​​ҚАНДАЙ ЯШАШИМИЗ КЕРАК...

Нима бўлган тақдирда ҳам, ота-онангиз, учун яшанг! Ўзингиз учун, фарзандларингиз учун яшанг. Бахт келиб кетгувчидир. Қачондир яна келади. Умид билан яшайверинг...

Худо суйган бандаларига дард бериб, синовларда синайди. Бугун сиз учун ёпилган эшиклар, эртага, албатта, очилади.

Сиздан кетганларни ҳеч қачон қарғаманг. Аксинча, дуолар қилинг. Кўзингиздан оққан кўз ёшга айланиб, кафтингизга тўкилишсин. Сизни бир умр яхши хотиралар билан эслаб юрсинлар. Нафратингиз олов бўлса, меҳрингиз дарё бўлсин. Бу ҳаётда кулиб туриб, йиғлашни ўрганинг.

Йиқилсангиз, жонингиз оғриса, ё Аллоҳ деб туришга ҳаракат қилинг. Майли, жонингиз оғрисин, юрагингиз тилка-пора бўлсин, лекин тишингизни тишингизга босиб сабр қилинг. Оғриқларга дош беринг. Ожиз нуқтангизни Аллоҳдан бўлак бандаси кўрмасин.

Ҳалол бўлинг, ҳаромдан ҳазар қилинг. Мард бўлинг...

Сабаби ҳаёт кучлиларни севади.Ожизларни эмас!

Камрронбек Исмоилов


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Ҳаётингизда икки тоифа одамлар мавжуд. Уларни бир-бирларидан ажрата билинг...
- Бир тоифадагилари, бекорчи вақтини сизга сарф қиладилар...
- Бошқа тоифадагилари эса сиз учун қимматли вақтини ажратадилар.
- "Вақтим бўлмади"... "Вақтим йўқ эди"... "Иложини қилолмадим"... каби сўзларга асло ишонманг...
У инсонни вақти эмас, аслида ҳоҳиши бўлмаган.
- Ҳоҳиш бўлса вақт ҳам, имконият ҳам топилади...


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

​​ПУЛ  ёки  ОҚИБАТ

Умрингизни нимага сарфлаяпсиз?

Бир хасис бой бутун умрини фақат бойлик тўплашга сарфлаб яшаган экан. У бир кун ўтириб тўплаган бойлигини ҳисоблай бошлабди, қараса ҳамма бойлиги 300 минг тилло динор бўлибди. Энди ўтириб режа туза бошлабди. Бундан буёғига молу-давлат йиғмайман, балки, тўплаган бойлигимни мазза қилиб еб-ичиб, ўйнаб куламан, дебди. Шу пайт қаршисида Ўлим фариштаси пайдо бўлибди.
— Кимсан?
— Ўлим фариштасиман.
— Нега келдинг?
— Жонингни олгани!
— Йўқ, йўқ, мен ҳали ҳаётга тўймадим, шунча вақтим фақат меҳнатга кетди, энди роҳатини кўрадиганимда жонимни оласанми?
— Кунинг битди, мен кечиктира олмайман, мен буйруқни бажараман.

Бой масала жиддийлигини тушунгач, хийлага ўтди:
— Уч кунгина вақт бер, пулларимни тақсимлаб, уч кунгина яхши яшаб олай. Сенга эллик минг динор бераман.
— Йўқ, менга бойлик умуман керак эмас, мен жон оламан холос.
— Икки кун муҳлат бер, ярим бойлигимни бераман, — Ўлим фариштаси яна ўша жавобни берди. — Ҳамма бойлигимни ол, бир кунгина вақт бергин, — деб ялинди.
— Йўқ! — деди фаришта қатъий.
— Унда икки оғиз сўз ёзишга вақт бергин, — деди. Бунисига фаришта рози бўлди. Баданини тилиб, қон ила деворга қуйидагиларни ёзди: "Эй бойлик кетидан югуриб, умрини зоеъ қилган банда! Умрингни, вақтингни қадрига ет, мен шуни англаб етдимки, хар қанча бойлигинг бўлмасин, унга вақтни сотиб олиб бўлмас экан, 300 минг динорга бир кунгина вақт сотиб ололмадим, бебахо вақтингни қадрсиз бойлик тўплашга сарфлама"!

