Нега бунча йиғладинг осмон,
Ё уйингда бўлдими мотам.
Юрак-бағринг эзилди ёмон,
Эзиб юбордингку мени ҳам!

Ранжитдими Ҳилол дилдошинг,
Юлдузларга зиёсин сочиб.
Ё ҳиёнат қилиб Қуёшинг,
Қучоғингдан кетдими қочиб?!

Ёмғирларинг ҳаддидан ошди,
Булутларинг олмаяпди тин.
Ва бошидан ёққан кўз ёшни,
Тўйиб-тўйиб ичмоқда Замин!

Нега бунча тўйиб йиғладинг,
Нима бўлди?
Нечун бу фиғон?
Бунча дардни қаердан олдинг,
Нега бунча махзунсан, Осмон!

Сенга таскин беролмам, кечир,
Овутишга сўзим йўқ, ишон,
Иккимизга йиғламоқ тақдир,
Мен ҳам сендек юрак-бағри қон!

Малика Тавфиқ

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Қалблар гулларга ўхшайди. Уларни хам куч билан очишнинг имкони йўқ. Уларнинг очилиши ва гўзал бўй кўрсатиши учун меҳр, илиқлик, ҳамда сабр зарурдир.

Мавлоно Румий

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

​​​​#ибрат

Ўшанда ҳали бола эдим.

Онам ишдан ҳориб қайтса-да, ҳар кеч биз учун нон пиширарди. Бир куни вақт алламаҳал бўлган, онаизорим шоша-пиша биз учун кечки овқат тайёрларди.

Бир оздан кейин у отамнинг олдига овқат ва нон қўйди. Менинг икки кўзим нонда эди. Кимдир ноннинг куйганига эътибор берармикан деб кутиб турдим.

Лекин отам нонни индамасдан чайнади ва мендан мактабдаги куним қандай ўтганини сўради. Ўша кун унга қайтарган жавобимни эслай олмасам ҳам, овқатдан кейин волидамнинг отамга нон бир оз ўтиб кетганини минг хижолат билан айтгани кечагидек қулоғим остида.

Отам ўша куни жилмайиб туриб, онамга: “Азизам, куйган нон менга ёқади-ку”, деди. Ухлашдан олдин отамга хайрли тун тилаш учун унинг олдига кирдим ва ундан куйган нонни ростдан ҳам яхши кўриш-кўрмаслигини сўрадим. Отам мени бағрига босиб, қаттиқ қучоқлади.
— Ўғлим, онанг кун бўйи ишлаб, жуда чарчаган. Бир марта куйган нон есам, менга ҳеч нарса бўлмайди. Лекин ёмон сўз онангни ранжитган бўлар эди, — деди.

Биз барчамиз хом сут эмган бандалармиз. Кези келганда муҳим саналарни, зарур нарсаларни, бурчларимизни эсдан чиқариб қўямиз. Шунча йиллар мобайнида ўрганган нарсам шуки, бир-биримизнинг камчиликларимиз билан қабул қилишимиз керак. Чунки ҳаёт афсуслар билан уйғониш учун жуда ҳам қисқалик қилади.

Доктор Абдул Қалам


•┈┈┈┈•❈••✾••❈•┈┈┈┈•
Якинларингизга узатинг
https://telegram.me/joinchat/EBkeNT8wOXpAsSelKCAtIA

СИЗ  ОНАНГИЗГА  БУНИ 
        РАВО  КЎРМАНГ...

​​Агар ота онангдан кўрган химмат ва хизматни бегона одамдан кўрганингда, бутун умр ундан уялиб, бирор марта ҳам кўнглига озор беролмасдинг. Лекин, отанг ва онанга ғазаб қила оласан, адоват қила оласан, миннат қила оласан, кўнглини оғрита оласан. Чунки, уларники кўзингга кўринмайди...


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

#Мунис_оналар_тилидан

🎶 Пулингдан ишлатсам,
МАЙЛИМИ, БОЛАМ...

🎙Шохрухбек Эргашев


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Абдуллоҳ ибн Умар розияллоҳу анҳумо айтадилар:

“Ота-онанинг йиғлаши оқ бўлиш ва кабира гуноҳлардандир”
Бухорий ривоят қилган.

Фарзанд ота-она билан муомала қилишда қуйидаги одобларга риоя қилиш зарур:

– гаплашганда овозни баландлатманг;

– хўмрайиб тик боқманг;

– гаплашганда қўлни кўтарманг;

– гапларини бўлманг;

– гаплари нотўғри бўлса ҳам жеркиб берманг;

– муаммо ва ташвишларни айтиб безовта қилманг;

– кўнглиги ранжийдиган хабарларни, айниқса, бетоб бўлса, “Фалончи оламдан ўтди” каби гапларни айтманг;

– камчиликларини юзига солиб ранжитманг;

– гуноҳ бўладиган хатолари бўлса, мулойимлик билан тушунтиринг;

– улар билмаган дин аҳқомларини мулойимлик билан, жеркимасдан ўргатинг;

– улар ёнида болаларингизга қаттиқ гапириб, уриб-сўкманг.

Салафи солиҳ зотлардан бирлари бир йигитга насиҳат қила туриб, шундай дедилар: “Шуни билингки, қачон ота-онанг сен билан гаплашишганда “Аччиғи чиқиб қолмасмикин” ёки “безовта қилиб қўймасмикинман”, деб ҳадиксираб гапларини ўйлаб гапиришга ўтишса яъни сенга ёқадиган гапни топиб гапиришга уринишса, демак, сен уларга оқ бўлибсан”.

Ота-онага химат қилиш, уларга яхшилик қилиш, эъзозлаш жаннатга кириш учун энг катта восита.

Оғабек Қурамбаев

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

Агар Онанг дуо қилмаса.

Ёниб қуёш, порламас ойинг,
Шовқин солиб оқмасди сойинг,
Тўрда эмас, пойгакда жойинг,
Агар Онанг дуо қилмаса.

Қўлларингдан омад тутмасди,
Қадамингда қувонч кутмасди,
Пешонангга бахтлар битмасди,
Агар Онанг дуо қилмаса.

Бароридан келиб ҳар ишинг,
Баҳор каби гуллаб куз, қишинг,
Ўша сенинг энг азиз кишинг
Агар Онанг дуо қилмаса.

Ёмонликлар бўлмасмиди фош,
Кўзларингда тинмасмиди ёш,
Зулмларга беролмасдинг дош,
Агар Онанг дуо қилмаса.

Маконинг боғ бўлармиди ё,
Юлдузларга қўл етиб гўё,
Кимга вафо қилар бу Дунё,
Агар Онанг дуо қилмаса.

Камтар бўлу, кибрдан кеч воз,
Савоб ишни қанча қилсанг оз,
Умри кунинг ўтармиди соз,
Агар Онанг дуо қилмаса!

•┈┈┈┈•❈••✾••❈•┈┈┈┈•
Яқинларингизга улашинг
https://telegram.me/joinchat/EBkeNT8wOXpAsSelKCAtIA⠀⠀

​​Онанинг сўнгги илтимоси...

   Дунёнинг ишлари доим шошилинч. Одатдагидек тик турганча нонушта қилаётган эдим. Онам одатдагидек қистарди:
   — Ўтирсанг-чи, болам. Бирпас ўтиргин.
   — Бўлди, кетдим.
   — Шошма, болам. — Онам кўзимга одатдагидан бошқача, қандайдир мунг билан термилди. — Гап бор.
   Типирчилаб соатга қарадим: ҳали бензин олиш керак, ишга бориш керак, кейин нашриётга ўтиш...
   — Нима эди?
   Онам кўзимга ҳамон маъюс термилиб ўтирарди.
   — Суратга тушайлик, — деди тўсатдан.
   Ажабландим.
   — Нега?
   — Яқинда мен ўламан.
   Онам бу гапни худди: “Қўшниникига чиқиб келаман”, дегандек оҳангда айтди. Кулиб юбордим.
   — Қўйсангиз-чи, ойи.
   Шундай дедим-да, чиқдим кетдим.
   Орадан икки ҳафта ўтдию... Кечалари уйғониб кетаман, ўйлайман. Ўйлайман: сен номард, сен ахмоқ нимага, нимага ўшанда кулдинг? Суратга тушишга вақтинг йўқмиди? Керак бўлса топасан-ку! Китоб учун, журнал учун, иш устида, боғда, кўчада...   Нима, сен киноюлдузмисан? Жаҳоншумул шахсмисан? Ана, бир даста суратинг ётибди. Ҳар хил. Ҳар ерда... Фақат... Онанг билан тушган суратинг йўқ!


"Дунёнинг ишлари" китобидан

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Ассалому алайкум ва роҳматуллоҳи ва барокатуҳ!

Азизлар, барчангизга Саййид-ул айём (кунлар саййиди), ҳажжул Масокин (мискинлар ҳажи) бўлмиш Жума айёми муборак бўлсин!
Аллоҳим умрингизга мазмун, ризқингизга барака, танингизга соғлик, руҳингизга осойишталик, қалбингизга хотиржамлик, оилангизга файзу баракот, барчамизга соғ-омонлик ато қилсин.
Аллоҳим оқибатларимизни меҳрли,охиратларимизни хайрли, икки дунёмизни саодатли қилсин.
Умрингизнинг  ҳар  бир куни
АЛЛОҲ МУҲАББАТИ ила ўтсин.

ЖУМА  АЙЁМИ  МУБОРАК  БЎЛСИН,  АЗИЗЛАР !


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Дуолар ижобати бериладиган кун - ЖУМА аҳли - Азизларим!
Сизларнинг орангизда қалбига Аллоҳнинг назари тушган покиза қалблилар бор...

Дуоси мустажоблар бор...

Сўрагани қайтарилмайдиганлар бор...

Очиқ кафти - Очиқ Қуръонга ҳамроҳ инсонлар бор...


ДУО  ҚИЛИНГ: 

Умид билан қалбан Аллоҳга ёлбораётганлар...

Шифосини кутаётганлар...

Кўнглини дунёда қолдириб  кетаётганларидан узилишни истамаётганлар...

Шу дуойингиз сабабли- енгиллик топсин, ҳузур, шифо, осойишталик, сокин қалб, рози-ризолик уларнинг қалбига ором берсин...

Маҳзун кишилар учун ҳам Аллоҳдан уларга бахт-саодат тилаб дуо қилинг!

Таниган ва танимаган кишининг ҳаққига дуо қилаверинг!

Фаришталар хар дуонгизда
"Сенга ҳам бўлсин" деб айтади...

Мўмин-мўминнинг дуои-жонини қилади,  қилса-савоб олади...
Ўзи ҳам шу дуодан униб-ўсади...

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Аллоҳим!

Бу муборак кун ҳаққи ҳурмати барчамизнинг машаққатларимизни аритгин!

Дардларимизга даво, беморларимизга шифо бергин!

Мўмин ва мўминаларга розилигингга муносиб ҳаёт яшашликни тақдир айла!

Сиҳҳатимиз ва офиятимизни давомли қилгин!

Бизни қарздорликдан, кўтаролмайдиган ғам-қайғудан, тоқат қилолмайдиган изтиробдан муҳофаза  айла!

Роббим! Иймонимизни имтиҳонимиз этма ва бизни раҳматингдан маҳрум қолдирма!

Жуманинг хайру барокати бошимиздан ёғилсин!


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

ҚУРЪОНДА КЕЛГАН ПАЙҒАМБАРЛАР ДУОСИ

 Дунё ва охират ҳаётимиз учун йўлбошчи бўлган пайғамбарлар дуони қандай қилиш кераклигини бизларга кўрсатиб беришган экан. Шу дуолардан баъзиларини тақдим этамиз:

🤲 Одам Ато ва Момо Ҳавонинг дуоси:
قَالَا رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ

Ўқилиши: Қолаа роббана золамна анфусана ва иллам тағфир лана ва тарҳамна ланакунанна минал хосирин

Таржима: «Парвардигоро, бизлар ўз жонимизга жабр қилдик. Агар Ўзинг бизларни мағфират қилмасанг ва раҳм-шафқат кўрсатмасанг шубҳасиз, зиён кўргувчилардан бўлиб қолурмиз». (Аъроф,23)

🤲 Нух алайҳиссаломнинг дуоси:
رَّبِّ اغْفِرْ لِي وَلِوَالِدَيَّ وَلِمَن دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ وَلَا تَزِدِ الظَّالِمِينَ إِلَّا تَبَارًا

Ўқилиши: Роббиғфир ли ва ливолидйя ва лиман дахола байтия муъминан ва лилмуъминина вал муъминат, ва ла тазидиз золимина илла табора

Таржима: «Роббим, мени мағфират қилгин, ота-онамни ҳам ва уйимга мўмин бўлиб кирганларни ва мўминлару мўминаларни ҳам. Ва золимларга ҳалокатдан ўзга нарсани зиёда қилмагин». (Нух,28)

🤲 Иброҳим алайҳиссаломнинг дуолари:
رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ

Ўқилиши: Роббанағфир ли ва ливолидйя ва лилмуъминина явма яқумул ҳисоб

Таржимаси: «Эй Роббимиз, мени, ота-онамни ва мўминларни ҳисоб куни мағфират айлагин». (Иброҳим,41)

رَبِّ هَبْ لِي حُكْمًا وَأَلْحِقْنِي بِالصَّالِحِينَ وَاجْعَل لِّي لِسَانَ صِدْقٍ فِي الْآخِرِينَ

Ўқилиши: Робби ҳаб ли ҳукман ва алҳиқний бис солиҳийн, важъал ли лисона сидқин фил охирин

Таржимаси: «Парвардигорим, менга илм ҳадя этгин ва мени солиҳлар қаторига қўшгин. Яна мен учун кейинги келганлар ўртасида рост мақтовлар қилгин». (Шуаро,83-84)

🤲 Лут алайҳиссаломнинг дуоси:
قَالَ رَبِّ ٱنصُرْنِى عَلَى ٱلْقَوْمِ ٱلْمُفْسِدِينَ

Ўқилиши: Қола роббинсурний ъалал қавмил муфсидин

Таржимаси: «Роббим, бузғунчи инсонларга қарши менга ёрдам бер»(Анкабут,30)

🤲 Иброҳим алайҳиссалом ва Исмоил алайҳиссаломнинг дуолари:
رَبَّنَا تَقَبَّلْ مِنَّا إِنَّكَ أَنتَ السَّمِيعُ الْعَلِيمُ

Ўқилиши: Роббана тақоббал минна иннака антассамиъул алим

Таржимаси: «Парвардигорим, Ўзинг қилган ишимизни қабул айла. Шубҳасиз, Сен Эшитгувчи, Билгувчисан!» (Бақара,127)


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

Дуолар ижобати бериладиган кун Жума ахли қадрдонларим

 АССАЛОМУ  АЛАЙКУМ! 

Жума айёмингиз муборак бўлсин! Бу кунинг файзу барокати сизларга бўлсин!


•┈┈┈┈•❈••✾••❈•┈┈┈┈•
Яқинларни табрикланг!
https://telegram.me/joinchat/EBkeNT8wOXpAsSelKCAtIA

ДУО ҚИЛ, ҚИЗИМ...

     Кун келиб ҳамма нарса ўз йўлига тушиб кетишига ишониб, дуо қил...

     Ҳамма нарсанинг хайрлиси содир бўлишига ишониб, ҳаракат қил...

     Ва бир куни ҳамма қийинчиликлар тугашига ишониб, сабр қил...

     Яхши кунларни кутиб яшаш ҳам — ибодатдир...


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

💐 ОНАМ БИЛАН ХАЖГА
БОРСАЙДИМ

"Яхши ният эгасини жаннатга олиб киради".
• Аллоҳ наздида инсоннинг нияти жуда муҳимдир.

Инсоннинг амали, хатти - ҳаракат доираси чегараланган ва тўсиқлар билан ўралган бўлиши мумкин. Аммо унинг қалби ва онгидаги ниятга, мақсадга, ғояга тўсиқ, чегара қўйиб бўлмайди.  Инсон уддалай олмаса-да, яхши ва гўзал ниятда бўлиши, юксак мақсадлар кўзланган дуолар қилиши керак. Дуо, яхши ният ва эзгу мақсадлар инсонни икки дунё саодатига сазовор этади.


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

#Жума_муборак

Жума куни, кимга нимани раво кўрсангиз ўшани сўранг дейишади. Мен сизларга шу жойларда ахли оилангиз билан бирга ибодат қилишингизни Аллоҳдан сўрадим!

Жуманинг хайри ва барокати сизга бўлсин!

🌹Аллоҳумма солли аъла
саййидина Муҳаммад ﷺ


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Аллоҳ бу кунни барчамизга хайрли ва истакларингизга етказувчи қилсин....
🌱
Сизлар учун истагим:

Қўлингиз ДУОДА,
қалбингиз ИЙМОНДА,
тилагингиз АЗОНДА,
ўйларингиз ҚУРОНДА,
юрагингиз ИСЛОМДА,
бошингиз САЖДАДА,
ниятингиз УМРАДА,
зиёратингиз МАККАДА,
саловатларингиз МАДИНАДА,
охиратингиз ЖАННАТДА,
бўлсин ИНШААЛЛОҲ...

ЖУМА аёмингиз муборак бўлсин, Азизлар!


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Бугун дуолар ижобати бериладиган кун – Жума ахли Азизларим

 АССАЛОМУ  АЛАЙКУМ! 

Бу кунда дуоларингизда Аллоҳдан сўраган барча орзу - ниятингиз зиёдаси билан ижобат бўлсин!

Жуманинг хайру барокати сизларга ҳамроҳ бўлсин!


•┈┈┈┈•❈••✾••❈•┈┈┈┈•
Яқинларни табрикланг!
https://telegram.me/joinchat/EBkeNT8wOXpAsSelKCAtIA

– Аллоҳдан сабр сўраяпсанми, демак Аллоҳдан бало сўраяпсан

🎙Саййид Раҳматуллоҳ Термизий домла


❗️Ҳаётингизда мусибат бўлмаса, сабр сўрашдан тийилинг

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA