Қадрдонлар, мана рамазон ойи кириб келишига хам оз вақт қолди. Агар билиб билмай бир бирингизни дилингизни оғритган бўлсангиз, Аллох учун кечиринг... Барчамиз рамазонни қалбларимиз покланган холда кутиб олайлик...

•┈┈┈┈•❈••✾••❈•┈┈┈┈•
Яқинларингизга юборинг
https://telegram.me/joinchat/EBkeNT8wOXpAsSelKCAtIA

🔹 КЕЧИРГАЙМИЗ...

Маҳзун бўлма, биродарим,
кулиб тургин,
Кўнглимга кел ҳамсуҳбатм
бўлиб юргин.
Кечирмаслар кечирмайди,
ўзинг кўргин,
Қаҳ-қаҳига бизлар оҳис пичирлаймиз
Биз яхшилар, ёмонларни кечиргаймиз...

Айт бўлурми, гулни сақлаб қафасларда?
Ёниш керак, яшаш керак нафасларда.
Ҳавас қилгин, қолиб кетма хасадларда
Токай дилга ғамбодалар ичиргаймиз,
Биз яхшилар, ёмонларни кечиргаймиз...

Кўрдик қанча феъли турфа тарангларни,
Сўзларида мақтовсифат жарангларни.
Ҳам риёкор, ҳам ёлғончи фарангларни
Хотиротдан юлиб бир-бир ўчиргаймиз,
Биз яхшилар, ёмонларни кечиргаймиз...

Ойдан гўзал эй чеҳраси ҳуройлилар,
Ёмонлар ҳам нурни сиздан сўрайдилар.
Қош-у кўзи бошдин оёқ чиройлилар
Дилга яхши ниҳолларни кўчиргаймиз,
Биз яхшилар, ёмонларни кечиргаймиз...

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

🌙 Бугунги неъматлар учун шукрлар бўлсин! Йўл қўйган хато ва камчиликларимизни Аллоҳ Ўзи кечирсин! Эртанги тонгга барчамизни соғ-омон етказсин!

Хайрли тун азизлар!
Аллохнинг панохида бўлинг!

•┈┈┈┈•❈••✾••❈•┈┈┈┈•
Яқинларингизга улашинг
https://telegram.me/joinchat/EBkeNT8wOXpAsSelKCAtIA

#Хайрли_тонг

Ассалому алайкум ва раҳматуллоҳи ва барокатуҳ

Ўтаётган кунлар бизни тобора Рамазонга яқинлаштирмоқда. Кутганимиз, соғинганимиз моҳи маҳбуб, шаҳри марғуб - ойлар султони эшик остонасида турибди...

Биздан кераги, ўзимизни назорат қилайлик, бу ойни муносиб кутиб олишни ўзимизга мақсад қилайлик!


•┈┈┈┈•❈••✾••❈•┈┈┈┈•
Яқинларингизга улашинг
https://telegram.me/joinchat/EBkeNT8wOXpAsSelKCAtIA

Тун бағрини ёриб чикди нур!
Ибодатга шайланди тиллар!
Парвардигор асрасин сизни!
Хайрли тонг, дилга яқинлар!

Ассалому алейкум ва роҳматуллоҳи ва барокатуҳ!

Янги тонг ва кириб келаётган рамазон ойи муборак бўлсин!

Аллоҳим барчамизни ризқимизга барака берсин ва рамазон ойига барчамизни соғ - омон етказсин!

Аллоҳим ҳар бир қилаётган хайрли ишимиздан, босган ҳар бир қадамимиздан рози бўлсин.

Жисмимиздан соғликни, қалбимимиздан хотиржамликни аритмасин. Ибодатларимиз ажру савобларга васила бўлсин!

Ҳалол топганимиз фақат хурсандчилик, яхшиликка буюрсин.

Кунимиз файзу барокатли ўтсин!!

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

ХАЙРЛИ КУН, АЗИЗЛАР!!!

Аллоҳ зикрга, шукрга ва эзгуликларга бой кун ато этсин..
Сизга яхшиликлар соғинамиз...

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

#Расман

Ўзбекистондаги барча масжидларда Таровиҳ намозлари, 1-апрел, Жума кунидан ўқилиши бошланади!

Бу ойни ғафлатда ўтказманг, сиз ва бизга таровиҳ намозларида иштирок этиш насиб қилмоқда.. Фурсатни қўлдан бой берманг!

Эртага масжидларимизда хуфтон намозидан сўнг, таровиҳ намозлари ўқилади.

Рамазон рўзаси эса 2-апрелдан бошланиши кутилмоқда.

Рамазон муборак!
Таровеҳ муборак!

Дўст ва биродарларингизни
ҳам хабардор қилинг

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

.
РАМАЗОНГА ТАЙЁРМИСИЗ?

🎙Нуриддин домла

•┈┈┈┈•❈••✾••❈•┈┈┈┈•
♻️Аллох йўлида тарқатинг
https://telegram.me/joinchat/EBkeNT8wOXpAsSelKCAtIA

Илмнинг аввали чиройли эшитиш, сўнгра тушуниш, ундан сўнг амал қилиш ва охиргиси тарқатишдир.

Суфён ибн Уяйна раҳматуллоҳи алайҳисалом


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Биродарларимиздан бири мақтанди:
«Синфдошларимиз билан дўстлигимизни ҳеч бузмаймиз. Ҳар куни ишдан кейин фалончи ўртоғимизникида учрашамиз, чой-пой ичиб, шахмат-нарди ўйнаб, телевизор томоша қилиб, кечқурун баъзан ўн бир - ўн иккигача ўтирамиз...»

Албатта, дўстликни узмаслик яхши, бироқ, оила бағрига барвақт бориш, мезбон дўстининг ҳам оиласи борлигини унутмаслик ундан аълороқ. Ҳар куни уйига кеч борса, болалари ухлаб қолган бўлади. Тарбия билан қачон шуғулланади?

Назаримда бу биродаримиз дўстликни мустаҳкамлаш ҳақида нотўғри тушинчага эгалар, оила, фарзанд тарбияси, деган тушунчадан эса маҳрумлар.

«Одамийлик мулки» китобидан.


Хулоса сиздан, биродар...

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

#Табассум😁

ОНАСИНИ МЕҲРИБОНИ

– Машаллоҳ, бу болажонлар отасига ёрдамчи экан-да!…

– Ким меҳмон?..🤨

– Меҳмонми?…

– Мен меҳмон…

– Хуш келмадингиз!😒

– Ия!…Нега?…😅

– Онам, кечадан бери ошхонадан чиқмайди...
Ҳамма овқатини есинда уйига тарқалсин!..😕

– 😆😅😂🤣


•┈┈┈•❈••✾••❈•┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

​​«КЕЧИРИМЛИ БЎЛИШНИНГ ХОСИЯТИ…»

Бир одамнинг ўғиллари ҳадеганда бир-бирларини арзимас хатоликларда айблаб, ҳақоратлашдан, аразлашишдан, муштлашишдан, нафратланишдан тийила олишмас экан. Охири отасининг тоқати тоқ бўлибди-ю, уларни ёнига ўтқазиб, бир ривоятни айтиб берибди.

— Ривоят қилишларича, — дебди кексайиб, мункайибгина қолган ота кўзлари ёшланиб. — Ҳазрати пайғамбаримиз Саллоллоҳи алайҳи Васаллам бир куни ўзига яқин инсонлар билан бозор кезишни ихтиёр этибди. Бозордаги тўкин-сочинликни, тумонот одамларни ҳайрат билан томоша қила бошлабди. Шу пайт кутилмаганда чамаси 10 ёшли бир ўсмир югуриб келибди-да, пайғамбарнинг қўлидаги катмонни юлқиб қочибди. Шубҳасиз, ёнидагилар бирпасда ўсмирни тутиб келиб пайғамбарнинг қаршисида тиз чўктирибди. Болакай азбаройи қўрқиб кетганиданми, юм-юм йиғлар, бошини эгмоқдан бери эди. Пайғамбаримиз боланинг қўлидаги катмонни олибди-да, уни елкасидан тутиб эҳтиёткорлик билан ўрнидан турғазибди. Кейин эса катмонни очиб ичидан бир нечта олтин танга олиб боланинг қўлига тутқазибди. Шафқатсиз жазо олишдан қўрқиб дағ-дағ титраётган ўғри бола пайғамбарнинг бу ишига гувоҳ бўлгач, кўзларига ишонмай, пайғамбаримизга жавдирабди.

— Кетавер, — дебди пайғамбар унга. — Аммо бундан кейин ўғирлик қилмагин. Тўғри йўлдан юргин! Акс ҳолда Оллоҳнинг ғазаби келади-я!..

Орадан бир неча йил ўтибди. Яна пайғамбар ўша бозорга ёрдамчилари билан чиқиб атрофни томоша қилиб юрса, қаршисида анча улғайган, тоза ва бежирим кийинган ўсмир ҳозир бўлибди.

— Ҳазратим, — дебди ўсмир ер чизиб. — Мен ўша бир неча йил олдин катмонингизни ўғирлаб қочган боламан. Ўшанда марҳаматингизни кўриб лол бўлдим. Бу ишингиздан тегишли хулоса чиқардим. Берган пулингизни пулга уриштириб, аҳволимни яхшиладим. Бозордан савдо пештахтасини ҳам ижарага олдим. Ҳозир савдо билан шуғулланяпман. Ўғирликни ташладим.

— Баракалла, — дебди пайғамбар ўсмирнинг бошини силаб. — Кўрдингми, Оллоҳга шу амалинг маъқул келибди. Бизнинг маслаҳатимизни олганинг учун Яратган эгам сени мукофотлабди.

— Ҳазратим, — дебди ўсмир бошини кўтариб. — Ўшанда нега кечирдингиз? Ахир, мен ўғирлик қилдим. Подшоларнинг одамлари ўғрини тутиб олишса, қўлларини кесгувчи эди. Сиз бўлсангиз, мени кечирибгина қолмай, қўлимга яна пул тутқаздингиз. Нега?

— Чунки, — дебди кулимсираб пайғамбар. — Оллоҳ ҳам кечиримли. Биз Оллоҳнинг қаршисида ким бўлибмизки, бир-биримизни Яратганчалик кечира олмасак, меҳр-оқибат кўрсата олмасак?!.

— Биласизми, ҳазратим, — дея киссасидан бир халтача тўла олтин тангаларни чиқариб пайғамбарга узатибди ўсмир. — Ўшанда сизнинг марҳаматингиздан тўлқинланиб ўзимга ўзим «Худо етказса, пул топсам, ҳазратим берган пулларни ўн баробар қилиб қайтараман», дея сўз бергандим. Мана, ўша сўзларимга содиқ қолиб, берган пулингизни ўн баробар қилиб олиб келдим. Ўтинаман, қўлимни қайтармасангиз!

Пайғамбаримиз ўсмирнинг раъйини қайтармай, қўлидан олтин тангалар тўла халтачани олибди.

— Яна бир ўтинчим бор, — дебди ўсмир. — Изн берсангиз, айтсам!

— Айт, бўтам! Не ўтинчинг бор?

— Мен ўша хунук воқеадан кейин узоқ фикрладим. Ўйладим, атрофни кузатдим ва бир қарорга келдим. Мен ҳам исломни қабул қилмоқчиман. Ёрдам беринг, илтимос, ҳазратим!..

Пайғамбаримиз ўсмирнинг сўнгги илтимосини ҳам адо этиб, Исломни қабул қилишида кўмаклашибди ва кетар палласи бояги халтача тўла олтинларни унинг қўлига тутқазибди.

— Сен энди мўмин мусулмон бўлдинг, — дебди унга. — Мўмин мусулмон эркак хонадонидаги яқинларининг барчаси учун масъул. Уларни боқиши, камлик кўрсатмай яшаши ҳам фарз, ҳам қарз. Шундай экан, сен бу олтинларни олгин-да, уйдаги ота-онанг, ака-ука, опа-сингилларингга ширинликларми, кийимларми ҳадя эт. Бу амалинг ҳам Оллоҳга маъқул тушади иншооллоҳ!..

Мана, болаларим, кўрдиларингми, кечиримлилик, меҳр-оқибат инсонни ана шундай яхши кунларга элтади. Сизлар ҳам бундан буён бир-бирларингизга нисбатан кечиримли ва меҳр-оқибатли бўлинг! Омин!


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

​​АЛЛОҲ ТАОЛО ЙЎЛИДА ХАЙР-ЭҲСОН

«Эҳсон» сўзи луғатда яхшилик қилиш, эзгулик кўрсатиш маъноларини англатиб, одатда бировга бирор неъматни бериш, фазлу карам кўрсатиш тушунилади. Хайр-эҳсон инсоннинг умрига, касбу корига ва хонадонига файз-барака ёғилишига сабаб бўлади.
Қуръони каримда марҳамат қилинади:
«Aллoҳ йўлидa мoллaрини эҳсoн қилувчилaр (сaвoбининг) мисoли гўё бир дoнгa ўxшaйди, у ҳaр бир бoшoғидa юзтaдaн дoни бўлгaн еттитa бoшoқни ундириб чиқaрaди. Aллoҳ xoҳлaгaн кишилaргa янaдa кўпaйтириб (сaвoб) бeрaди. Aллoҳ (кaрaми) кeнг вa билимдoндир»
(Бақара, 261).

Ушбу ояти каримада хайр-эҳсон, нафақа қилишнинг фойдаси ажойиб услубда васф этилмоқда. Сиртдан қаралса, хайр-эҳсон қилган кишининг мол-дунёси камайганга ўхшайди. Аслида эса хайр-эҳсон ерга қадалган донга ўхшайди. Ўша бир дон кейинчалик униб чиқиб, кўпайганидек, хайр-эҳсон қилинган мол ҳам бир неча чандон кўпайиб кетади. Уни Аллоҳ таоло кўпайтириб беради. Донни мисол келтиришдан мурод Аллоҳ йўлида эҳсон қилинган бир нарса етти юз мартагача кўпайиши мумкин деб, урғу беришдир.
«Айтинг: «Албатта, Раббим бандаларидан Ўзи хоҳлаганига ризқни кенг қилур ва (Ўзи хоҳлаганига ризқни) танг қилур. Бирор нарсани (муҳтожларга холис) эҳсон қилсангиз, бас, (Аллоҳ) унинг ўрнини тўлдирур. У ризқлантирувчиларнинг яхшисидир» (Сабаъ, 39).
Давлатманд бўлатуриб, хайр-эҳсонни билмаган кишилар молидан ҳам, умридан ҳам барака топмайди. Ушбу илоҳий қоидани асло унутмаслик керак. 

Шайх Саййид Раҳматуллоҳ Термизий.


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

​​#ЧИЗГИ

• Бир оч-мискин келиб сендан егулик сўраса жеркима!
• Балки унинг бугунги ризқи сендадир...

• Бир ғариб эшигингни қоқиб сендан бера оладиган нарсангни сўраса қуруқ қайтарма!
• Балки унинг истаги сендадир...

• Дўстинг сенга ўз дарди ила чирпинаётганда шикоят қилма!
• Балки дармони сендадир...

• Йиғлаганнинг устидан кулма, беморга беэътибор бўлма!
• Балки шифоси сендадир...

• Барча сенга муҳтож кўринса, ҳаргиз "МЕН" дея ўзингдан кетма!
• Сен "ҲЕЧСАН" аслида илоҳий чизгининг тажаллиси сендадир.


•┈┈┈┈•❈••✾••❈•┈┈┈┈•
♻️Аллоҳ йўлида тарқатинг!
https://telegram.me/joinchat/EBkeNT8wOXpAsSelKCAtIA

РОББИМ...

🎙Толибжон Исроилов

Гуноҳкор бўлсакда Аллоҳ бизни яхши кўраркан, биз киммиз..?

Хатоларни кечиринг...


•┈┈┈┈•❈••✾••❈•┈┈┈┈•
Якинларингизга узатинг!
https://telegram.me/joinchat/EBkeNT8wOXpAsSelKCAtIA

ЭРТАГА ЖУМА...

Кеч кириши билан солиҳ зотлар ўз нафсларини тергаб, амалларини сарҳисоб қилганлар. Эртанги кунлари бугунгидан фойдали ўтиши учун режалар тузганлар.
Сиз азизларга ҳам бу кечани эртанги кунингизнинг мазмунли муқаддимаси бўлишини тилаб қоламиз...

ХАЙРЛИ ТУН!
Аллохга омонатсиз!

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

Ассалому алайкум ва роҳматуллоҳи ва барокатуҳ!

Азизлар, барчангизга Саййид-ул айём (кунлар саййиди), ҳажжул Масокин (мискинлар ҳажи) бўлмиш Жума айёми муборак бўлсин!
Аллоҳим умрингизга мазмун, ризқингизга барака, танингизга соғлик, руҳингизга осойишталик, қалбингизга хотиржамлик, оилангизга файзу баракот, барчамизга соғ-омонлик ато қилсин.
Аллоҳим оқибатимизни меҳрли, охиратимизни хайрли, икки дунёмизни саодатли қилсин.
Умрингизнинг ҳар куни
АЛЛОҲ МУҲАББАТИ ила ўтсин.

ЖУМА АЙЁМИНГИЗ
МУБОРАК БЎЛСИН, АЗИЗЛАР!

•┈┈┈┈•❈••✾••❈•┈┈┈┈•
Яқинларингизга юборинг!
https://telegram.me/joinchat/EBkeNT8wOXpAsSelKCAtIA

КЕЛГИН РАМАЗОНИМ

✍Сарвар Мирзо
🎙Жобир Аҳмад

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

🌙 Рамазон ойи 2 апрелдан бошланади

📝 Ўзбекистон Республикаси Президенти «Муборак Рамазон ойини муносиб тарзда ўтказиш тўғрисида»ги қарорини имзолади. Унга кўра, 2022 йилги муборак Рамазон ойининг бошланиши 2 апрель кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилинди.

🕌 Ўзбекистон мусулмонлари идораси Уламолари Кенгаши томонидан Ислом дини манбалари ва астрономик маълумотларга таянган ҳолда 2022 йилда Рамазон ойининг биринчи куни шу йил 2 апрель, шанба кунига тўғри келиши ҳақида хулоса қилинган.

Ўзбекистон мусулмонлари идораси Матбуот хизмати


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

🌙 РАМАЗОН ОЙИГА 1 КУН ҚОЛДИ!!! ЭРТАГА РАМАЗОН!


🎊 РАМАЗОНИМ КЕЛМОҚДА!

💐 Қуёшни ҳам кулдириб,
💐 Қалбга сурур тўлдириб,
💐 Дўстларни суюнтириб,
💐 Рамазоним келмоқда!


Сени кутяпмиз,
ҳуш кел, Рамазон..!

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA