✍️ “Milliy sanoat zanjiri” ko‘rgazmasida davlat xaridlari bo‘yicha panel sessiya bo‘lib o‘tdi

“Milliy sanoat zanjiri” ko‘rgazmasi doirasida davlat xaridlari tizimidagi mavjud masalalar, tadbirkorlar murojaatlari hamda amaliy takliflarga bag‘ishlangan panel sessiya bo‘lib o‘tdi.

Unda Sanoat kooperatsiyasi va davlat xaridlari agentligi rahbariyati, mas’ul tashkilotlar vakillari hamda tadbirkorlar ishtirok etdi.

Ochiq muloqot davomida tadbirkorlar davlat xaridlarida ishtirok etish jarayonida yuzaga kelayotgan muammolar, amaliy to‘siqlar hamda tizimni yanada takomillashtirish bo‘yicha o‘z savol va takliflarini bildirdi.

Sessiya davomida tadbirkorlar tomonidan ko‘tarilgan murojaat va takliflar mutasaddi tashkilotlar vakillari tomonidan joyida ko‘rib chiqildi hamda qayd etib olindi.

✔️ Ta’kidlanganidek, bunday ochiq muloqotlar davlat xaridlari tizimida tadbirkorlar uchun teng va shaffof imkoniyatlarni kengaytirish, mahalliy ishlab chiqaruvchilar ishtirokini qo‘llab-quvvatlash hamda mavjud muammolarni hamkorlikda hal etishga xizmat qiladi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

📌“Milliy sanoat zanjiri” ko‘rgazmasi ishtirokchilari Olmaliq kon-metallurgiya kombinati AJ faoliyati bilan tanishdilar

Joriy yilning 14–16-may kunlari Toshkent viloyati, Ohangaron shahrida o‘tkazilayotgan “Milliy sanoat zanjiri” ko‘rgazmasi doirasida ishtirokchilar uchun “Olmaliq kon-metallurgiya kombinati” AJga tashrif tashkil etildi.

Tashrif davomida mehmonlar korxonada mis qazib olish va qayta ishlash jarayonlari, zamonaviy ishlab chiqarish texnologiyalari hamda sanoat kooperatsiyasi yo‘nalishidagi mavjud imkoniyatlar bilan yaqindan tanishdilar.

Shuningdek, kombinatning mamlakat sanoatidagi o‘rni, mahalliylashtirish jarayonlari va ishlab chiqarish hajmlarini kengaytirish borasida amalga oshirilayotgan ishlar haqida ma’lumotlar taqdim etildi.

Mazkur tashrif ko‘rgazma ishtirokchilari o‘rtasida sanoat kooperatsiyasini rivojlantirish, yangi hamkorlik aloqalarini yo‘lga qo‘yish hamda mahalliy ishlab chiqaruvchilar salohiyatini keng namoyish etishga xizmat qiladi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin