Меҳрли  дуои  саломлари  ила тонгларга  файз   бахш  этган  Азизларим,

 АССАЛОМУ  АЛАЙКУМ! 

Шанба тонги муборак бўлсин. Кунингиз файзу барокатли бўлсин! Кун давомида аъло кайфият сизларни тарк этмасин.


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

​​Асло кўнглингизга тушмасин бир гард,
Кузда ҳам гуллаган боғман, деб айтинг.
Бироз қийнаса ҳам танингизни дард,
Мен касал эмасман, соғман, деб айтинг.

Яхшилар сўзини ёмонга йўйманг,
Ташвишлар олдида қайғурманг, куйманг,
Қадрингизга арзон баҳолар қўйманг,
Қирда юрсангиз ҳам тоғман, деб айтинг.

Ҳаётнинг завқини тотинг, улгуринг,
Нафратни изламанг, муҳаббат кўринг,
Майли қирққа киринг, элликка киринг,
Ёримнинг ишқида доғман, деб айтинг.

Майли ярим йўлда синсин тақангиз,
Кир бўлса парво ҳам қилманг ёқангиз,
Гарчи тугаса ҳам сўнгги чақангиз,
Шаънингиз улуғлаб шоҳман, деб айтинг.

Ўлмасбек Самарқандий.
@Samarqandiy77


🌺 Ассалому алайкум,
Янги кун муборак бўлсин!


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

ҲАЁТ ИМКОНИЯТДИР —ундан ақл билан фойдаланиб қолинг..

ҲАЁТ ГЎЗАЛЛИКДИР — ундан бахра олмоғингиз лозим..

ҲАЁТ ЎТА ТОТЛИДИР —уни мехр билан татиб кўрмоғингиз керак..

ҲАЁТ ОРЗУДИР —уни амалга ошириш ўз ихтиёрингизда..

ҲАЁТ ЧОРЛОВДИР — унга жавоб бера олинг..

ҲАЁТ ҚАРЗДИР —уни тўғри тўлай билинг..

ҲАЁТ ЎЙИНДИР —уни ҳалол ўйнашингиз ўта муҳим..

ҲАЁТ СОҒЛИҚДИР — уни асраб авайланг..

ҲАЁТ БОЙЛИКДИР —уни эхтиётланг..

ҲАЁТ МУҲАББАТДИР —уни қалбан севмоғингиз керак..

ҲАЁТ ЎТА СИРЛИДИР —уни ечимини изланг ва албатта топасиз..

ҲАЁТ КУРАШДИР —сабр билан курашинг..

ҲАЁТ ЧЎҚҚИДИР —уни забт этмоққа бел боғланг..

ҲАЁТ АЧЧИҚ ҚАЛАМПИРДИР — уни тотли қилиш ўз қўлларингизда..

ҲАЁТ САРГУЗАШТДИР — унда адашиб қолманг..

ҲАЁТ ТУШКУНЛИКДИР —ундан чиқа билинг..

ҲАЁТ БАХТДИР — уни қозонмоқ учун сизда куч етарли..

ҲАЁТДА ЯШАЙ БИЛИНГ!


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Яхши кўриш бошқаю, меҳр бериш бошқа экан.

    Меҳрнинг изҳорида гап кўп экан. Яратган бирон инсонга нисбатан юрагингизга туйғу жойласа, билингки, уни улашиш керак. Меҳр улашилганда кўпаядиган, яширилганда сўнадиган неъматдир.

    Отамисиз, фарзандингизга меҳр беринг, талтайиб кетади деманг, меҳр бузмайди болани, эътиборсизлик ва кибр бузади.

    Жуфтингизга меҳр беринг, талтаяди деманг, меҳрсизликдан қуриб ёки бошқалардан меҳр тиланиб юргандан кўра, жуфти ҳалолининг меҳридан қувониб яшнасин.

    Фарзандмисиз, ота-онангизга меҳрингизни изҳор қилинг, кўп-кўп изҳор қилинг, шундоғам биладилар деманг, билиш кўнгилга таскин бермайди, эшитиш кўриш таскин беради. Шундай қилингки, улар меҳрингизни доим эшитиб, кўриб, ҳис қилиб яшасинлар.

