✔️ Xalqaro hamkorlik yangi bosqichga chiqmoqda

Sanoat kooperatsiyasi va davlat xaridlari agentligi rahbariyati va "Ernst and Young" kompaniyasi vakillari ishtirokida muhim ishchi uchrashuv bo‘lib o‘tdi.

Uchrashuv davomida Agentlik faoliyatini yanada takomillashtirish, davlat xaridlari tizimini modernizatsiya qilish hamda sanoat kooperatsiyasini rivojlantirishga qaratilgan ustuvor yo‘nalishlar atroflicha muhokama qilindi. Tomonlar xalqaro tajribani milliy tizimga moslashtirish orqali samarali va barqaror boshqaruv modelini shakllantirish muhimligini ta’kidladi.

➡️ Muhokamalar markazida quyidagi yo‘nalishlar bo‘ldi:
✍️ sanoat kooperatsiyasi loyihalarini samarali boshqarish uchun PMO (Loyihalarni boshqarish ofisi) tizimini joriy etish hamda lokalizatsiya jarayonlarini qo‘llab-quvvatlash;
✍️ davlat xaridlarini TCO (umumiy egalik qiymati) tamoyili asosida transformatsiya qilish orqali mahalliy ishlab chiqaruvchilarni rag‘batlantirish;
✍️ Agentlik faoliyatining barcha yo‘nalishlarini qamrab oluvchi zamonaviy raqamli boshqaruv infratuzilmasini yaratish;
✍️ sun’iy intellekt asosida bozor narxlarini monitoring qilish, shuningdek KPI ko‘rsatkichlarini tahlil etish uchun analitik tizimlarni joriy etish;
✍️ “Xaridlar maktabi”ni tashkil etish orqali mutaxassislar salohiyatini oshirish va tajriba almashish tizimini yo‘lga qo‘yish.

⚫️ Hamkorlik quyidagi tamoyillar asosida amalga oshirilishi belgilandi:
✍️ xalqaro tajribani O‘zbekiston sharoitiga moslashtirish;
✍️ boshqaruv modellarini joylarda qo‘llash uchun sodda va samarali qilish;
✍️ transformatsiya jarayonlarida o‘zgarishlarni puxta boshqarish.

✔️ Uchrashuv yakunida tomonlar:
✍️ tezkor natijalarga erishish strategiyasi (Quick Wins) doirasida birinchi bosqich vazifalarini belgilash;
✍️ o‘zaro hamkorlik mexanizmlari va ishchi uchrashuvlar tartibini belgilash;
✍️ Agentlikning institutsional va raqamli modellarini ishlab chiqish muddatlarini aniqlashtirish bo‘yicha fikr almashdi.

Mazkur uchrashuv Agentlik faoliyatiga ilg‘or xalqaro tajribani joriy etish, tizimli islohotlarni jadallashtirish va samaradorlikni oshirish yo‘lida muhim qadam bo‘ldi.

🔹Facebook 🔹Instagram 🔹Telegram 🌍Veb-sayt

📌 Namangan viloyatida tadbirkorlar bilan ochiq muloqot o‘tkazildi

Joriy yilning 27-aprel kuni Sanoat kooperatsiyasi va davlat xaridlari agentligi tomonidan hududlarda tadbirkorlar bilan bevosita muloqotlarni yo‘lga qo‘yish doirasida Namangan viloyatida navbatdagi uchrashuv tashkil etildi.

Mazkur tadbirda agentlikning hududiy loyiha ofisi vakillari, “O‘zbekekspertiza” AJ hamda “Raqamli transformatsiya markazi” MCHJ mutaxassislari, shuningdek, viloyatdan jami 70 nafar tadbirkor qatnashdi.

⚫️Muloqot davomida tadbirkorlar tomonidan 27 ta murojaat va taklif bildirildi. Ularning 19 tasi joyida hal etildi, 8 tasi yuzasidan esa zarur tushuntirishlar berildi.

Muloqotda asosiy eʼtibor tadbirkorlarning davlat xaridlari tizimidagi ishtiroki, mahsulotlarni sotish mexanizmlari hamda elektron platformalardan samarali foydalanish masalalariga qaratildi. Shuningdek, mahsulotlarni sertifikatlash va amaldagi standartlarga muvofiqlashtirish yuzasidan batafsil maʼlumotlar taqdim etildi.

🔹Facebook 🔹Instagram 🔹Telegram 🌍Veb-sayt

🇺🇿 Bank-moliya akademiyasining 30 yilligi nishonlandi

Bank-moliya akademiyasi tashkil etilganining 30 yilligi munosabati bilan tantanali tadbir bo‘lib o‘tdi.

✍️ Mazkur tadbirda Agentlik rahbari Baxtiyor Xaydarov ishtirok etib, yig‘ilganlarni Akademiyaning 30 yilligi bilan tabrikladi hamda mazkur ta’lim muassasasining mamlakat moliya tizimidagi o‘rni va ahamiyatini alohida ta’kidladi.

Shuningdek, Agentlik rahbari o‘z nutqida Agentlik va Akademiya hamkorligida “Investitsion loyihalarni boshqarishda mahalliylashtirish va milliy iqtisodiyotga qo‘shiladigan qiymatni rivojlantirish” yo‘nalishida qisqa muddatli malaka oshirish kurslarini yo‘lga qo‘yish rejalashtirilayotganini ma’lum qildi.

✔️ Tadbir doirasida Agentlik hamda Bank-moliya akademiyasi o‘rtasida o‘zaro hamkorlikni yanada mustahkamlashga qaratilgan memorandum imzolandi.

Mazkur hujjat tomonlar o‘rtasida kadrlar salohiyatini rivojlantirish, ilg‘or bilim va tajribalarni almashish hamda iqtisodiyot tarmoqlarida samaradorlikni oshirishga xizmat qiluvchi qo‘shma loyihalarni amalga oshirish uchun asos yaratadi.

🔹Facebook 🔹Instagram 🔹Telegram 🌍Veb-sayt

📌 Yoshlar kuni doirasida Toshkent transport texnikumida uchrashuv o‘tkazildi

O‘zbekiston Respublikasi Prezidenti Shavkat Mirziyoyev tashabbusi bilan yoshlar bilan ishlashni yangi bosqichga olib chiqish, ularning ta’lim olishi, kasb egallashi va bandligini ta’minlash masalalariga ustuvor ahamiyat qaratilmoqda. Shu asosda Sanoat kooperatsiyasi va davlat xaridlari agentligi tomonidan “Yoshlar kuni” doirasida yoshlar bilan tizimli uchrashuvlar tashkil etib kelinmoqda.

✔️ Bugun Sanoat kooperatsiyasi va davlat xaridlari agentligi direktori Baxtiyor Xaydarov Toshkent transport texnikumi talabalari bilan uchrashuv o‘tkazdi.

Uchrashuv davomida talabalar bilan ochiq muloqot tashkil etilib, ularning tashabbus va takliflari muhokama qilindi. Yoshlarni kasb-hunarga yo‘naltirish, ularning bandligini ta’minlash hamda innovatsion g‘oyalarini qo‘llab-quvvatlash masalalariga alohida e’tibor qaratildi.

➡️ Shu bilan birga, Agentlik faoliyatida nafaqat oliy ta’lim muassasalari talabalari, balki o‘rta bo‘g‘in ta’lim tizimidagi yoshlarni qo‘llab-quvvatlash, ularning kasbiy ko‘nikmalarini rivojlantirish va amaliy faoliyatga yo‘naltirish masalalariga ham ustuvor ahamiyat berilayotgani ta’kidlandi.

⚫️Mazkur uchrashuv yoshlarning amaliy ko‘nikmalarini rivojlantirish, ularni mehnat bozoriga tayyorlash hamda raqobatbardosh mutaxassislar sifatida shakllanishiga xizmat qiladi.

🔹Facebook 🔹Instagram 🔹Telegram 🌍Veb-sayt

✔️Elektron sertifikatlash masalalari muhokama qilindi

30-aprel kuni Toshkent shahrida “O‘zbekekspertiza” AJ binosida Xalqaro savdo markazi (XSM) ko‘magida O‘zbekiston Respublikasi va Tojikiston Respublikasi o‘rtasida tovarlarning kelib chiqish sertifikatlarini elektron tarzda o‘zaro qo‘llash bo‘yicha Hukumatlararo bitimni amalga oshirish doirasida ikki tomonlama texnik ishchi guruh yig‘ilishi bo‘lib o‘tdi.

➡️ Mazkur uchrashuvda “O‘zbekekspertiza” AJ, O‘zbekiston Respublikasi Bojxona qo‘mitasi, Tojikiston Respublikasi Bojxona xizmati huzuridagi vakolatli idoralar, Tojikiston Savdo-sanoat palatasi, texnik mutaxassislar, sohaviy ekspertlar hamda XSM vakillari ishtirok etdilar.

Uchrashuv davomida elektron sertifikatlash tizimlarini integratsiya qilish, ma’lumot almashinuvining texnik shartlari, sertifikat ma’lumotlari tuzilmasi, axborot uzatish protokollari, shuningdek, mas’ul tashkilotlar o‘rtasidagi vazifalar taqsimoti kabi muhim masalalar muhokama qilindi.

✅ Tomonlar texnik hujjatlar loyihasini kelishish, dolzarb texnik va institutsional masalalarni aniqlash hamda keyingi bosqichlarda amalga oshiriladigan ustuvor vazifalar bo‘yicha kelishuvga erishdilar.

Mazkur hamkorlik tashqi savdo jarayonlarini raqamlashtirish, sertifikatlash tizimini takomillashtirish va ikki davlat o‘rtasidagi savdo-iqtisodiy munosabatlarni yanada mustahkamlashda muhim ahamiyat kasb etadi.

🔹Facebook 🔹Instagram 🔹Telegram 🌍Veb-sayt