✔️ Davlat xaridlaridagi mavjud masalalar farmatsevtika sohasi vakillari bilan muhokama qilindi

Joriy yilning 6-may kuni Sanoat kooperatsiyasi va davlat xaridlari agentligida farmatsevtika sohasida faoliyat yuritayotgan tadbirkorlik subyektlari hamda tibbiyot muassasalari vakillari ishtirokida davlat xaridlari sohasidagi dolzarb masalalarga bag‘ishlangan ochiq muloqot tashkil etildi.

➡️ Mazkur uchrashuvda Sanoat kooperatsiyasi va davlat xaridlari agentligi rahbariyati, mas’ul xodimlari, davlat buyurtmachilari, davlat xaridlari elektron tizimi operatorlari vakillari hamda farmatsevtika yo‘nalishida faoliyat yuritayotgan tadbirkorlik subyektlari ishtirok etdi.

Tadbirda jami 50 nafar ishtirokchi bevosita, 180 dan ortiq esa onlayn tarzda qatnashdi. Ochiq muloqot davomida farmatsevtika sohasidagi tadbirkorlik subyektlarining davlat xaridlaridagi ishtirokini kengaytirish, sohada ochiqlik va shaffoflikni ta’minlash, amaliy faoliyat jarayonida yuzaga kelayotgan muammolarni bartaraf etish hamda ishtirokchilar uchun yanada qulay shart-sharoitlar yaratish masalalari atroflicha muhokama qilindi.

Shuningdek, davlat xaridlari elektron tizimlarida kuzatilayotgan ayrim texnik va amaliy muammolar, xarid jarayonlarida yuzaga kelayotgan to‘siqlar hamda farmatsevtika sohasi vakillari tomonidan bildirilgan taklif va mulohazalar keng muhokama qilindi.
Uchrashuv davomida ishtirokchilar tomonidan ilgari surilgan taklif va tashabbuslar Agentlikning mas’ul xodimlari tomonidan qayd etilib, davlat xaridlari elektron tizimini yanada takomillashtirish hamda sohadagi mavjud muammolarni bartaraf etish bo‘yicha amaliy choralarni ishlab chiqishga kelishib olindi.

✍️ Tadbir yakunida farmatsevtika sohasida faoliyat yuritayotgan tadbirkorlik subyektlari bilan doimiy muloqotni yo‘lga qo‘yish, sohadagi mavjud masalalarni tezkor hal etish hamda bunday ochiq formatdagi uchrashuvlarni muntazam tashkil etib borish muhim ekani ta’kidlandi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

📌 Andijon viloyatida mahalliylashtirish va sanoat kooperatsiyasi loyihalari o‘rganildi

Joriy yilning 5–6-may kunlari Sanoat kooperatsiyasi va davlat xaridlari agentligi direktorining o‘rinbosari Ilhomjon Pardayev Andijon viloyatida xizmat safarida bo‘ldi.

➡️ Xizmat safari davomida hududda amalga oshirilayotgan mahalliylashtirish loyihalari, sanoat kooperatsiyasi aloqalari hamda korxonalar faoliyatida yuzaga kelayotgan muammolar o‘rganildi.

Dastlab, Andijon tumanidagi “Ipak yo‘li” erkin iqtisodiy sanoat zonasida faoliyat yuritayotgan “China Baoli” xorijiy korxonasining alyumin profil va elektron skuter ishlab chiqarish loyihalari bilan yaqindan tanishildi.

Korxona rahbariyati bilan uchrashuvda xomashyo importi, bojxona to‘lovlari hamda mahsulot sifati masalalari muhokama qilinib, Tojikistonning “Talco” alyumin zavodi bilan hamkorlikni yo‘lga qo‘yish yuzasidan amaliy yordam ko‘rsatishga kelishildi.

Shuningdek, “Silk road cambell” korxonasida amalga oshirilayotgan elektrobus ishlab chiqarish loyihasi doirasida mahsulot qismlarini 50 foizgacha mahalliylashtirish, hududiy korxonalar bilan kooperatsiyani kengaytirish hamda bojxona imtiyozlari bo‘yicha aniq choralar belgilandi.

Safar davomida “UzAuto Motors” AJdagi “Muhandislar maktabi” faoliyati bilan tanishilib, avtomobilsozlik yo‘nalishidagi mahalliylashtirish loyihalari yuzasidan mutaxassislar bilan fikr almashildi.

Shuningdek, Shahrixon tumanidagi “SDK Group” korxonasida ishlab chiqarish jarayonlari o‘rganilib, korxona tomonidan ko‘tarilgan xomashyo, sertifikatlash va kooperatsiya masalalarini hal etish bo‘yicha tegishli vazifalar belgilab olindi.

Agentlik direktori o‘rinbosari I.Pardayev va viloyat hokimi Sh.Abdurahmanov hududiy mahalliylashtirish dasturiga kiritilgan 124 ta loyihani qo‘llab-quvvatlash, ularga faoliyati davomida amaliy yordam ko‘rsatish hamda yil yakuniga qadar o‘sish sur’atini oshirish bo‘yicha zarur chora-tadbirlarni belgilab oldilar.

Shuningdek, Savdo-sanoat palatasida tadbirkorlar bilan uchrashuv o‘tkazilib, mavjud muammolar muhokama qilindi. Uchrashuv davomida PF-17-son Farmonda belgilangan imtiyozlar bo‘yicha tushuntirishlar berilib, ko‘tarilgan masalalar yuzasidan "yo‘l xaritasi" tasdiqlandi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

📌 Sanoat kooperatsiyasi va mahalliylashtirish dasturi doirasidagi loyihalar o‘rganildi

Joriy yilning 7-may kuni Sanoat kooperatsiyasi va davlat xaridlari agentligi direktori Baxtiyor Xaydarov agentlik mutaxassislari bilan birgalikda "Olmaliq kon-metallurgiya kombinati" AJda bo‘lib, korxonada sanoat kooperatsiyasi va mahalliylashtirish dasturi doirasida amalga oshirilayotgan ishlar bilan yaqindan tanishdi.

📌 Tashrif davomida “Qalmoqqir” va “Yoshlik” konlaridagi ishlab chiqarish jarayonlari hamda yaqinda ishga tushirilgan 3-MBF faoliyati o‘rganildi.

✔️ Shuningdek, “shatakka olish” tizimi asosida hamkorlik yo‘lga qo‘yilgan korxonalar faoliyati bilan tanishilib, Olmaliq quyuv-mexanika zavodida yangi o‘zlashtirilayotgan mahsulotlar ishlab chiqarish jarayonlari ko‘zdan kechirildi.

➡️Bundan tashqari, yangi turdagi mahsulotlarni o‘zlashtirib, yirik sanoat korxonalariga butlovchi qismlar yetkazib berayotgan "Carbon polymer" MCHJ faoliyati bilan ham yaqindan tanishildi.

✍️ Tashrif yakunida korxonalarning sanoat kooperatsiyasi va davlat xaridlari sohasidagi mavjud muammo hamda takliflari muhokama qilinib, ularni hal etish yuzasidan tegishli vazifalar belgilab olindi.

🌍Veb-sayt 🔹Telegram 🔹Instagram 🔹Facebook 📹Youtube X

Yoshlar tashabbusi Agentlik ko‘magida qo‘llab-quvvatlandi

Sanoat kooperatsiyasi va davlat xaridlari agentligi tomonidan yoshlarning tashabbuslarini qo‘llab-quvvatlash, ularning innovatsion g‘oyalari va amaliy loyihalarini ro‘yobga chiqarishga qaratilgan uchrashuvlar davom ettirilmoqda.

Navbatdagi uchrashuv joriy yilning 7-may kuni Toshkent to‘qimachilik va yengil sanoat institutida yoshlarning amaliy loyihalari va tashabbuslarini o‘rganish, ularni qo‘llab-quvvatlash hamda kelgusida rivojlantirish imkoniyatlarini muhokama qilish maqsadida tashkil etildi. Tadbirda Agentlik direktorining o‘rinbosari Ilhomjon Pardayev ishtirok etdi.

Tadbir davomida yoshlar tomonidan ishlab chiqilgan ijtimoiy va texnologik loyihalar taqdimoti o‘tkazildi. Xususan, talaba Rasulova Muslima tomonidan harakatsiz bemorlar uchun moslashtirilgan maxsus kiyimlar loyihasi taqdim etildi.

Mazkur loyiha bemorlarning kundalik parvarishini yengillashtirish, ularning jismoniy qulayligini oshirish hamda tibbiy xizmat jarayonidagi ayrim amaliy muammolarni kamaytirishga qaratilgani bilan ahamiyatlidir.

Loyiha doirasida yosh tashabbuskorni qo‘llab-quvvatlash maqsadida Agentlik tomonidan 2 ta tikuv mashinasi hamda 1 ta "overlock" uskunasi topshirilishi belgilandi.

Shuningdek, uchrashuv davomida Mushtariy Raximberganova tomonidan ishlab chiqilgan Universal X Moda — moda va texnologiyani uyg‘unlashtiruvchi innovatsion platforma taqdim etildi. Sun’iy intellekt yordamida libos konstruksiyasini avtomatlashtiradi, o‘lchamlarni aniqlaydi hamda 3D maniken orqali kiyimni virtual ko‘rish imkonini yaratadi. Platforma moda dizayn jarayonini tez, qulay va zamonaviy shaklda tashkil etishga xizmat qiladi.

Ochiq muloqot jarayonida yoshlar tomonidan ilgari surilgan tashabbus va takliflar muhokama qilinib, ularni amaliyotga joriy etish, qo‘llab-quvvatlash va rivojlantirish masalalari yuzasidan fikr almashildi.

Agentlik tomonidan yoshlarning innovatsion fikrlashi, amaliy ko‘nikmalari va tadbirkorlik tashabbuslarini qo‘llab-quvvatlashga alohida e’tibor qaratilmoqda. Bu kabi uchrashuvlar yoshlarning g‘oyalarini amaliy loyihalarga aylantirish hamda ularni zamonaviy mehnat bozori talablariga mos ravishda rivojlantirishga xizmat qiladi.

✅ Yosh tashabbuskorni qo‘llab-quvvatlash maqsadida ajratilgan 2 ta tikuv mashinasi hamda 1 ta “overlock” uskunasi 8-may kuni Rasulova Muslimaga topshirildi. Shu tariqa, uchrashuvda bildirilgan amaliy qo‘llab-quvvatlash tashabbusi qisqa muddatda ro‘yobga chiqarildi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🎤 Yengil sanoat sohasi vakillari bilan ochiq muloqot o‘tkazildi

Joriy yilning 8-may kuni Sanoat kooperatsiyasi va davlat xaridlari agentligi binosida yengil sanoat sohasida faoliyat yuritayotgan tadbirkorlik subyektlari vakillari ishtirokida ochiq muloqot tashkil etildi.

Unda tadbirkorlik subyektlari, davlat buyurtmachilari hamda davlat xaridlari elektron tizimi operatorlari vakillari ishtirok etdi. Tadbirda jami 30 nafar ishtirokchi bevosita, 30 dan ortiq esa onlayn tarzda qatnashdi.

Ochiq muloqot davomida tadbirkorlik subyektlarining davlat xaridlaridagi ishtirokini kengaytirish, sohadagi dolzarb masalalarni hal etish, amaliyotda yuzaga kelayotgan muammolar va ularning yechimlari yuzasidan atroflicha fikr almashildi.

Shuningdek, tadbirkorlar tomonidan bildirilgan taklif va murojaatlar mas’ullar tomonidan tinglanib, ularni hal etish yuzasidan tegishli choralar belgilandi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin