📌 Farg'ona viloyatida tadbirkorlar bilan ochiq muloqot o‘tkazildi

Bugun Sanoat kooperatsiyasi va davlat xaridlari agentligi tomonidan hududlarda tadbirkorlar bilan bevosita muloqotlarni yo‘lga qo‘yish doirasida Farg'ona viloyatida navbatdagi uchrashuv tashkil etildi.

Mazkur tadbirda agentlikning hududiy loyiha ofisi vakillari, “O‘zbekekspertiza” AJ hamda “Raqamli transformatsiya markazi” MCHJ mutaxassislari, shuningdek, viloyatdan 32 ta mas'ul tashkilotlar hamda 100 tadan ortiq ishlab chiqarish korxonasidan jami 160 nafar vakil qatnashdi.

⚫️Muloqot davomida tadbirkorlar tomonidan 27 ta murojaat va takliflar bildirildi. Ularning 6 tasi joyida hal etildi, 18 tasi yuzasidan esa zarur tushuntirishlar berildi.

➡️ Navbatdagi ochiq muloqot ertaga Andijon viloyatida o‘tkazilishi rejalashtirilgan.

🔹Facebook 🔹Instagram 🔹Telegram 🌍Veb-sayt

✔️Davlat xaridlari sohasida amaliy trening o‘tkazildi

Sanoat kooperatsiyasi va davlat xaridlari agentligida Expertise France (Groupe AFD) vakillari ishtirokida “yashil xaridlar” mavzusida amaliy trening tashkil etildi.

Trening davomida tomonlar “yashil xaridlar” sohasida ilg‘or xalqaro tajribalarni joriy etish, ushbu yo‘nalishda zamonaviy yondashuvlardan samarali foydalanish hamda hamkorlik mexanizmlarini takomillashtirish masalalarini muhokama qildilar.

Shuningdek, Expertise France tomonidan 2026-yilga mo‘ljallangan yo‘l xaritasi, asosiy maqsad va vazifalar yuzasidan taqdimot o‘tkazildi. Ishtirokchilar mazkur rejalar bilan batafsil tanishdilar.

Trening doirasida Expertise France ekspertlari tomonidan agentlik mutaxassislari uchun “yashil xaridlar” bo‘yicha amaliy mashg‘ulotlar tashkil etildi. Mazkur mashg‘ulotlar xalqaro standartlar va ilg‘or yondashuvlarni amaliyotga joriy etishda muhim ahamiyat kasb etadi.

🔹Facebook 🔹Instagram 🔹Telegram 🌍Veb-sayt

📌 Andijon viloyatida tadbirkorlar bilan ochiq muloqot o‘tkazildi

25-aprel kuni Sanoat kooperatsiyasi va davlat xaridlari agentligi tomonidan hududlarda tadbirkorlar bilan bevosita muloqotlarni yo‘lga qo‘yish doirasida Andijon viloyatida navbatdagi uchrashuv tashkil etildi.

Mazkur tadbirda agentlikning hududiy loyiha ofisi vakillari, “O‘zbekekspertiza” AJ hamda “Raqamli transformatsiya markazi” MCHJ mutaxassislari, shuningdek, viloyatdan jami 100 nafardan ortiq tadbirkor qatnashdi.

⚫️Muloqot davomida tadbirkorlar tomonidan 24 ta murojaat va taklif bildirildi. Ularning 16 tasi joyida hal etildi, 7 tasi yuzasidan esa zarur tushuntirishlar berildi.

Muloqotda asosiy eʼtibor tadbirkorlarning davlat xaridlari tizimidagi ishtiroki, mahsulotlarni sotish mexanizmlari hamda elektron platformalardan samarali foydalanish masalalariga qaratildi. Shuningdek, mahsulotlarni sertifikatlash va amaldagi standartlarga muvofiqlashtirish yuzasidan batafsil maʼlumotlar taqdim etildi.

🔹Facebook 🔹Instagram 🔹Telegram 🌍Veb-sayt

📌 Farg‘ona viloyatidagi yirik sanoat korxonalari faoliyati bilan tanishildi

Sanoat kooperatsiyasi va davlat xaridlari agentligi rahbari Baxtiyor Xaydarov Farg‘ona viloyatiga tashrif buyurib, hududdagi yirik sanoat korxonalari faoliyati, mavjud ishlab chiqarish quvvatlari hamda istiqbolli investitsiya loyihalari bilan yaqindan tanishdi.

Xususan, Quvasoy shahridagi “Kvars” AJ, Farg‘ona shahridagi “Eko tsem komplekt oborudovanie” MCHJ hamda “GORTEHPROM” MCHJga tashrif buyurildi.

Tashrif davomida sanoat tarmoqlarini diversifikatsiya qilish, ishlab chiqarish quvvatlarini kengaytirish, yuqori qo‘shilgan qiymatli mahsulotlar ulushini ko‘paytirish hamda sanoat kooperatsiyasini rivojlantirish masalalariga ustuvor ahamiyat qaratildi.

✔️ Yakunda ishlab chiqarish hajmlarini yanada oshirish, mahsulot turlarini kengaytirish, qo‘shilgan qiymat zanjirlarini rivojlantirish hamda eksportbop va raqobatbardosh mahsulotlar ulushini ko‘paytirish yuzasidan aniq vazifalar belgilab berildi.

🔹Facebook 🔹Instagram 🔹Telegram 🌍Veb-sayt

✔️ Xalqaro hamkorlik yangi bosqichga chiqmoqda

Sanoat kooperatsiyasi va davlat xaridlari agentligi rahbariyati va "Ernst and Young" kompaniyasi vakillari ishtirokida muhim ishchi uchrashuv bo‘lib o‘tdi.

Uchrashuv davomida Agentlik faoliyatini yanada takomillashtirish, davlat xaridlari tizimini modernizatsiya qilish hamda sanoat kooperatsiyasini rivojlantirishga qaratilgan ustuvor yo‘nalishlar atroflicha muhokama qilindi. Tomonlar xalqaro tajribani milliy tizimga moslashtirish orqali samarali va barqaror boshqaruv modelini shakllantirish muhimligini ta’kidladi.

➡️ Muhokamalar markazida quyidagi yo‘nalishlar bo‘ldi:
✍️ sanoat kooperatsiyasi loyihalarini samarali boshqarish uchun PMO (Loyihalarni boshqarish ofisi) tizimini joriy etish hamda lokalizatsiya jarayonlarini qo‘llab-quvvatlash;
✍️ davlat xaridlarini TCO (umumiy egalik qiymati) tamoyili asosida transformatsiya qilish orqali mahalliy ishlab chiqaruvchilarni rag‘batlantirish;
✍️ Agentlik faoliyatining barcha yo‘nalishlarini qamrab oluvchi zamonaviy raqamli boshqaruv infratuzilmasini yaratish;
✍️ sun’iy intellekt asosida bozor narxlarini monitoring qilish, shuningdek KPI ko‘rsatkichlarini tahlil etish uchun analitik tizimlarni joriy etish;
✍️ “Xaridlar maktabi”ni tashkil etish orqali mutaxassislar salohiyatini oshirish va tajriba almashish tizimini yo‘lga qo‘yish.

⚫️ Hamkorlik quyidagi tamoyillar asosida amalga oshirilishi belgilandi:
✍️ xalqaro tajribani O‘zbekiston sharoitiga moslashtirish;
✍️ boshqaruv modellarini joylarda qo‘llash uchun sodda va samarali qilish;
✍️ transformatsiya jarayonlarida o‘zgarishlarni puxta boshqarish.

✔️ Uchrashuv yakunida tomonlar:
✍️ tezkor natijalarga erishish strategiyasi (Quick Wins) doirasida birinchi bosqich vazifalarini belgilash;
✍️ o‘zaro hamkorlik mexanizmlari va ishchi uchrashuvlar tartibini belgilash;
✍️ Agentlikning institutsional va raqamli modellarini ishlab chiqish muddatlarini aniqlashtirish bo‘yicha fikr almashdi.

Mazkur uchrashuv Agentlik faoliyatiga ilg‘or xalqaro tajribani joriy etish, tizimli islohotlarni jadallashtirish va samaradorlikni oshirish yo‘lida muhim qadam bo‘ldi.

🔹Facebook 🔹Instagram 🔹Telegram 🌍Veb-sayt

📌 Namangan viloyatida tadbirkorlar bilan ochiq muloqot o‘tkazildi

Joriy yilning 27-aprel kuni Sanoat kooperatsiyasi va davlat xaridlari agentligi tomonidan hududlarda tadbirkorlar bilan bevosita muloqotlarni yo‘lga qo‘yish doirasida Namangan viloyatida navbatdagi uchrashuv tashkil etildi.

Mazkur tadbirda agentlikning hududiy loyiha ofisi vakillari, “O‘zbekekspertiza” AJ hamda “Raqamli transformatsiya markazi” MCHJ mutaxassislari, shuningdek, viloyatdan jami 70 nafar tadbirkor qatnashdi.

⚫️Muloqot davomida tadbirkorlar tomonidan 27 ta murojaat va taklif bildirildi. Ularning 19 tasi joyida hal etildi, 8 tasi yuzasidan esa zarur tushuntirishlar berildi.

Muloqotda asosiy eʼtibor tadbirkorlarning davlat xaridlari tizimidagi ishtiroki, mahsulotlarni sotish mexanizmlari hamda elektron platformalardan samarali foydalanish masalalariga qaratildi. Shuningdek, mahsulotlarni sertifikatlash va amaldagi standartlarga muvofiqlashtirish yuzasidan batafsil maʼlumotlar taqdim etildi.

🔹Facebook 🔹Instagram 🔹Telegram 🌍Veb-sayt