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

АММАЖОН, БУНЧА ЯХШИСИЗ!?

Ўз ота уйига соғинч ила ташриф буюрган барча опа-сингиллар, аммажонлар учун ушбу лавҳа соғинчли саломимиз бўлсин

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

#Қадрият

ОНА ҚАЛБИ

Бундан кўп йиллар аввал бир нарсадан қаттиқ изтиробга тушдим. Уч кеча кундуз деярли ухламадим.
Ҳеч ким билан гаплашмай қўйдим...
Шунда онам кўзимга узоқ термулиб ўтирди-да, бундай деди:
– Ўғлим! Сен учун менинг жони -жаҳоним оташ алангага айланиб ёниб кетганида бошқаларнинг этагини учи ҳам тутамайди! Нега мени бунчалик куйдирасан, болам?!

...Онамнинг ўша гапларини эсласам, ҳар гал томоғимга бир нима тиқилиб қолаверади...


ЎТКИР ҲОШИМОВ
"Дафтар ҳошиясидаги битиклар" китобидан.


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

#Она_қалби

Қорним тўқ, болам, ҳозирча борман,
Азиз фарзандим, меҳрингга зорман!

Бу онанинг айтгани, барча фарзандларга хулоса бўлсин. Ота-онани меҳрга, ширин сўзга зор қилманг.

Яқинларингизга ҳам ибрат учун юбориб қўйинг!


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

​​Инсоннинг қадри нима билан ўлчанади, биласанми?
Излаган, қидирган нарсаси билан!
Инсон нимани изласа, ана ўшанга лойиқдир.

Ҳазрати Мавлоно Жалолиддин Румий


🍃
– Дийдор нима?
– ОНАМ дедим.
– Дуо нима?
– ОТАМ дедим.
Улар ким? деб сўрасалар,
Бошимдаги тожим дедим.

– Номус нима?
– ЖУФТИМ дедим.
– Соғинч нима?
– БОЛАМ дедим.
Улар ким? деб сўрасалар,
ҲАЁТИМга маъно дедим.

– Севги нима?
– Ҳаёт дедим.
– Ҳаёт нима?
– СИНОВ дедим.
Аллоҳ берган синовларга,
Доимо мен ЛАББАЙ дедим!


•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA

Яқинларингиз холидан хабар олинг, улардан ўз вақтида мехр - эътиборингизни қизғонманг. Ота онангиз хаёт вақтида уларнинг дуоларини олиб қолинг, эртага кеч бўлиши мумкин...


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

​​#мулохаза

Бошланғич синфда ўқирдим. Бўйим бироз чўзилиб қолган бўлса керак, биринчи синфда кийган кийимларим тўғри келмай қолди. Бу ҳам етмаганидек, онам шимимнинг қаеригадир ямоқ солиб берса, икки кун ўтмай, бошқа жойидан ситилиб кетаверди. Қишда катта опамнинг қизил пальтосини кийгандим. Акамнинг эски оёқ кийими билан синфни зўрға тугатдим. Хуллас, ота-онам янги кийим олиб берадиган бўлишди. Бозорга отландик...
Бозор. Улуғлар айтганидек, қорни оч одам бозорга борса, тўяди. Емасаям тўяди. Жиллақурса, бозор кўриб юрган одамнинг кўзи тўқ бўлади. Отам билан кийим-кечак сотиладиган томонни қарийб ярим кун айландик. Ҳар бир харидор ёнидан узоқлашарканмиз, отам таассуф билан бош чайқарди. Кўзимга қарамасликка уринарди. Хуллас, менга “тўғри келадиган” кийим топилди. Қизиғи, отам олиб берган шим ва кўйлак, оёқ кийим ҳам анча катта келди. Отам “Икки-уч йил бемалол киясан”, деб қўйди. Ўзимда йўқ хурсанд бўлдим. Эрта-индин мактабга бориб, синфдошларимга мақтанишни дилимга тугиб қўйдим.
Кийим бозоридан чиқарканмиз, димоғимга “гуп” этиб таомларнинг ҳиди урилди. Айниқса, кабоб кўзимга оловдек кўринди.
– “Шашлик” олиб беринг,– отамнинг нигоҳини қўра томонга бурмоқчи бўлдим.
– ...
Қаранг, ота, менгаям олиб беринг, оч қолдим.
Бу сўзни ҳеч бир ота “кўтара олмайди” назаримда, жуда оғир гап қилгандим. Отамнинг бир қўлида менинг янги кийимларим, иккинчи қўли эса чўнтагида эди... Нималарнидир чамалади, шекилли, беихтиёр тамаддихона томон бурилди.
– Юр ўғлим, бир сени “шашлик”ка тўйдирай,– балки кенжа фарзанд бўлганим учундир отам бирор марта илтимосимни ерда қолдирмаган. Ошпаз амаки битта шапати нон ва икки дона сихда кабоб олиб келди. Ликопчада пиёз ҳам қўйди. Мен дастлаб ҳеч нарсага эътибор қилмай, олдимга қўйилган таомни шошилганча еб бошладим. Битта сихини тугатгач, бироз нафсим қонди, шекилли, отамга юзландим:
– Сиз емайсизми?
– Сен еявер, ўғлим, менинг қорним тўқ, – отам шапати нон билан пиёз чайнаб ўтирарди.
Кабобни охиригача тугатдим, отам эса аччиқ пиёзни нонга қўшиб едилар...
Йиллар ўтса-да, бу воқеани негадир эсимдан чиқара олмадим. Отам билан боғлиқ ўша вовеани юрагим эзилиб эслайман. Чунки у пайтларда отамнинг менга ҳар йили янги кийим олишга пули йўқ эди.
Бугун болаларимни истаганча кабобга  тўйдира оламан. Хоҳлаган кийимларини кийишади. Чўнтагимда пулим тугайди, деган хавотирим йўқ. Отам ҳам тирик. Яқинда ўша болалик изтиробларимни эслаб, отамга кабоб олиб бермоқчи бўлдим. Ўйламанг, бу билан менинг қарзим узилади, деган фикрдан мутлақо йироқман. Аммо инсонда шундай хислар бўладики, уларга изоҳ бериб бўлмайди. Шунчаки, юрак буни амр этади.
Замонавий ресторанда отам иккимиз ўтирдик. Дастурхонни уч-тўрт хил кабоб билан тўлдирдим. Энг ноёб таомларга буюртма бердим. Отам битта сихини қўлига олди-да, анча вақт тикилиб қолди. Бир чимдим еган бўлди.
Ўзимча ўйладим, отам ҳам ўша воқеани эслаётганмикан?
– Олинг, ота.
– Болам, буларингни ейишга тишим йўқ-да, ундан кўра аччиққина кўк чой айтсанг-чи...

Юрагим узилиб кетди. Отам ўшандаям аччиққина пиёз билан қорин тўйғазганди!


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Ассалому алейкум ва роҳматуллоҳи ва барокатуҳ.

Барчамизга яна бир тонг нашидасидан бахраманд бўлиш насиб этибди, Алҳамдулиллаҳ!

Ҳаёт такрорланмас.. умр қисқа... ҳар бир онимиз эса ғанимат...

Ҳар бир отаётган тонгларимизни, ўтказаётган кунларимизни шукроналик хисси ила табассум билан қарши олайлик..

Аллоҳ ушбу тонгда барчамизни муродимизни хосил, мушкулларимизни осон қилсин, қилган яхши ниятларимизни ижобат айлаб, ҳайру-барокатларини зиёдаси билан тухфа этсин..

Иймонимизни бут, сабримизни кенг, виждонимизни пок қилсин..  Яқинларимизни Ўз паноҳида соғ-омон асрасин...

Бугунги  якшанба  кунимиз   ҳушхабарларга бой бўлсин!

•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA

Тонгларга гўзал дуои саломлари ила файз бахш этган Азизларим,

   АССАЛОМУ  АЛАЙКУМ! 

Файзли тонг муборак бўлсин! Бугунги кунингиз хуш дийдор ва хуш хабарларга бой бўлсин.

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

АССАЛОМ...

Тундан нурафшон тонгга етганларга - Ассалом...
Умид, бахт, иқбол йўлин тутганларга - Ассалом...
Бисмиллоҳдан бошлаб кун, эрта сахар орзулаб,
Баракасин эшикда кутганларга - Ассалом...

Дуога қўл очганда ота деган давлатшоҳ,
"Омин" дея қўшилса она дили бўлиб чоғ,
Қайси фарзанд кўкармас, қайси ниҳол бўлмас боғ,
Яна бир кун ҳисобдан ютганларга - Ассалом...


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

.
ХАЙРЛИ КУН, АЗИЗЛАР !

Тонгни яхши ният ва шукроналик билан қарши олган Азизларим, ушбу куннинг файзу барокати Сизларга ҳамрох бўлсин!


•┈┈┈┈•❈••✾••❈•┈┈┈┈•
Биз билан бирга бўлинг! 👇
https://telegram.me/joinchat/EBkeNT8wOXpAsSelKCAtIA ⠀ ⠀

ҚЎШНИНИНГ КОСАСИ

(Ибратли ҳикоя)

– Қизалоғим, бориб бувингга қараш. Бугун эҳсон беришаётган экан. Мен ишдан қайтгач бораман. Ҳеч йўқ, ул-бул обкеб бериб турарсан.

Кичкина эдим. Онамнинг бу сўзларини эшитиб, бормайман, деб хархаша қила бошладим. Шунда онам мен рад этолмайдиган сабабни кўрсатди:

– Қизим, эҳсонда хизмат қилиш савоб. Борақол!

Бордим. Анча-мунча ярим-ёрти ишларга қарашдим. Хизмат қилаётган келинойиларнинг болаларига қараб турдим. Келганимдаёқ бувимга: «Савоб топиш учун келдим. Менга кўпгина иш буюринг», дегандим. Шунинг учун бўлса керак, хизмат қилишга шай турганлар кўплигига қарамай бувим имлаб чақириб қолдилар. Учиб бордим.

– Қизалоғим, каттароқ косага совуқ чойдан тўлдириб қуйиб кел. Анорхон бувинг кўп чанқайди.

Югургилаб кетдим. Идишлар орасидан энг катта косани танлаб чой қуйиб келдим. Бувим идишни олдилар-да, унга синчиклаб қарадилар:

– Бу қўшнининг косаси-ку. Жойига олиб боргин-да, бошқасига қўйиб кел.

– Чойни ичиб олсинлар, кейин...

– Бўлмайди, қизим, ҳозироқ обор. Мени қарздор қилиб қўйма!

Бувимнинг буйруқларини бажардим. Аммо уларнинг сўзларини тушунолмадим. Кўп идиш синдирганим учун шунақа қилдилар, деб бола кўнглим бир оз ранжиб ҳам олдим. Аммо меҳмонлар кетгач, бувим шубҳаларимни тарқатдилар ва галдаги унутилмас сабоқни дилимга жойладилар:

– Болажоним, бояги гапимдан ранжиган кўринасан? Сен олиб келган бояги косада кеча қўшни овқат чиқарган экан. Ундаги таомни ейишга ҳақимиз бор, аммо косани ишлатишга асло ҳақимиз йўқ. Чунки қўшни уни бизга ишлатиш учун бермаган. Агар ишлатсак, қўшни ҳақига хиёнат қилган бўламиз. Арзимасдек туюлган бу нарса бўйнимизга бировнинг ҳақи деган улкан қарзни илади. Бировнинг ҳақини бу дунёда ўтамасанг, қиёматда, тўлов учун савобдан бўлак ҳеч вақойинг бўлмаган, ҳар бир савоб ўзинг учун керак бўлган пайтда тўлайсан. Шунинг учун бу борада эҳтиёткор бўлиш керак. Қўшнига косасини олиб кириб, унга рухсатингизсиз чой қуйиб қўйдик, рози бўлинг, деб сўраб чиққин!..

Бугун ушбу воқеани яна ёдга оларканман, дилимда қўрқув пайдо бўлди. Эҳ-ҳеее, мен қанчадан-қанча идишларга эгаларининг рухсатисиз «чой қуйиб» қўйганман. Ёру биродарлар, қўни-қўшнилар, сизларнинг қанча «идишлар»ингиздан рухсатсиз «фойдаландим», қанча ҳақларни бўйнимга илдим. Уларнинг тўлови қиёмат кунида гарданимга тушмаслиги учун ҳаммангиздан розилик сўрайман.


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

БИЗ ҚАНЧА ЯШАСАК
ХАЛОЛ ЯШАЙЛИК...

•┈┈┈┈•❈••✾••❈•┈┈┈┈•
Яқинларга ҳам улашинг!👇
https://telegram.me/joinchat/EBkeNT8wOXpAsSelKCAtIA

Икки киши дунёси учун ҳаракат қилмай қўяверсин.

Бири ота-онасининг дуосини олган одам, иккинчиси уларнинг қарғишини олган одам. Ота-онасининг дуосини олган одам ғам емасин, Аллоҳ унинг дунёсини обод қилади, барака топади.

Иккинчиси, Ота-онасининг қарғишига қолган кимса ишлаб овора бўлмасин, барибир косаси оқармайди, топгани ўзига буюрмайди, барака топмайди.


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Ота-онаси тириклар бир
фикрлаб қўйишар:

«ОЛМАСАНГИЗ, ЙИРТИБ
ЮБОРАМАН!»

Менинг наздимда, солиҳ ўғил отасининг машинасидан яхшироқ машина минмайди ва онасининг телефонидан қимматроқ телефон тутмайди…
Ҳеч бўлмаса, ота-онасиники билан бир хил бўлсин.
Айримларга шу каби насиҳатларни қилсам, «Отам кўнмайдилар-да, онам қиммат телефон ишлатишни билмайдилар-да (ва ҳоказолар)», дея баҳона қилишади. Камина эса секингина ўша машҳур цитатани эслатиб қўяман: «Улар олмайдиган …… бўлса, сен беришни эплолмайдиган молсан!»
Қачонлардир эшитганим битта мисолча: Мен узоқдан таниган бир миллионер ўзбек йигити бева онасига ҳар ой 100$ бериб турар экан. (1998- йиллар 100$ яхшигина маблағ эди.) Бошланишида боласини аяйдиган ўзбек она пулни ҳечам олмаган. «Болам, мен пулни нимаям қилардим, еганим олдимда, емаганим орқамда, Сизлардан розиман.. Аллоҳ ҳам рози бўлсин. Мени ҳеч нарсага зориқтириб қўйганларинг йўқ», - дея пулни олмайди. Шунда ўғил: «Олмайсизми, онажон? Агар олмасангиз ҳозироқ йиртиб юбораман!» - дейди. Шунча катта маблағни йиртиб юборишига ишонмаган она: «Қўй болам, набираларимга менинг номимдан бирор нарса олиб берарсан, мени хижолат қилма», - дейди. Ўғил онанинг кўз ўнгида пулни шартта иккига бўлиб юборади. Шу-шу бўлади-ю, онахон ҳар ой 100$ни дарров оладиган бўладилар. Ўғил тушмагур гоҳ-гоҳида онага ҳазил қилиб қўярмиш: «Олмасангиз йиртиб юбораман!»

Дарвоқе, яқиндагина орқаворотдан суриштирдим, ўша пул йиртонғич ўғил айни кунларда жуда бойиб кетибди...

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

ИШОНМА

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Сиз "аёлим учун ишладим" дейсиз, аммо, аёлингиз сиз учун, сизнинг фарзандларингиз, ота-онангиз, ука-сингилларингиз учун уй ишларини қилишини, келишингизга таомингизни ҳозирлаб, кийимларингизни ювишини, нонуштангизни тайёрлаб, яна келгунингизгача йўлингизга интизор бўлиб кутишини, дуои жонингизни қилиб, яна сизнинг миннатларингизни эшитса-да, "миқ" этмай жилмайишини ҳам биласизми!?

Салим АЙЮБИЙ


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA