Тақдир тақозоси билан йўқотган нарсаларинг сендан балони даф қилади, буни шундай деб бил!

Бир улуғ зотдан “Тасаввуф нима?” деб сўрадилар. У шундай жавоб қайтарди: “Сиқилган пайтда кўнгилда қувонч, фараҳнинг бўлиши!”
Аллоҳ “Йўқотган нарсаларингизга ачинманг, ҳатто бўри келиб эчкингизни еб кетса ҳам”, деди. Бу бало каттароқ балоларни даф этиш, бу зиён даҳшатлироқ зиёнларнинг олдини олиш учундир.

Бир зиёнга учраш бир қанча зиёнларни даф этади. Жисмимиз, молимиз жонимизга фидодир. Жонимизга келадиган бало аввало жисмимизга, молимизга келади.

Мавлано Румий

•┈┈┈┈•❈••✾••❈•┈┈┈┈•
Яқинларга улашинг!
https://telegram.me/joinchat/EBkeNT8wOXpAsSelKCAtIA

Хайвонларнинг тилини тушунган Хазрати Сулаймон алайхиссалом хузурларига келган киши ёлвориб: 
- Эй Аллохнинг Набийси, менга хайвонлар тилини ўргатинг. 
Мен уларни нималар хақида сўзлашишларини билишни истайман, - деди. 
- Йўқ, сен уларнинг сўзларига сабр қила олмайсан, хикматини тушунмайсан, дедилар.
Аммо киши илтимос қилиб сўрайвергач Сулаймон алайхиссалом унга хайвонлар тилини ўргатдилар. 
Мамнун холда уйига келган киши хўроз билан кўппакнинг сўзлашишига қулоқ тутди. Ит ёнидаги хўрозга дерди:
- Хўроз, дўстим, сен арпа ва буғдойга қорнинг туяди. Ер титсанг сенга емиш кўп, менинг эса қорним жуда очиб кетади. Шу овқат қолдиқларини қолдирсанг бўларди. Хўроз эса:
- Сабр қил, эртага бу ерга хўжайиннинг ўлган эшагини олиб келадилар. Тўйганингча гўшт ейсан. Киши бу гапларни эшитгач, шошганича эшакни олиб бозорга олиб бориб сотди. 
Ўз ўзидан хурсанд бўлиб:
- Яхшиямки хайвонлар тилини тушунаман, бир балодан омонда қолдим, - деган хаёллар билан уйга қайтди. 
Эртаси куни яна хўроз билан итни сўзлашувига қулоқ солди. 
Ит хўрозга таъна қиларди:
- Қани хўжайиннинг эшаги ўлади тўйиб гўшт ейсан дегандинг?
Хўроз жавоб берди: 
- Хўжайиннинг эшаги уни сотиб олган бечора кишининг қўлида ўлди. Хўжайин очкўзлик қилиб уни сотганди. Аммо хафа бўлма, бу сафар хўжайиннинг оти ўлади. Шунда кўп гўшт ейсан, қорнингни тўйдирасан. Киши яна шошганича отини етаклаб бозорга йўл олди. 
Уни сотиб қайтар экан яна ўша фикрлар хаёлидан ўтарди:
“Яхшиямки хайвонлар тилини биламан . . .”. Эртаси куни яна мароқли сўзлашувнинг гувохи бўлади. Бу сафар кучук хўрозга қаттиқроқ овоз билан таъна қиларди. 
- Хўроз, сен мени яна алдадинг. Қани хўжайиннинг оти ўлади дегандинг? - Хўжайиннинг оти уни сотиб олган бечоранинг қўлида ўлди. 
- Хафа бўлма, бу сафар ундан хам каттароқ зиёфат мехмони бўламиз.
Бу сўзларга кучук ишонқирамай: 
- Яна менга ёлғон гапираяпсан. Аммо хўроз:
- Йўқ, бу гал ёлғон йўқ. Бу галгиси қатъий. Чунки, бу сафар хўжайиннинг ўзи вафот этади. 
Молига келиши керак бўлган бу бало энди ўзининг бошига келади. Унинг ортидан маъракалар қилиниб, ошлар пиширилади, ортганини бизга тўкишади. Бу сўзларни эшитган одам ўзини қўярга жой топа
олмай қолади. Ўнгга сўлга ўзини урар экан, бу балони олдини ола олмаслигини тушунади. Шу кеча у хасталаниб тонгга яқин қазо қилади. Унинг ортидан пиширилган овқатлар дастурхонга тортилади. Қолдиқлари эса хайвонларга тўкилади. Бу орада хўроз: 
- Инсонлар, молларига келган балога афсус чекиб ох урадилар. Афсуски, бундан хам мен учун бир хайр бордир, деб ўйламайдилар хам. Аллохнинг берган тақдирига шукр этмай, ношудлик қиладилар. Сўнгра молларига келган бало жонларига келади, аммо кейинги пушаймондан фойда йўқ !

•┈┈┈┈•❈••✾••❈•┈┈┈┈•
Яқинларга улашинг👇
https://telegram.me/joinchat/EBkeNT8wOXpAsSelKCAtIA

ХАВОТИРМАН...

Тиним билмай зулм қилар маккора нафс
Оташ сари етаклайди хою-хавас
Савобларим гунохимга келгайми бас
Кеча кундуз ғафлатимдан хавотирман

🎙Жахонгир Мажидов


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Яқинда Дамас ҳайдайдиган бир шофёр укамиз билан гаплашиб қолдим. Ўзи Дамасни кунлик ижарага олиб ҳайдар экан.

Хуллас, бир куни машинада бир йигитнинг спорт либоси қолиб кетибди. Кийим кўринишидан қимматбаҳо, яъни, ўзига тўқроқ одамнинг кийими экан. Эгасига қайтариш учун бир ойча Дамасда олиб юрибди. Кейин эгаси топилавермагач, ўзининг маҳалласидаги бир кам камбағалроқ оиланинг фарзандига бериб юборибди.

Орадан 4 ой ўтиб Дамасга бир йигит чиқиб: "Ока, мана шу машинада бундан 5 ойча олдин кийимим қолиб кетганди. Сизни топа олмадим", дебди. Шофёр бўлиб ўтган воқеани айтиб, телефон рақамини бериб: "Кийимнинг баҳосини айтсангиз, мен тўлайман", дебди.

Икки кундан сўнг кийим йўқотган боланинг отаси телефон қилиб, у билан учрашмоқчилигини айтибди. Шофёр келишилган жойга бориб, унга ҳам бўлиб ўтган ишни тушунтириб, "Ока, кийимнинг баҳосини айтсангиз, шу ой топганимдан орттириб, албатта тўлайман", дебди. Боланинг отаси: "Менга кийимнинг пули керак эмас. Мен шунчаки бировнинг ҳаққидан қўрқадиган йигит билан шахсан кўришай, дегандим. Исмим фалончи, фалон идорада масъул лавозимда ишлайман. Бирон муаммо бўлса, бемалол киравер. Қўлимдан келганича ёрдам қиламан" дебди.

Шофёр йигит буни Аллоҳнинг қудратига қойил қолганидан қувониб гапириб берди.

•┈┈┈┈•❈••✾••❈•┈┈┈┈•
Яқинларга улашинг!
https://telegram.me/joinchat/EBkeNT8wOXpAsSelKCAtIA

Бир донишманддан:
“Қайси одам афзал?” деб сўрадилар.
Шунда у:
“Суҳбатлашганда, уни ҳикматли деб биладиган, ғазабланганда ҳалим бўладиган, ютуққа эришганда саховатли бўладиган, бирор нарса сўраганингда кўп нарса берадиган, аҳд қилганда, вафо қиладиган, унга шикоят қилганингда раҳмли бўладиган” деб жавоб берди.

Роббим мунофиқлардан қилмасин...

•┈┈┈┈•❈••✾••❈•┈┈┈┈•
Яқинларга улашинг
https://telegram.me/joinchat/EBkeNT8wOXpAsSelKCAtIA

ОДАМЛАР ОРАСИДАГИ БИДЪАТ-ХУРОФОТЛАР:

– Қўлингиз-кифтингиз қичишса пул келади;

– Қулоғингиз қизиса сизни ким(лар)дир ғийбат қиляпти;

– Кўзмунчоқ тақсангиз назардан (кўз тегишидан) сақланасиз;

– Сафар ойида никоҳ тўйи қилиш, янги уйга кўчиш мумкин эмас;

– Сешанба ва шанба кунлари касал кўргани бориб бўлмайди;

– Олдингиздан қора мушукнинг ўтиб кетиши жудаям хосиятсиз иш бўлишидан дарак;

– Уй ёки ховлининг бир жойига исириқ ёки отнинг тақасини осиб қўйиш оилангизни ҳар хил бало-қазолардан асрайди;

– Кечқурун бир идишга мув қуйиб уни ҳовлига қўйиб қўйиш ва эрта тонгда уни ичиш керак. Чунки у сув кечқурун юлдузни кўрган сувдир ва у ҳар хил касалликларни кетказади.

– Қабрлар ва мозорларга бориш ва улардан бир мушкулотига нажот сўраш муаммолардан халос этади ва ҳ.к ва ҳ.к.

Буларнинг қайси бири сизга таниш?

Иложи бўлса, сизга болаликдан таниш бўлган бидъат ва хурофотларни комментда қолдиринг.

Агар бошқаларга ҳам улашсангиз кишиларнинг хатосини тузалишига эҳтимолки, ширкдан тийилишига сабабчи бўлиб қолишингиз мумкин.


•┈┈┈┈•❈••✾••❈•┈┈┈┈•
Яқинларга улашинг👇
https://telegram.me/joinchat/EBkeNT8wOXpAsSelKCAtIA

АЖАБО

🎙Хайрулла Хамидов


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Икки ховли.
Икки хил ховли.
Бир-бирига ёнма-ён, девор қўшни.
Бирининг уйи кўкка бўй чўзган, икки қаватли, иккинчи қаватдаги ойнадан бутун маҳалла кафтдек кўриниб турарди.
Иккинчиси жуда оддий, хатто лой сувоқ.
Иккисида икки хил хаёт.
Бирида бой-бадавлат савдогар, ўша худуднинг обрўли кишиси бўлиб унинг бир қиз ва бир уғли бор, иккиси ҳам эрка ва бебош.
Иккинчиси ўрта хол, устачилик билан шуғилланадиган хунарманд киши бўлиб, унинг икки ўғли ва бир қизи бор, ўғилларини ёнига олиб устачилик билан тирикчилик қилади.
Кунларнинг бирида устанинг уйида шовқин эшитилди. Бой ўрнидан туриб иккинчи қаватдан қўшнисининг кафтдек кўриниб турадиган ховлисига назар ташлади.
Уста иккинчи ўғлини ўзбошимчалик қилиб, рўзғорига яраб турган велосипедини мингани ва натижада велосипеднинг ғилдиракларига шикаст етгани учун қаттиқ койиб турганини кўрди. Бой бу холатни кўриб, мийиғида кулди.
"Болани ҳам шундай тергайдими?" деб, ичида танқид ҳам қилди.
Қўшнисига эшитиладиган даражада, атайдан овозини баландлатиб, аёлини ёнига чорлаб эркатой ўғлининг туғилган кунига янги машина совға қилишини айтиб мақтанмиб ҳам қўйган эди.

Маҳаллада иккиси ҳам бирдек азиз.
Маҳалладагилар бирини бойлиги учун хурмат қилишса, иккинчисини художуйлиги меҳр оқибатилилиги ва камтарлиги учун хурмат қиларди.
Бирининг уйида икки келин қайнота ва қайнонатасини хизматини килиб, уларнинг бошларида гирдикапалак бўлишса.
Иккинчисининг уйида икки нафар хизматкор, бир эркак ва бир аёл хизмат қиларди.
Тақдир тақозоси билан вақти соати етиб, икки қўшни оила бошлиқлари бир хафтада бирин-кетин бу дунёни тарк этди.
Хонадонлари хар хил, яшаш тарзи хар хил бўлгани билан жанозаларига бир хил одам йиғилди.
Бириникига казо казолар бўлса, иккинчисинига Жумъа намозига йиғиладиган жамики мўмин мусулмонлар келишди.
Жаноза кунги бўладиган холатлардан одамлар хайрон қолишди.
Бирини уйида азиз ва мўътабар отасидан айрилгани сабаб, йиғлаб куйиб, дод фарёд уриб, фарзандлар ўртасида навбатма-навбат қурьон тиловат қилинган бўлса, иккинчисининг уйида маййит бир чеккада қолиб, ака-сингил хатто келин ўртасида мерос талашувлар бўлиб ўтди.
Орадан кўп вақт ўтмади. Бой хонадоннинг эркатой ўғли, ёшлигида бир ишнинг этагидан мухим тутмаганлиги сабаб, оғир холатга тушиб қолди ва хашаматли уйини сотиб оддийроқ уй сотиб олишни режа қилди.
Харидор оддий қўшнининг, меҳнаткаш ва бир-бирларига меҳрибон бўлган икки уғли бўлди.

Иқбол Юсуф

•┈┈┈┈•❈••✾••❈•┈┈┈┈•
Яқинларга улашинг👇
https://telegram.me/joinchat/EBkeNT8wOXpAsSelKCAtIA

Абдуллоҳ ибн Шаддод ўғлига шундай васият қилган экан:

"Эй ўғлим!

Ҳаммма ширин нарсаларни татиб кўрдим. Аммо тинчлик-хотиржамликдан кўра ширинроқ нарсани топмадим.

Ҳамма аччиқ нарсаларни ҳам татиб кўрдим. Лекин одамларга муҳтож бўлишдан кўра аччиқроқ нарсани топмадим.

Темир борми, харсанг борми, кўтариб-кўчириб кўрдим. Бироқ қарздан кўра оғирроқ юкни топмадим".

Арабчадан Муқим Маҳмуд таржимаси

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

Ассалому алейкум ва роҳматуллоҳи ва барокатуҳ

Файзли тонг муборак бўлсин, қадрдон!

Бугун якшанба, кўпчилик хафтанинг бу кунини интиқ кутади. Ота-она, яқинлар йўқланадиган, соғинч изхорила кўнгил олинадиган кун бу кун...

Оила МУҚАДДАС ва у АЛЛОҲ томонидан берилган улуғ неьматдир. Аллоҳ бизларни ушбу неъматини қадрлаш ва эъзозлаш идрокидан бенасиб қилмасин.

Барчангизга ушбу дам олиш куни оилангиз даврасида серфайз ва сермазмун ўтишини тилаймиз.

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Хайрли кун, Азизлар!

Кунингизни икки "калит" ила бошланг!
1. Яхши ният;
2. Яхши сўз.

Биринчиси: ризқ эшикларининг калитидир.
Иккинчиси: қалб эшикларининг калитидир.


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

#Сизга_аталган

Қалби гўзал инсон мехрли бўлар
Хар сўзи маьноли сехрли бўлар
Сўзлашгинг келади сўзлашган сайин
Дилдан ғуборларинг кетиши тайин...

🍃🌸🍃

Гўзал қалб соҳибларига
кун хайрли бўлсин!

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Бошида патнис қўлидаги тоғорани тугун билан боғлаб олиб, сомса, билинчик, перашка пишириб чиқиб ҳар куни соат 06:00 дан 10:00 гача 4 соат пиёда юриб ҳалол меҳнати билан пул топади шу аёл. Палон нарса келди деб бақириб юрмайди кўчада, кўрган дўкончилар ўзи билиб чиқиб харид қилади ёки кутиб ўтирган бўлади.

Йўқдан бор қилиб, бир нарсаларни пишириб чиқиб бировга ялинмай, бандасидан сўрамай мана шундай кун кечириб юради.
Бошидан патнис тушиб ҳам кетмайди, субҳаналлоҳ. Уйда ўтириб олиб хотинни топганини ейдиган айрим ҳамиятсиз эркакларданда мард аёл.

Аллоҳ мана шундай иффатини сақлаб ҳалол меҳнат билан кун кечираётган аёлларни Ўзи паноҳида асрасин.

Абдуллоҳ Зиё

Расим Қўқон шахрида олинган.


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

#Хикоя
" ИШЛАМАЙДИГАН АЁЛ ".

🎙Фахриддин Шамсематов

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

ЭРКАКЛАРГА..

Эй, эркаклар! Аёлингизни,
Хотин эмас, ХОНИМ деб айтинг.
Ичингизда мардлари бўлса,
СУЮКЛИГИМ, ЁРИМ деб айтинг

Хотин деманг ЖОНИМ деб айтинг,
Жонин сизга фидо қилган-ку.
Битта бўса қўнган юзидан,
Минг йил кета олмайди кулгу.

Хотин деманг, совуқ бу калом,
Ҳеч бўлмаса АЁЛИМ денглар.
Ёлғондакам, бир йилда бир бор,
Сенда фикру хаёлим денглар.

Хотин дея алқаманг зинҳор,
Хеч бўлмаса айтинг исмини.
Ўттиз йилда бўлса ҳам бир бор,
Мақтаб қўйинг унинг ҳуснини!

ОНАСИ денг, ОНАЖОНИСИ,
Минг ўргилсин меҳрибонингиз.
Унинг шодон кулгуларидан,
Нурга тўлсин хонадонингиз.

ГУЛИМ денглар, ФАРИШТАМ денглар,
Айтинг, сиздан нима кетади?
Ахир битта ширин сўзингиз,
Минг йил учун бадал кетади.

Хотин, дейсиз, ҳой, дейсиз гоҳо,
МОҲИМ, ОЙИМ деса бўлмасми.
Битта сўздан, биргина сўздан,
Яримгина кўнгли тўлмасми?!

Ранжитсалар гоҳида билмай,
Қанча бўлса бақириб тўйинг.
Лекин... Ёши қирқдан ошганда
ЯХШИ ҚИЗ - деб чақириб қўйинг!

✍Малика Салимова


Яқинларингизга улашинг!
https://telegram.me/joinchat/EBkeNT8wOXpAsSelKCAtIA

​​МЕХРГА МУШТОК КЎНГИЛ...

-"Мехр" нима эй одам ?
-"Мехр" икки кўзингдур.

-"Окибат" не эй одам ?
-"Лабзи" ширин сўзингдур.

-"Гунох" нима эй одам ?
-"Гунох" эгри йулингдир.

-"Халол" нима эй одам ?
-"Халол" қадоқ қўлингдир.

-"Ихлос" нима эй одам ?
-"Ихлос" ишонч улови.

-"Инсоф" нима эй одам ?
-"Инсоф" нафснинг жилови.

-"Виждон" нима эй одам ?
-"Виждон" қийналган жондир

-"Иймон" нима эй одам?
-"Хақни" таниган онгдир.

-"Кулфат" нима эй одам?
-"Кулфат" қизил тилингдур

-"Бахт" нимадур эй одам?
-"Бахт" хотиржам кунингдир.

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

Онажоним: - Катта бўлсанг ким бўласан, ўғлим? дедилар.
Олти ёш бола виқор билан “олим” бўламан, дедим.
Онам хурсанд бўлдилар.
Орадан йиллар ўтди, ўқидим, харф танидим.
Онажоним: - Келажакда ким бўласан? деб яна сўрадилар.
Шоир, ёзувчи бўламан дедим. Фахрландилар.
Вақт тинмади.
- Ким бўлдим? - бу сафар ўзим ўзимдан сўрадим. Жавобдан эса қочдим...
- Онажон, ёшлигимда иккимиз хохлаганимиздек на олим ва на шоир, ёзувчи бўлолмадим-а?
- Мухими, энг ақлли ўғил бўлдинг, - дея фаҳрланишда давом этдилар...


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

КАТТА  ОДАМ  БЎЛАМАН,  ОНА

🎙Шохиста Икромжоновна

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA