#Тафаккур

ЧЎҚҚИ САРИ ЙЎЛ

Жим турганимиз доим ҳам рози эканимизни англатмайди.

Сабр қилишимиз доим ҳам заифлигимизни англатмайди.

Табассумимиз доим ҳам қабул қилганимизни англатмайди.

Бир нарсани қидирганимиз доим ҳам ўша нарсага муҳтожлигимизни англатмайди.

Бирор масала муҳокамаси пайтида йўқлигимиз доим ҳам ўша масалага эътибор бермаётганимизни англатмайди.

Эҳтиёт бўлишимиз доим ҳам қўрқишимизни англатмайди.

Савол беришимиз доим ҳам билмаслигимизни англатмайди.

Хато қилишимиз доим ҳам аҳмоқлигимизни англатмайди.

Кечиришимиз доим ҳам ожизлигимизни англатмайди.

Буларнинг барчаси биз ўтадиган кўприк бўлиб, ўша кўприк орқали чўққига етиб борамиз.


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

Ҳамма нарсанинг ўнгланишига ишониб дуо қил.
Ҳаммасини изга солишингга ишониб ҳаракат қил!
Ва бир куни ҳамма қайғулар тугашига ишониб сабр қил.

Эсингда бўлсин, бу уч тавсия ҳар доим хайрли оқибатга бошлайди!..

Жалолиддин Румий

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

ОҚИЛ ПОДШОҲ СИЁСАТИ

Бир киши Абдулмалик ибн Марвон (умавий халифа, тобеинлардан) раҳимаҳуллоҳга бир куни:
- Сизга бир нарсани холи айтмоқчи эдим, - деди. Абулмалик атрофидагиларга қараб:
- Истасангиз.. (бизни холи қолдиришингиз мумкин), - деди. Улар туриб кетгач, ҳалиги киши энди гап бошлайман дер экан, халифа уни:
- Тўхта, - деб тўхтатди ва унга деди: - Мени мақтай кўрма, чунки ўзимни сендан кўра яхши танийман. Ёлғон гапира кўрма, чунки ёлғончининг бурди бўлмас. Ғийбат қила кўрма.
Буни эшитган ҳалиги одам:
- Унда менга (кетишга) рухсат берсангиз, - деди...!
- Майли, истасанг, - деди халифа... !!

Абул Аббос Мубаррид, "Ал Комил филлуға" китоби, 1/65.

=====

Қаранг, азизлар, халифа ўзининг оқилона муомаласи билан келган одамни лаганбардорликдан, ёлғончиликдан, ғийбату иғво қилишдан қутқарди. Боз устига, мазкур кишига ҳам, атрофидаги аъёнларга ҳам ўзининг олий ахлоқли эканини кўрсатди...

Тарозилар, ахлоқлар ўзгариб кетган ҳозирги фосид замонамизда бу каби гуноҳларнинг олдини олишдек намуналарга нақадар эхтиёжлимиз...

Оллоҳ таоло барчамизни ислоҳ қилсин.

Шайх Сайфуллоҳ Носир ҳафизаҳуллоҳ


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

“Хайрлиси“ номли бир йўл бор...
Боши қайғули каби кўринса ҳам, охири ҳамиша ҳузурлидир...

Роббим Сизга ҳар йўлнинг хайрлисини насиб этсин...

Хайрли тун, қадрдон!
Яхши дам олинг!

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

Ассалому алайкум ва роҳматуллоҳи ва барокатуҳ!

Барчамизга яна бир тонгдан бахраманд бўлиш насиб этибди,

Алҳамдулиллаҳ!

Ҳаёт такрорланмас.. умр қисқа.. ҳар бир онимиз эса ғанимат..
Зеро шундай экан, доимо бир-биримизга меҳрли, эътиборли бўлайлик..

Ҳар бир отаётган тонгларимизни, ўтказаётган кунларимизни шукроналик хисси ила табассум билан қарши олайлик..

Аллоҳ барчамизнинг муродимизни хосил, мушкулларимизни осон қилсин, қилган яхши ниятларимизни ижобат айлаб, ҳайру - барокатларини зиёдаси билан тухфа этсин..

Ота-онамиз, фарзандларимиз, оиламиз ва яқинларимизни Ўз паноҳида асрасин..!!

Бугунги шанба кунингиз қувончли ва файзли ўтсин!

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

АЛЛОХ БИЗНИ АСРАСИН...

Тонгги гўзал дуо ва ниятларингиз ижобати дунё ва охиротингизни гўзалликларга тўлдирсин!

•┈┈┈┈•❈••✾••❈•┈┈┈┈•
Яқинларингизга улашинг
https://telegram.me/joinchat/EBkeNT8wOXpAsSelKCAtIA

Бағдодий роҳимаҳуллоҳдан сўрашди:
- Мурувват нима?
У зот жавоб берди:
- Мурувват бу биродарларингнинг хатоларига сабр қилишингдир!


📖 Telegram.me/IBRATLI
- Дунё сабоқлари...

УМАРНИНГ АДОЛАТИ

Кунларнинг бирида Ибн Абу Урва роҳимаҳуллоҳ хотинидан сўради:
— Аллоҳни ўртага қўйиб сўрайман, мени яхши кўрмайсанми?..
Солиҳа аёл сукут сақлади. Саволи жавобсиз қолган эр қатъийроқ оҳангда қайта сўради:
— Ҳей, Аллоҳни ўртага қўйиб сўраяпман, а? Мени яхши кўрмайсанми?!..
— Ҳа, яхши кўрмайман! - деди аёл...
Эр нима дейишни, нима қилишни билмай бор гапни Ҳазрати Умар розияллоҳу анҳуга айтиб берди.
— Эрига қарата «Сизни яхши кўрмайман!» деган аёл сенмисан?! - деди Халифа бироз аччиқланиб.
— Ҳа, шундай дедим. Буюк Аллоҳни ўрта қўйиб сўрагандан кейин ҳам ёлғон гапирайми!? - деди ростгўй аёл.
— ҲА, ЁЛҒОН ГАПИР!
Агар сизлардан бирингиз бировни ёқтирмаса, бу ҳақда унга сўзламасин! Ҳамма оила ҳам севги-муҳаббат устига қурилавермайди. Лекин аксар инсонлар исломий меҳр-оқибат, одамгарчилик ва хайри эҳсон ила бирга яшайдилар...


Хароитийнинг "Масавиъ" китоблари, 178-бет

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

ЁЛҒОНЛАР ҲАҚИДА...

🎙Абдукарим Мирзаев


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

ЭНГ ҚИММАТ НАРСА

Бозорбоши давра қурган сотувчиларни бир-бир йўқлама қилди-да, сўнг ҳар кунлик ҳисоботга ўтди:
-Қани ким қанча сотди, битта биттадан айтинглар.
Давра бир қизиб олди. Шодлик ва ғурур кайфияти оловланган юзлар бозорбошига юзланди.
- Бугун икки қоп Нафрат сотдим,-деди бақалоқ эркак.
- Мен бир ярим қоп Ғийбат, - деди ёши ўтинқираган аёл.
- Бир қоп Ҳасад пулладим,- дея жавоб берди яна бир йигит.
- Ҳақоратлар нинг бозори чаққон бўлди бугун. Бирданига уч қопини сотиб юбордим,- ғурурла деди кекса чол.
- Мен ҳам яхши ишладим. Икки қоп Ёлғон ва бир ярим қоп Шубҳа сотдим,- деди бир жувон.
Бозорбоши ҳамма фурушчиларнинг қайдларини эскириб кетган қалин дафтарига белгилаб чиққач, бир чеккада ғамга ботиб ўтирган ёшгина сотувчи болага қаради.
- Хўш, сен нега индамайсан, бугун ҳам сотолмадингми? Гапир!
- Бир пайса ҳам сота олмадим. Харидорларнинг пули етмаяпти. Меҳр жуда ҳам қиммат экан дейишяпти?!

Умид Али


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

АЖИБ БОЗОР

✍Малика Салимова
🎙Ахмади Эверест


Telegram.me/IBRATLI
- Асл ибрат макони...

Сен мухтож бўлдинг... У сенга 20 берди, мен эса 10 бердим. Табиийки, сен уни мендан кўра яхшироқ деб билдинг. Чунки у кўпроқ берди-да. Лекин билмайсанки, унда 200 бор эди, мени эса борим фақат шу 10 эди...

Яхшилик миқдор билан ўлчанмайди, яхшилар.... Сизга борини тутган дўстни қадрлай билинг!..

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

#тавсия
Кимнингдир амалини қоралашдан аввал, уни оқлаш учун йигирмата сабаб изланг.

Йигирмата сабаб топа олмасангиз, ўн тўққизта..., ўн саккизта..., шу тариқа битта сабаб топа олгунча қоралашдан тийилинг.

Ишонинг, сиз биргина оқловчи сабаб топишингиз билан, қолган ўн тўққизтасини кўра бошлайсиз.


📖 Telegram.me/IBRATLI
- Дунё сабоқлари...

​​Устоз ва шогирд ўртасидаги қисқа суҳбат

Шогирд устозидан сўради:

– Устоз, аёл киши эри билан ажрашгандан кейин жанжал қилиб, ҳамманинг асабини бузиш ўрнига, "Мана яшаб кўрдик, бўлмади, бир-биримизга тушунолмадик, энди бир-биримизни қийнамайлик, сиз ҳам бахтли бўлинг, мен ҳам бахтли бўлай" демас
эканда а?

Устози жавоб берди:

– Момо Ҳавво ҳам ундай демаганлар!


📖 Telegram.me/IBRATLI
- Хикоя ва хаётий воқеалар

ФАҚАТГИНА ИЧКАРИДАН ОЧИЛАДИГАН ЭШИК

Намойишга қўйилган суратларни кўздан кечиркан, бир сурат эътиборини тортди, санъатшунос мутахассиснинг.
Рассомни чақириб сўради:

“Тўғриси жуда гўзал асар, лекин маъносини тушунолмадим. Анави киши таққиллатаётган эшик ҳеч очилмайдими? Эшикка тутқич чизишни унутгансиз“.

Рассом жилмайиб, шундай жавоб берди:
“У оддий бир эшикни таққилатмаяпти чунки.
Бу эшик, инсон қалбини тасвирлайди. Фақатгина ичкаридан очилиши мумкин бўлгани учун, ташқи тарафига тутқич шарт эмас.
У эшик сизга ичкаридан очилмаса киролмайсиз“.


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Ҳар бир киши кетаётиб бир бўлагингни олиб кетади.
Биров дардингдан фойдаланади биров меҳрингдан.
Кимдир чорасизлигингни фурсат билади, яна кимдир ишончингни.
Кемтилганинг, ранжиганинг билан бировнинг иши йўқ.
Биров орқангдан пичоқ уради, биров қалбингдан.

Муҳими, ҳар қандай ҳолатда ва ҳар қандай инсон билан муносабатда ўзлигинг ва инсонлигингни унутма.

Чунки, дунё даласида ҳар биримиз экканимизни ўрамиз, қадрдон...


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Дунё ишларига боқма ҳеч ҳайрон,
Жимгина назар сол кўҳна бу корга
Қоронғу тунингда ёлғиз қолган он,
Дилингни оч фақат Парвардигорга

ХАЙРЛИ ТУН !
Аллохнинг панохида бўлинг !

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Ассалому алейкум ва роҳматуллоҳи ва барокатуҳ

Файзли тонг муборак бўлсин, қадрдон!

Бугун якшанба, кўпчилик хафтанинг бу кунини интиқ кутади. Ота-она, яқинлар йўқланадиган, соғинч изхорила кўнгил олинадиган кун бу кун...

Оила МУҚАДДАС ва у АЛЛОҲ томонидан берилган улуғ неьматдир. Аллоҳ бизларни ушбу неъматини қадрлаш ва эъзозлаш идрокидан бенасиб қилмасин.

Барчангизга ушбу дам олиш куни оилангиз даврасида серфайз ва сермазмун ўтишини тилаймиз.

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

"МАРҲАБО" (Merhaba) сўзнинг маъносини биласизми? Унинг жуда қизиқ ва хуш маъноси бор. "Марҳабо" aсли форсча сўз бўлиб,
"Мендан сенга зарар етмайди" деган маънони билдирар экан.
Буни билганимдан кейин қаршимдаги кишига "МАРҲАБО" дейиш мен учун яна-да мароқли.

Ушбу номани ўқиётганларга

МАРҲАБО!..
Биздан Сизга зарар етмагай...

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA