“Bir boʻlsak - yagona xalqmiz, birlashsak – vatanmiz”

Isʼhoqxon Ibrat nomidagi Namangan davlat chet tillari instituti Xotin-qizlar masalalari boʻyicha rektor maslahatchisi Aziza Mirzanazarova tashabbusi bilan “Bir boʻlsak - yagona xalqmiz, birlashsak – vatanmiz” shiori ostida seminar tashkil etildi. Tadbirga Toʻraqoʻrgʻon tuman hokimi oʻrinbosari, Oila va xotin-qizlar boʻlimi boshligʻi Hayotxon Mahmudova hamda tuman markazida joylashgan MFY xotin-qizlar faollari taklif etildi.

Dastlab, H. Mahmudova soʻz olar ekan, tuman hokimligi va institut oʻrtasidagi doimiy hamkorlikka alohida urgʻu bergan holda, samarali natijalar xususida ham toʻxtalib oʻtdi. Shundan soʻng, tadbirning maqsadidan kelib chiqqan holda, A. Mirzanazarova tomonidan ishtirokchilarga prezentatsiya taqdim etildi va hamkorlikda amalga oshirilishi kutilayotgan ishlarning rejalari bayon qilindi.

Xotin-qizlar faollari tomonidan yoshlar tarbiyasida oila va jamiyatda ayollarning roli, milliy qadriyatlarni asrab-avaylash va rivojlantirish kabi jihatlarga jiddiy eʼtibor qaratish lozimligi aytildi. Shuningdek, tadbirda yosh avlodni maʼnaviy va axloqiy tarbiyalash, ularni milliy qadriyatlar ruhida kamol toptirish, sogʻlom turmush tarzini targʻib qilish kabi masalalar ham muhokama qilindi. Ishtirokchilar bu yoʻnalishlarda hamkorlikda ish olib borishga kelishib oldilar. Seminarning yakunida oʻtgan yil davomida NamDChTI bilan namunali hamkorlik qilib kelgan faollar tashakkurnoma bilan taqdirlandi.

Axborot xizmati!

📌 "Bir boʻlsak - yagona xalqmiz, birlashsak - vatanmiz" shiori ostida sport tadbiri oʻtkazildi

🏛Isʼhoqxon Ibrat nomidagi Namangan davlat chet tillari institutida oʻtkazilgan navbatdagi voleybol musobaqasi ayni shu shior ostida tashkil etilib, unda institut rahbariyati, ishchi-xodimlar va oʻqituvchilar faol qatnashdilar.

🎗Tadbirning asosiy maqsadi: sogʻlom turmush tarzini keng targʻib qilish, jamoaviy ishlash tartibini mustahkamlash hamda ishchi-xodimlarning yozgi taʼtil paytidagi boʻsh vaqtini mazmunli va maqsadli tashkil etishdan iboratdir.

⚡⚡Musobaqa davomida erkaklar va ayollardan iborat jamoalar bellashib, sportga xos mahoratlarini namoyish etdilar, bellashuvlar qiziqarli tus oldi.

✅ Maʼlumot uchun: institutning sport zalida haftaning har dushanba, chorshanba va juma kunlari voleybol oʻyinlari davom etadi. Istovchilarni oʻz jamoalari bilan birga sport tadbirlariga taklif etamiz.

 NamDChTI Axborot xizmati!

Telegram | Instagram | Facebook | Web-sayt | YouTube

🎗“Bir boʻlsak - yagona xalqmiz, birlashsak – vatanmiz!” shiori ostida Zakovat intellektual oʻyini oʻtkazildi

  🇺🇿Oʻzbekiston Respublikasi Mustaqilligining 33 yilligi oldidan Isʼhoqxon Ibrat nomidagi Namangan davlat chet tillari instituti hamda Yoshlar ishlari agentligi Toʻraqoʻrgʻon tuman boʻlimi hamkorligida oʻtkazilgan ushbu tadbirga tumandagi  mahalla yoshlari jalb etildi.

  ♻️Ushbu Zakovat intellektual oʻyinlarini oʻtkazishdan koʻzlangan maqsad yoshlar qalbida vatanga muhabbat, sadoqat kabi tuygʻularni kamol toptirish, yigit-qizlarning boʻsh vaqtini mazmunli tashkil etishga koʻmaklashgan holda bilim va koʻnikmalarini oshirish hamda oʻzaro hamjihatlik, birdamlik kabi jihatlarni ham shakllantirishdan iboratdir.

  ✅ Shuningdek, yaqinlashib kelayotgan muhim sana oldidan yoshlarni “Bir boʻlsak - yagona xalqmiz, birlashsak – vatanmiz!” shoiri ostida yakdil maqsadlar sari odimlashlarini qoʻllab-quvvatlash nazarda tutilgan. Aynan oʻyin davomida berilgan savollarning mazmun-mohiyati ham mavzuga mos tartibda tanlangani tadbirdan koʻzlangan maqsadning mohiyatini aks ettira oldi.

NamDChTI Axborot xizmati!

Telegram | Instagram | Facebook | Web-sayt | YouTube