Forumda davlat xaridlari sohasidagi zamonaviy islohotlar, raqamli transformatsiya, sunʼiy intellekt texnologiyalarini joriy etish, infratuzilma loyihalarini amalga oshirish, ramkali kelishuvlar mexanizmi hamda xaridlar sohasini professionallashtirish masalalari muhokama qilinmoqda.

Tadbirda Oʻzbekiston Respublikasi Sanoat kooperatsiyasi va davlat xaridlari agentligi Metodologiya boʻlimi bosh mutaxassisi Dilfuza Uraqova ishtirok etmoqda. Forumning “Infratuzilma loyihalarini amalga oshirish: asosiy chaqiriqlar, xaridlarni rejalashtirish, xavflarni taqsimlash va bozor ishtirokini taʼminlash” mavzusidagi plenar sessiyasida u “Oʻzbekiston Respublikasi davlat xaridlari tizimida shaffoflikni oshirishga qaratilgan islohotlar va chora-tadbirlar” mavzusida taqdimot bilan ishtirok etdi.

Taqdimot davomida mamlakatimizda davlat xaridlari sohasida amalga oshirilayotgan qonunchilik va institutsional islohotlar, elektron davlat xaridlari tizimining imkoniyatlari, raqobat va ochiqlikni taʼminlash mexanizmlari hamda korrupsiya xavflarini kamaytirishga qaratilgan choralar haqida maʼlumot berildi.

Shuningdek, forum doirasida Jahon banki, Osiyo taraqqiyot banki, Islom taraqqiyot banki hamda Koreya Respublikasi, Qozogʻiston, Gruziya va Qirgʻizistonning davlat xaridlari sohasidagi mutaxassislari ishtirokida fikr va tajriba almashish ishlari davom etmoqda.

➡️Tadbir davomida Agentlik va Jamg‘arma rahbariyati o‘rtasida davra suhbati o‘tkazilib, hamkorlikning ustuvor yo‘nalishlari hamda kelgusidagi qo‘shma loyihalar muhokama qilindi.

Mazkur hamkorlik Agentlik, turli tarmoq korxonalari hamda sohaga oid tashkilotlar mutaxassislari uchun xorijning yetakchi universitetlari, ilmiy markazlari va sanoat korxonalarida ilg‘or tajribalarni o‘rganish, malaka oshirish hamda xalqaro hamkorlik aloqalarini kengaytirish imkoniyatlarini yaratadi.

🎓 Shuningdek, "El-yurt umidi" jamg‘armasi orqali xorijda tahsil olayotgan yoshlarni yozgi ta’til davrida Agentlik tizimiga hamda turli tarmoq korxonalariga stajirovkalarga yo‘naltirish, bitiruvchilarning istiqbolli startap loyihalarini qo‘llab-quvvatlash va ularni moliyalashtirish imkoniyatlarini kengaytirish bo‘yicha ham hamkorlik qilinadi.

🟢 Bundan tashqari, mamlakatimizdagi ilmiy-tadqiqot tashkilotlarining xorijiy R&D markazlari bilan hamkorligini rivojlantirish, dolzarb yo‘nalishlarda qo‘shma tadqiqotlarni amalga oshirish hamda ilmiy ishlanmalarni amaliyotga joriy etish, yoshlar o'rtasida STEM fanlariga qiziqishni orttirish bo‘yicha tizimli ishlarni yo‘lga qo‘yish nazarda tutilgan.

Uchrashuvda jami 30 ta muammo va taklif bildirildi. Shundan 10 ta korxonaga tegishli 12 ta muammo ochiq muloqot jarayonining o‘zida hal etildi. Qolgan 15 ta muammo va 10 ta taklif esa batafsil ko‘rib chiqish uchun tegishli tashkilotlar hamda mas’ul ijrochilarga yo‘naltirildi.

Ochiq muloqotdan so‘ng Agentlik direktori o‘rinbosari Jahongir Yunusov hududdagi sanoat kooperatsiyasini rivojlantirish dasturiga kiritilgan korxonalar faoliyati bilan tanishdi.

✔️Xususan, Bandixon tumanida joylashgan “KHILAL VORTEX” MChJ tomonidan tashkil etilgan aralash tolali ip-kalava ishlab chiqarish korxonasi ko‘zdan kechirildi. Korxonaning ishlab chiqarish quvvatlari, mavjud ish o‘rinlari hamda eksport salohiyatini oshirish imkoniyatlari o‘rganildi.

➡️ Sayyor mashg‘ulot davomida mahalliylashtirish dasturlarining mazmun-mohiyati, ularning iqtisodiyot tarmoqlarida qo‘llanilishi hamda iqtisodiy samaradorligi haqida batafsil ma’lumot berildi.