P.S.: Пулнинг ортидан қувиб, оқибатни ҳам унутиб юборганлар ўзлари учун хулоса қилишсин!

•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA

Ассалому алейкум ва роҳматуллоҳи ва барокатуҳ.

Барчамизга яна бир тонг нашидасидан бахраманд бўлиш насиб этибди, Алҳамдулиллаҳ!

Ҳаёт такрорланмас.. умр қисқа... ҳар бир онимиз эса ғанимат...

Ҳар бир отаётган тонгларимизни, ўтказаётган кунларимизни шукроналик хисси ила табассум билан қарши олайлик..

Аллоҳ барчамизнинг муродимизни хосил, мушкулларимизни осон қилсин, қилган яхши ниятларимизни ижобат айлаб, ҳайру-барокатларини зиёдаси билан тухфа этсин..

Иймонимизни бут, сабримизни кенг, виждонимизни пок қилсин.. Яқинларимизни Ўзи паноҳида соғ-омон асрасин...

Бугунги  якшанба  кунимиз   ҳушхабарларга бой бўлсин!

•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA

Тонгларга гўзал дуои саломлари ила файз бахш этган яхшиларим,

   АССАЛОМУ  АЛАЙКУМ! 

Файзли тонг муборак бўлсин! Бугунги кунингиз  хуш дийдор  ва хуш хабарларга бой бўлсин.


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Тонгни бизла кутганларга
      Ассалому алейкум!

Бу тонг ичганингиз меҳрли иссиқ чой, еганингиз муҳаббатли ширинлик, олган ҳадянгиз ҳуш кайфият, ҳис қилганингиз фақат ва фақат бахт бўлсин!!!

Қувонч ва мухаббатга бой кун тилаймиз сизга, Азизлар!


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

ЎЗИМИЗДАН ОРТМАЙ ҚОЛЯПМИЗ...

🎙Осиё Мухтарова


•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA

​​Қиз фарзандингиз бўлса, асло мушук боқманг! Сабабини билсангиз, шокка тушишингиз аниқ⁉️

10 йил деганда Аллоҳ менга қиз фарзанд насиб этди. Уни роса эркалатдим, айтганини олиб бериб катта қилдим. Қизим 4 ёшга тўлганда, унга мушукча совға қилдим.

Бир куни отамни зиёрат қилиш учун 70 ёшдан ошган қадрдон шифокори келди. Қизим мушук билан ўйнаб ўтирганини кўриб, мушукни олиб кўчага чиқариб юборди. Ҳаёлимдан ўтди: “Бу нима қилганингиз?” — деб сўрадим.

Шифокор қаттиқ жахл билан шундай деди:

— Қиз бола бор уйда мушук бўлса, у бола келажакда она бўлишда жиддий хавф остида қолиши мумкин! Сабаби — мушуклар умрида энг ками бир марта  токсоплазмоз деган касаллик билан касалланади.

Токсоплазмоз — нима у?

Бу — Toxoplasma gondii деб номланган паразит туфайли келиб чиқадиган юқумли касаллик. У инсонга асосан мушуклар орқали юқади. Мушуклар ушбу паразитнинг асосий ташувчисидир. Уларнинг найча чиқиндиси (ҳожатидан) орқали токсоплазмалар атрофга тарқалади. Бола ёки катта инсон мушук билан ўйнаганда, ҳожат қолдиқлари бўлган жойларга тегиниб қўйса, бу паразит оғиз орқали организмга киради.

Нега у қиз болалар учун хавфли?

Токсоплазмоз кўпинча белгилари сезилмасдан ўтади, аммо у ёш қиз боланинг организмида “ўзини яширинча сақлаши” мумкин. Агар қиз ўсмирликка етганда ёки турмушга чиққанидан сўнг ҳомиладор бўлса, токсоплазма ҳомилани зарарлаб, носоғлом туғруқ, тушиш ёки чақалоқда жисмоний-ақлий нуқсонларга олиб келиши мумкин.

Шунинг учун шифокорлар кўпинча қизни ҳомиладор бўлишидан олдин текширишни тавсия қилади. Агар у токсоплазмоз билан юққан бўлса, у ҳомилага жуда катта хавф солиши мумкин. Ҳозирги кунда бола тушиб қолиши ҳавфини ортиб кетишига асосий сабаблардан бири мушук боқиш бўлиб келмоқда.

Мушук болалар учун хавфли бўлиши мумкин —бошқа сабабларини ҳам кўриб чиқамиз👇

1. Аллергия ва астма
• Мушуклар тери парчалари (эпителий), туклари ва сўлаклари орқали аллерген моддалар тарқатади.
• Болаларда бу моддалар астма, қичишиш, кўз ёшланиши, кўкракда “қийиллаш” каби аломатларга сабаб бўлади.

2. Тирналиш ва тишлаш
• Болалар мушук билан ўйнаб унга озор бериб қўйишлари мумкин.
• Қўрққан ёки безовта бўлган мушук тирнаши ёки тишлаши мумкин. Бу жараҳат инфекцияланиши эҳтимоли катта.
• Мушук тирнаши орқали юқадиган “Cat scratch disease” (Бартонелла) инфекцияси бор, бу лимфа безларининг шишишига олиб келади.

3. Гельминтлар (қуртлар)
• Мушуклар баъзи ичак паразитлари (аскаридалар, тасмали қуртлар) ни ташувчи бўлади.
• Болалар мушукнинг туклари, қўли билан оғзига тегизганда бу паразитлар организмга ўтиши мумкин.

4. Гигиенага боғлиқ муаммолар
• Болалар гигиенага тўлиқ риоя қила олмаслиги мумкин.
• Мушук ҳожатини тоза қилмаслик, қўлини ювмаслик, тукларига юзини ишқаш каби ҳолатлар инфекция юқишига сабаб бўлади.

Маълумотларимиз фойдали бўлган бўлса яқинларингизга юбориб қўйишни унутманг

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

​​САБОҚ

Биласизми, бир аёл менга яхши бир сабоқ берганди.
У аёл менга шундай деганди:

– Тасаввур қил, сенинг юрагинг оғрияпти, лекин
❕эмизикли боланг йиғлаяпти,
❕катта қизинг кўйлагини дазмоллаб беришингни сўраяпти,
❕эринг эса галстугини бойлашга ёрдам сўради.

Сен нима қилардинг?

Мен ёш бола хақида гапиришни бошлашим билан у мени тўхтатди:

- Юрак учун дори ич ва ёт, қизингдан кичик укасини овутишни сўра, эрингдан эса қизингни кўйлагини дазмол қилишини ва галстукни ўзи амаллашини сўра.

❗️ Ёдингда тут! Биринчи навбатда ўзингни авайла. Сенинг соғлиғинг болаларинг ва оиланг учун керак. Чунки болаларингни хеч ким сендек яхши кўрмайди. Улар учун энг аввало ўзингни асрашинг керак!

Барно Жўрабоева

•┈┈┈┈•❈••✾••❈•┈┈┈┈•
Якинларингизга узатинг
https://telegram.me/joinchat/EBkeNT8wOXpAsSelKCAtIA

Эй қизим...‌‌

Қизим, сен уйдан кетмаяпсан — сен янги уй қуришга кетяпсан.
Бу уйнинг деворлари — сабр, шифтлари — меҳр, эшиклари — дуодир.

Эринг сени боғбонинг бўлади — сен унинг гули бўл.
Гули боғбонга суянади, боғбон гулини асрайди.

Ризққа қараб ҳаётингни баҳолама, баракага қараб шукр қил.

Камга сабр қилсанг — кўпга етасан, кўпка ҳавас қилсанг — камдан қоласан.

Оилангни сўз билан емирма, муҳаббат билан мустаҳкамла.
Юмшоқ сўзлар темир эшикни ҳам очади.

Эрингнинг шаънига ҳурмат билан боқ, у сенинг қалбингда эрк, сен унинг қалбида суянч бўл.

Сўзингда ҳаё, нигоҳингда поклик, амалингда тақво бўлсин.
Чунки хотиннинг зийнати кийимда эмас — қалбида.

Дуони асраб қўйма, ҳар куни Аллоҳдан шундай сўра:
«Ё Раббим, уйимизни муҳаббатинг билан тўлдир, ризқимизни барака қил, қалбларимизни бир-бирига боғла».


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

​​Ҳеч бир аёл кучли бўлишни истамайди, балки ҳаёт синовлари уни шунга мажбур қилади. Ҳатто энг кучли кўринган аёл ҳам, аслида кучли бир эркакнинг ортидаги заифа бўлишни истаган ожизадир...У эркак хоҳ отаси, хоҳ ака-укаси, хоҳ завжи ва хоҳ ўғли бўлсин фарқи йўқ, муҳими улар уни ҳимоя қила оладиган ҳақиқий эркаклар бўлсалар ва у аёл уларга суяна олса бўлди!

Аёллар! Кучли бўлишга ва ҳамма нарсани "ўзим эплайман" дейишга одатланманглар! Шундай қилаверсангиз атрофингизда ҳақиқий эркаклар қолмайди. "Бу бизсиз ҳам ҳамма нарсани ўзи уддасидан чиқади" деб сизларга аҳамият бермай қўйишади ва хатто баъзилари ўз масъулиятларини ҳам сизга юклаб қўйишади. Атрофингиздаги маҳрамларингизга ҳақиқий эркак бўлишларига имкон беринг!

Айниқса ўғил ўстираётган оналар! Агар ўғилларингиз доимо сизга, опа-синглисига, аёлига, қизига ғамҳўрлик қилишларини истасангиз, уларни ёшлигидан "эркак барча маҳрам аёлларига масъул" эканини, Аллоҳ аёл зотини эркакдан кўра нозикроқ ва нафисроқ яратганини, агар уни эътиборсиз ташлаб қўйилса у "кучли бўламан" деб асл фитрати ўзгариб кетиши мумкинлигини, ҳақиқий эркак эса бунга йўл қўймаслиги кераклигини уқтириб боринг!

Эркаклар ўзларини эркакдек ҳис қилишлари учун, биз аёллар доим заифа эканимизни унутмасак бас!
"Ҳар бир буюк эркак ортида буюк аёл бор" дейдилар. Аслида аёлнинг буюклиги - унинг ожизалигидадир!

Малоҳат Анвар


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

ЎЗ ЎРНИНГИЗНИ БИЛИНГ

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

ОҚИБАТНИ ЕМИРИЛИШИ

Авваллари яқинларимизни кўргани борардик, силаи раҳм деб. Дийдордан бахтли эдик.

Кейин осонгина қўнғироқ қилмоқни одат қилдик. Овозларидан уларнинг саломат ва тинчлигини билиш учун.

СМС  бизга ёрдамга келди, сўзлар ҳам қисқа "яхшимисиз?"  Гарчи бемор бўлсада, улар ҳам жавоб ёздилар -"Алҳамдулиллaҳ"

Ҳозир эса ижтимоий тармоқдан унумли фойдаланиб, уларга жўнатган ГИФларимиз  - ёнғоқни шалдирашига ўхшайди.

Меҳр оқибат ҳақидаги чиройли статусни бошқаларга "поделится" қиламиз, гўё унга амал қилаётгандек..

ОҚИБАТ эса бир четда хомуш...

Муҳаммад Иброҳимов


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Мени соғинганни мен ҳам соғиндим...

Гоҳ нафрат этишди, гоҳида ҳасад,
Ҳаттоки айбимни билмай оғриндим.
Бировдан ранжишга тополмай фурсат,
Мени соғинганни мен ҳам соғиндим.

Тушга айтилган таъбирдан нолиб,
Қадарда битилган тақдирдан тониб,
Муз каби совидим...ўт каби ёниб,
Мени соғинганни мен ҳам соғиндим.

Сабримни синаган йилларга қасам,
Туташиб айрилган йўлларга қасам,
Юзимга термулса, тўйиб йиғласам,
Мени соғинганни мен ҳам соғиндим.

Ранжишган бўлсада битта сўзимдан,
Дуога қўл очсам, ўтиб кўзимдан,
Энди айб ахтариб фақат ўзимдан,
Мени соғинганни мен ҳам соғиндим.


КЕЧ ХАЙРЛИ БЎЛСИН,
- дея тилак билдирамиз...

Яқин инсонингизни соғинган бўлсангиз... агар ҳаёт бўлсалар... «соғиндим сизни» деб қўйинг...


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Гўзал дуои саломлари ила тонгларга файз бахш этган Азизларим

 АССАЛОМУ  АЛАЙКУМ! 

Душанба тонги муборак бўлсин. Хафта давомида Сизларга омад ва ҳуш кайфият ҳамроҳ бўлсин!


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Меҳр дилга ҳаловатми,
Эй юраги нақши одам!?
Тан-жонингиз саломатми,
Яхшимисиз, яхши одам!?

Аҳволимни сўрабсизми,
Қалбим нурга ўрабсизми,
Ўзингизчи, юрибсизми,
Яхшимисиз, яхши одам!?

Ҳар кўнгилда ҳидоят бор,
Ҳар дилда бир ҳикоят бор,
Соғликда не шикоят бор,
Яхшимисиз, яхши одам!?

Ёнингизда турай дейман,
Иқболингиз кўрай дейман,
Ҳолингизни сўрай дейман,
Яхшимисиз, яхши одам!?

Бухоро ё Кешданмисиз,
Фарғона ё Шошданмисиз,
Қошғарданми,  Ўшданмисиз,
Яхшимисиз, яхши одам!?

Қуруқ сўздан нима навфлар,
Тил ёлғончи, алдар лаблар,
Кўнглингизда нима гаплар,
Яхшимисиз, яхши одам!?

Дардларимни ёрайми ё,
Дилга умид солайми ё,
Келасизми, борайми ё,
Яхшимисиз, яхши одам!?

Келинг дийдор тўйсин сиздан
Дил ёруғлик кўрсин сиздан,
Аллоҳ рози бўлсин сиздан,
Яхшимисиз, яхши одам!?

Ўлмасбек Самарқандий


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

#Дейдилар_ки

Кимлардир:
- "Гулнинг тикони бор экан",
деб ғам чекадилар..,

Сиз эса:
- "Тиконнинг гули бор экан",
дея шукр қилинг...


Аслида ҳаммаси сизнинг дунёга қандай кўз билан боқишингиз ва қандай фикрлашингизга боғлиқ!

Кунни бизла қарши олган қалби гўзал - Сиз яхшиларга

🌹КУН ХАЙРЛИ БЎЛСИН!


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

#Психофакт
ОДАТ КУЧИ

Америкалик психолог Рик Хэнсон дейдики: 
Онгимиз -мевазор боғ кабидир, унинг тупроқларида эса ҳар қандай уруғ унаверади.

Шундай экан, хаёлингизга фақат яхши фикрларни киритинг.

Агар ёмон ӯй-хаёллар миянгизга киришига рухсат берсангиз, худди чирмовуқ каби бутун боғни чирмаб олиши мумкин.

Тавсия: ҳар куни ҳаётингизда содир бўлган учта яхши ишни ёзиб қўйишни одат қилинг!
Агар шу ишни дойимий одат қилсангиз, хаётингизда фақат яхши нарсаларга эътибор бера бошлайсиз. Бу эса бахтга олиб борувчи энг қисқа йўлдир.


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Биз хаммамиз ўйлаётган ўй фикрларимиз ва сўзлаётган сўзларимиздан ташкил топганмиз. Шундай экан фойдаланаётган сўзларингизга эътиборли бўлинг.

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

❗️БИЛИБ ОЛИНГ...

Ҳаётда уч нарсани эҳтиёт қилиб ишлатинг:
- Қадамни;
- Қаламни;
- Қасамни.

Уч нарсани пок тутинг:
- Танани;
- Кийимни;
- Хаёлни.

Уч нарсани ишга солинг:
- Ақлни;
- Ҳимматни;
- Сабрни.

Уч нарсадан парҳез қилинг:
- Гуноҳдан;
- Афсусдан;
- Фарёддан.

Уч нарсани булғаманг:
- Қалбни;
- Тилни;
- Кўзни.


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA