БЕГИМГА...

Мени жаннатларга етакланг бегим,
Бахтимдан лол қолсин ҳатто ҳурлар ҳам,
Икки дунё севинг, ўкситманг кўнглим,
Таҳсин айтсин токи фаришталар ҳам!

Мени жаннатларга етакланг бегим,
Намозим бўлмасин дунё деб қазо.
Ўргатинг Қуръонни, қабрим нурлансин
Токи жаҳҳаннамда олмайин жазо.

Менга жаннатларни англатинг бегим,
Неки бўлса бирга енгайлик доим.
Тик қотмасин ҳеч, эгилсин жисмим,
Саждада турайлик оҳиратда ҳам.

Мени жаҳаннамдан асранг султоним,
Токи қоврилмасин ўтда бу таним.
Доим Аллоҳ учун севинг бу қалбим,
Бизни Аллоҳ суйсин, шу мени бахтим.

Мени жаннатда ҳам алишманг асло
Ҳеч қандай ҳурлиқо гўзал ҳурларга,
Аслида мен ҳам алишмам сизни
Ўткинчи ҳислару зару-дурларга.

Бизга жаннатда ҳам толе ёр бўлсин,
Қолсин ортимиздан солиҳ фарзандлар.
Ўргатинг уларга намоз, Қуръонни,
Оҳират раҳмати ахир дилбандлар.

Мени жаннатларга етаклаб боринг,
Асло билмай ўтай айрилиқ ҳиссин,
Бегим, икки дунё мен билан қолинг,
Оҳиратда қалбим сиз билан тинсин.

Telegram.me/Ibratli
- Асл ибрат макони

Йиғлагин!

Бир кўнгилни ранжитдингми, йиғлагин! Агар узр сўрашни билмаётган экансан, сендан Дўст чиқмайди, сендан Ёр чиқмайди.

Ё агар сен ранжитган ёки вайрон қилган кўнгилни Аллоҳ азза ва жалла севадиган бўлсачи ёки Расулуллоҳ соллаллоҳу алайҳи васаллам севадиган бўлсаларчи, ҳаттоки еру осмондаги (махлуқот)лар севадиган бўлсаларчи?!
Қаердан ҳам билардинг, билмайсанда! Билганингда эди, бундай қилишингдан аввал юрагинг ёрилар эди...

Ҳазрати Мавлоно Жалолиддин Румий қуддиса сирруҳу.

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

#Ўйларим
Баъзан қуёшнинг чиқишини ёки ботишини томоша қилиб фикр қиламан... Ҳеч қачон чиқмасдан қолган ой ёки ботишни истамаган қуёшни ёки бағрини ерга босиб ётган тушкун чумолини, уйи бузилгани учун кимгадир шикоят қилаётган каптарни кўрмаганман.

Оддий майсаларга ҳам эътибор беринг. Устидан эзғилаб ўтиб кетсангиз ҳам, ўсишда, яшашда давом этаверади (сиз ундан узр сўрамасангиз ҳам).

Кўпқаватли уйларда яшаймиз. чордоқдаги каптарларнинг орасида бир оёғи йўқ каптар хам бор. Уям доим ризқини теришда бардавом, уни кимдир етаклаганини кўрмадим.

Асалари хам бир қошиққина асал тўплаш учун ҳеч қандай эвазсиз ишлайдиган Аллоҳнинг яратиғи, унинг асалини олаётганимизда, ёнимизга келиб: асалимга тегма, ахир бу менинг меҳнатимку, нега олдинг, деб биз билан уришмаган.

Биласизми, нега?!

Улар Аллоҳнинг буйруқларига мутлақ бўйсунувчилардир. Шунинг учун улар исён қилмайдилар, чунки улар бу дунёга нега келганликларини унутиб қўймаганлар!

Буларда бизлар учун ибрат бор...


📖 Telegram.me/IBRATLI
- Ҳикоя ва хаётий воқеалар

Мени соғинганни мен ҳам соғиндим...

Гоҳ нафрат этишди, гоҳида ҳасад,
Ҳаттоки айбимни билмай оғриндим.
Бировдан ранжишга тополмай фурсат,
Мени соғинганни мен ҳам соғиндим.

Тушга айтилган таъбирдан нолиб,
Қадарда битилган тақдирдан тониб,
Муз каби совидим...ўт каби ёниб,
Мени соғинганни мен ҳам соғиндим.

Сабримни синаган йилларга қасам,
Туташиб айрилган йўлларга қасам,
Юзимга термулса, тўйиб йиғласам,
Мени соғинганни мен ҳам соғиндим.

Ранжишган бўлсада битта сўзимдан,
Дуога қўл очсам, ўтиб кўзимдан,
Энди айб ахтариб фақат ўзимдан,
Мени соғинганни мен ҳам соғиндим.


ХАЙРЛИ ТУН, ҚАДРДОН
- дея тилак билдирамиз...

Яқин инсонингизни соғинган бўлсангиз... агар ҳаёт бўлсалар... «соғиндим қадрдоним» деб қўйинг...

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Ассалому алайкум ва роҳматуллоҳи ва барокатуҳ.

Хайрли тонг, қадрдон!
Янги хафтанинг илк куни барчамизга муборак булсин!

Бу кунда Аллоҳ дуоларимизга ижобат, фарзандларимизга салоҳият, ибодатларимизга гўзаллик, ризқимизга барака берсин! Ўзи қўллаб, ишларимизни осон ва унумли қилсин!

Беморларимизга шифо, адашганларимизга ҳидоят, қалбимизга поклик берсин!

Яхшилик ва яхшилар дойим ҳамроҳингиз бўлсин!

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

КУЗ СОНАТАСИ

🎼 Ф. Шопен

Мана бир неча кунки, ўлкамизда куз бошланди. Сахий кузнинг сокинлигини соғинганларга хотиржамлик ва хуш кайфият ҳамроҳ бўлсин.

ХАЙРЛИ КУН, АЗИЗЛАР!

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Яна қучоғингни полапонларга,
Тўлдириб олдингми она мактабим.
Очиб кенг бағрингни жонажонларга,
Қувончу шодликка тўлиб қучоғинг.

Чехрангда кўринар олам табассум,
Шодлигинг чексиз, қувончинг дунё,
Бугун келажагинг топсин бир унум,
Сенга ишонгайдир аждодлар рўё.

Барча устозларинг йиғиб масканга,
Довюрак қўрғонсан келажак ёшга,
Ўн бир йил таълиминг бериб ҳар танга,
Қўясан уларни кўтариб бошга.

Ҳар бир ҳонангда ҳар бир руҳият,
Жонсарак бўлади бир бири учун,
Юқори кўтариб чин салоҳият,
Интилар ҳар йилнинг равнақи учун.

Чиройингга чирой қўшибсан мактаб,
Яна махлиё мен бўлдим  ўзингга,
Олға қадам ташла, юрайин мақтаб,
Ёмон кўз тегмасин ҳар бир кўзинга

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

​​Билмаганим бисёр, билганим шу-ки,
Амаллар бошланур дилда ниятдан.
Елкада тургандек дунёнинг юки,
Менга сўз бошлайсиз маданиятдан.

Қалбнинг ҳоли хароб, юзларда пардоз,
Сўнгги русумларда жонингиз ҳалак.
Нетай, эгнимдаги беш йиллик либос,
Сизга қолоқликдан берсалар дарак.

Оналар оёғин ўпмоқ уятми?
Уятми баданни беркитиб, ёпмоқ?
Бу ўша сиз айтган маданиятми,
Номаҳрам аёлнинг қўлидан ўпмоқ?

Зарҳалга ўралмиш чириган дунё,
Дўзах бор иблиснинг васиқасида.
Моне ижодидан топмадим маъно,
Топмадим Шопеннинг мусиқасида.

Либослар кийдириб ҳатто итга ҳам,
Мискинга юзларин буриштирганлар
Одам-ла муштлашар "маданий" одам,
Ёввойими хўроз уриштирганлар?

Қирқ ёшда тиззамга илашди чарчоқ
Жонни дунё учун югуртирмадим.
Чап қўлимда санчқи, ўнг қўлда пичоқ,
Китоблардан таом буюртирмадим.

Ҳар кимса безагай ўз дунёсини
Сизда нима дард-у,  менда нима дард?
Мен билган ҳадиснинг бир маъносини,
Юз йил ўқитса ҳам беролмас "Гарвард".

Эй нафси ортидан югурган инсон,
Сиз билган пойгада орқада қолдим.
Мен Буюк Роббимга келтирдим иймон,
Энг Буюк Инсонга эргаша олдим.

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

📝 ТАНА ВА ҚАЛБ ЖАНГИ!

Тана ва қалб ўзаро кураш эълон қилишибти. Қалб келишув таклиф қилса ҳам онгли танадан розилик бўлмабди.

Хуллас жанги бошланибти.
Қалб сулҳ тузиш мақсадида узоқ муддат сабр қилибти.

Ўзидан кетган, инсон қиёфасидан айрилиш арафасига келган онгли тана, инсонни ўз хирси йўлида чегарадан чиқаришга эришибди. Инсонлар ибодат қилиб эмас, бошқа ҳаром йўллар билан қувончга эга бўла бошлашибти.

Ягона қодир Эгамни эсга олмай қўйган инсонлар, Аллохга эмас мансаби бор инсонларга эгила бошлашганини кўрган қалб бардош беролмай қолибти.

Шунда АЛЛОХ бутун инсониятга ўзини ЯГОНА эканлигини эслатиб қўйиш мақсадида бир офат юборибти. Бу офатни инсонлар бартараф қила олмайдиган даражада тез тарқатиб, инсонларни тўғри ва ягона йўлга йўналтирмокчи бўлибди.

Тавба қилиб, Аллоҳга илтижо қилганлар Аллоҳнинг паноҳида, ўз ақли ва нафси измидагилар эса Аллоҳнинг сўроғига маҳкум этила бошлабди.

Бу хол барчамиз Аллоҳга ибодат қилишдан қувонч топадиган бўлганимизга қадар давом этар экан...

📖 @IBRATLI - Дунё сабоқлари...

#Психология

Ақл-бу бош. Қалб-бу юрак.

Бош зўр ишлагани билан юраксиз хеч нарсага айланади...

Лекин ақл ишламаса ҳам юрак уриб турса яшай олади инсон...

Азизлар, адаштирманг, қўрқув ваҳима, нафс ақлнинг ишидан...

Юракда эса ишонч, умид бўлади, чунки қалбда Aллоҳ номи бор...


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

📖 ЭЗГУЛИК НУРИ

Кунлардан бир кун Қуёш Парвардигорга арз қилибди:
–Бўлди, ортиқ ер юзига нур сочмайман, қийналиб кетдим !- дебди.
–Гапир, нимадан қийналдинг?
–Ер юзида ёмон одамлар кўпайиб кетган, бемеҳрлар, беҳаёлар, бевафолар, ёлғончи очкўзларнинг қилмишларидан бўғриқиб, янаям қизариб кетаяпман, сабрим тугади, - дебди.
–Наҳот-ки биттаям яхши одам қолмаган бўлса?
–Йўқ, яхши одамлар ҳам бор лекин улар ҳам кундан кунга камайиб кетаяптида,- дебди Қуёш.
Унга шундай буйруқ бўлибди :
–Дунёда биргина яхши инсон қолганда ҳам, сен шу Инсон учун тонгдан тунгача нур сочишинг керак...


Ҳаёт йўлингизни эзгулик нурлари ёритсин, қадрдон...

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Биз атрофимиздаги инсонларга ўхшаб бораверамиз

Бир дўстим бор, доим ҳаётдан нолийди. Замонни қоралайди. Одамлардан фақат негатив томонларни қидиради. Яхшиликларини тан ололмайди. Шу дўстим билан кўпроқ бирга бўлсам ўзимда ҳам ношукурлик кўпайиб бораётганини билдим ва алоқаларни камайтирдим. Ва ўзимда анча енгиллик сездим.

Ёнингиздаги инсон билан мулоқот чоғида унинг фикрлаш доирасига кирасиз ва ўзингиз сезмаган холда унга мослаша бошлайсиз.
Шунинг учун атрофингиздаги инсонларни тўғри танланг. Барибир ташқи муҳит сизга таъсир этмай қолмайди.

Ш.Наврўзова

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Комилликнинг белгиси мукаммаллик эмас.

Самимийлик, ростгўйлик, оддийлик, қарам бўлмаган фикр - мана шулар сизни комилликка етаклайди.

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Замон тезлашмоқда, айрим янги одобларга ҳам эҳтиёж пайдо бўляпти:

* Кимдандир пластик карта орқали қарз олсангиз, қайтаришда хизмат ҳақини ҳам қўшиб ўтказинг;

* Бошқаларнинг қанча ойлик олишини сўраманг. "Ишда левийлар борми?" дея иржайманг;

* Кимгадир телефон қилганингизда иккинчи линиядан тушсангиз битта чақириқдан кейин алоқани узинг. У одамга Сиз қидирганингизни англаш учун шу кифоя. Узлуксиз чақириқларингиз билан суҳбатини хира қилманг;

* Телеграмдан (ёки бошқа ижтимоий тармоқдан) ёзилган саволга ёзма жавоб беринг, дарҳол телефон қилманг;

* Кимгадир қўнғироқ қилсангиз ва у томон жавоб бермаса, бир секунддан кейин ҳам жавоб бермайди. Қайта-қайта қўнғироқ қилаверманг. Умуман, жавоб бериш у томоннинг ҳуқуқи, зинҳор мажбурияти деб қараманг;

* Жума намози якунланганда дарҳол туриб одамлар орасида жайнамозингизни қоқманг;

* Кимдир бирорта суратни кўрсатиш учун телефонини берса, фақат ўша суратни кўриш билан чекланинг. Бармоғингиз билан кейингиларига ўтиб кетманг. Ҳаққингиз йўқ бунга;

* Ҳаддингиз сиғмаган одамга, яна жамоат орасида иккинчи хотин, оила масалаларида қочирим қилманг;

* Чорраҳаларда тўхтаб турилганда ёнингиздаги машинадагиларга олайиб қараманг. Ҳеч ким ҳақингизни еб кетмаяпти. Умуман айтганда буткул қарамасангиз янада яхши. Чунки улов ҳам бировнинг мулки, унинг ичи кимнингдир хонадони мақомида;

* Кимдир телефонида нимадир қидираётган бўлса тикилиб турманг, бошқаларнинг телефон экранига рухсатсиз ва ўта заруратсиз қараманг;

* Умумий овқатланиш масканида атрофингизда аёллар ва болалар бўлса, сўзларингизни ҳам, овозингизни ҳам, кулгингизни ҳам назорат қилинг;


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

МАНСАБДОР ЯҚИНИНГИЗ
БЎЛСА...

🎙Абдукарим Мирзаев



•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

ҲАСАД ҚИЛМАНГ...

Ҳасад Аллоҳга қилинган биринчи гуноҳдир. Иблис Одам алайҳиссаломга ҳасад қилди. Ҳасад унинг қалбини еб битирди. Шу нарса уни Аллоҳга итоат қилмасликка ундади. У Аллоҳнинг раҳматидан абадий қувилди.

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

#Умр_манзаралари

Катта йўл бўйида дарахт ўсарди... Иттифоқо унинг ёнига бир йўловчи етиб келди. Кун иссиқ, йўловчи чарчаган эди. Дарахт соясида ўтириб дам олди...
Йўловчи очиққан эди. Қараса, дарахтда мевалар пишиб ётибди. У дарахтга чиқишга эринди: тош отди. Мевалар дув тўкилди. Йўловчи тўйгунича еди...
Манзил олис эди. Йўловчи дарахт шохини синдириб, ўзига хасса ясаб олди...
Кейин... тана заҳари танг қилиб қолди. Йўловчи дарахт панасига ўтди...
Сўнг... йўлига кетди...

Дарахт бошқа йўловчини кута бошлади...

Бу йўлнинг номи – Умр, дарахтнинг номи эса – Яхшилик эди...

Ўткир Ҳошимов


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

ДАРАХТ

Дарахт менга яшашни ўргат,
Дарахт ўргат менга саботни.
Ўз домига тортганда ғурбат,
Дариғ тутма мендан нажотни.

То бу далли, девона юрак
Баҳор кутиб маҳзун кулолсин
Қуриса ҳам майлига, сендек:
Ҳароратли гулхан ёқолсин...

Байрам Али

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA