📌Qashqadaryo viloyatidagi sanoat korxonalari va ishlab chiqarish loyihalari o‘rganildi

22-may kuni Sanoat kooperatsiyasi va davlat xaridlari agentligi direktori o'rinbosari Ilhom Pardaev Qashqadaryo viloyatidagi sanoat kooperatsiyasini rivojlantirish dasturiga kiritilgan korxonalari faoliyati bilan tanishdi.

Xizmat safari davomida:

✍️ “Alp Techno Service” MChJda maishiy texnika — televizor ishlab chiqarish;
✍️ “Rapid Rays Technoprom” MChJda burg‘ulash uskunalari ishlab chiqarish;
✍️ “Nasaf XCP Techno” MChJ QKda kabel mahsulotlari uchun polietilen qoplamalar ishlab chiqarish;
✍️ “Standart Pribor IICh” MChJda neft va gaz sanoati uchun ehtiyot qismlar ishlab chiqarish;
✍️ “Avtotraktorradiator” MChJ QKda maxsus texnikalar uchun radiatorlar ishlab chiqarish;
✍️ “Turdi Muazzam Servis” Oilaviy korxonada issiqlik qozonlari ishlab chiqarish;
✍️ “Prommax” MChJda savdo terminallari ishlab chiqarish;
✍️ “Alptom” MChJda sendvich panellar ishlab chiqarish;
✍️ “Evro Plast Plyus Invest” MChJda plastik quvurlar ishlab chiqarish;
✍️ “Uz Shoes” MChJ QK hamda “Premium Kapital” MChJda charm poyabzal ishlab chiqarish faoliyati o‘rganildi.

Qashqadaryo viloyati shahar va tumanlarida joylashgan sanoat korxonalarining ishlab chiqarish quvvatlaridan samarali foydalanish, mahsulotlarni sertifikatlashtirish, sanoat kooperatsiyasini rivojlantirish orqali ishlab chiqarish hajmini oshirish hamda davlat xaridlari tizimidagi ishtirokini kengaytirish masalalari atroflicha muhokama qilindi.

✔️ Muhokamalar davomida sanoat korxonalarini davlat tomonidan qo‘llab-quvvatlash mexanizmlarini takomillashtirish, ishlab chiqarish jarayonlariga zamonaviy texnologiyalarni joriy etish, mavjud muammolarni tizimli hal etish hamda tadbirkorlik subyektlarining ishlab chiqarish faoliyatini kengaytirish yuzasidan takliflar ko‘rib chiqildi.

➡️ Shuningdek, mahsulotlarni sertifikatlashtirish jarayonlarini soddalashtirish va jadallashtirish, kooperatsiya portali faoliyatidagi tizimli muammolarni bartaraf etish hamda import hajmi yuqori bo‘lgan mahsulotlar bo‘yicha mahalliy ishlab chiqarish imkoniyatlaridan samarali foydalanish zarurligi qayd etildi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✔️Investitsion boshqaruv va mahalliylashtirish yo‘nalishida malaka oshirish kursi yakunlandi

Sanoat kooperatsiyasi va davlat xaridlari agentligi hamda Bank-moliya akademiyasi hamkorligida tashkil etilgan “Investitsion loyihalarni boshqarishda mahalliylashtirish va milliy iqtisodiyotda qo‘shiladigan qiymatni rivojlantirish” mavzusidagi maxsus malaka oshirish kursining 1-haftasi muvaffaqiyatli yakunlandi.

Bir haftalik o‘quv dasturi davomida tinglovchilarga investitsion loyihalarni samarali boshqarish, mahalliylashtirish dasturlarini ishlab chiqish va monitoring qilish, davlat xaridlari tizimida zamonaviy mexanizmlarni qo‘llash hamda import o‘rnini bosuvchi mahsulotlar ishlab chiqarishni kengaytirish yo‘nalishlari bo‘yicha nazariy bilim va amaliy ko‘nikmalar berildi.

Mazkur kurs iqtisodiyot tarmoqlarida investitsion jarayonlarni samarali tashkil etish, mahalliy ishlab chiqarishni qo‘llab-quvvatlash, milliy mahsulotlar raqobatbardoshligini oshirish hamda iqtisodiyotda yuqori qo‘shilgan qiymat yaratish mexanizmlarini takomillashtirishga qaratilgani bilan ahamiyatli bo‘ldi.

Sertifikatlarni topshirish marosimida Sanoat kooperatsiyasi va davlat xaridlari agentligi direktori o‘rinbosari Ilhom Pardayev hamda Respublika Bank-moliya akademiyasining Ilmiy ishlar va xalqaro hamkorlik bo‘yicha prorektori Mashhurbek Jalolov ishtirok etdi.

Tadbir davomida bunday o‘quv dasturlari davlat tashkilotlari va iqtisodiyot tarmoqlari uchun yuqori malakali mutaxassislar zaxirasini shakllantirish, investitsion boshqaruv samaradorligini oshirish hamda iqtisodiy islohotlar natijadorligini ta’minlashda muhim ahamiyatga ega ekani alohida ta’kidlandi.

O‘quv dasturini muvaffaqiyatli tamomlagan tinglovchilarga maxsus sertifikatlar tantanali ravishda topshirildi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

📌 Samarqandda tadbirkorlar bilan ochiq muloqot bo‘lib o‘tdi

25-may kuni Samarqand viloyatida sanoat korxonalari va tadbirkorlik subyektlari bilan ochiq muloqot o‘tkazildi.

Unda Sanoat kooperatsiyasi va davlat xaridlari agentligi direktori o‘rinbosari Ilhomjon Pardayev, Agentlikning hududiy loyiha ofisi vakillari, “O‘zbekekspertiza” AJ, tegishli vazirlik va idoralarning hududiy boshqarmalari hamda mahalliy tadbirkorlar ishtirok etdi.

➡️ Muloqotda 55 ta korxonadan 70 nafar ishtirokchi qatnashdi. Shuningdek, 13 ta hududiy studiya orqali 140 nafar ishtirokchi jarayonga ulandi. Umumiy hisobda ochiq muloqot 200 nafardan ortiq ishtirokchini qamrab oldi.

Uchrashuv davomida 10 ta korxona tomonidan 17 ta muammo va taklif bildirildi. Shundan 4 ta korxonaning 4 ta muammosi muloqot jarayonida hal etildi, 6 ta korxonadan kelib tushgan 8 ta muammo va 5 ta taklif esa tegishli ijrochilarga yo‘naltirildi.

Ochiq muloqotdan so‘ng Agentlik vakillari hududdagi yirik sanoat korxonalari faoliyati bilan tanishdi. Xususan, “OPTIMA SOBIRJON” MChJning tibbiyotda ishlatiladigan infuzion sistema va tibbiy qo‘lqop ishlab chiqarish, “SAM RAFOAT TEKSTIL” MChJning parda matosi ishlab chiqarish hamda “SAMARKAND-ENGLAND-ECO-MEDICAL” MChJ QKning infuzion eritmalar va parenteral dorilar ishlab chiqarish loyihalari ko‘zdan kechirildi.

Mazkur ochiq muloqotlar tadbirkorlar bilan to‘g‘ridan-to‘g‘ri ishlash, mavjud muammolarni joyida o‘rganish va ularni amaliy hal etishga xizmat qiladi.

➡️Ma’lumot uchun, may oyida 42 ta hududda, iyun–iyul oylarida esa yana 166 ta tuman va shaharda ochiq muloqotlar tashkil etilib, jami 208 ta hudud qamrab olinadi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

📌Yangi sanoat quvvati: ZBO Paradigm’da yuqori texnologiyali ishlab chiqarish yo‘lga qo‘yilmoqda

✔️ Bugun Sanoat kooperatsiyasi va davlat xaridlari agentligi hamda Texnik jihatdan tartibga solish agentligi rahbariyati Toshkent shahrining Yangihayot tumanida yangi tashkil etilgan ZBO Paradigm MCHJ burg‘ulash uskunalari zavodida bo‘ldi.

✍️ Mas’ullar korxonaning ishlab chiqarish quvvatlari, zamonaviy texnologik jihozlari, mahsulot turlari, sifat nazorati tizimi hamda mahalliylashtirish va eksport imkoniyatlari bilan yaqindan tanishdi.

➡️ Mazkur zavod import o‘rnini bosuvchi mahsulotlar — burg‘ulash quvurlari, qulflar, burg‘ulash asbob-uskunalari, qoplama quvurlar va boshqa turdagi mahsulotlarni ishlab chiqarishga ixtisoslashgan. Korxonaning ishlab chiqarish maydoni 10 ming kvadrat metrni, umumiy hududi esa 1,5 gektarni tashkil etadi.
🧠Korxonada ishlab chiqariladigan mahsulotlarni xalqaro talablar, jumladan API 5DP, API 7-1, API 7-2, ISO 9001 va boshqa standartlar asosida tayyorlash rejalashtirilgani qayd etildi.
⚫️ Ma’lum qilinishicha, ZBO Paradigm MCHJ tomonidan 2026-yilda 5 ming tonna burg‘ulash quvurlari, qulflar, burg‘ulash uskunalari, qoplama quvurlar hamda boshqa turdagi mahsulotlar ishlab chiqarish rejalashtirilgan. Kelgusida ishlab chiqarish quvvatlarini bosqichma-bosqich oshirish orqali 2028-yilga qadar mazkur ko‘rsatkichni 20 ming tonnaga yetkazish ko‘zda tutilgan.
➡️ Zavod mahsulotlarining asosiy iste’molchilari sifatida geologiya, neft-gaz, uran sanoati korxonalari hamda xususiy sektor vakillari belgilangan. Shuningdek, kelgusida mahsulotlarni Qozog‘iston, Turkmaniston, Tojikiston va boshqa qo‘shni davlatlar bozorlariga eksport qilish rejalashtirilmoqda.

💠Loyiha doirasida importga qaramlikni kamaytirish, mahalliy sanoat kooperatsiyasini kengaytirish, yangi ish o‘rinlari yaratish hamda yuqori qo‘shilgan qiymatga ega mahsulotlar ishlab chiqarish orqali milliy sanoat salohiyatini oshirish maqsad qilingan.

🎤Yakunda mas’ullar mahsulot sifati, mahalliylashtirish darajasi va sohada sanoat kooperatsiyasini kengaytirish imkoniyatlari yuzasidan fikr almashdilar. Shu bilan birga, mahalliy ishlab chiqaruvchilarni qo‘llab-quvvatlash, standartlashtirish, muvofiqlikni baholash va metrologiya sohalarida amaliy yordam ko‘rsatish, yuqori qo‘shimcha qiymatli mahsulotlar ishlab chiqarishni kengaytirish hamda eksport salohiyatini oshirish masalalari muhokama qilindi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin