Ассаламу алайкум ва роҳматуллоҳи ва барокатуҳ

Омонмисиз,  қадрдоним
Муродбахш чоршанба  тонгги муборак бўлсин!

Қалбингиз Аллоҳнинг уйи!
Кўксингиз меҳрнинг чашмаси!
Кўзингиз гўзаллик шайдоси!
Қўлларингиз ҳайрнинг аскари!
Оёқларингиз яхшиликнинг чопари!

Турган-битганингиз Мусаввир зотнинг "санъат асари!"

Илм сизга тутилди, дунё сизга яралди; тунлар оромингиз учун, кунлар касби корингиз учун бино бўлди, Аллоҳ шундай яратибдими, демак ҳеч бири бежиз эмас!

Қалбингизни эгасига очинг...
Меҳр бисотингизни сочинг...
Кўзларингиз гўзаллик нурига,
Қўлларингиз дуонинг зўрига,
Оёқларингиз Покнинг ҳузурига
Сизни еткизмагунича толмасин!

Сизни йўқлаб келган бу тонг ҳайрли ишларга дебоча бўлсин!

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA ⠀ ⠀

Тонгларга гўзал дуои саломлари ила файз баҳш этган Азизларим,

  АССАЛОМУ  АЛАЙКУМ!

Муродбахш чоршанба тонги муборак бўлсин. Кунингиз файзу барокатга тўлсин! Аллоҳ барчани муродига етказсин!

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

🌺Сизларга дунёдаги энг гўзал тилакларни тилагим келди:


Тилайман мўминлик ибодатини,
Жаннати инсонлар хуш одатини.
Қуръондек ҳаловат, иймондек ҳузур,
Ҳам икки дунёнинг саодатини.

Тилайман Умардек мард феъли одил,
Ҳам Абу Бакрдек бир дўсти оқил.
Муҳаммад кўнглидек покиза кўнгил,
Ҳам икки дунёнинг саодатини.

Тилайман бахт қасрин учқур отларин
Бухорий тафаккур, хаёлотларин.
Ҳам солиҳ фарзандлар камолотларин
Ҳам икки дунёнинг саодатини.

Тилайман юрт узра тинчлик зиёсин,
Салмоннинг тақвосин, Усмон ҳаёсин
Аталган сенга деб она дуосин,
Ҳам икки дунёнинг саодатини.

Тилайман тоғларнинг маҳобатини,
Зулфиқор тутган мард салобатини.
Дилдаги пок ният ижобатини,
Ҳам икки дунёнинг саодатини.


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

ОПА, СИЗНИ СОҒИНДИМ ЖУДА...

🎙Осиё Мухтарова


•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA

ҲАЁТ БЎСАҒАСИДА

Оила қуриш ниятида учрашувга чиққан йигит қиздан нималарни сўраши керак?

Аслида, бу жараёнда "айнан мана шу саволни бериш шарт" ёки "бундан сўраш мумкин эмас" деган қатъий қоида йўқ. Негаки, ҳар бир инсоннинг дунёқараши, эътиқоди, феъл-атвори ва ўсган муҳити турлича.

Хўш, унда оила мавзусида ҳали етарли тажрибага эга бўлмаган йигит-қизлар бўлажак умр йўлдошини қандай танлаши лозим?

Бугун ушбу долзарб мавзу юзасидан оз бўлса-да ўз тавсияларимни бермоқчиман.

Уламоларимизнинг ўгитлари ва ҳаётий тажрибага эга инсонларнинг маслаҳатларига таянган ҳолда, суҳбат давомида қуйидаги йўналишларда савол бериш мақсадга мувофиқ бўлади:

"Диний ва дунёвий илм ўрганишга муносабатингиз қандай? Ҳозир қандай китоблар ўқияпсиз ёки кимларни тинглайсиз?"

"Аллоҳ олдидаги фарзларни бажаришда ўзингизни қанчалик собитқадам деб биласиз?"

(Бу саволларни эҳтиёткорлик билан, имтиҳон қилгандек эмас, балки қизиқиш оҳангида сўраш керак).

"Сиз учун ҳаётда энг муҳим бўлган учта нарса нима?"

"Исломда ва ўзбекчиликда эрга итоат қилиш' тушунчасини сиз қандай тушунасиз? Қайси вазиятларда итоат қилиш қийин деб ўйлайсиз?"

"Сизнингча, идеал оилада эрнинг ўрни ва масъулияти қандай бўлиши керак? Аёлникичи?"

"Оила бўлгандан кейин тушунмовчиликлар бўлиб туради. Шундай пайтда ғазабингизни қандай бошқарасиз? Аразлашга муносабатингиз қандай?"

"Ота-онам мен учун жуда азиз. Улар билан бирга яшашга ёки уларнинг хизматини қилишга қандай қарайсиз? Кекса инсонларнинг инжиқликларига сабрингиз етадими?"

"Ўзингиздаги энг катта камчилик деб нимани биласиз ва уни тузатишга ҳаракат қиласизми?"

"Ҳаётингизда қийин вазиятлар бўлганида (масалан, моддий етишмовчилик ёки муаммолар) тушкунликка тушасизми ёки сабр қила оласизми?"

"Бўш вақтингизни қандай ўтказасиз? Ижтимоий тармоқларга муносабатингиз қандай?"

"Фарзанд тарбиялашда нималарга кўпроқ эътибор беришимиз керак деб ўйлайсиз? Қаттиққўллик тарафдоримисиз ёки эркинлик?"

"Турмушга чиққанингиздан сўнг ўқиш ёки ишлаш режангиз борми? Агар мен уйда ўтириб фарзанд тарбияси билан шуғулланишингизни истасам, бунга қандай қарайсиз?"

"Бўлажак турмуш ўртоғингизда қайси хислатлар бўлишини хоҳлайсиз ва қайсиларини умуман қабул қилолмайсиз (масалан: ичиш, чекиш, қўполлик)?"

"Оддий ҳаётга розимисиз ёки хашам ва дабдабали ҳаёт сиз учун муҳимми?"

Бу саволлар бирламчи саволлар албатта. Қўшимча равишда ўзингизнинг шахсий қизиқишингизга ёки қиз ҳолатидан келиб чиқиб саволлар берсангиз бўлади.

Йигитларга муҳим эслатмалар:
Қизни имтиҳон қилманг. Саволларни терговчи оҳангида эмас, самимий суҳбатдош сифатида беринг. "Мана бундай бўлса, нима қилардингиз?" деб вазиятли саволлар бериш яхшироқ.

Бирор саволни беришдан олдин, шу мавзу ҳақида ўз фикрингизни қисқача айтиб ўтиш (масалан: "Мен учун оилада ростгўйлик биринчи ўринда...") қизга ҳам очилишига ёрдам беради.
Ҳақиқатни гапиринг! Ўзингизда йўқ фазилатларни бор қилиб кўрсатманг.

Кўзига қаранг. Суҳбат давомида унинг реакцияларига, юз ифодаларига эътибор беринг. Баъзан тил бошқа нарсани айтса-да, кўзлар ва тана-қўл харакатлари ҳақиқатни айтади.

Аллоҳ таоло барчамизнинг ниятларимизга яраша, қалбимизга таскин бўладиган солиҳ(а) жуфтлар ато этсин.

#Мухлисимиздан


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

ХАДИЧАМНИ  ИЗЛАЯПМАН

✍Ботир Маннон

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

БАХТ  ЎЛЧАМИ

Бир йигитнинг бахти ҳеч хам очилмас экан. Унга дойим “нотўғри” қизлар учраркан. У баъзиларини хунук ҳисоблар экан, баъзиларини — ақли ноқис, учинчиларини- мижғов. Ўз идеалини қидиришдан чарчаган йигит маслаҳат учун бир донишманд ёнига борибди.
Йигитни диққат билан эшитгач, қария дебди:
— Кўриб турибман, мушкулинг оғир экан. Лекин, айтчи, ўз онанга нисбатан қанақа муносабатдасан?
Йигит ҳайрон бўлибди:
— Бунга менинг онамнинг нима дахли бор? Билмадим… Унинг ўзи кўпинча менинг ғашимга тегади: ўзининг ақли ноқис саволлари, хира меҳрибончилиги, ариза ва илтимослари билан. Уни яхши кўраман деб айтолмайман.
Қария индамабди, бошини ликиллатибдида, давом этибди:
— Хўш, бўлмаса мен сенга муҳаббатнинг энг асосий сирини очаман. Бахт бор, ва у сенинг қимматли қалбингда яширинган. Ва муҳаббатдаги самара уруғингни ҳаётингдаги энг муҳим одам эккан.
Бу — сенинг онанг! Сен унга қандай муносабатда бўлсанг, оламдаги барча аёлларга нисбатан ана шундай муносабатда бўласан. Ахир она — бу сени ўз меҳрибон қучоғига олган биринчи муҳаббат. Бу сенинг ҳаётингдаги биринчи аёл тимсоли. Онангни севсанг ва эъзозласанг — барча аёлларни қадрлашга ва ҳурматлашга ўрганасан. Ва ўшанда кўрасан — бир кун сен ёқтирган қиз сенинг эътиборингга  табассум ва яхши сўз билан жавоб беришини... Ўшандагина аёлларнинг ҳақиқий қанақа эканликларини кўра оласан…

🥀Бизнинг ота-онамизга муносабатимиз — бахтимиз ўлчамидир…


📖 Telegram.me/IBRATLI
- Ҳикоя ва хаётий воқеалар

ОНАНГИЗГА ГУЛ БЕРИНГ

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

Ҳурматли бўйдоқлар!

Уламолар совчиликни яшириш мустаҳаб эканини айтганлар. Бунинг сабаби, кўз тегиши ёки ҳасадгўй инсоннинг аралашувидан сақланишдир. Зеро, баъзи инсонлар бошқаларнинг бахтини кўра олмайдилар ва аралашиб, ушбу совчиликка путур етказишлари мумкин.

Авваллари ҳам инсонлар мана шундай йўлни тутганлар. Улар никоҳ охиригача амалга ошиши учун уни эълон қилишга шошмасликка чақирганлар. Шунинг учун кимдир буни яширса, уни бошқалар койиши ёки маломат қилиши дуруст эмас.

Ҳурматли бўйдоқлар, кимгадир совчи қўйсангиз (ёки қизлар турмуш қураётган бўлса), уни тўйгача ошкор қилмаганингиз маъқул.

Биламан, бундай ҳолатда ўзингизга сиғмай юрасиз. Лекин хурсандчиликни яширишни ҳам ўрганинг!

Ихтиёр Марғилоний


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

#Мулоҳаза_учун
СЕВГИ ВА НИКОҲ

Севиб турмуш қуриш керакми, сиз нима дейсиз?

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

​​РЕАЛ ХАЁТ ҲАҚИДА

​​Бир бўйдоқ сўради: Уйлансам хотиним билан шундай яшайки, жанжалга сабаб қолмасин. Шундай яшаш учун нима қилай?
Дедим:
-- Уй ишларида ёрдам сўрамасдан олдин ўзинг ёрдам берасан
-- Уйдаги харажат тугади демасдан олдин ўзинг тўлдириб қўясан. Музлатгич доим тўла туради
-- Шахсий эҳтиёжига пул сўрамай туриб ўзинг берасан
--- Отасиникига боришга рухсат сўрамай туриб ўзинг эслатасан
-- Кечаси боланг йиғласа ўзинг билиб туриб қарайсан
-- Тез-тез уйда овқат қилиб турасан. Қурбинг етса ташқаридан олиб келасан
-- Тўшак масаласида зўравонлик, уни айбдор ҳис қилдириш ёки мажбурлигини эслатиш орқали эмас балки гўзал тарғиб ила бажарасан. Худди бегона аёлни ўрамоқчидек муомала қиласан.
--- Унинг лаззатланишини ўзингникидан устун қўясан
--- Йўқ деган сўзни камдан-кам ишлатасан
-- Илм олишига шароит қилиб берасан
-- Шуларнинг ҳаммасидан кейин ҳам ношукрлик кўрсатса сабр қиласан)))


Фаизиддин Мўмин

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

​​​​ҲАЁТБАХШ ЎГИТЛАР

Оиз Қаранийнинг “Маҳзун бўлма” номли Китобида қуйидаги тавсиялар келтирилган:

1. Иймон билан яхши ишлар пок ҳаёт сиридир. Бу икковини қўлга киритиш учун ҳаракат қилинг.

2. Илм-маърифат талабида бўлиб, ҳамиша китоб ўқишни йўлга қўйинг. Чунки китоб мутолааси ғам-ташвишни кетказади.

3. Одамларга яхшиликнинг ҳамма турини раво кўринг, эзгулик улашишда бардавом бўлинг. Шунда кўнглингиз шод бўлади.

4. Шижоатли бўлинг, журъатсизлик, қўрқоқликни тарк этинг. Ғайратли бўлиш қалбга роҳат бағишлайди.

5. Қалбингизни ҳасад, гина-кудурат, ахлоқсизлик, ғирромлик каби иллатлардан покланг.

6. Назар солиш, гапириш, эшитиш, одамларга аралашиш, ейиш-ичишда меъёр бузилишига йўл қўйманг.

7. Самарали ишлар билан банд бўлинг. Шунда хафаликни унутасиз.

8. Бугунги кун ҳудудида яшанг, ўтиб кетган ёки энди келадиган кунларни унутинг.

9. Кўриниши, ризқи, саломатлиги, бойлиги, илми ўзингиздан пастдагиларга қаранг, улардан ибрат олинг.

10. Эътиборингизни қўрқинчли хаёлларга, ёмон фикрларга қаратманг, уларга боғланиб қолманг.

11. Ғазаб қилманг, сабрли бўлинг, ғазабингизни ичингизга ютинг, ҳалим, бағрикенг бўлинг. Чунки инсон умри жуда қисқа.

12. Неъматлар кетишидан, бало-офатлар келишидан асло чўчиманг, балки Аллоҳга таваккал қилинг.

13. Ҳаётингизни соддалаштиринг, дабдабали яшашдан четланинг. Чунки дабдабали ҳаёт руҳ учун азобдир.

14. Сиз ҳақингизда айтилган ёмон сўзлар ҳеч қачон сизга зарар бермайди, балки ўша сўзни айтган кишига зиён етади.

15. Бирон кишидан раҳмат кутманг, яхшиликни Аллоҳ розилиги учун қилинг.

16. Фойдали режалар тузинг, ғамингизни унутиш учун ўша режа билан машғул бўлиб, фикр юритинг.

17. Ҳар қандай ишни ўша заҳоти битиришни ўрганинг, бугунги ишни эртага қўйманг.

18. Ўзингизга муносиб фойдали амални ўрганинг, ўзингиз роҳат оладиган ишни бажаринг.

19. Бировнинг хатосига, миш-мишларга, турли гап-сўзларга эътибор бераверманг.

20. Пиёда юринг, спорт билан шуғулланинг, соғлиғингизга аҳамият беринг, чунки соғ танда соғлом ақл бўлади.

21. Танқидлардан саросимага тушманг, бардам бўлинг. Шуни билинг: танқидлар қийматингизни ўлчайдиган мезондир.

22. Ҳамма нарса Аллоҳнинг тақдири билан бўлади. Шуни асло ёддан чиқарманг.

23. Ёмон тасодифлар рўй бериб қолишига шай туринг. Балки сизда содир бўлаётган нарсалар яхшилик бўлиб чиқар.

24. Мусибатлар кўзга малҳам, қалбга қувватдир.

25. Албатта, қийинчилик билан бирга енгиллик ҳам бор.

26. Жиддий, самара берадиган ишларни ўзингизга вазифа қилиб олинг, бекорчиликдан четланинг.

27. Қасос олишга бўлган уринишингиз, бировларга нисбатан адоватингиз фақат ўзингизга зарар келтиради.

28. Сизга етадиган барча мусибатлар сабаб гуноҳларингиз кечирилади.

📚"Маҳзун бўлма" китобидан.


•┈┈┈┈•❈••✾••❈•┈┈┈┈•
Яқинларга улашинг!
https://telegram.me/joinchat/EBkeNT8wOXpAsSelKCAtIA

ЙИҒЛАБ КЕЛДИНГ ДУНЁГА...

•┈┈┈┈•❈••✾••❈•┈┈┈┈•
Яқинларингизга улашинг👇
https://telegram.me/joinchat/EBkeNT8wOXpAsSelKCAtIA

Кўп нарса билишга ҳожат йўқ... Меҳр-мухаббат кўрсатувчи ва ҳаққимизга  дуолар қилгувчи инсонларимизнинг қадр - қийматини билсак кифоя...
 
Ассалому-алайкум, Азизлар! Соғ-омонмисиз?

Тонгимиз - яхшилик билан бошлансин,  хонадонимиздан тотувлик ва барака аримасин.

Хаёт бу - ёмғирдек  гўё...
Мунтазам ёғадиган ёмғир баъзан томчилайди, баъзан жала қуяди. Ҳар кимнинг хаётида соябон тутадиган одами бўлади. Улар ёмонликлардан ҳимоя қилиб, қалбларга илиқлик олиб киради. Сизнинг ҳам хаётингизда шундай одамингиз дойимо бор бўлсин.
   
Унутманг...
Меҳр фақат тарқатилганда кўпаяди, ўзингизга кўпроқ меҳр жалб этишнинг ягона усули кўпроқ меҳр улашишдир. Атрофингизда қалби ҳалим, меҳрга тўла инсонлар кўпайсин.

Ёмғирли тонгнинг барокати ва дуолар ижобати сизга ҳамрох бўлсин, қадрдон!

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

#Ассалому_алайкум

Расулуллоҳ соллаллоҳу алайҳи васаллам:
- “Икки ўринда қилинган дуо рад этилмайди. Азондан кейинги ва ёмғир ёғаётган пайт” -  деганлар.

(Имом Байҳақий ривояти)


Ёмғир ёққанда ўқиладиган дуо:
اللَّهُمَّ صَيِّباً نَافِعاً
«Аллоҳумма соййибан наафиъан»
Парвардигоро, фойдали (хайрли) ёмғир қил!

Ёмғир Аллоҳнинг раҳматидир! Барчага Аллоҳнинг раҳмати бўлсин.


•┈┈┈┈•❈••✾••❈•┈┈┈┈•
♻️Яқинларингизга узатинг!
https://telegram.me/joinchat/EBkeNT8wOXpAsSelKCAtIA

Гўзал дуои саломлари ила тонгларга  файз бахш этган Қадрдонларим

АССАЛОМУ  АЛАЙКУМ! 

Пайшанба тонгингиз муборак бўлсин. Энг яхши тилакларимиз Сизларга ҳамроҳ бўлсин. Кунингиз барокатли ва сермазмун ўтсин!


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Дунёни борича қабул қилинг. Шунда яшаш осонроқ бўлади.

Қўлингиздан келган нарсани ўзгартиринг.
Ўзгартириш қўлингиздан келмайдиганлари учун сабр қилинг.

Неъматларга шукр, ҳаётга теран фикр кераклигини унутманг…

Одамлардан "фаришта"ликни талаб қилманг, унутманг банда фаришта бўла олмайди. Ҳар яхшини бир ёмони ва ҳар ёмонни бир яхшиси бор.

Доим яхши ниятда бўлинг, чунки ниятингизни гапирмасингиздан эшитадиган Зот бор.

Ўзингизни кўп қийнаманг.. юрагингизга раҳмингиз келсин. Ҳаётга енгилроқ қаранг.

Ҳаётингизда учта меҳмон ваъдалашмай ҳам келаверади.

Ризқ;
Муҳаббат;
Бахт...

Илоҳим шу уч меҳмон уйингизни ҳеч қачон тарк этмасин!


ХАЙРЛИ КУН, АЗИЗЛАР!


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Нега бунча йиғладинг осмон,
Ё уйингда бўлдими мотам.
Юрак-бағринг эзилди ёмон,
Эзиб юбордингку мени ҳам!

Ранжитдими Ҳилол дилдошинг,
Юлдузларга зиёсин сочиб.
Ё ҳиёнат қилиб Қуёшинг,
Қучоғингдан кетдими қочиб?!

Ёмғирларинг ҳаддидан ошди,
Булутларинг олмаяпди тин.
Ва бошидан ёққан кўз ёшни,
Тўйиб-тўйиб ичмоқда Замин!

Нега бунча тўйиб йиғладинг,
Нима бўлди?
Нечун бу фиғон?
Бунча дардни қаердан олдинг,
Нега бунча махзунсан, Осмон!

Сенга таскин беролмам, кечир,
Овутишга сўзим йўқ, ишон,
Иккимизга йиғламоқ тақдир,
Мен ҳам сендек юрак-бағри қон!

Малика Тавфиқ

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Қалблар гулларга ўхшайди. Уларни хам куч билан очишнинг имкони йўқ. Уларнинг очилиши ва гўзал бўй кўрсатиши учун меҳр, илиқлик, ҳамда сабр зарурдир.

Мавлоно Румий

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA