Одам алайҳиссалом ёлғизликни ҳис қилган пайтида Аллоҳ таоло унга ўнлаб дўст, ҳамроҳ яратмади, балки биргина аёл яратди.

Аллоҳ таоло айтади:
«Ва сизларга "сокинлик" топишингиз учун ўзларингиздан жуфтлар яратганлиги ва ораларингизда севги ва марҳаматни солиб қўйгани (ҳам) Унинг оят-белгиларидандир».
(Рум сураси 21-оят).

Аллоҳга итоат қилган ҳар банда жуфти халоли учун ҳақиқий сокинлик ва хотиржамлик маскани бўлмоғи лозим.

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

📖 «КУНДОШ»

«Тонгги қўнғироқ туфайли у билан уришиб қолдим. Кўзларимга қараб бақирди. Юзимга қўлларини сермаб жаҳл қилди. Мен эса бўғзимга тиқилган алам кўзларим томон ўтиши, кўзёши бўлиб чиқишини истамаганим учун жим турдим. Балки онамнинг «Хотин эрдан бир поғона паст туриши керак», деган гапи қулоғимга қуйилиб қолгани учун сукут сақлагандирман.

— Қўнғироқ қилган ким? — дедим рақамнинг бегоналигини кўриб.

Мана шу бир оғиз берган саволим уни бу қадар тутақтириб юборади деб ўйламагандим. Йўқ, бундай деганимда жаҳли чиқмади. «Қачон?» деди бу саволимга жавобан.

— Атай ўзингизни билмаганга олаяпсизми? Териб кўриб, кимлигини билайми? — дея яшил тугмага бармоқ олиб борганимда сапчиб кетди.

— Нима дейсан, тентак? Аҳмоқмисан? «Эримга нега қўнғироқ қилдингиз?» дейсанми? Ишхонамиздандир? Шунчалик фаросатсизмисан? Айтмайман кимлигини! Ё кундошим деб ўйлаяпсанми?..

Шу билан уни тўхтатиб бўлмади. Шу қадар тутақдики...

Мен баттар гумон ичида қолдим: «Нега бунчалик қўнғироқ қилишимдан қўрқди? Бир гап бор?»

У бор аламини сочиб, ишга кетди. Мен ҳаммасини ютиб, уйда қолдим. Кун бўйи хабарлашмадим. Уям жим.

«Балки ўшаниси билан гаплашиб, устимдан кулаётгандир?» йиғлагим келди.

Ишдан қайтганида салом бердим-у, бошқа лом-мим демадим. У эса кулди. Баттар ичимга оташ тушди.

— Менга ишонмайсан-а? Ишонмаганингга куяман! Ишончингни оқламаганимга куяман! Гумон уйғотадиган қандай иш қилганимни билолмай куяман. Мана, ўша рақам. Кел, бирга қўнғироқ қиламиз.

Мен индамай ўтиравердим. Эрим телефоннинг овозини баландлади. Узун-узун гудок кетди. Кейин қиз боланинг овози жаранглади:

— Почча, бўлди, опамга айтаверинг. Онам яхши. Кўричак бўлган экан. Операциядан яхши чиқди. Энди бу рақамга қилманг. Ўзимнинг телефонимни олиб келишди... Шошиб қолганимиздан телефон олмабмиз-да...

Онамга нисбатан хавотир, эрим олдидаги мулзамликдан ўзимни қўярга жой тополмай қолдим...»


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Солиҳа аёл эри билан муомала қилишда ишонч, яхши гумон ва унинг хатоларига кўз юмиш билан муҳаббат қозонади.

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

#Мулоҳаза

Бир киши дўстига уйида жанжал чиқмай, аёли билан йиллаб гўзал умр кечирганини сўзлаб беряпти.

Мен ишдан келарканман, агар кайфиятим яхши бўлса эшикни икки марта, агар жаҳлим чиқиб турган бўлса уч марта тақиллатардим.
Агар уч марта тақиллатсам, аёлим кулиб кутиб олар, менга кундагидан бошқачароқ меҳрибон, эътиборли бўлар эди.
Аёлимни жаҳли чиққанини эса, ишдан келганимда эшикни очибла, мени кутмай ичкарига кириб кетишидан сезардим.
У куни мен унга янаям меҳрибонроқ бўлардим.

Дўсти гапини бўлди ва сўради:

Агар сен эшикни уч марта тақиллатсангу, ҳотинингни ҳам жаҳли чиқиб турган, сени кутмай ичкарига кириб кетсачи?
У ҳолда ташқарига чиқиб қайтадан, икки марта тақиллатардим.

Бир-бирини тушуниб яшашга нима етсин.

•┈┈┈┈•❈••✾••❈•┈┈┈┈•
Яқинларингизга улашинг
https://telegram.me/joinchat/EBkeNT8wOXpAsSelKCAtIA

Ҳар оқшом қайтар манзилимиз аниқ ва бу бизнинг мўъжизага бой масканимиз - уйимиздир.
Ҳаловатнинг кони бўлган  бу масканда туйғулар асл, меҳрлар жўшқин, муҳаббат ва соғинчлар чин, табассумлар самимийдир.

Шундай бўлингки, борлигингиз масканингизга нур, яқинларингиз қалбига қувонч бўлсин, қадрдон...


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

📖 АЁЛИНГИЗНИ СЕВИНГ

Бир йигит донишманддан маслахат сўради:
- Биз турмуш қурганимизга бир неча йил бўлди... Аёлимдан совудим, олдинги хис-туйғум йўқ... Уни ортиқ севмайман... У хам шундай... Нима қилсам экан?

Донишманд жавоб берди:
- Аёлингизни севинг

Йигит хайрон бўлиб сўзини қайтарди:
- Тушинмадингиз чоғи... мени аёлимга ҳис-туйғум йўқ, деяпман...

Донишманд бош силкиб давом этди:
- Бу аёлингизни севиш учун яхши омил...

- Қандай севай, ҳис-туйғум бўмаса...- жиғибийрон бўлди йигит.
Донишманд жавоб айтди:

- Аёлингизни асранг, дардига шерик бўлинг, қадрланг, ғамхўрлик қилинг, фидойи бўлинг... чунки, эркак учун севги ҳис-туйғу эмас, маъсулият демакдир...


📖 @IBRATLI - Ҳикоя ва ҳаётий воқеалар...

🕊
Қадрдон, жуфти халолингизни қадрига етинг, уни ардоқланг ва ўзингизга ҳам қадрли бўлиш насиб қилсин...

Ўзгалар ҳаққи харом,
Қалб озори гуноҳ... Шундай экан, озор беришдан йироқ бўлинг...

Хайрли оқшом...
Аллоҳга омонатсиз..

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Ассалому алейкум ва роҳматуллоҳи ва барокатуҳ!

Хайрли тонг, Азизлар!

Бугун тонгда ният қилган барча эзгу тилакларингиз Аллоҳ йўлида ижобат бўлсин...

Инсонни инсон қиладиган унинг одоби ва яхши сўздир. Чин инсонийлик фазилатлари сизни асло тарк этмасин.

Қадрдоним, эрта тонгда дуо қилсангиз, билингки, ушбу уч ҳолатдан бирида бўласиз:
ё дуоингиз ижобат бўлади,
ё сиздан ёмонлик арийди,
ё сўраганингиз охиратга захира бўлади!
Бинобарин, сўраганингиз албатта берилади!

Бугунги куннинг барокати ва дуолар ижобати сизга хамрох бўлсин, қадрдон!

            ​​​
•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Ёмғир пайтида ўқилган дуо ижобат бўлади

Расулуллоҳ соллаллоҳу алайҳи васаллам: «...ёмғир пайтидаги дуо рад қилинмайди», дедилар.

Ёмғир ёққанда ўқиладиган дуо
اللَّهُمَّ صَيِّباً نَافِعاً
«Аллоҳумма соййибан наафиъан»
Парвардигоро, фойдали (хайрли) ёмғир қил!


•┈┈┈┈•❈••✾••❈•┈┈┈┈•
♻️Аллох йўлида тарқатинг!
https://telegram.me/joinchat/EBkeNT8wOXpAsSelKCAtIA

– Бугун ёмғир ёғадими?
– Йўқ.
– Унда нима ёғади, қаранг ҳаво хўмрайиб турибдику?
– Бугун осмондан муҳаббат ёғади. Меҳр ёғади осмондан
– Ростанми?
– Албатта. Чунки нимага ишонсангиз, ҳаётингизда кўпроқ ўша нарса рўй беради, азизим!
Қаранг! Атрофингизда яхши одамлар жуда кўп. Эрталабдан яхшиликлар тилаб дуо қилгувчилар ҳам кўп...
Илоҳим касаллар тузалсин, сафардагилар соғ-омон қайтсин, чақалоқлар соғлом туғилсин, оналар бахтли бўлсин, савдогарларнинг савдоси юришсин, омад истаганларга омад кулиб боқсин...
Ҳамма дуолар осмондан меҳр бўлиб ёғилсин.🤲

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Ассалому алайкум!

Тил шукрли бўлмаса, қорин тўймасмиш.
Қалб меҳрли бўлмаса, дўст топилмасмиш...

Аллоҳ сизу бизга шукрли забон, қаноатли нафс ва дуоларида эсловчи дўстлар берсин!

Хайрли кун, Азизлар!

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

ИЖАРА

Кўнглингизни ижарага бериб туринг,
Очиб олай меҳр ва бахт корхонасин.
Эзгуликдан алвон-алвон гилам тўшаб,
Умидимла безаб қўяй остонасин

Ҳасратларга тўла диллар келиб майли,
Насияга қувончимдан олиб кетсин.
Бир кам дунё армонлари армон бўлиб,
Инсонларнинг ўтмишида қолиб кетсин!

Кўзларимга жойлаб тонгнинг ойдинлигин,
Киприкларим найзасига ғамни илай.
Кўнгил кемтикларин ямаб меҳрим билан,
Ўлгунимча яхшиликка хизмат қилай.

Тадбиркорлар нусха олиб корхонамдан,
Саҳоватнинг бўлимлари илдиз отсин.
Кибру-ҳаво, манманликнинг куни битиб,
Инсонларнинг бир-бирига меҳри ортсин!

Кўнглингизни ижарага бериб туринг,
Орзуларим сира тинчлик бермаяпти.
Меҳрингизнинг тармоғидан қувват олай,
Тор кўнглимга ниятларим сиғмаяпти.

Кўнглингизни ижарага бериб туринг!


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Ширин сўзни , яхши кайфиятни ҳамма хоҳлайди, аммо, уларни беришни ҳам билиш ва эплай олиш керак!!
Биз ҳар қанча яхши бўлишга интилсак ҳам бошқалар тасаввурида уларнинг тушунчаси билан қоламиз....

Инсон бахтли бўлишга лойиқ жонзот, чунки у онгли мавжудот, Азизим...

Бахтлар Сизга ярашсин!!!

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

​​ЁЛҒИЗ АЁЛ КИМ?

Ёлғиз аёлларга ачиниш билан қарайдиган жамиятда яшаш эриш туюлади менга.  Ёлғизликда ҳаловат топганлар, ўзини англаганлар бор. Ва шунчаки биров билан умргузаронлик қилаётганлар бор дунёда. Ҳаётдаги мақсади — шунчаки эрга тегиш бўлган аёл ёлғиз аёлга ўрнак бўлолмайди. Ёлғиз аёл — исталмаган, танланмаган, севилмаган, хушланмаган, аёллик хусусиятларидан йироқ, рўзғор ишларини уддаламайдиган, ўзига бино қўйган, эркакшода, оила эплашни билмайдиган аёл дегани эмас!
Ёлғиз аёл — ўзига нисбатан йўл қўйилган хатоларга бўйин эгмайди. Ўзига бўлган ишончини бир эркакнинг муҳаббатидан тополмаган, ёқтиргани “GUCCI” пойабзалини харид қилиш учун кимнингдир пластик картасига сарғаймаган, кимдир уни севгани учун эмас, ўзи севгани учун ошиқ бўлган, ошиқ бўлиш учун жамият нуқтаи назарини эмас, оташдек юрагини ўртага қўйган, фарзанд кўришга кечикмайин, деган хавотир билан дуч келган “ҳўкиз”га илакишмаган, йўлиққани эркак эмас, “ҳўкиз” эканини билгач “Ҳа, хўп, ҳамма эркак бир гўр-да! Шунча хотин ҳўкиз билан яшаяпти-ку!” дея ўзини, ғурурини, эркини, қадр-қийматини ерпарчин қилмаган аёлдир ёлғиз аёл.
Ёлғиз аёлнинг танлови шундай — аввал ўзини севишни ўрганиш, жамиятнинг бемаъни қарашларига қарши туриб, ҳаётни севиб яшашда давом этиш.  
Ёлғиз аёл ўзига, атрофидагиларга, касби ва машғулотларига вақт ажратиш билан ўзини ёлғиз ҳис қилмаган аёлдир.
У улкан ва ҳақиқий муҳаббатга ўзини севиш билан эришган аёлдир.
Ўз муаммоларини ўзи ҳал қилишга одатлангани учун бировга муҳтож бўлмаган аёлдир. Хатолари билан тажриба орттириб, ўзидан воз кечмай тўғриларни англаган, ҳар янглишида юз ёшга улғайган аёлдир ёлғиз аёл. Қарши томон билан муносабатга киришганида, ҳар қанча ҳаракатлари ва уринишларига қарамай у билан манзилига етмаслигини англаган аёлдир ёлғиз аёл. Бундай муносабатда ҳам ўзини, ҳам қадр қийматини йўқотиши аниқлигига кўзи етган аёлдир.
Ўзи яхши кўриб тайёрлаган таомни эри, фарзанди ёки бирор дўсти билан баҳам кўрган бўлса, кун келиб ёлғизликда шу таомни тановвул қилганида ҳам ўша таъмни ҳис қилади ёлғиз аёл.
Ёлғиз аёл бошини ёстиққа қўйганида, кўзгуга боққанида, муҳаббат қўшиқларини тинглаганида, ўтмиши ва келажагига кўз ташлаганида хотиржам бўлса, демак, у ёлғиз эмас!

Эл кетади, сен қоласан. Ўзингга ўзинг кифоя бўлмас экансан, ҳаётда инстаграмга қўйиш учун тушган суратларинг қадарсан!..

#Тафаккур_қилинг
 

Яқинларингизга улашинг!
https://telegram.me/joinchat/EBkeNT8wOXpAsSelKCAtIA

АЁЛГА БАХТ БЕРИНГ!

Аёлга бахт беринг, саодат беринг,
Деманг юрибди-ку кулиб, жилмайиб.
Аёл кулиб туриб ўлиши мумкин,
Дунёни олиши мумкин жилмайиб.

Аёлга бахт беринг, саодат беринг,
Гар кўзлари кулиб турса-да,
Бўғзининг остида неча минг ҳасрат,
Ой юзлари кулиб турса-да…

Кўнглини кўтаринг ҳеч бўлмаганда,
Қўлини силашга шафоат топинг.
Йиғлаб турганида ҳеч бўлмаганда,
Ёшини артишга мурувват топинг.

Аёлга бахт беринг, саодат беринг,
Иллоҳи нур топинг, ҳидоят топинг.
Иллоҳи бахт берган аёл ёнидан
Бахтиёр ўтмокқа иноят топинг.

Аёлга бахт беринг, саодат беринг,
Тоғ қимирлаб, тошлар сўзга кирса-да,
Аёлга бахт беринг, саодат беринг,
Олтмишга кирса-да, юзга кирса-да.

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

ЁЛҒОНЛАР ҲАҚИДА...
(Албатта кўринг)

🎙Абдукарим Мирзаев

Беморга енгиллик ва аёлга бахт берадиган нарса - сиз тутган луқма эмас... Сиз уларга умид беринг, ишонч беринг... шулар сабр қилишга, яшашга ундайди.

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

УМАРНИНГ АДОЛАТИ

Кунларнинг бирида Ибн Абу Урва роҳимаҳуллоҳ хотинидан сўради:
— Аллоҳни ўртага қўйиб сўрайман, мени яхши кўрмайсанми?..
Солиҳа аёл сукут сақлади. Саволи жавобсиз қолган эр қатъийроқ оҳангда қайта сўради:
— Ҳей, Аллоҳни ўртага қўйиб сўраяпман, а? Мени яхши кўрмайсанми?!..
— Ҳа, яхши кўрмайман! - деди аёл...
Эр нима дейишни, нима қилишни билмай бор гапни Ҳазрати Умар розияллоҳу анҳуга айтиб берди.
— Эрига қарата «Сизни яхши кўрмайман!» деган аёл сенмисан?! - деди Халифа бироз аччиқланиб.
— Ҳа, шундай дедим. Буюк Аллоҳни ўрта қўйиб сўрагандан кейин ҳам ёлғон гапирайми!? - деди ростгўй аёл.
— ҲА, ЁЛҒОН ГАПИР!
Агар сизлардан бирингиз бировни ёқтирмаса, бу ҳақда унга сўзламасин! Ҳамма оила ҳам севги-муҳаббат устига қурилавермайди. Лекин аксар инсонлар исломий меҳр-оқибат, одамгарчилик ва хайри эҳсон ила бирга яшайдилар...


Хароитийнинг "Масавиъ" китоблари, 178-бет

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

❗️Кимнинг қандайлиги қачон билинади.

➖Эрнинг қанақалиги хотини бемор бўлиб қолганда билинади.
➖Хотиннинг қанақалиги эри камбағал бўлиб қолганда билинади.
➖Фарзандларнинг қандайлиги ота-оналари кексайганда билинади.
➖Ака-укаларнинг қанақалиги мерос тақсимланаётганда билинади.
➖Дўстларнинг қандайлиги машаққатли лаҳзаларда билинади.
➖Қариндошлар, яқинларнинг қанақалиги мусофирчиликда билинади.
➖Ҳақиқий муҳаббат (аслида борми ёки йўқми) ўртадаги ўзаро манфаатлар тугаганда билинади.

П.с. Лекин, шундай инсонлар борки, уларни қандайлигини бутун умр бирга яшаб хам била олмайсан!


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Шундай пайтлар бўлади-ки,
мансабнинг, мол-дунёнинг,
муваффақиятнинг қиймати қолмайди!

Фақат муҳаббатнинг қиймати қолади!


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA