⚡ Muhammedaliga Prezident sovg‘asi va minnatdorlik maktubi topshirildi

Prezidentimizning Qoraqalpog‘istonga tashrifi chog‘ida ijtimoiy tarmoqlarda Muhammedali ismli bolaning samimiy murojaati va Vatanga bo‘lgan mehri aks etgan videosi ko‘pchilikning e’tiborini tortgan edi.

💬 Prezidentimiz bolaning murojaatini ko‘rib, uning samimiy tilaklaridan mamnun bo‘lganini bildirgan hamda Muhammedaliga minnatdorlik maktubini yo‘llagan.

Bugun ushbu maktub hamda Prezident sovg‘alari Qoraqalpog‘iston Respublikasi Jo‘qorg‘i Kengesida tantanali ravishda topshirildi.

Tadbirda Jo‘qorg‘i Kenges Raisi Amanbay O‘rinbayev Prezidentimizning samimiy maktubini o‘qib eshittirdi.

🎗 Shuningdek, Muhammedaliga, uning ota-onasi va tarbiyalanayotgan maktabgacha ta’lim tashkilotiga Prezident sovg‘alari topshirildi. Bolakayning tarbiyachisi Gulbahar Saparovaga esa Jo‘qorg‘i Kenges Prezidiumi qarori bilan «Vatan fidoyisi» ko‘krak nishoni berildi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇨🇳Uxan va Shanxay shaharlarida Agentlik xodimlarining sun’iy intellekt va innovatsion texnologiyalar yo‘nalishidagi seminarlarda ishtiroki

Sanoat kooperatsiyasi va davlat xaridlari agentligi xodimlarining Xitoy Xalq Respublikasining Uxan va Shanxay shaharlarida tashkil etilgan xalqaro seminar va amaliy mashg‘ulotlarda ishtiroki orqali sun’iy intellekt, raqamli texnologiyalar, zamonaviy boshqaruv yondashuvlari hamda innovatsion yechimlar bo‘yicha ilg‘or xalqaro tajribani o‘rganish imkoniyati yaratildi.

✔️ Seminarlar davomida sun’iy intellekt texnologiyalarini davlat boshqaruvi va xizmatlari jarayonlariga tatbiq etish, raqamli transformatsiya, davlat xaridlarida zamonaviy texnologiyalardan foydalanish, ma’lumotlarni qayta ishlash va tahlil qilish, shuningdek, innovatsion boshqaruv mexanizmlari bo‘yicha taqdimotlar va fikr almashuvlar o‘tkazildi.

Shuningdek, tadbirlar doirasida Xitoyning iqtisodiy va sanoat rivojlanishi, hududiy boshqaruv, biznes muhitini shakllantirish, xalqaro hamkorlik hamda zamonaviy davlat boshqaruvi tajribasi bilan yaqindan tanishildi.

Mazkur seminarlarda ishtirok etish Agentlik xodimlarining sun’iy intellekt va raqamli texnologiyalar sohasidagi bilim va amaliy ko‘nikmalarini oshirish, ilg‘or xorijiy tajribani o‘rganish hamda uni davlat xaridlari va sanoat kooperatsiyasi sohalarini raqamlashtirish jarayonlarida qo‘llash bo‘yicha yangi yondashuvlarni shakllantirishga xizmat qiladi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇺🇿🇰🇷 Koreyada ilg‘or texnologiyalarni O‘zbekistonda mahalliylashtirish masalalari muhokama qilindi

O‘zbekiston Respublikasi Sanoat kooperatsiyasi va davlat xaridlari agentligi hamda masʼul idora vakillari Koreya Respublikasidagi “Eunsung Telecom” yarimo‘tkazgichlar ilmiy-tadqiqot instituti va ishlab chiqarish zavodi faoliyati bilan tanishdi.

Tashrif davomida korxonaning ishlab chiqarish jarayonlari va texnologik imkoniyatlari o‘rganilib, PCB (bosma elektron platalar) va SMT texnologiyalari asosidagi ishlab chiqarishni O‘zbekistonda yo‘lga qo‘yish, zamonaviy uskunalar va texnologiyalar transferini amalga oshirish hamda ushbu yo‘nalishda mahalliy ishlab chiqarishni rivojlantirish bo‘yicha takliflar muhokama qilindi.

Shuningdek, “Roboblock System” kompaniyasi rahbari bilan uchrashuvda ta’lim, sanoat yo‘nalishida qo‘llaniladigan dronlar va robototexnika texnologiyalarini O‘zbekistonda joriy etish, tegishli mutaxassislarni tayyorlash hamda istiqbolda ishlab chiqarishni mahalliylashtirish imkoniyatlari yuzasidan fikr almashildi.

Mazkur tashrif va muzokaralardan ko‘zlangan asosiy maqsad — Koreyaning ilg‘or texnologik, ta’limiy va tadbirkorlik salohiyatini O‘zbekistonning sanoat infratuzilmasi va davlat xaridlari tizimi bilan uyg‘unlashtirishdir.

Hamkorlikni “texnologiyalar transferi — kadrlar tayyorlash — mahalliylashtirish — davlat xaridlari” tamoyili asosida rivojlantirish orqali yangi ishlab chiqarish quvvatlarini tashkil etish, mahalliy korxonalarning texnologik salohiyatini oshirish va yuqori qo‘shilgan qiymatli mahsulotlar ishlab chiqarishni kengaytirish ko‘zda tutilmoqda.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✔️ Jizzaxda “Milliy sanoat zanjiri” ko‘rgazmasining ochilish marosimi bo‘lib o‘tdi

Bugun, 29-sentabr kuni Jizzax shahrida avtomobilsozlik sanoatiga bag‘ishlangan “Milliy sanoat zanjiri” ko‘rgazmasining ochilish marosimi bo‘lib o‘tdi. Tadbir Sanoat kooperatsiyasi va davlat xaridlari agentligi, “O‘zavtosanoat” AJ hamda Jizzax viloyati hokimligi hamkorligida tashkil etildi.

Ko‘rgazmada jami 100 dan ortiq korxona ishtirok etmoqda. Birinchi kunning o‘zida 400 dan ortiq ishtirokchi ko‘rgazmaga tashrif buyurdi. Korxonalar avtomobilsozlik uchun mo‘ljallangan mahsulotlari, butlovchi va ehtiyot qismlari hamda texnologik imkoniyatlarini namoyish etmoqda.

Ochilish marosimida ko‘rgazmaning asosiy maqsadi mahalliy ishlab chiqaruvchilarni yirik avtomobilsozlik korxonalari bilan bog‘lash, import qilinayotgan mahsulotlarni mamlakatimizda ishlab chiqarish va yangi kooperatsiya loyihalarini shakllantirish ekani ta’kidlandi.

Ko‘rgazma doirasida tadbirkorlar yirik buyurtmachilarning ehtiyojlarini bevosita o‘rganishi, mahsulotlarga qo‘yiladigan texnik talablarni muhokama qilishi hamda B2B va B2G muzokaralarda ishtirok etishi mumkin.

Ko‘rgazma bir yirik zavodga o‘ndan ortiq mahalliy tadbirkor bilan hamkorlik o‘rnatish, ilgari faqat bitta zavodga mahsulot yetkazib bergan tadbirkorga esa boshqa yirik korxonalarga ham chiqish imkonini beradi.

📍 Jizzax shahri, “Olimpiya zaxiralari kolleji” binosi
✔️ Ko‘rgazma 30-sentabr kuni ham davom etadi.

Biz bilan birga bo‘ling — ko‘rgazmadan eng muhim jarayonlarni yoritib boramiz!

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin