​БАРАКАНИНГ РИЗҚДАГИ ОМИЛЛАРИ

1. Таомни биргаликда ейишда барака бор (Ибн Можа).
2. Бисмиллоҳ билан ейилган таомда барака бўлади (Ибн Можа).
3. Барака овқатнинг ўртасига тушади. Шунинг учун ҳам четидан енг, ўртасидан еманг (Термизий).
4. Саҳарда ва саҳарлик таомида барака бор (Табароний).
5. Таомдан олдин ва кейин қўлларни ювиш уйдаги баракани орттиради (Шуйба).
6. Қайноқ овқатда барака бўлмайди (Дайламий).
7. Асалда барака ва шифо бор (Ғофилин).
8. Сиркада, сутда, хурмода барака бор (Ибн Можа).
9. Ризқига рози бўлганнинг баракаси ортади, рози бўлмаганнинг баракаси камаяди (Аҳмад).
10. Олди-сотдида кўп қасам ичиш молнинг баракасини кеткизади (Муслим).
11. Тижоратда барака бордир, унга ёлғон, хиёнат аралашса, барака кетади (Бухорий).
12. Барака буюкларингизда (Рафиий).
13. Биринчи боласининг қиз бўлишлиги хотиннинг баракотидандир (Ибни Асокир).
14. Қиз бола баракотлидир (Дайламий).
15. Боласиз уй баракасиздир (Абушайх).
16. Уйнинг яхшилиги ва баракоти кўпайиши учун уйга кирганингда уй одамларига салом бергин (Ҳаротий).
17. Дуо умрнинг баракасини кўпайтиради (Термизий).
18. Қуръон ўқиладиган уйнинг баракаси ортади, Қуръон ўқилмайдиган уй бебарака бўлади (Доримий).
19. Мусофир мингта барака ва мингта раҳмат билан келади (Нисобул ахбор).
20. Уйидан вақтли чиққаннинг ишида барака бўлади (Баззор).
21. Йўлчиликка чиқиб, биродари билан видолашгач, уларнинг дуоси билан баракага эришади (Дайламий).
22. Ота-онасига хизмат қилганларнинг умри баракали, уларга қарши борганларники баракасиз бўлади (Ислом ахлоқи).
23. Муҳаммад исмли уй ва жойда барака бўлади (Дайламий).
24. Бомдод намозининг суннатини уйда ўқиш, ризқнинг баракотига сабаб бўлади (Имоду ислом).
25. Намоз ўқийдиган кишининг ризқи баракали бўлади (Кутуби Ситта).
26. Ваъдали олди-сотдида, қарзни беришда ва арпа аралаштирилган нонда барака бор (Ибн Можа).
27. Уйда чиқиндиларнинг бўлишлиги баракасизликка сабаб бўлади (Дайламий).
28. Фосиқ ва судхўрларнинг даромадида барака бўлмайди (Дайламий).
29. Бир жамоада бири гапириб турганда қолганлари тинч турмаса, у жой баракасиз бўлади (Байҳақий).

📖 Telegram.me/IBRATLI
- Дунё сабоқлари...

АЛЛОҲ ТАОЛО ЙЎЛИДА ХАЙР-ЭҲСОН

«Эҳсон» сўзи луғатда яхшилик қилиш, эзгулик кўрсатиш маъноларини англатиб, одатда бировга бирор неъматни бериш, фазлу карам кўрсатиш тушунилади. Хайр-эҳсон инсоннинг умрига, касбу корига ва хонадонига файз-барака ёғилишига сабаб бўлади.
Қуръони каримда марҳамат қилинади:
«Aллoҳ йўлидa мoллaрини эҳсoн қилувчилaр (сaвoбининг) мисoли гўё бир дoнгa ўxшaйди, у ҳaр бир бoшoғидa юзтaдaн дoни бўлгaн еттитa бoшoқни ундириб чиқaрaди. Aллoҳ xoҳлaгaн кишилaргa янaдa кўпaйтириб (сaвoб) бeрaди. Aллoҳ (кaрaми) кeнг вa билимдoндир» (Бақара, 261).

Ушбу ояти каримада хайр-эҳсон, нафақа қилишнинг фойдаси ажойиб услубда васф этилмоқда. Сиртдан қаралса, хайр-эҳсон қилган кишининг мол-дунёси камайганга ўхшайди. Аслида эса хайр-эҳсон ерга қадалган донга ўхшайди. Ўша бир дон кейинчалик униб чиқиб, кўпайганидек, хайр-эҳсон қилинган мол ҳам бир неча чандон кўпайиб кетади. Уни Аллоҳ таоло кўпайтириб беради. Донни мисол келтиришдан мурод Аллоҳ йўлида эҳсон қилинган бир нарса етти юз мартагача кўпайиши мумкин деб, урғу беришдир.
«Айтинг: «Албатта, Раббим бандаларидан Ўзи хоҳлаганига ризқни кенг қилур ва (Ўзи хоҳлаганига ризқни) танг қилур. Бирор нарсани (муҳтожларга холис) эҳсон қилсангиз, бас, (Аллоҳ) унинг ўрнини тўлдирур. У ризқлантирувчиларнинг яхшисидир» (Сабаъ, 39).
Давлатманд бўлатуриб, хайр-эҳсонни билмаган кишилар молидан ҳам, умридан ҳам барака топмайди. Ушбу илоҳий қоидани асло унутмаслик керак. 

Шайх Саййид Раҳматуллоҳ Термизий.


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

МИСРДА РАМАЗОН ШУКУҲИ...

Кўриб кўзларингиз қувнайди...

Биздаги тадбиркорлар учун хам зўр имкон экан... Бозорларимиз деярли бўш ва одамлар чанқоқ бу каби гўзалликларга... Бизда хам бўлса, хамма бир бирига рамазонга гўзал совға улашса...
Жудаям гўзал иш бўлардида...

Орзуга берилдим бир оз...🙈

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Иймонингиз кучини билмоқчи бўлсангиз, ёлғиз қолганингизда ўзингизга назар солинг!!!
Аллоҳ сизни кўриб турар экан, Унга Ўзи рози бўладиган амаллар ила рўпаро бўлиш насиб этсин.

ТУНИНГИЗ ХАЙРЛИ ЎТСИН!
Аллоҳга омонатсиз!

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Тун бағрини ёриб чиқди нур
Ибодатга шайланди тиллар
Дуолар-ла, бўлинг сиз омон
Хайрли тонг, дилга яқинлар!


Ассаламу алайкум ва роҳматуллоҳи ва барокатуҳ

Ҳадисда айтилишича
☝️Расулуллоҳ с.а.в қизлари Фотимага:

"Тонгда ухлаб ётмагин, чунки бу вақтда 3 нарса:
1 ЯХШИЛИК,
2 РИЗҚ ва
3 БАРАКА тақсимланади", дедилар. Ким тонг отаётганида ухлаб ётса, шу уч неъматдан қуруқ қолади!

🤲Сизларга тилагим,
Аллоҳим хонадонингиздан файз, оилангиздан тотувлик, ризқингиздан баракот, тилингиздан дуою-зикр, қалбингиздан меҳр-оқибатни аритмасин!

Янги кунга бисмиллаҳ...

Яқинларингизга улашинг!
https://telegram.me/joinchat/EBkeNT8wOXpAsSelKCAtIA

ОДАМЛАР...

🎙Толибжон Исроилов
✍Муяссар Отажонова


Telegram.me/IBRATLI
- Асл ибрат макони...

- Ҳаёт нима?
- Улкан бир бозор...
Унда жамдир дилкаш, дилозор...

- Одамларчи?
- Зўр савдогарлар...
Меҳр сотар, ёки ситамлар...

- Умр нима?
- Йил фасллари...
Баҳорда очилиб...., Куз-хазонлари....

- Унда вақтчи?
- Шамолдай учқур...
Дами ўткир ҳанжар миллари...

- Сабр нима?
- Баланд бир қоя....
Чўққисин забт этмоқ, мушкул бир ғоя...

- Тоқатнингчи, борми баҳоси?
- Унга тенгдир Жаннат сабоси....

- Ота-она қандай мўъжиза?
- Сув ва ҳаво, шундай мўъжиза..!

- Дўсту-ёрга берарсиз таъриф?
- Қалб ҳақида мумкинми тавсиф?!

- Во ажабким, саволлар бисёр...
- Шархламоқчи? Сизда ихтиёр...


Жалолиддин Румий

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Бир донишманддан сўрашди:
– Туғишган ака-укангизни кўпроқ яхши кўрасизми ёки дўстингизними?
– Туғишганимни яхши кўраман, агар у менга дўст бўлса.
Дўстимни яхши кўраман, агар у менга туғишганимдек бўлса.


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

#Иқтибос
"– Эй, ярамас қишлақи, сен ўлиб қолсанг мен нима қиламан?!"

"Новда" фильмидан


ХАЁТ ҚОНУНИ

Ҳаётингиздан кетганларга ачинманг! Улар ўз манфаатлари тугагач кетдилар, кетганларнинг ўрнига албатта янгилари келади. Бир қараганда эшитилиши хунук бўлсада, айнан шундай алмашиниш услубида атрофингиздагилар сараланади.
Чин ва сохталар фарқланади. Доимий ва вақтинчаларга ажратилади.

Зеро, бир нарсани унутмангки, АСЛ ДЎСТ ҳеч қачон кетмайди!
Сизни тарк этишни лозим топганлар эса икки дунёда сизга ДЎСТ бўлмайди!

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Бир фақир кулбада бахтиёр ўсдим,
Меҳнатда қаварди кафтдаги пўстим.
Не-не зарбаларга чап берганману,
Агар сен ўқ отсанг, нишонман, дўстим.

Эҳе, қанча ёлғон сувдек ичилди,
Қанча қасамлардан осон кечилди.
Ним кулиб қўяман ким нима деса,
Фақат сен алдасанг, тамомман, дўстим.

Билсанг, яқиндан ҳам ёвлар чиқаркан,
Сал "кетмонинг учса" ғовлар чиқаркан.
Табассум ортида ғичирлайди тиш,
Фақат меҳринг билан омонман, дўстим.

Куйсам ҳузуринга қоқаман қанот,
Қоқилсам, кўзингдан излайман нажот.
Қара, кўрмайсанми маломатларни,
Оғриниб, ранг-рўйи самонман, дўстим!

Шоирнинг кўнгли бўш, шоир девона,
Унинг суянгани Оллоҳ ягона.
Мени нима деса, деяверсин ким,
Сени ёмон деса, "ёмонман" дўстим!


Фақат меҳринг билан омонман, дўстим!

Малика Салимова

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

​​АЧЧИҚ ҲАҚИҚАТЛАР

1. Негадир доим кўнглимизни оғритгандан эмас - кўнглимизга қарайдиган инсонлардан аламимизни оламиз...

2. Бизни севганларга
озор берамизу - севмаган инсонларга поёндоз бўламиз...

3. Тўғри йўл кўрсатганни ёмон кўрамизу - эгри йўлга бошлаганни ортидан қолмаймиз...

4. Яхши кўрган яқинларимизни, касал биродарларимизни кўргани боришга вақтимиз йўғу, етти ёт бегонаникига ошга боришга вақт топамиз...

5. Оиласи ночорроқ синглимизга ёрдам бермаймиз, лекин - халқни кўзига ош қилиб зиёфат берамиз...

6. Ота - онамизни ҳафтада бир бора кўриб келишга фурсат йўқ - аммо улфатлар билан ўтиришга ҳар дойим тайёрмиз...

7. Аёлимиздан ширин сўзимизни аяймизу - лекин кўчадаги аёлларга гўзал калималар айтамиз...

8. Озгина пулимизни йўқотиб қўйсак қанча асабимиз бузилади, аммо вақтимизни арзимаган кишилар, бекорчи нарсаларга сарфлаётганимизга ачинмаймиз...


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

Баъзан «Хазиллашдим» орасида ҳақиқат бор.

Баъзан «Билмайман» орасида билим бор.

Баъзан «Менга барибир» орасида кераклиси бор.

Баъзан «Яхшиман» орасида оғриқлар бор.


Сиз шунчаки англашни билинг...


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

АЛЛОҲНИНГ КАЛОМИ

Бир киши бемор дўстига деди: “”Кел, ўртоқ озгина Қуръон ўқиб дам солай, шояд Аллоҳ шифо берса!”
– Э, қўйсанг-чи шу гапларингни!..
– Нега энди?
– Қуръон – Аллоҳнинг каломи, бунга гап йўқ. Аммо уни ўқиб “суф” деганинг билан, бирор таъсири бўлармиди?!
Шунда дўсти беморнинг кўзига тик қараб деди: “Ит экансан! Чўчқасан! Эшшаксан!..
Бемор жаҳлдан қизариб-бўзариб, тили тутилиб, ғўлдираб қолди.
– Ана, кўрдингми! – деди дўсти. – Оддий ҳақорат сўзлари инсонга шунча таъсир кўрсатади-ю, Аллоҳнинг каломи таъсирсиз қоладими?!


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

#Тафаккур

Ё Қуръон сени гуноҳлардан тўсади...
Ё гуноҳлар сени Қуръондан тўсади...

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Қуръонда "Яхшилик" сўзи 167 марта ва "Ёмонлик" сўзи ҳам 167 марта такрорланган...

Кимгадир яхшилик қиласиз, эвазига эса юзингизга тупиришади, сабабсиз четга суришади, турли ҳил жазолар ўйлаб топишади...
Сиз эса бир четда юрак чангаллайсиз, гавдангиз эгилиб катта сўроқ шаклига кирасиз: "Нима учун?!" "Қайси айбим учун?!"
Кейин кимдир келади, сизни қўллайди, ёрдам беради ва ҳеч қандай таъмасиз ёнингиздан кетади.
Шулар Аллоҳнинг нажот чопарларидир.

Биласизми, улар нега сизга ёрдам бериш учун келишади?
Ўша яхшилик ва ёмонлик тарозисининг ўқи оғиб кетмаслиги учун, ёмонлик ортиқроқ тош босмаслиги учун...
Агар сиз ҳам- айни дамда изтироблар ичида бўлсангиз, яхшилиги унутилган, ўзи ҳам- исми ҳам ўчирилганлар рўйхатда бўлсангиз- ташвишланманг...

Яхшилик ҳам дунёда ўшанча, ёмонлик ҳам ўшанча...
Сизга яхшилик тутган чопарлар шошганда, кимларгадир ёмонлик илинган йўқловчилар- меҳмон бу дамда...
Дунё шунақа...


📖 Telegram.me/IBRATLI
- Ҳикоя ва хаётий воқеалар...

Сенга нисбатан қилган ишлари сабабли, ҳеч кимдан ғазабланма!
Аксинча хиёнат қилганларга ташаккур эт, садоқатни ўргатганлари учун...

Ёлғончилардан миннатдор бўл, тўғриликни ажрата олишни ўргатганлари учун...

Сени бахтсиз қилганларнинг ҳақларига дуо қил, сенга бахтиёрликни кўпроқ ҳис эттирганлари учун...


Жалолиддин Румий.

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

МЕНИ КЕЧИРИНГ...

Рамазон яқин, азизлар... Араз-гиналарни унутиб, Рамазонни қалбларимиз покланган холда кутиб олайлик.

Мендан ўтган бўлса кечиринг...

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Ассаламу алайкум ва роҳматуллоҳи ва барокатуҳ!!!

Бошланган яна бир мунаввар тонг барчага муборак бўлсин!

Доим «Алҳамдулиллаҳ» деган руҳни табассум тарк этмайди.

Ҳар лаҳза «Астағфируллоҳ» деган тил дунё ва ундаги бор нарсаларнинг қулфини очади.

Аллоҳим! Биз Сендан
-доимий имонни,
-қўрқувчи қалбни,
-содиқ ишончни,
-тўғри динни,
-барча балолардан офиятни
-офиятга шукр этишни ва
-инсонлардан беҳожат бўлишни сўраймиз. 

Кунимиз хайрли, барокатли, савобли амалларга тўла бўлсин!

•┈┈┈┈•❈••✾••❈•┈┈┈┈•
Яқинларингизга улашинг👇
https://telegram.me/joinchat/EBkeNT8wOXpAsSelKCAtIA