🇺🇿 🇲🇾O‘zbekiston va Malayziya o‘rtasida davlat xaridlari va sanoat kooperatsiyasi bo‘yicha hamkorlik kengaytiriladi

15-sentyabr kuni Sanoat kooperatsiyasi va davlat xaridlari agentligida Agentlik rahbariyati hamda Malayziyaning O‘zbekistondagi elchisi o‘rtasida uchrashuv bo‘lib o‘tdi.

Uchrashuvda davlat xaridlari tizimini takomillashtirish, mutaxassislar malakasini oshirish hamda sanoat kooperatsiyasi bo‘yicha yangi qo‘shma tashabbuslarni amalga oshirish masalalari muhokama qilindi.

Xususan, Malayziya tomoni Agentlik mutaxassislari uchun maxsus ishlab chiqiladigan (tailor-made) o‘quv dasturini tashkil etishni taklif qildi. Dastur doirasida 2027-yilning I choragida Agentlikning 6–10 nafar mutaxassisi uchun davlat xaridlari islohoti, raqobatli xaridlar, shaffoflik va hisobdorlik, shuningdek, Malayziyaning ePerolehan elektron xaridlar tizimi bo‘yicha tajriba almashish ko‘zda tutilgan.

Sanoat kooperatsiyasi yo‘nalishida esa import o‘rnini bosish salohiyatiga ega 50 ta ustuvor mahsulot ro‘yxati asosida Malayziya Investitsiyalarni rivojlantirish agentligi (MIDA) orqali malayziyalik ishlab chiqaruvchilarni hamkorlikka jalb qilish, mahalliy korxonalar bilan to‘g‘ridan-to‘g‘ri savdo va ishlab chiqarish aloqalarini yo‘lga qo‘yish masalalari ko‘rib chiqildi.

Shuningdek, Malayziya tomonining joriy yil dekabr oyida o‘tkazilishi rejalashtirilgan xalqaro sanoat forumida ishtirok etishi yuzasidan kelishuvga erishildi.

🤝 Uchrashuv yakunida tomonlar davlat xaridlari va sanoat kooperatsiyasi bo‘yicha ikkita alohida loyiha taklifini, shuningdek, keyingi amaliy ishlarni belgilab beruvchi Agentlik yo‘l xaritasini ikki kun ichida almashishga kelishib oldi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🏛 Xitoyning “Jiangsu Yiershan Group” kompaniyasi bilan uchrashuv o‘tkazildi

15-sentabr kuni Sanoat kooperatsiyasi va davlat xaridlari agentligida Xitoyning “Jiangsu Yiershan Group” (JYG) kompaniyasi rahbari Liu Deliang boshchiligidagi delegatsiya bilan uchrashuv bo‘lib o‘tdi.

“Jiangsu Yiershan Group” – Xitoyning Jiangsu provinsiyasida faoliyat yurituvchi ishlab chiqarish guruhi bo‘lib, uning asosiy yo‘nalishlari to‘qimachilik va tayyor kiyim-kechak ishlab chiqarishni qamrab oladi. Guruh tarkibidagi korxonalar elektrotexnika uskunalari ishlab chiqarish yo‘nalishida ham faoliyat yuritadi. Kompaniya ayni paytda O‘zbekistonda qator ishlab chiqarish loyihalarini amalga oshirish imkoniyatlarini ko‘rib chiqmoqda.

Muloqot davomida kompaniyaning O‘zbekistonda amalga oshirishni rejalashtirayotgan loyihalari doirasida ishlab chiqariladigan mahsulotlarni milliy sertifikatlashtirish, muvofiqlik sertifikatlarini olish hamda ularning mahalliylashtirish darajasini belgilash bilan bog‘liq masalalar atroflicha muhokama qilindi.

Shuningdek, loyihalarni amalga oshirishda mahalliy korxonalarni kooperatsiyaga jalb qilish, zarur mahsulot va butlovchi qismlarni mahalliy ishlab chiqarish imkoniyatlaridan foydalanish hamda o‘zaro manfaatli sanoat kooperatsiyasini yo‘lga qo‘yish bo‘yicha fikr almashildi.

Uchrashuv davomida Xitoy delegatsiyasiga sertifikatlashtirish va mahalliylashtirish jarayonlari bo‘yicha zarur tushuntirishlar berildi. Yakunda tomonlar loyihalarni amaliy bosqichga olib chiqish va mahalliy korxonalar bilan hamkorlik yo‘nalishlarini ishlab chiqish bo‘yicha kelishib oldi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Xorazm viloyatidagi mahalliylashtirish dasturiga kiritilgan korxonalar o‘rganilmoqda
 
Urganch shahrida joylashgan “KHOREZM ORIENT CERAMIK” MCHJ QK tomonidan polipropilen va polietilen tolalaridan sintetik mato ishlab chiqarishni kengaytirish bo‘yicha 15 mln. dollarlik yangi ishga tushirilayotgan loyiha o‘rganildi.

✔️ Mazkur loyiha doirasida zamonaviy ishlab chiqarish quvvatlarini kengaytirish, polipropilen va polietilen tolalaridan tayyorlanadigan sintetik matolar ishlab chiqarish hajmini oshirish hamda mahalliy va tashqi bozorlarga raqobatbardosh mahsulotlar yetkazib berish rejalashtirilgan.

➡️ Loyiha amalga oshirilishi natijasida hududda yangi ishlab chiqarish quvvatlari yaratilishi, import o‘rnini bosuvchi mahsulotlar hajmi oshishi hamda qo‘shimcha ish o‘rinlari yaratilishiga xizmat qiladi.

🎤 Ayni paytda loyiha bo‘yicha ishlab chiqarish jarayonlarini tashkil etish, zarur uskunalarni jalb qilish va mahsulotlarni bozorga chiqarish imkoniyatlari yuzasidan amaliy ishlar olib borilmoqda.

 Shuningdek, Urganch shahrida joylashgan “MEGA ELEKTROAPPARAT ELEKTROSHIT” MCHJ tomonidan elektr energiyasini pasaytirish va taqsimlash uchun komplekt transformator podstansiyalari ishlab chiqarish loyihasining amalga oshirish jarayonlari o‘rganildi.

➡️ Batafsil

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🤝 Farg‘onada tadbirkorlar uchun sayyor qabul o‘tkazildi

Farg‘ona shahridagi “Farg‘ona ekspo” markazida Sanoat kooperatsiyasi va davlat xaridlari agentligi tomonidan tadbirkorlarning muammo va takliflarini bevosita o‘rganish maqsadida sayyor qabul tashkil etildi.

Unda Agentlik markaziy apparati va hududiy loyiha ofisi rahbariyati, soha mutaxassislari hamda tadbirkorlik subyektlari vakillari ishtirok etdi.

Qabul davomida tadbirkorlarning sanoat kooperatsiyasini kengaytirish, yangi mahsulotlarni mahalliylashtirish, mahalliy ishlab chiqaruvchilarning davlat xaridlaridagi ishtirokini kengaytirish bilan bog‘liq murojaatlari ko‘rib chiqildi.

Shuningdek, tadbirkorlar tomonidan ishlab chiqarishni rivojlantirish va mavjud to‘siqlarni bartaraf etishga qaratilgan taklif hamda tashabbuslar bildirildi. Ko‘tarilgan masalalar yuzasidan mutaxassislar tomonidan tegishli tushuntirishlar berildi.

Sayyor qabul yakunida har bir murojaat va taklif bo‘yicha mas’ullar belgilanib, ularni o‘rganish va amaliy yechim ishlab chiqish yuzasidan tegishli vazifalar berildi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🏛️ Farmatsevtika sohasida davlat xaridlari: tadbirkorlar bilan ochiq muloqot o‘tkazildi

17-sentabr kuni Sanoat kooperatsiyasi va davlat xaridlari agentligida mahalliy farmatsevtika mahsulotlari ishlab chiqaruvchilari ishtirokida “Farmatsevtika va tibbiyot sohasida davlat xaridlarining shaffofligini oshirish hamda tizimdagi yangiliklar” mavzusida ochiq muloqot o‘tkazildi.

Muloqot markazida farmatsevtika va tibbiyot yo‘nalishidagi davlat xaridlarida mahalliy ishlab chiqaruvchilar duch kelayotgan amaliy muammolar, xarid jarayonlarini soddalashtirish, raqobat va shaffoflikni oshirish masalalari bo‘ldi.

Xususan, Vazirlar Mahkamasining 737-son qarori talablari asosida farmatsevtika mahsulotlari xaridlari uchun joriy etilgan “Farma.xarid.uz” axborot tizimidan foydalanishda yuzaga kelayotgan masalalar tadbirkorlar bilan batafsil muhokama qilindi.

Shuningdek, davlat xaridlarida kontrafakt, davlat ro‘yxatidan o‘tmagan, kelib chiqishi va sifati tegishli hujjatlar bilan tasdiqlanmagan dori vositalari xarid qilinishini cheklash bo‘yicha takliflar ko‘rib chiqildi.

Tadbirkorlar xaridlarda ishtirok etishda bir xil hujjat va ma’lumotlarni takroran taqdim etish amaliyotini qisqartirish, litsenziya, sertifikat va ruxsat beruvchi ma’lumotlarni davlat axborot tizimlari integratsiyasi orqali avtomatik tekshirish imkoniyatlarini kengaytirish bo‘yicha takliflar bildirdi.
Ochiq muloqot davomida tadbirkorlarning savollariga Agentlik direktori o‘rinbosari Jahongir Yunusov va soha mutaxassislari tomonidan tushuntirishlar berildi.

Bildirilgan muammo va takliflar tizimlashtirilib, ularni tegishli vazirlik va idoralar hamda elektron tizim operatori bilan birgalikda ko‘rib chiqish, zarur hollarda amaldagi mexanizmlarni takomillashtirish bo‘yicha takliflar ishlab chiqish belgilandi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin