Dastlab “Samarqand avtomobil zavodi” MChJ qo‘shma korxonasi faoliyati o‘rganildi. 25 yildan ortiq tarixga ega korxona 17,5 gektar maydonda joylashgan bo‘lib, uning 3,6 gektar qismi ishlab chiqarish hududidan iborat. Hozirgi kunda bu yerda 1 498 ta ish o‘rni yaratilgan. 2025-yilda korxonada qiymati 2,5 trillion so‘mlik mahsulot ishlab chiqarilib, 4 turdagi avtobus, 3 turdagi pikap hamda 70 dan ortiq turdagi kuzovli yuk avtomobillari va maxsus transportlar ishlab chiqarilgan. Mahsulotlarning mahalliylashtirish darajasi kuzov turiga qarab 58 foizgacha yetadi.

Korxonada mahsulotlar mahalliylashtirish darajasini yanada oshirish istiqbollari muhokama qilinib, R&D markazida o‘zlashtirilayotgan yangi mahsulotlar bilan tanishildi va tegishli tavsiyalar berildi.

Shuningdek, “SAXARI” MChJ maishiy texnika ishlab chiqarish zavodi faoliyati ham ko‘zdan kechirildi. Mazkur korxonada muzlatkichlar, sovutkichlar, mikroto‘lqinli va elektr pechlar, yarim avtomat kir yuvish mashinalari, metall eshiklar hamda chiqindi konteynerlarini o‘z ichiga olgan 14 turdagi mahsulotlar ishlab chiqarilmoqda. 2026-yilda korxona tomonidan 80 mlrd so‘mlik ishlab chiqarish hajmiga erishish rejalashtirilgan.

Xususan:
– Qo‘shko‘pir tumanidagi “LED ULTRA ENERGY” va “MEGAELEKTRSAVDO” MChJlarda litiy-ion batareyalar ishlab chiqarish yo‘lga qo‘yilmoqda. 2026-yilda 3 mlrd so‘mlik mahsulot ishlab chiqarish rejalashtirilgan.

– Xiva tumanidagi “New bless” MChJda avtomobillar uchun shtamplangan detallar ishlab chiqarilib, joriy yilda 2 million dona mahsulot ishlab chiqarish ko‘zda tutilgan.

– “UzXCMG” MChJda qurilish texnikalari ishlab chiqarish yo‘lga qo‘yilgan bo‘lib, 2026-yilda 240 dona texnika ishlab chiqarilishi rejalashtirilgan.

– Farmatsevtika yo‘nalishida “IMKONIYAT SAXOVAT” MChJ tomonidan infuzion eritmalar ishlab chiqarish loyihasi amalga oshirilmoqda.

– Qurilish materiallari yo‘nalishida “KHOREZM ORIENT CERAMIK” hamda “KHOREZM INSULATION GROUP” korxonalarida zamonaviy mahsulotlar ishlab chiqarilmoqda.

Shuningdek, hududdagi IT Texnopark sanoat loyihalarini joylashtirish va ishlab chiqarish zanjirlarini shakllantirishda muhim infratuzilmaviy platforma sifatida xizmat qilmoqda.

Tadbirda jami 50 nafar ishtirokchi bevosita, 180 dan ortiq esa onlayn tarzda qatnashdi. Ochiq muloqot davomida farmatsevtika sohasidagi tadbirkorlik subyektlarining davlat xaridlaridagi ishtirokini kengaytirish, sohada ochiqlik va shaffoflikni ta’minlash, amaliy faoliyat jarayonida yuzaga kelayotgan muammolarni bartaraf etish hamda ishtirokchilar uchun yanada qulay shart-sharoitlar yaratish masalalari atroflicha muhokama qilindi.

Shuningdek, davlat xaridlari elektron tizimlarida kuzatilayotgan ayrim texnik va amaliy muammolar, xarid jarayonlarida yuzaga kelayotgan to‘siqlar hamda farmatsevtika sohasi vakillari tomonidan bildirilgan taklif va mulohazalar keng muhokama qilindi.
Uchrashuv davomida ishtirokchilar tomonidan ilgari surilgan taklif va tashabbuslar Agentlikning mas’ul xodimlari tomonidan qayd etilib, davlat xaridlari elektron tizimini yanada takomillashtirish hamda sohadagi mavjud muammolarni bartaraf etish bo‘yicha amaliy choralarni ishlab chiqishga kelishib olindi.

Dastlab, Andijon tumanidagi “Ipak yo‘li” erkin iqtisodiy sanoat zonasida faoliyat yuritayotgan “China Baoli” xorijiy korxonasining alyumin profil va elektron skuter ishlab chiqarish loyihalari bilan yaqindan tanishildi.

Korxona rahbariyati bilan uchrashuvda xomashyo importi, bojxona to‘lovlari hamda mahsulot sifati masalalari muhokama qilinib, Tojikistonning “Talco” alyumin zavodi bilan hamkorlikni yo‘lga qo‘yish yuzasidan amaliy yordam ko‘rsatishga kelishildi.

Shuningdek, “Silk road cambell” korxonasida amalga oshirilayotgan elektrobus ishlab chiqarish loyihasi doirasida mahsulot qismlarini 50 foizgacha mahalliylashtirish, hududiy korxonalar bilan kooperatsiyani kengaytirish hamda bojxona imtiyozlari bo‘yicha aniq choralar belgilandi.

Safar davomida “UzAuto Motors” AJdagi “Muhandislar maktabi” faoliyati bilan tanishilib, avtomobilsozlik yo‘nalishidagi mahalliylashtirish loyihalari yuzasidan mutaxassislar bilan fikr almashildi.

Shuningdek, Shahrixon tumanidagi “SDK Group” korxonasida ishlab chiqarish jarayonlari o‘rganilib, korxona tomonidan ko‘tarilgan xomashyo, sertifikatlash va kooperatsiya masalalarini hal etish bo‘yicha tegishli vazifalar belgilab olindi.