Новза масжиди олдида доим бир аёл садақа сўраб ўтиради. Намоз вақти кирса ниқобини тақиб олади. Бошқа вақтлар юзи очиқ. Қўлида 20 млн сиғадиган пакет ушлаб олган, лекин "Минг сўм беринг!" дейди.

Олдин офисим Новзада эди. Ҳар масжидга чиққанимда "Ҳа, опа! Бизнеслар бўлаяптими?" деб қўярдим. Кулиб, "Раҳмат, бўлаяпти" дерди.
———
Яна шу масжид олдида ёши катта, соч-соқоли оппоқ қария туради. Узун чопон кийиб олган (қишин-ёзин). Бошида панамаси бор. Кўзини кўр инсондай қилади. Қўлида ҳассаси бор. Намоз вақтлари масжид олдига келади. Жума намозларда 30ёшлар атрофидаги ўғли билан бирга келади. Асосан ҳар куни "Буюк Ипак Йўли" метроси ёнидаги "MaxWay" таомхонасида катта лаваш ва Coca-Cola сотиб олади.
———
Максим Горькийдаги янги масжид олдида ниқоб кийган қиз қўлида пакет ушлаб, тиланчилик қилади. Қарашлари маюс, овозини ингичка қилиб гапиради. Масжиддан узоқлашса ниқобини кўтаради. Бир марта телефонда гаплашиб кетаётганини кўргандим: "Ммм қан*иқ қаттасан? Кемисами, лаваш йирду..."
———
Нега буларни айтаяпман?

Умуман масжид олдида турганларга эҳсон бериш керак эмас.
Мана шундай инсонлар сабаб асл муҳтожларга шубҳа билан қараймиз.

Эҳсон қилмоқчимисиз?

Мардикор бозорга боринг. Аёллар кўп. Ҳалол меҳнат илинжида, баданини фахшдан қизғониб, мардикорлик қиладиганлар бор.

Эҳсон қилмоқчимисиз?

Онкологик шифохонага боринг. Беморлар кўп. Истаганингизни суриштирсангиз дори ва муолажадан қийналаётган бўлади.

Эҳсон қилмоқчимисиз?

Кўча-кўйда хоним ва сомса сотиб кун кечирадиган онахонлар бор. 4000 сўмлик хонимни 10.000 сўмдан олиб, қайтимини олишни "унутиб" кетинг. Бу ҳам эҳсон...

Шайдойи Жаннат

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

ТЕЗ-ТЕЗ ЭХСОН ҚИЛИБ ТУРИНГ

Жуда оз бўлса ҳам, кунига эхсон қилишни одат қилинг. Чунки эхсон:
• Аллоҳнинг ғазабини ўчиради;
• касалликка даво бўлади;
• мол-мулкингни поклайди;
• Қиёмат куни сенга соя бўлади;
• вафотингдан кейин ҳам ажр-савобингни кўпайтириб туради.

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

КАМЗУЛ
(Ибратли хикоя)

🎙Асилзода Алимова
✍Мархабо Каримова

Telegram.me/ibratli
- Дунё сабоқлари...

#Ифторлик_вақти
🌙 Рамазоннинг 12-куни (3 апрель)

⌛️Ифторлик вақти: 18:52

Оғиз очиш дуоси:
«Аллоҳумма лака сумту ва бика аманту ва ъалайка таваккалту ва ъалаа ризқика афторту. Фағфирли Я Ғоффару ма қоддамту ва ма аххорту».

Маъноси: Ё Аллоҳ, ушбу рўзамни Сен учун тутдим ва Сенга иймон келтирдим ва Сенга таваккал қилдим ва берган ризқинг билан ифтор қилдим. Ё гуноҳларни афв қилувчи Зот, менинг аввалги ва кейинги гуноҳларимни мағфират қилгин.

⏱ Саҳарлик ва ифторлик вақтларидаги фарқлар Тошкент вақтига нисбатан тафовути.

♻️ ДЎСТЛАРИНГИЗГА ҲАМ ЭСЛАТИНГ!

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

#Аудиокитоб
ХАЛОЛ ЛУҚМА

7 - қисм

🎙️Шамс Солиҳ

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Ифторликдан кейинхам тиним билмай хизматлар қилаётган аёлларимизни хаққигахам дуо қилиб қўяайлик🤲🏽

Аёлларимизга сабр берсин!

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

❗️Хоразмдаги  етимхона мудираси 15-16-17 ёшли қизларни ўн ой давомида амалдор шахсларга мунтазам жинсий зўрлашга бергани айтилмоқда... Бир сўз билан айтганда…

Аёл бўлиб туғилма Шарқда...

Ҳурсан дерлар – хўрлашар сени,
Гулсан дерлар, зўрлашар сени,
Кўнмоққа мажбурлашар сени,
Аёл бўлиб туғилма Шарқда.

Шамол фурсат саросар бўлар,
Қисмат ғарми – отинг ғар бўлар,
Гувоҳларинг кўру кар бўлар,
Аёл бўлиб туғилма Шарқда.

Тоғда алқор, чўлда янтоқ бўл,
Кутиб ўтсин умринг, муштоқ бўл,
Гала бўлма, якка бўл, тоқ бўл,
Аёл бўлиб туғилма Шарқда.

Тож Маҳал ҳам бир шоҳ риёси,
Дунёда йўқ гарчи қиёси,
То кибрнинг йўқдир давоси,
Аёл бўлиб туғилма Шарқда.

Сўз айтмоққа куч топ Дунёга,
Тош алишма меҳригиёга,
Алданма кўп оҳангжамога,
Аёл бўлиб туғилма Шарқда.

Чиқ ёдлардан — рўё бўл, туш бўл,
Кўкларга уч, гирён оққуш бўл,
Кабутар бўл, бор-ей, бойқуш бўл,
Аёл бўлиб туғилма Шарқда.

Сувга тушсанг, сувга лойиқ бўл,
Сол, елкан ё сарбаст қайиқ бўл,
Сув қизи бўл, илонбалиқ бўл,
Аёл бўлиб туғилма Шарқда.

Ғурурингни пайҳон этгайлар,
Ўзлигингни яксон этгайлар
Бир кун мендек пушмон этгайлар
Аёл бўлиб туғилма Шарқда.

11.03.2020
Гулноз Мўминова

•┈┈┈┈•❈••✾••❈•┈┈┈┈•
Биз билан бирга бўлинг 👇
https://telegram.me/joinchat/EBkeNT8wOXpAsSelKCAtIA

Дўстни хўрлаш – гуноҳ. Умр йўлдошини хўрлаш – юз ҳисса гуноҳ. Ота-онани хўрлаш – минг ҳисса гуноҳ.

Гўдакни хўрлаш – чексиз гуноҳ...


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

ХОРАЗМДА БЎЛИБ ЎТГАН ВОҚЕАЛАР ТАФСИЛОТИ:

👉https://youtu.be/R8XzzkqoEDk
.

​​Яхшилар хотирасига инъом қилинадиган энг гўзал нарса, бу - гўзал ахлоқдир!

Аллоҳ сизни осмонлардек юксак, тоғлардек мустаҳкам, ердек хокисор, денгиздек сахий, тун каби сатр - парда, ташрифингизни эса баҳор ёмғиридек ёқимли ва фойдали қилсин!

Тонггача тун сохибига омонатсиз, яхши дам олинг

•┈┈┈┈•❈••✾••❈•┈┈┈┈•
Яқинларингизга узатинг!
https://telegram.me/joinchat/EBkeNT8wOXpAsSelKCAtIA

✨🌙 РАМАЗОННИНГ 13-КУНИ МУБОРАК БЎЛСИН АЗИЗЛАР!

✨Рамазон ойининг иккинчи ўн кунлиги – мағфират даҳасиси ҳам ўтиб бормоқда.
✨Аллоҳ барча гуноҳларимизни мағфират қилсин!
✨Барча ибодатларимизни қабул айласин!
✨Жаннатда ота-онамизга
тож кийдиришни насиб айласин!

✨ Аллоҳнинг саломи
✨ Пайғамбар ﷺнинг дуолари
✨ Қуръоннинг нури
✨ Рамазоннинг таровати кун давомида сиз билан бўлсин!

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

​​Саҳарликка турган Азизларим, сизга ва яқинларингизга муқаддас Маккаю Мадинага бориб Каъбатуллоҳни зиёрат қилиш насиб қилсин... 🤲

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

#Саҳарлик_вақти
🌙 Рамазоннинг 13-куни (4 апрель)

⏳Саҳарлик вақти: 04:42

Саҳарлик дуоси:
«Навайту ан асума совма шаҳри рамазона минал фажри илал мағриби, холисан лиллаҳи таъала Аллоҳу акбар».

Маъноси: Рамазон ойининг рўзасини тонг отганидан кун ботгунича холис Аллоҳ таоло учун тутишни ният қилдим. Аллоҳу акбар.

⏱ Саҳарлик ва ифторлик вақтларидаги фарқлар Тошкент вақтига нисбатан тафовути.

♻️ ДЎСТЛАРИНГИЗГА ҲАМ ЭСЛАТИНГ!

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

Аллоҳим! Сендан гўзал рўза ва гўзал хотима сўраймиз. Бизларни Рамазон ойида ютқизиб, зиён кўрувчилардан қилиб қўйма!
Аллоҳим! Бизларни Рамазонда мағфиратга эришганлардан, дўзахдан озод этилганлардан қилгин! Амин!

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

Бир донишманддан "Дунёда мўжизалар борми?" - дея сўралганда, "Ҳар тонг ёришиб, тун киришининг ўзи ҳам асли мўъжизадир" - деб жавоб берган экан...

Мўжиза тонгларга дуои саломлари ила файз
бахш этган сиз Азизларга

КУН ХАЙРЛИ БЎЛСИН!

•┈┈┈┈•❈••✾••❈•┈┈┈┈•
Яқинларга улашинг!
https://telegram.me/joinchat/EBkeNT8wOXpAsSelKCAtIA

​​​ВИЖДОН АЗОБИ
(Ҳаётий воқеа)

Одам тафтини одам олади. Яқинда бир ҳамшаҳарим ўз хатолари бошқаларга ибрат бўлишини истаб, дардини менга очди:

“Раҳматли отам биз – икки ака-укага алоҳида-алоҳида ҳовли қилиб берганлар. Мен тижорат билан шуғулланиб, тез орада уй-жойимни замонавий услубда таъмирладим, қимматбаҳо автоулов ҳам олдим. Қурилишда оддий ғишт терувчи бўлиб ишлайдиган акамнинг топганлари асосан рўзғор тебратишга кетарди. Бир маҳаллада яшасак-да, акамни тўй-маъракада учратардим, холос. Атайлаб уйларига бориб дийдорлашмасдим, сабаби, мендан қарз сўрашларидан чўчирдим. Акам катта қизларини узатганда, меҳмонлар қатори бордим, тўёна бермадим. Иккита ўғил жиянларим мактабда аъло баҳоларга ўқишган бўлса-да, олий ўқув юртига ҳужжат топширишмади. Чунки контракт асосида ўқишга тўғри келса, бунга имконлари йўқ эди. Улар ўқиш ва уйланиш харажатларини ишлаб топиш учун давлат ташкилотининг ҳужжати билан чет элга ишга кетишди.

Бу орада менинг ишларим яна ҳам ривожланиб, хусусий фирмамни очдим. Бегоналарни иш билан таъминлаб, ўз жигарларим бошини силамадим. Умрлари оғир меҳнат билан ўтган акам бирор марта ҳам мендан моддий ёрдам сўрамадилар. Бу ҳолат менга айни муддао эди.

Кейин акам тез-тез касал бўладиган бўлиб қолди. Бу тўғрида хотиним қўшнилардан хабар топарди. Мен эса ўзимни билмасликка олардим. Дардлари тобора оғирлашди. Ўша пайтда маҳаллий шифокорлар акамни чет элда – Ҳиндистонда жарроҳлик муолажаси билан даволатиш мумкинлигини айтишибди. Жиянларимнинг топганлари чет юртга бориш-келиш йўлкирасию яна муолажаларга тўлашга етмаслиги аниқ эди. Мендан пул сўрашларидан ҳадиксираб, оилам билан чет элдаги оромгоҳга жўнаб кетдим. Биз у ерда сайру саёҳатда юрганимизда, акам оламдан ўтди. Жиянларим тезда уйга қайтишиб, оталарини ҳурмат билан охирги йўлга кузатиб, маъракаларини ҳам ўтказишибди.

Дам олишдан қайтганимиздан кейин акамнинг уйига бирров кириб чиқдим. Бир куни кечки пайт уйимда ўзимга ўхшаган меҳмонларни зиёфат қилаётгандим. Хотиним мени чақириб, ташқарида жияним сўраб келганини айтди. Мен эса нозик меҳмонлар билан бандлигимни баҳона қилиб, ёнига чиқмадим. Сабаби, мендан пул сўраб қолишлари мумкинлигидан ҳамон ҳадикда эдим.

Кейин хотиним қўлимга бир конверт тутқазди, жияним қолдириб кетган экан. Очиб қарасам, акам мени елкаларига кўтариб тушган болалик суратимиз (мен роппа-роса ўн ёш кичик эдим) ҳамда икки энлик мактуб: «Укажон, раҳматли ота-онам “Ягона жигарингга ўзинг ота-оналик қил, яхши-ёмон кунларида доим ҳолидан хабар ол”, деб сени менга омонат қолдириб кетган эдилар. Мен қўлим калталиги сабабли сенга ёрдам бера олмадим. Энди сени ёлғиз Аллоҳга омонат қолдириб кетяпман. Ота-онамизнинг руҳлари рози бўлсин. Сени ҳар куни беш маҳал намозларимда дуо қилдим».

Ўша лаҳзаларда бошимдан гўё қайноқ сув тўкилгандек бўлди. Бойиб кетишим, тўкину фаровон яшашимга акамнинг дуолари ҳам сабабчи бўлган экан-да! Ўша кундан буён руҳан эзиламан, ичимда туганмас бир азоб… Энди уйимдаги барча ҳашамлар, тўкинликлар кўзимга ўтдек кўринади. Яқинда бир амри маъруфда домланинг қариндош-уруғчилик ҳақлари ҳақидаги маърузасини эшитганимдан буён (аслида, олдин ҳам кўп эшитганман-у, бепарво эдим) дардим дунёга сиғмай қолди: “Қиёмат куни аҳволим нима бўлади?”

Мен суҳбатдошимнинг айтганларини орттирганим ҳам, камайтирганим ҳам йўқ. Аллоҳ ҳаммамизни гуноҳлардан асрасин, тавба қилганларга раҳм этсин. Аввало бу дунё давлатига маҳлиёлик сабаб икки дунёмизни бой беришдан асрасин.


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

Расулуллоҳ соллаллоҳу алайҳи васаллам дедилар:
          
"Жаннатда юзта даража бор, улар Аллоҳ йўлида жахд қилувчилар учун тайёрлаб қўйилган. Ҳар икки даражанииг ораси осмон билан ерча. Бас, агар Аллоҳдан сўрасангиз, Фирдавсни сўрангиз. Чунки у жаннатнинг энг олий ва баландидир, унинг шифти — Аллоҳнинг Арши. Ўша ердан жаннат дарёлари оқиб чиқади"

(Бухорий ривояти).

Ҳар бир мусулмон уч хил туғёнга кетишдан ҳазир бўлсин!

Бу туғёнга олиб борувчи сўзлар «мен», «меники», «ўзимники» сўзларидир. Ушбу уч калима сабабли Иблис, Фиръавн ва Қорунларга бало келган.

Иблис: «Мен ундан (инсондан) яхшиман. Мени оловдан яратгансан, уни эса лойдан яратгансан», деган.
(Сод сураси, 76-оят).

Фиръавн: «Эй қавмим! Миср мулки ва мана бу остимдан оқиб турган анҳорлар меники эмасми?!» деган
(Зухруф сураси, 51-оят).

Қорун: «У менга ўзимдаги илм туфайлигина берилган», деган (Қасас сураси, 78-оят).


•┈┈┈┈•❈••✾••❈•┈┈┈┈•
Аллоҳ йўлида тарқатинг!
https://telegram.me/joinchat/EBkeNT8wOXpAsSelKCAtIA

.
📖 Давра катта эди. Суҳбат қизигандан қизиди. Кимдир:
- Ҳозир Азроил алайҳиссалом келса-ю: "Уч кундан кейин жонингни оламан, тайёргарлигингни кўравер", деса, нима қилардинглар? - деб ўртага савол ташлади.
- Барча гуноҳларим учун тавба тазарру қилардим.
- Кеча-кундуз намоз ўқирдим.
- Ота-онамнинг розиликларини олардим.
- Барча қарзларимни тўлаб чиқардим.
- Молимнинг катта бир қисмини бева-бечораларга бўлиб берардим.
Ҳалиги киши яна гап ташлади:
- Нимага шу ишларни ҳозир қилмаяпмиз? Ё ичимизда биров яна уч кунгача тирик қоламан, деб қатъий ишонч билан айта оладими?

"Шарқ ҳикоят ва ривоятлари" китобидан.

📖 Telegram.me/IBRATLI
   - Дунё сабоқлари...

КЕЛМОҚ БУ –
КЕТМОҚҚА ҚЎЙИЛГАН ҚАДАМ

🎙Сардор Рахмхон

•┈┈┈┈•❈••✾••❈•┈┈┈┈•
♻️ Аллох йўлида тарқатинг!
https://telegram.me/joinchat/EBkeNT8wOXpAsSelKCAtIA

#Ифторлик_вақти
🌙 Рамазоннинг 13-куни (4 апрель)

⌛️Ифторлик вақти: 18:53

Оғиз очиш дуоси:
«Аллоҳумма лака сумту ва бика аманту ва ъалайка таваккалту ва ъалаа ризқика афторту. Фағфирли Я Ғоффару ма қоддамту ва ма аххорту».

Маъноси: Ё Аллоҳ, ушбу рўзамни Сен учун тутдим ва Сенга иймон келтирдим ва Сенга таваккал қилдим ва берган ризқинг билан ифтор қилдим. Ё гуноҳларни афв қилувчи Зот, менинг аввалги ва кейинги гуноҳларимни мағфират қилгин.

⏱ Саҳарлик ва ифторлик вақтларидаги фарқлар Тошкент вақтига нисбатан тафовути.

♻️ ДЎСТЛАРИНГИЗГА ҲАМ ЭСЛАТИНГ!

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA