• Камтар бўлинг —  ҳурмат қозонасиз;
• Меҳнаткаш бўлинг — насибаланасиз;
• Нозиктаъб бўлинг — эсланасиз;
• Саховатли бўлинг — ризқланасиз;
• Қизиқувчан бўлинг — ўрганасиз;
• Ишончли бўлинг — қадрланасиз;
• Кечиримли бўлинг — хотиржам бўласиз;
• Аслингиз каби бўлинг — бахтли бўласиз.

Ҳар қандай ҳолатимизга ҳам Алҳамдулиллаҳ!


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

#Тафаккур
​​Инсон туғилишдан тортиб, то ўлгунича бўлган ҳар лаҳзада..
Эрта тонгдан, то тўшагига кириб ухлагунича.. синов ортидан синовга дучор бўлади. Хаёт ҳар лаҳза инсонга бир муносабатни таклиф қилади ва шу бир неча бадаллар ичидан танлашни талаб этади. Инсоннинг ҳар бир танлови ўзи билмаган ҳолда, унинг руҳий хусусияти, даражаси ва обрўсини кашф қилади.

Доктор Мустафо Маҳмуд


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

#тавсия
Кимнингдир амалини қоралашдан аввал, уни оқлаш учун йигирмата сабаб изланг.

Йигирмата сабаб топа олмасангиз, ўн тўққизта..., ўн саккизта..., шу тариқа битта сабаб топа олгунча ҳам қоралашдан тийилинг.

Ишонинг, сиз биргина оқловчи сабаб топишингиз билан, қолган ўн тўққизтасини кўра бошлайсиз.


📖 Telegram.me/IBRATLI
- Дунё сабоқлари...

🍃🕊 Тўрт нарса сизни
тўрт неъматга етказади :

1. Сабр - орзуларингизга.
2. Ғайрат - омадга.
3. Ибодат - тақвога.
4. Қаноат - муҳтожлик кўрмасликка.

Аз - Замахшарий.


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

СЕНТЯБР, ХАЙР… 🍂

Бугун умримизнинг яна бир ойи ортда қолмоқда…

Қувончлари — шукр,
синовлари — сабр,
кетган кунлари — биз учун ибрат улашган ой...

У бизга қувончли кунлар, унутилмас хотиралар ва бир дунё сабоқлар қолдириб кетмоқда.

Эртага ОКТЯБРЬ янги саҳифа очади...

Аллоҳ янги ойни барчамиз учун хайрли, баракали ва хотиржамликка тўла қилсин. 🤲

Сентябр, хайр.
Янги ой, хайрли кел!


•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA

Атрофингиздагилардан фақат нолиш ва танқид эшитяпсизми?

Унда яхшилаб ўзингизни ички хис-туйғуларингизга эътибор беринг.
Сизни ўзизнгизни ичингизда ҳам аслида норозилик ва нолиш бор.

Сизни ичингизда қайсидир хис-туйғу бўлса, атрофингиздаги инсонлар бу хис - туйғуйингизни кучайтириб кўрсатиб берадилар.

Сиз тўғридан - тўғри нолимайсиз ёки кимнидир ташқарида танқид қилмаслигингиз мумкин. Лекин ичингизда, қалбингизда ўзингизга ва ҳаётга нисбатан норозилик бор. Шу сабаб хамоҳанг хиссиётларни ўзингизга жалб қилаётган бўласиз.

Бундай вақтларда сизга ёрдам бериши мумкин бўлган энг яхши хислат - атрофдагилардан миннатдор бўлиш.
Атрофдагилардан миннатдор бўлсангиз, хаёт шуни акс этади яъни хаётингиз гўзаллашади.

•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA ⠀ ⠀

Ассалому алайкум ва роҳматуллоҳи ва барокатуҳ!

Куз фаслининг октябр ойини ҳам кутиб олдик Алҳамдулиллаҳ!

Октябр ойи барчамизга қут-баракали ой бўлсин!

Ҳар бир отаётган тонгларимизни, ўтказаётган кунларимизни шукроналик хисси билан кутиб олиб, розилик билан кузатайлик.

Бизларга кузнинг гўзал кунларини хадя қилган Аллоҳга хамдларимиз бўлсин! Яна кўплаб шундай кунларни, қатормиздан кам бўлмай, соғ-омон кўриб юриш барчамизга насиб қилсин!


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

💥1 октябрь – Ўқитувчи
ва мураббийлар куни! 💐

АЗИЗ УСТОЗ ВА МУРАББИЙЛАР!

Сизларни бугунги байрам билан муборакбод этамиз!

Ватанимизнинг миллионлаб болаларининг қалбига илм-фан зиёсини сингдириб, уларни эл-юртга муносиб инсонлар қилиб тарбиялаётган, заҳматли ва олийжаноб касб соҳиблари - азиз устоз ва мураббийларга миннатдорчилик билдирамиз.

Сиҳат-саломатлик, оилавий хотиржамлик, тинчлик ва фаровон ҳаёт ҳамиша ҳамроҳингиз бўлсин!


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

Беқиёс меҳнатингиз учун ташаккур, азиз устозлар!

         БАЙРАМИНГИЗ
     МУБОРАК  БЎЛСИН!

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

1- Октябрь Ўқитувчи ва мураббийлар куни! 💐

Ушбу кун муносабати
билан юртимиздаги барча устоз ва
мураббийларни чин
дилдан самимий
муборакбод этамиз!

Aзиз УСТОЗЛАР!
Илм йўлидаги  шижоатингиз, тоғдек сабрингиз, билим уммонидаги сабоқларингиз учун рахмат!

Сизларга сиҳат-саломатлик,
оилавий хотиржамлик,
тинчлик ва фаровон ҳаёт
ҳамиша ҳамроҳ бўлсин!

Касб байрамингиз муборак бўлсин азиз УСТОЗЛАРИМ!


🕊БАЙРАМИНГИЗ
МУБОРАК БЎЛСИН!🎈


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

#Савол
– АГАР  УСТОЗ  БЎЛМАСА

Устозлар ҳақидаги бу савол барчани довдиратиб, ўйлантириб қўйганди...

Сизчи? Сиз бу саволга нима деб жавоб берардингиз?


Азиз устозлар, ватанимиз, фарзандларимиз келажаги учун доимо бор бўлинг! 💐


•┈┈┈┈•❈••✾••❈•┈┈┈┈•
Яқинларингизга юборинг
https://telegram.me/joinchat/EBkeNT8wOXpAsSelKCAtIA

Сиз-ла олам мунаввар, Азиз устоз ва мураббийлар!

         БАЙРАМИНГИЗ 
     МУБОРАК  БЎЛСИН!


•┈┈┈┈•❈••✾••❈•┈┈┈┈•
Яқинларингизга улашинг!👇
https://telegram.me/joinchat/EBkeNT8wOXpAsSelKCAtIA

​​.      УСТОЗГА  ЭҲТИРОМ 
хайкали  ҳақида биласизми?

Қорақалпоғистон Республикаси Элликқалъа тумани марказида  “Устозга эҳтиром” ҳайкали бор. Ҳар йили 1 октябр – Ўқитувчи ва мураббийлар куни муносабати билан кенг омма ушбу ёдгорликка ташриф буюриб, пойига гуллар қўяди. Муаллима ҳурматига ўрнатилган ушбу эсдалик бутун Ўзбекистонда ягона бўлиб, унинг яратилиш тарихи бор.

2001 йилда “Бўстон”да марҳум хонанда Отажон Худойшукуровнинг ижодига бағишланган катта тадбир ўтказилади. Унга Абдулла Орипов, Эркин Воҳидов, Омон Матчон, Усмон Азим, Муҳаммад Юсуф, Матназар Абдулҳаким, Ошиқ Эркин каби ижодкорлар ташриф буюради. Шоирлар кетма-кет гўзал шеърлари билан йиғилганларни хушнуд қиларди.

Шеър ўқиш навбати хоразмлик шоир Матназар Абдулҳакимга етиб келади. Шоир минбарга чиқиб бироз ўйланиб туради-да, биринчи ўқитувчимга бағишланган шеъримни айтиб бермоқчиман, дейди.

У “Дарсдан сўнг” номли шеърини ўқиган пайтида залда йиғламаган киши қолмайди. Шеър таъсиридан ҳамманинг юраклари ларзага келган эди.

Шеърнинг қисқача мазмуни қуйдагича:

Воқеа олис қишлоқларнинг бирида юз берган. Битта муаллима узоқ қир ошиб, мактабга қатнаб, болаларга дарс ўтар эди. Бир куни у ўқувчиларга иншо ёздиради. Бутун синфдан 7 нафар ўқувчи иншо ёзмай қолади. Муаллима эртага албатта ёзиб келинг, бугун сизлараман, деб койийди. Қолган ўқувчиларнинг дафтарларини йиғиб олиб уйига қайтмоқчи бўлади. Қараса, кун кеч бўлиб қолибди. Ҳар куни келиб олиб кетадиган турмуш ўртоғи эса бугун келмаган. Ҳамкасблари “бугунча бизникида қолинг, кун кеч бўлиб кетди” деб қистаса ҳам у йўлга чиқади. Йўлда кетаётиб турли ўйлар келади: нимага эри келмади экан-а? Кўнгли совудими экан, деб ваҳимага тушади. Ёки ўғлим хасталаниб қолдимикан? Ундан баттар юрагини ваҳима босади.

Нима бўлса ҳам уйга тезроқ етай деб, ўнқирми, чўнқирми, ўрми, қирми, қарамасдан шошилиб кетар эди. Бир пайт ортидан бир қора шарпа эргашиб келаётгандай туюлади. Не кўз билан кўрсин-ки, изига оч қашқир тушган экан. Эсига қашқирнинг оловдан қўрқиши келади ва қўлтиқлаб келаётган дафтарларни ёқа бошлайди. Дафтарни ёққанда қашқир ҳам тўхтайди. Ўзи ҳам юрагини босиб олади.

Овулга етай деб қолганда муаллимда дафтар тугайди, қашқирда эса тоқат…

Агар шу куни 7 нафар ўқитувчи иншони ёзиб топширганда эди, муаллим омон қолармиди?

Эртасига муаллимнинг жанозасида бутун халқ йиғлайди, ҳаммадан баттар етти нафар ўқувчи, жумладан улардан бири шеърдаги қаҳрамон ҳам ўксиб йиғлайди.

Тадбирда ўқилган ушбу шеърдан ўша пайтдаги туман ҳокими Неъматулла Худайбергенов ҳам жуда таъсирланади ва устозга ҳайкал ўрнатиш ғоясини айтди.

Шундай қилиб “Устозга эҳтиром” ҳайкали 2003 йил бунёд этилди


Telegram.me/ibratli -
Асл ибрат макони...

ДАРСДАН СЎНГ


✍Матназар Абдулхаким
🎙Ботиржон Эргашев

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Ўқитувчининг бири икки бўлмаслиги мумкин, аммо у бирни ўн қилишга ўргатади.

🍁 Косаси оқармаслиги мумкин, аммо у косаларни оқартиришни ўргатади.

🍁 Машинаси бўлмаслиги мумкин, аммо машина минишга ўргатади.

🍁 Ўрта ҳол яшаши мумкиндир, аммо бой бўлишга ўргатади.

🍁 Шам бўлиб йўлингизни ёритади, аммо ўзи ёниб тугайди.

🍁 Совун бўлиб доғларингизни ювади, ўзи эса доғларингиз билан бирга эриб кетади…


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

УСТОЗИНГИЗНИ ЙЎҚЛАНГ

Аҳли шогирд, байрамда бир бор,
Улуғ зотни меҳрига тўйинг,
Вақт ажратиб ташвишлардан бир,
Йўқлаб қўйинг устозингизни!

Ранжиманг дил куйган бўлса ҳам,
Қош - қовоғин уйган бўлса ҳам,
«Икки» баҳо қўйган бўлса ҳам,
Йўқлаб қўйинг устозингизни!

Хаёлидан ўтаётгандир,
Дардин ичга ютаётгандир,
Ташрифингиз кутаётгандир,
Йўқлаб қўйинг устозингизни!

Унутилсин ташвиш, гинаси,
Нурга тўлсин кўнгил, хонаси,
Йилда бир бор келар санаси,
Йўқлаб қўйинг устозингизни!

Бир кун сизга дуч бўлмасидан,
Умидлари пуч бўлмасидан,
Эрта, кейин кеч бўлмасидан,
Йўқлаб қўйинг устозингизни!

Тоза виждон, ёруғ юз билан,
Ва меҳрга тўла кўз билан,
Ҳеч бўлмаса, ширин сўз билан,
Йўқлаб қўйинг устозингизни!

Ҳамдам Аллаёр.


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

​​УСТОЗ АСАЛАРИ КАБИДИР

Талабалар:
— Устоз, сизнинг дарсингизни яхши англаймиз, бутун вужудимиз билан тинглаймиз, кейинги дарсингизни интиқ бўлиб кутамиз. Лекин китобнинг ўзидан ўқиб ўргансак дарсингиздаги каби лаззатни ҳис қилмаймиз, нега шундай? – дейишди.
Устоз:
–Асалари асални нимадан олади? - деб сўради.
— Гулларнинг ширасидан - деди талабалар.
–Гулларни еб кўрганмисиз, таъми қандай?
— Уларнинг таъми аччиқ, - деди талабалар.
Устоз шунда:
–Илм бериш ҳам шундай.
Устоз кўп манбалардан илм йиғиб, уларнинг ширасини талабаларининг олдига тайёр асал каби тақдим қилади, - деди.

📚Устозларни эъзозланг!

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

УСТОЗГА ЭҲТИРОМ

​​Ривоят қилишларича, кунлардан бирида султон Ҳусайн Бойқаро овга чиқишни ихтиёр этди. Унга ҳазрат Алишер Навоий ҳамроҳ бўлди. Овдан қайтар эканлар, бир қишлоқдан ўтдилар. Кўча четида турган олти-етти ёшлардаги болакай салом берди.

Султон Ҳусайн қўлини кўксига қўйиб, алик олдию ўтиб кетаверди. Алишер Навоий эса болани кўриб, отини тўхтатди. Пастга тушиб, бола билан қўшқўллаб кўришди. Кейин тағин отига миниб, йўлда давом этди.

Навоийнинг бу иши шаҳаншоҳни ҳайрон қолдирди.

- Мавлоно, - деди у Навоийга юзланиб, - Cиз салтанатнинг вазири бўлсангиз, бунинг устига,жаҳонга таниқли шоир бўлсангиз, наинки гўдак бир болага шунчалар эҳтиром кўрсатурсиз?

- Олампаноҳ, -деди Навоий жилмайиб. - Гап шундаки, бир вақтлар шу боланинг отаси маним саводимни чиқазган эрди. Мен устозимнинг етти пушти олдида қарздормен...


🌹Азиз устозлар, Сизлар берган таълимни Навоий ҳазратдек қадрлайдиган маънавиятли инсонлар ҳаёт йўлингизда кўплаб учрасин!


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

«МУАЛЛИМ
ВА КАЪБАТУЛЛОҲ»

...Бир кун илм берганга
Бордир ҳажнинг савоби...


✍ Ўлмасбек Самарқандий.
🎤 Мурод Ражабов.


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA