📚 Ibratli Hikoyalar 📚

#Қарғалар_маҳкамаси

233-қисм

“Хўп бўлади хотин ака. Яна....Ростданми? Ҳазиллашма?”,-деганида кўзидан ёш оқа бошлади.

Мен аллақачон йиғига таслим бўлгандим. Қайнонам жоним боламлаб, қучди. Юсуф пешонамдан ўпиб бағрига қаттиқ босди.

Аммо хурсандчилигимиз узоққа чўзилмади. Менга хомила тушиш хафи бор дея, ёталоқ режим ёзиб берди. Кун бўйи ётган еримда овқат еб телевизор кўришдан бошқа ишга ярамадим. Китоб ҳам ўқидим. Ҳатто киберхавсизликдаги йигитларни гапириб ўзим ҳам телеграмдаги ҳикоя каналларига аъзо бўлдим. Детектив асарлар ёққани учун бир ҳикоя топдим номи “Яширин сирлар”экан. (Реклама: Ҳикоя ўзимники эмасми😉 ) Изоҳларни ўқидим ҳар хил фикрлар ёзилган экан. Индамай ҳикоямни ўқиб, реакциямни босдим.

Вақтимни шулар билан ўтказдим. Юсуф суд куни яқинлашганида иши кўпайиб кетди. Лекин янада менга эътиборини камайтирмади. Опамнинг гапини айтай сизга.”Туғсанг, қариликда туғ эканда. Бунча талтайтиради сени? “,-деб жиғимга тегарди.

Ўзи йигирма олти ёшигача бешта болани туғиб қўйгани учун менинг ўттиз уч ёшим кўп кўринди кўзига.

🐦‍⬛️

“Мен яхшиман. Мен ҳам бораман”,-деб туриб олдим.

Судда қатнашиш менинг ҳам ҳаққим эди.

“Зумрадим,сен нега боламизга травма яшатмоқчисан? Жиноятчиларнинг ва у ёмон муҳитнинг таъсирини биляпсанми? Сенга асабийлашиш мумкин эмас.Мен ўзим сенинг номингдан ҳамма ишни бажариб келаман”,-деб мени уйда ташлаб кетди.

“Ҳой, ўзи зўрға икки қат бўлдинг. Яна оёқ кўтариб ёт деди, дўхтиринг. Кўчада нима гап бор?”,-деб опам мени уршиб берди.

“Сенга қарайди”,-деб опамни жўнатган онамга, бекор кўнган эдим.

Суд яна уч кун кетма –кет давом этди. Фирдавс Турғунов, Чарос Турғунова иши бўйича умрбод озодликдан маҳрум қилинибди. Қолган икки жинояти ҳам исботланиб 24 йил отаси учун 18 йил Хуршид учун беришибди. Гулбаҳор Турғуновага 16 йил 8 ой. Нафисага эса 14 йил ҳукум ўқилибди. Бу жазолар ўлганларни қайта келтирмас эди. Бир набза бўлсада ичимизни совутган эди холос.

🐦‍⬛️

“Кел, мундай қиламиз. Битта исмга келишолмаяпмиз-ку? Иккаламиз исмимиздан қизимизга исм ясаймиз”,-деб Юсуф мени кўндиришга уринарди.

Қорним катта бўлиб иссиқ ҳаволарга етиб келганимизда, янги дардимиз исм бўлди. Шифокор қиз деганидан бери келишолмай қолган эдик.

“Юсзум-ми? Ёки Зумсуф? Жуда кулгили”,-дедим.

Кулди

“Йўқ бир исм эшитган эдим. Адашмасам қуръонда ҳам бор”
“Нима экан?”
“Юсра!”
“Юсра?”
“Ҳа, Юсуфнинг Юс-и Зумраднинг ўрта еридан Ра –си”,-деганида кулдим.
Ўзича нима маънолар чиқарган эди бу одам.
“Маъноси нима экан?”
“Қулайлик ,енгиллик”,-деб қўлларимни ушлади.
“Чиройли исм экан, Юсра”,-дедим кўзларига қараб
“Зумрадим, бир –биримизга етишиш йўли осон бўлмади. Ишимиз осон эмас.Қулайликча ота-она бўлмаяпмиз. Кел, қизимиз билан ҳаётимизга енгиллик келсин. Бир-биримизни севишимиз ардоқлашимиз осон бўлсин”,-деб кўзидан бир томчи ёш оқди.

Гаплари ҳақиқат эди. Танлаган касбимиз, ҳаёт йўлимиз осон ўтмади. Лекин биз уддаладик. Пуаро ва Холмс бугун Юсрасига умид боғлади.

Т а м о м

Ҳаёт доим тилла патнисда яхши кунларни тақдим қилмайди. Кимлардир қурбон кимлардир жаллод бўлиб умрини ўтказади. Муҳими ичингиздаги яхшиликни ва одамгарчиликни ўлдирадиган қотилга руҳингизни топширманг. Бу бир ҳаётий воқеадан таъсирланиб ёзилган ҳикоя эди. Сиздан илтимосим Чарос руҳига бир фотиҳа ўқиб қўйинг. Ҳар бир якун янги бошланғичлар дебочасидир. Унутманг ҳар биримизнинг ичимизда бир детектив яшайди. Бўлмаса бунчлалик шашт билан бирга йўл юримас эдик.

Қўллаб қувватлаган ҳар бирингизга улкан ташаккурим. Бир хатоим, бир янглиш ҳаракатим бўлса, ҳаққингизни ҳалол қилинг. Янги ҳикоя ва қаҳрамонлар билан ғойибона учрашгунча ҳурмат билан ожиза ёзувчингиз Сулҳида Даврон.🖊

Бўлимга реакция қолдиришингиз,қўллаб- қувватлашингиз мен учун илҳом ❤️

📚 Ibratli Hikoyalar 📚

👏83❤60👍35🥰10🔥7❤‍🔥2👌2

1.84K views𝑫𝑰𝑳𝑺𝑯𝑨𝑿, edited 15:59