ ilg'or xalqaro tajribalarni joriy etish;
✍️ sanoat kooperatsiyasi va mahalliylashtirish mexanizmlari;
✍️ yetkazib beruvchilarni rivojlantirish dasturi (Supplier Development Program);
✍️ mahalliy kontent ulushini aniqlash mexanizmlari;
✍️ texnologiyalar transferi va mahalliy korxonalar raqobatbardoshligini oshirish.

💬 Eslatib o'tamiz, kecha o'tkazilgan investitsiya forumida ham agentlik rahbari McKinsey & Company vakillari bilan alohida uchrashib, hamkorlikning asosiy yo'nalishlari yuzasidan fikr almashgan edi.

🤝 Uchrashuv yakunida tomonlar O'zbekiston tog'-kon sanoatining barqaror rivojlanishiga qaratilgan qo'shma tashabbuslarni amalga oshirishga o'zaro tayyor ekanliklarini tasdiqladilar.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

📍 Farg'onada – navbatdagi ochiq muloqot

Ochiq muloqotlar davom etmoqda. 17-iyun kuni – Farg'ona viloyatining Uchko'prik tumani. Bu safar suhbatda nafaqat tadbirkorlar, balki byudjet buyurtmachilari ham ishtirok etdi – davlat xaridlari tizimining ikki tomoni bir stolda.

Unda agentlik, "Raqamli transformatsiya markazi", "O'zbekekspertiza" AJ, hududiy loyiha ofisi hamda tegishli tashkilotlar vakillari ishtirok etdi.
✍️ 45 dan ortiq tadbirkorlik subyekti vakili va 18 nafar byudjet buyurtmachisi mutaxassislari bevosita qatnashdi. 11 ta hududiy studiya orqali 112 nafar tadbirkor jarayonga onlayn ulandi.

✔️ Muloqot davomida 28 ta muammo va taklif ko'rib chiqildi:
✅10 tasi joyida hal etildi;
🎤 2 ta masala yuzasidan tushuntirish berildi;
➡️ 16 tasi tegishli tashkilotlarga yo'naltirildi.

Muloqotlar tizimli davom etmoqda — viloyatma-viloyat, tumanma-tuman. Maqsad: O'zbekiston Respublikasi Prezidenti bilan tadbirkorlarning VI Ochiq muloqotiga to'liq tayyorgarlik ko'rish, hududlardagi haqiqiy muammolarni eshitish va amaliy yechimlar shakllantirish.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin