​​​​#Шеърият

Бола эдик. Қуроллар ясаб,
Қушларга тош отар эдик гоҳ.
Бизлар кўплаб ўлжа топардик,
Тополмасди қушчалар паноҳ.

Кўнгил бўлмас эди алдашга,
Бўлишганда тушган ўлжани.
Ақлимиз бор эди — англашга,
Кўзимиз бор эди — кўргани...

Сўнг тарқалдик бизлар ҳар ёнга,
Нетай, тақдир ҳукмига кўндим.
Букун ётар беланиб қонга,
Тош теккан қуш мисоли кўнглим.

Букун англар менинг ҳолимни,
Кўнгил олиб, кўнгил берганлар.
Ўққа тутгай ёлғиз жонимни...
Шафқатсизроқ чиқди мерганлар.

Хаёлим ҳам ўлда-жўлдадир,
Сўз демоққа тил қисиқ бу дам.
Букун энди менга ўлжадир
Орттирганим — қанча дард-алам.

Билдим, ақлим кеч кирди, бироқ,
Минг шукурки, кам-у кўстим йўқ.
Қаҳридан-да меҳри қаттиқроқ
Яратгандан бўлак дўстим йўқ

Шавкат Жўрабек

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

​​БИР СОАТДА УЛҒАЙГАН БОЛА

Ўн уч ёшларда эдим. Ўрта мактабга борардим. Отамнинг вафотига икки йил бўлганди. Қашшоқлашиб қолгандик. Онам тикувчилик қиларди, аранг кунимизни кўрардик. Катта уйнинг икки хонасида яшардик. Китобларим етарли эмас эди. Мактаб портфелим ҳам йўқ эди ҳатто.
Байрам яқин эди. Онам амал-тақал қилиб менга бир пойабзал олди. Шим ва кўйлак тикди. Эрталаб барвақт уйғониб, кийиндим. Бир кун олдиндан келишгандик, мен икки ўртоғим билан бирга сайлгоҳига бормоқчи эдик. Отли арғимчоқларга, ижара велосипедларга миниб сайр қиламиз, дегандик. Пахта қандчидан ширинлик олиб емоқчи эдик.  Кинога ҳам тушадиган эдик. Онамдан пул сўрадим.
- Пулимиз йўқ, болажоним,-деди онам маюсланиб.
Мен хархаша қила бошладим. Ўртоқларим ҳам ҳали замон чақириб келишади. Уларга нима дейман? Пулимиз йўқлиги учун сайлга боролмаслигимни қандай айтаман? Аламдан устимдаги кийимларни ечиб деворга қаратиб ота бошладим.
Онам ғамгин нигоҳларини менга тикиб, узоқ термулиб ўтирди. Жавондан сумкасини олиб, пул қидирди. Излаб излаб бир лира тополди. Бояқиш онамнинг фақатгина бир лираси қолганди, бор-йўқ пули шу эди. Бисотидаги бир лирани менга узатди.
- Қани, кийина қолгин, болам, бир лира етадими? У кезларда бир лира катта пул эди. Тўрт тарафга ирғитган кийимларим ва пойабзалимни олдим. Яна кийиндим. Пулни чўнтагимга қўйиб, ўртоқларимни кута бошладим. Ниҳоят улар келишди. Бироз ўтиришди. Онам уларга қанд бердилар, икковини ҳам бошини силади.
- Энди бора қолинглар, мазза қилиб ўйнаб келинглар, - деб бизни кузатиб қўйди. Кўчага чиқдик. Жуда хурсанд эдим, қувончдан юрагим ҳаприқиб кетаётганди. Бурилишдан катта кўчага қайрилаётганда, уйимиз томонга кўзим тушди. Онам балкондан оёқ учида туриб, менга жилмайиб қўл силтаётганди. Бирданига ичимдан бўғиқ ўкирик келиб, томоғим ачишди. Кўзларимга  ёш тўлди. Бўғилиб қолдим. Йиғлаганимни билдирмасликка уриниб, ўртоқларимга "Мен бормайман" дедим. Сабабини тушунишмади.
Бир ўртоғим:
- Ҳа, билдим, пулинг йўқлиги учун бормайсан! - деди масхараомуз. Чўнтагимдан бир лирани чиқариб кўрсатдим:
- Мана, пулим бор!
Улар ўша ерда мени қолдириб кетишди.
Кўчаларда сарсари кездим. Ҳеч кимга билдирмасдан, тўйиб-тўйиб йиғладим. Кўз ёшларимни сидирдим, қўлимдан келгунича қувноқ кўринишга уриниб, уйга қайтдим. Онам:
- Нега қайтдинг? - дея сўради.
"Боргим келмади" дедим ва чўнтагимдан бир лирани чиқариб, онамга узатдим. Онагинам ҳайрон бўлди. Пулни қўлимдан олиб, стол устига қўйди. Сўнг мени қучиб, кўксига босди. Ҳўнграб-ҳўнграб йиғлай бошлади. Мен энди йиғламасдим. Ташқарида тўйиб-тўйиб йиғлаб олгандим. Онамнинг юзларидан ўпдим. Кўз ёш тўкмаслигини айтдим. Индамади. Узоқ ўйга толди.
Мен энди ғамгин эмасдим. Сайлгоҳга бориш мендай кап-катта болага, ўрта мактаб ўқувчисига ярашмасди. Мен бирданига улғайиб қолгандим...

Жавдат Андай

Таржимон: Умида Адизова

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

РОЛЛАРНИ ТЎҒРИ ВА АНИҚ ТАҚСИМЛАШ

Ҳамма нарсанинг аниқ ва тиниқ бўлгани, чегараларнинг равшан бўлгани яхши. Она – бу ҳаёт манбаи. Унинг вазифаси яхши кўриш, меҳр улашиш, ғамхўрлик қилиш. Ота – бу Қонун. У оила ичида қонун-қоидаларни белгилайди ва назорат қилади. У оила аъзоларининг ҳатти-ҳаракатларига баҳо беради, лозим топганда рағбатлантириб, керак бўлганда жазолайди.

Отанинг гапи доимо онаникидан кучли. Отанинг гапи – қонун, онаники шахсий фикр. Отанинг оддийгина "Мумкин эмас" деган гапи ҳар қандай ишни тўхтатишга етарли бўлади. Отадан ўз гапини тушунтириб беришни одатда ҳеч ким талаб қилмайди (гарчи тушунтириб бериш фойдали бўлса ҳам). Она қанчалик қаттиқ гапирмасин, бақирмасин, бола унинг тезда "эриб" кетишини билади. Шундан келиб чиқиб унинг сўзларини жиддий олмайди. Буни билган она кўпинча "Даданг айтдилар бундай қилиш керак экан, ёки қилмаслик керак экан" деб отанинг гапини рўкач қилади.

Биз отамизга унинг гапи қонун бўлгани учун бўйсунсак, онамизга уни яхши кўрганимиз учун бўйсунамиз.

Онанинг вазифаси – ҳар қандай вазиятда ҳам болага меҳр бериш, болани қабул қилишдир. Отанинг вазифаси эса ўзи ўрнатган адолатли қоидаларнинг бузилишига йўл қўймаслик, мантиққа тўғри келадиган бошқарувни йўлга қўйиш, оилада бўшлиққа йўл қўймасликдир.


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Расмдаги бу кашмирлик йигитчанинг исми Амир Рашид Уоний. У онасининг иккита дуоси ижобатига сабабчи бўлди. Твиттердаги шахсий саҳифасида ёзишича, Амир мактабда ўқиб юрганида онаси унинг ўқувчи картига «Ёшинг улғайиб, учувчи бўлгин ва мени Маккага олиб боргин» деган мазмунда ёзиб қўйган экан.

«Мана бугун мен учувчиман, менинг бошқарувимдаги самолёт бортида эса онам Маккага кетяпти», дейди Амир.

Мужоҳиддан ривоят қилинади: «Набий соллаллоҳу алайҳи васаллам: «Ҳар бир нарса билан Аллоҳ азза ва жалланинг орасида парда бор. Фақатгина «Лаа илааҳа иллаллоҳ» шаҳодати ва ота-онанинг дуоси бундан мустасно», дедилар».
Баъзан фарзандини «Башаранг қурсин…», «Икки дунёда ҳам одам бўлмайсан…» каби сўзлар билан баддуо қилаётган оналар учун яхши дарс бўлибди.

Махсуд Маҳкам


•┈┈┈•❈••✾••❈•┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

#Сўз_қудрати_ҳақида

ТЎРТ ПОДШОХНИНГ ХИКМАТИ

Абу Бакр ибн Иёшдан ривоят қилинади: Тўрт подшоҳнинг ҳар бири биттадан жумла келтиришди. Улар гўё камондан отилган ўқдек эди.

Кисро айтди:
«Айтмаган сўзимга пушаймон емайман, айтган сўзимга пушаймон ейман».

Хитой подшоҳи айтди:
«Гапирмаган гапимга мен эгаман, гапирган гапим менга эга».

Рум подшоҳи деди:
«Мен гапирган гапимни рад қилишдан кўра гапирмаган гапимни рад қилишга қодирроқман».

Ҳинд подшоҳи айтди:
«Ажабки, киши бир калимани гапирса, у калима оғиздан чиқиб, узгага зарар беради. Агар чиқмаганда, унга зарар етказмасди».


"Кўҳна дунё ривоятлари" китобидан.

📖 Telegram.me/IBRATLI
- Ҳикоя ва ҳаётий воқеалар

Ўқитувчи, катта бўлганингда
ким бўлишни хоҳлайсан, деб бир ўқувчидан сўраганида, атрофидаги синфдошлари
унинг жавобидан кулишди. Лекин ўқитувчи йиғлаб юборди.
Чунки барча ўқувчиларнинг
жавоби, учувчи, дўхтир, зобит, савдогар....каби касблар атрофида айланар эди. Лекин
бир ўқувчи ғаройиб жавоб берди. Унинг жавобидан
ўқувчилар кулишди. Биласизми, у болакай нима жавоб берган?
Болакай: ― Мен саҳоба
бўламан. Ўқитувчи: ― Нима учун саҳоба бўлмоқчисан?
Болакай: ― Ҳар куни онам
ухлашимдан олдин саҳобалар қиссасини айтиб берадилар.
Саҳобани Аллоҳ яхши кўради, улар жасоратли кишилар, отам ҳам улар каби бўлишга ҳаракат қиладилар. Ўқитувчи жим бўлиб қолди. Ўқувчисининг жавобдан кўзлари ёшланди. Бу боланинг ортида буюк бир она бор эканини, унинг мақсади ҳам буюк эканини англади...

📖 Telegram.me/IBRATLI - Ҳикоя ва хаётий воқеалар...

МЕНИ ЎЙЛАРКАН ОНАМ...

Ажойиб шеър учун муаллифга раҳмат!

•┈┈┈┈•❈••✾••❈•┈┈┈┈•
Яқинларингизга юборинг!
https://telegram.me/joinchat/EBkeNT8wOXpAsSelKCAtIA

ХАЙРЛИ ТУН !

Тангри ёмонликка дучор этмасин,
Номардлар қўлида ночор этмасин
Ҳеч инсон дилига бермангиз озор,
Сизга ҳам ҳеч зотдан озор етмасн

Аллоҳга омонатсиз, қадрдон!
Тунингиз осуда ўтсин!

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Ассалому алейкум ва роҳматуллоҳи ва барокатуҳ!

Муродбахш чоршанба тонгги  муборак бўлсин, Азизлар!

Бугун тонгда ният қилган барча эзгу тилакларингиз Аллоҳ йўлида ижобат бўлсин...

Инсонни инсон қиладиган унинг одоби ва яхши сўздир. Бу чин инсонийлик фазилатлар сизни ҳеч қачон тарк этмасин.

Қадрдоним, эрта тонгда дуо қилсангиз, билингки, ушбу уч ҳолатдан бирида бўласиз:
ё дуоингиз ижобат бўлади,
ё сиздан ёмонлик арийди,
ё сўраганингиз охиратга захира бўлади! Бинобарин, сўраганингиз албатта берилади!

Сизга дуоларингиз ижобатига бой, барокатли кун тилаймиз!
            ​
•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

#Ассалому_алайкум

Тонгларга дуои саломлари ила файз бахш этган сиз Азизларга

МУРОДБАҲШ ЧОРШАНБА
ТОНГИ МУБОРАК БЎЛСИН!

Дуо ва ниятларингиз ижобати дунё ва охиротингизни гўзалликларга тўлдирсин!

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

.
СОҒЛИК энг буюк ҳадядир.
ҚАНОАТ энг буюк бойлик.
ИШОНЧ энг буюк яқинлик.
МУҲАББАТ энг буюк бахт.

Ҳар лаҳзангиз меҳр-муҳаббат, бахт ва ҳузур-ҳаловатга тўлсин !

Кунингиз хайрли ўтсин...

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

🍃🌺 Ҳар куни иложи борича кўпроқ одамларга бахт, омад тиланг!

🍃🌺 Бу билан Сиз ҳам ўз ҳаётингизга бахт, муваффақият ва соғлиқни жалб қиласиз.

🍃🌺 Кимга қалбан нимани тиласангиз, шу нарса сизнингиз ҳаётингизга 10 баробар бўлиб қайтади. Сиз Аллохга, борлиққа қандай муносабат билдирсангиз, сизга зиёдаси билан қайтаради.

Мен сизга бахт тилайман...

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

#Хайрли_тонг

Ҳар битта инсонга яхшилик йўлдош,
Эзгулик, мурувват қалбига ёндош.
"Мен хам сахийликда ибратман" - дея,
Заррин нурларини сочади Қуёш!


Кун давомида яхшилик ва яхшилар хамрохингиз бўлсин!

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Эр-хотин орасида жанжал чиқди. Жаҳлдан ақлини йўқотиб, тилини тиёлмаган эр хотинига:

— Сендан ажраламан! Ва сени фақат бахтсиз, нурсиз ва омадсиз бир кунда никоҳимга оламан!- деб бақирди.

Аёл кўз ёши қилиб ота уйига кетди. Эр эса жаҳлдан тушиб, тинчлангач қилган иши, айтган гапидан пушаймонлик бўлди. Қишлоқ имомининг олдига бориб унга ҳамма гапни гапириб берган эди, имом:

— Мен бунга фатво беролмайман, бундай кунни қаердан топамиз? Сен шаҳар муфтийсига бор, у бирор ечим топар,- деди.

Эртаси куни йигит шаҳарга тушиб, муфтийга учрашди. Муфтий ҳам қишлоқ имомидан орттириб бир нарса демади.

— Унақа кунни қаердан топамиз?- деди елкасини қисиб.

Йигит муфтиятдан умидсиз алпозда чиқиб, бир дўкон ёнида узоқ ўтирди. Дўкон эгаси йигитни гапга солиб, дардини сўради. Қайғуси қалбига сиғмаган йигит дўкондорга ҳамма гапни айтиб берди. Дўкон эгаси йигитни эшитиб бўлгач, шундай деди:

— Ҳу, анави юпун кийинган, сочлари пахмоқ, афт-ангори бир аҳволдаги одамдан дардингнинг давосини сўрагин, ундан бир гап чиқади...

Йигит чиқмаган жондан умид, дея бориб фақирга қайғусини сўзлаб берди. Фақир киши ўйчан тинглаб турди-да, сўради:

— Бомдод намозини ўқидингми?

— Йўқ,- деди йигит. – Ухлаб қолибман, улгурмадим...

— Бугун ота-онангдан ҳол –аҳвол сўрадингми? Ёки уларни дуо қилдингми?

— Шаҳарга келишим керак эди, шунинг учун улар билан учрашгани вақтим бўлмади.

— Йигит ҳайрон тикилди сўровчига. Фақир киши яна сўради:

— Бугун Қуръон ўқидингми?

— Вақтим бўлмади, ўқиёлмадим - деди йигит.

Фақир киши таассуф билан бош чайқади:

— Бор, рафиқангни никоҳлаб ол. Бомдод намози ўқилмаган, ота-онадан ҳол-аҳвол сўралмаган, уларнинг ҳақига дуо қилинмаган ва Қуръон ўқилмаган кундан бахтсиз, нурсиз ва омадсиз кун бўлмайди!..

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

#Ибрат

Абу Асвад Дувалий фарзандларига: «Сизларга кичиклигингизда ҳам, катта бўлганингизда ҳам ва ҳатто туғилишингиздан олдин ҳам яхшилик қилганман», деди. – «Қандай қилиб туғилишимиздан олдин бизга яхшилик қилгансиз?» деб сўрашди фарзандлари. Шунда Абу Асвад: «Мен сизлар учун солиҳа она танлаганман», деб жавоб берди.


📖 Telegram.me/IBRATLI
-Ҳикоя ва ҳаётий воқеалар

ЖУФТ  ТАНЛАШДА  АДАШМА...

🎙"Минор" жоме масжиди имом-хатиби Саййид Раҳматуллоҳ Термизий.

•┈┈┈┈•❈••✾••❈•┈┈┈┈•
Яқинларингизга юборинг!
https://telegram.me/joinchat/EBkeNT8wOXpAsSelKCAtIA

Оилангиз билан ушбу 7 та қоидага амал қилишга келишиб олинг ва бу қоидаларни xеч қачон бузмасликка аҳдлашинг.

1.Уйингизда уч нарсани таъқиқланг.
Ғийбатни
Баҳслашишни
Араз ва гинани

2.Уйингизда уч нарсага меъёр белгиланг.
Телефонга
Интернетга
Телевизорга

3.Уйингизда уч нарсани давомли қилинг.
Қуръон тиловатини
Илмий суҳбатни
Жамоат бўлиб намоз ўқишни

4.Уйингизда уч нарсани кўпайтиринг.
Дуони
Зикрни
Тавбани

5.Уйингизда уч нарсани камайтиринг.
Кўп ейишни
Кўп ухлашни
Кўп гапиришни

6.Уйингизда уч нарсага беэътибор бўлманг
Узр сўрашга
Ҳурмат қилишга
Ташаккур билдиришга

7.Уйингизга уч нарсани киргизманг.
Фоиз
Ҳаром ризқ
Бировнинг ҳаққи.


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

ҲАЁТ ЎРГАТДИ

🎙Шерзод Карим


Telegram.me/IBRATLI
- Асл ибрат макони...