☝️Дуолар ижобати бериладиган вақтдан огоҳ бўлинг!

Зеро Расулуллоҳ соллаллоҳу алайҳи васаллам : «Жума куни ўн икки соатдир. Қайси мусулмон ўша соатлардан бирида Аллоҳдан бирор нарсани сўраган ҳолда топилса, Аллоҳ азза ва жалла унга ўша нарсани берур. Уни асрдан кейинги охирги соатдан изланглар», дедилар.
(Абу Довуд : 1048)

Ва яна айтдиларки, «Рўзадорнинг дуоси ҳам қайтарилмайди (ижобатсиз қолмайди)».
{ Имом Бухорий ривояти }

☝️Ғафлатда қолманг ва яқинларингизга ҳам эслатинг!

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

#Маслаҳат

Аллоҳ таолодан бирор нарса сўрасангиз, албатта, мукаммал қилиб сўранг! Номигагина, чала сўраманг! Фарзанд сўраяпсизми... солиҳ, соғлом, гўзал, фаросатли ва ҳаказо тўлдириб сўранг!

Уй сўраяпсизми... барокатли, яхшиликка бой, қўшнилари яхши ва ҳаказо тўлдириб сўранг!

Иш сўраяпсизми, пул сўраяпсизми, турмуш ўртоқ сўраяпсизми тўлдириб сўранг!

Уйланиш арафасида турган йигитлар... сизга итоат қиладиганини сўранг, қомат, чирой ўткинчидир.

Турмуш қурмоқчи бўлган қизлар... мукаммал сўранг, чиройли бўлсин, пули бўлсин билан иш битмайди. Пули бўлгани билан сизга бермаслиги мумкин, чиройи бўлгани билан аҳмоқ бўлиши мумкин. Жўмардини сўранг, номарддан Ўзи сақласин!

Қизларимга доим: "Виждони борини сўраларинг, Аллоҳдан қўрқадиганини сўраларинг, инсофи борини сўраларинг", деб чарчамадим. Кўпни кўрдим, виждонни биринчи ўринга қўйдим. Намоз, рўза бошқа ибодатлар инсонни ўзи учун экан, бошқаларга ундан наф йўқ. Виждон, инсоф бўлмаса ана бу катта муаммо...

Зулфия Махмуд


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Суюкли синглим!

Фарзанд дунёга келтиришинг сен учун хайрли амалларнинг энг афзали ҳисобланади.

Чеккан азобларинг гуноҳларингга каффоратдир. Туғиш асносида бошингдан ўтганлари шаҳид мартабасига тенг савоб олишингга сабаб бўлади.

Кечалари ширин уйқунгни бўлиб болангни эмизишинг садақа бериш кабидир.


•┈┈┈┈•❈••✾••❈•┈┈┈┈•
Опа-сингилларга узатинг
https://telegram.me/joinchat/EBkeNT8wOXpAsSelKCAtIA

КАМЗУЛ
(Ибратли хикоя)

🎙Асилзода Алимова
✍Мархабо Каримова

Telegram.me/ibratli
- Дунё сабоқлари...

Бир ривоятда айтилишича «Қиёмат бошланганда Исрофил алайҳиссаломнинг сури чалиниб барча бандалар унинг ортидан эргашар, ҳатто қабрда ётган ўликлар ҳам тирилиб аршга чиқиб борар экан. Аллоҳнинг буйруғи ила ердаги жами мавжуд бинолар йиқилиб, тупроққа қоришаркан. Неҳолки, фақат тандиргина йиқилмай турар экан. Шунда Аллоҳдан вахий келиб бунинг сабабини сўраса:
− Бекам узоқ йиллар менинг тафтимга бағри куйиб, эри ва болалари учун ризқ пиширди. Бекамнинг гуноҳларидан кечсанг йиқиламан, − дея жавоб берар экан тандир.

"Тандир" сўзининг маъноси ҳам аслида "таън" − "дир", яъни: бекасининг гуноҳлари учун таъндир, деган сўзидан олинган" дейилибди..

•┈┈┈┈•❈••✾••❈•┈┈┈┈•
Яқинларга улашинг!
https://telegram.me/joinchat/EBkeNT8wOXpAsSelKCAtIA

​​​​ОТА ОНАГА ЯХШИЛИК ёки ФАРЗАНДЛИК БУРЧЛАРИ.

1. Тану вужудингиз билан ота-она хизматида ҳозиру нозир туринг.

2. Гуноҳ бўлмайдиган ишга буюришса, буйруқларини шу заҳоти сўзсиз бажо келтиринг.

3. Ҳатто ҳажга ёки илм излаб кетаётган бўлсангиз ҳам уларнинг розилигисиз сафарга чиқманг.

4. Бирор ишни бажаришдан қайтаришса (агар бу қайтиш гуноҳ бўлмаса) дарров қайтинг.

5. Уларни кўрганда ўрнингиздан туринг ва ўлтирганларидан кейингина ўлтиринг.

6. Ота-она билан кўчада кетаётганда олдинга ўтиб кетмай бир қадам орқада юринг.(Фақат лой, музгарчиликда ёки қўриқлаш маъносида олдинда ёки ёнда юришга ижозат берилади).

7. Уларнинг номларини айтиб чақирманг, ҳазил-мазаҳ қилманг.

8. Улар ҳузурида қовоқ солманг, ҳўмрайиб қараманг.

9. Чақиришса «лаббай» деб ҳузурларига тез етиб боринг.

10. Улар хизматида бўлганда иш буюришса эринчоқлик билан малол кўрманг.

Қуръони каримдаги Аллоҳ таолонинг «раҳимдиллик юзасидан ота онангга камтарлик қанотингни қоқиб тур», мазмунидаги сўзини Ҳишомнинг отаси Урват ибн аз-Зубайр розияллоҳу анҳу: «ота-онанг нимани истаса, ўшани ижро қилишдан имтино қилма», деб тафсир қилган эдилар.

❗️Ҳикмат
Ота-онага яхшилик қилиш ҳаётингизни янада яхшилаш учун ажойиб қувватдир. Уларни рози қилсангиз, Аллоҳ ҳам сизга ажр - мукофотини зиёда қилади.

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Ассалому алайкум ва роҳматуллоҳи ва барокатуҳ.

Аллохим ҳадя этган ушбу тонг барчамизга муборак бўлсин!

Азизларим, дунё қалбингиз  гўзаллиги даражасича  гўзалдир. Шундай экан аввал қалбингизга эътиборли бўлинг....

Дунёга, ҳаётга тоза нигоҳ  билан боқинг. Нигоҳларнинг  илдизи эса қалбдадир, қалб  кир бўлса юз-кўзингизни  минг ювганингиз бекор...

Ушбу сўзларни ўқиётган ҳар  бир гўзал қалб эгасини бахт ва омад ҳеч қачон тарк этмасин!

Сиз-у бизни, фарзандларимиз, оиламиз ва яқинларимизни яратган эгам Ўзи паноҳида асрасин!

Кун давомида яхшилик ва яхшилар хамрохингиз бўлсин!

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

...Яна бир чиройли тонг отмоқда, Бахтиёрлар юрти Ўзбекистонда!

🎙Ферузабону


🥀 Тонг - бу дилимиздаги шукрона
Тонг - ўзимизни пахтагулли чойнак-пиёладаги хушбўй чой
Тонг - ўзбек тандиридан чиққан иссиққина ширмой нон.
Тонг- ўзаро гўзал одоб ва қадриятимиз...

...илоҳим, ҳаётимизда шундай файзли тонглар отаверсин, эзгу ниятларимиз амалга ошаверсин...

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

.
ЯХШИМИСИЗ.!?

Меҳр дилга ҳаловатми,
Эй юраги нақши одам!?
Тан-жонингиз саломатми,
Яхшимисиз, яхши одам!?

Аҳволимни сўрабсизми,
Қалбим нурга ўрабсизми,
Ўзингизчи, юрибсизми,
Яхшимисиз, яхши одам!?

Ҳар кўнгилда ҳидоят бор,
Ҳар дилда бир ҳикоят бор,
Соғликда не шикоят бор,
Яхшимисиз, яхши одам!?

Ёнингизда турай дейман,
Иқболингиз кўрай дейман,
Ҳолингизни сўрай дейман,
Яхшимисиз, яхши одам!?

Бухоро ё Кешданмисиз,
Фарғона ё Шошданмисиз,
Қошғарданми,  Ўшданмисиз,
Яхшимисиз, яхши одам!?

Қуруқ сўздан нима навфлар,
Тил ёлғончи, алдар лаблар,
Кўнглингизда нима гаплар,
Яхшимисиз, яхши одам!?

Дардларимни ёрайми ё,
Дилга умид солайми ё,
Келасизми, борайми ё,
Яхшимисиз, яхши одам!?

Келинг, дийдор тўлсин сиздан,
Дил ёруғлик кўрсин сиздан,
Аллоҳ рози бўлсин сиздан,
Яхшимисиз, яхши одам!?

Ўлмасбек Самарқандий


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

​​Овертон туйнуги.

Бугун жамият қадам-бақадам ахлоқсизликга, бузуқиликга кириб бормоқда. Бунда ижтимоий тармоқлар, баъзи катта-кичик китоблар, ҳикоячилар қисман сабаб бўлса, асосий ролни кино ижодчилари бошқариб бормоқда деб ўйлайман. Эътибор беринг-а, ишлаган филмлари деярли юз фоиз алданган келин, зўрланган қиз, адашган хотин, хиёнаткор эр ва ҳоказо ҳақида бўлади(шукрки, кино кўрмайман). Режиссёрлар, сценариячилар, актёрлар буюртмачилар барчаси "даромад манбаи" деб, бу ишни касб қилиб олди, аммо, бунинг орқасидан жамият, келажак авлод, ҳатто ўзларинг зурриёди қанчалик бузилиб кетаётганини ҳеч ким ўйламай, қайғурмай қўйди. Ҳозиргина "қайнотам опамнинг жазмани экан" деган ёзувга кўзим тушиб қолди ва шу юқоридагилар хаёлимдан яна такрор ўтди.
Аввал ҳам бизнинг миллат шундаймиди? Бузилган оилалар, ажрашган келинлар, юзсиз одамлар, бузуқтабиат аёллар кўпмиди?
Мумкин бўлмаган, ақлимиз қабул қилмайдиган ишни гўё танқид қилгандай, онгимизга қуйиб, фикримизни бузиб боради. Ва одамлар ҳаёлида йўқ, ақлининг бир четига келмаган ишларга қизиқиб кўради. Шундай ишлардан бири, уч-тўрт йиллар аввалги бўлган воқеа эсимга тушди. Бир оила иккинчи оилага совчи қўйган. Келин билан куёв учрашган. Учрашув вақтида, суҳбат асносида келин опаси борлигини, турмушдан ажраганини айтиб ўтган. Куёв нега ажрашганини сўраган. Келин "опам ухлаб ётганида қайнотаси... " деб, нималарнидир гапирган. Куёв бундай гапларни эшитмагани учун қотиб қолган. Кейин куёв "уйланмайман, мен бу қизга уйланмайман, оиласида ғалати ишлар бўлган экан" деб туриб олган...

Яқинда ота, она ва ўғилдан иборат бир оиланинг суҳбатига гувоҳ бўлиб қолдим. Ота ўғлининг олдида аёлига "Фалончими? У  ғирт ж..ку!" деса, ўғли "Э! У қилмаган иши қолмаган" деб, учаласи гаплашиб ўлтирибди. Ишонасизми, мен уларнинг гапларини ёзмадим, ёза олмадим. Қоғозларга ўраб ташладим. Бизнинг ёшлигимизда бундай гаплар, гаплашувлар бўлмасди. Юз чидамасди, очиқ айтилмасди. Ҳатто, ундай одамлар бўлмасди, онда-сонда бўлса ҳам, у ҳақида гапирилмасди...

Хуллас, тарбия бузилиб кетди. Ҳаё ҳолимиздан ҳаё қилиб, уялиб кетди. Киночилар ахлоқимизни киносини чиқариб кетди. Нима қилиш керак, билмадим. Уларга қарши кучимиз етмайди. Фақат "Эй Аллоҳ! Зурриёдимизни асра!" дея оламиз, холос...

Салим АЙЮБИЙ


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

Боламни келажагидан қўрқяпман, сиз-чи?


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

⚡️Болалар тугул катталар ўқишга уяладиган эртак китоблар

АОКА болалар адабиёти борасида масъулиятни унутиб қўйдими?

«Ўгай она Сунбул билан Гулни тарбия қилибди. Болалар катта бўлибди. Ўгай она Гулнинг ақлли, чиройли бўлганидан уни яхши кўриб қолган экан. Бир куни у Гулни ёнига чақириб, уни яхши кўриб қолганини айтибди».

📝 Мақолани тўлиқ ўқиш учун 👇 бу хаволани босинг https://ishonch.uz/archives/15269


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

ҚЎРҚАМАН...

Қўрқаман алхазар, ғанимнинг
Кўнглига ёққандан қўрқаман
Бир бурда нон учун тиз чўкиб
Мўлтираб боққандан қўрқаман

Қўрқаман ташвишга солувчи
Таънали пуллардан қўрқаман
Ўзининг айши-чун душманга
Ялтоқли қуллардан қўрқаман

Қўрқаман бемаҳал ўлимдан
Ноўрин кулишдан қўрқаман
Қилар иш қилингач "афсус"деб
Сочларни юлишдан қўрқаман

Яна мен қўрқаман меъдага
Теккувчи дийдордан қўрқаман
Шу кетиш бўлса мен сизларни
Йўқотиб қўйишдан қўрқаман...

Салим АЙЮБИЙ


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

Бир ҳаким зот набирасига:
- Бугун сенга ҳаёт ҳақиқатларидан бир ҳақиқатни сирини очаман, - деди.
Набира:
- Қулоғим сизда бобожон, - деди.
Ҳаким:
- Ҳар бир инсон ичида доимий жанг кечади. Бу худди икки бўрининг олишувига ўхшайди. Улардан бири - ёвузлик, ҳасад, ғайрлик, ёлғон ва худбинликнинг тимсолидир...
Набира бошини тебратиб:
- Бошқасичи? - деди.
Донишманд бобо:
- Бошқаси эса - эзгулик,  меҳр-муҳаббат, адолат ва ихлос тимсолидир.
Набира бу сўзлардан таъсирланди, тушуниш қийин бўлса ҳам англаб етди, бироз ўйланиб туриб, бобосидан сўради:
- Охир оқибат қайси бўри ғолиб келади???
Донишманд бобо ақилли набирасининг бошидан силаб, табассум ила:
- Сен қайси бўрини боқиб, озиқлантирсанг ана ўшаниси ҳамиша устун чиқади. Агар ёвуз бўрини боқсанг ёвузлик устун келади. Агар яхши бўрини парваришласанг, эзгулик ғолиб чиқади. Нимани эксанг, ўшани ўрасан.

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Ҳаёт, моҳир муаллим, гарчи гапира олмасада жуда яхши тушунтиради...
✔️
Ҳаёт, одил ҳакам, унда ҳеч ким ғирром ўйнай олмайди...
✔️
Ҳаёт, уста тарозибон, нимага лойиқ бўлсангиз фақат ўшани беради...
✔️
Ҳаёт, шундай хонандаки, одамларни хоҳлаган куйига ўйната олади...
✔️
Ҳаёт, оқил донишманд, сизга нима яхши, нима ёмонлигини эслатиб туради...
✔️
Ҳаёт, бахт ва бахтсизлик, орзу ва армон, муҳаббат ва нафрат, ҳурмат ва иллат, доно ва нодон оқибат ва ғафлат каби жуфтликлар йиғиндисидир...
✔️
Ҳаёт, баҳоларингиз жамланиб борадиган кундалик дафтардир...
✔️
Ҳаёт, кичкина ховли, ховлингизга хоҳласангиз гул экасиз... хоҳласангиз тиконзорга айлантирасиз.!


📖 Telegram.me/IBRATLI
- Ҳикоя ва хаётий воқеалар

Ассалому алейкум ва роҳматуллоҳи ва барокатуҳ.

Барчамизга яна бир тонг нашидасидан бахраманд бўлиш насиб этибди, Алҳамдулиллаҳ!

Ҳаёт такрорланмас.. умр қисқа... ҳар бир онимиз эса ғанимат...

Ҳар бир отаётган тонгларимизни, ўтказаётган кунларимизни шукроналик хисси ила табассум билан қарши олайлик..

Аллоҳ ушбу тонгда барчамизни муродимизни хосил, мушкулларимизни осон қилсин, қилган яхши ниятларимизни ижобат айлаб, ҳайру-барокатларини зиёдаси билан тухфа этсин..

Иймонимизни бут, сабримизни кенг, виждонимизни пок қилсин.. Яқинларимизни Ўз паноҳида соғ-омон асрасин...

Бугунги якшанба кунимиз ҳушхабарларга бой бўлсин!

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

АССАЛОМУ АЛАЙКУМ!

Бугунги кунингиз хуш дийдор ва хуш хабарларга бой бўлсин!
Сизга яхшиликлар соғинамиз...

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA