ИМТИХОН

Бу ҳаётда яшар экансиз, ажиб бир имтихондасиз...

Кимнидир жуфти  билан имтихон қилади.

Кимнидир фарзандлар билан.

Кимнидир ўзини ўзи билан.(нафси, руҳияти билан)

Кимнидир мулки билан синайди.  (кўпайтиради, камайтиради)

Кимнидир севган инсонлари билан имтихон қилади.

Баъзан соғлиғингиз билан ҳам имтихон қилиши мумкин.

Олдин соғлом эдингиз, кутилмаганда сизга касаллик келди.

Кучлиликдан кейин заифлик бошланди.

Ёшликдан кейин, қарилик.

Жуфтингиз билан аввалига муҳаббатли эдингиз. Энди у сизга азият беришни бошлади, бу ҳам бир синовдир.

Фарзандингиз аввалига сизга итоат қиларди, энди сизга итоатсизлик қилмоқда.(Ота онангиз сабрини кўп бора эслаяпсиз, "бизни қандай катта қилган экан" деб)

Олдин қўлингизда кўп пуллар ва имкониятларингиз бор эди, биров гапингизни бўлмаган,  олдингизни кесиб ўтмаган эди,  энди эса сизни қарзлар ўраб олган. Ҳамма тарқалиб бўлди. 
Бир четда қолиб, кибрдан анча чиқиб, қутулиб  олдингиз. Демак ҳайр бор экан. 

Буларнинг барчаси Аллоҳнинг сизга бўлган раҳматидир. Бошингизга қандайинки мусибат келмасин, у мусибат билан Аллоҳ сизга фақатгина яхшиликни хоҳлайди. Сизни қийнаш, хор қилиш, расво қилиш учун қийинчилик, мусибат бермайди.

Мусибат сабабидан Ўзини эслатиб унга қайтишлигингизни хоҳлайди, мусибат сабабидан ҳақиқий дўстларингизни ажратиб беради,  гуноҳларингиздан поклайди, агар чиройли сабр қилсангиз улкан ажрлар беради.

Шундай экан мусибатларга чиройли сабр қилувчилардан бўлинг.

Умму Зайнаб


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

БАЪЗИ  ОДАМЛАР

🎙Осиё Мухтарова


•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA

​​Икки ховли.
Икки хил ховли.
Бир-бирига ёнма-ён, девор қўшни.
Бирининг уйи кўкка бўй чўзган, икки қаватли, иккинчи қаватдаги ойнадан бутун маҳалла кафтдек кўриниб турарди.
Иккинчиси жуда оддий, хатто лой сувоқ.
Иккисида икки хил хаёт.
Бирида бой-бадавлат савдогар, ўша худуднинг обрўли кишиси бўлиб унинг бир қиз ва бир уғли бор, иккиси ҳам эрка ва бебош.
Иккинчиси ўрта хол, устачилик билан шуғилланадиган хунарманд киши бўлиб, унинг икки ўғли ва бир қизи бор, ўғилларини ёнига олиб устачилик билан тирикчилик қилади.
Кунларнинг бирида устанинг уйида шовқин эшитилди. Бой ўрнидан туриб иккинчи қаватдан қўшнисининг кафтдек кўриниб турадиган ховлисига назар ташлади.
Уста иккинчи ўғлини ўзбошимчалик қилиб, рўзғорига яраб турган велосипедини мингани ва натижада велосипеднинг ғилдиракларига шикаст етгани учун қаттиқ койиб турганини кўрди. Бой бу холатни кўриб, мийиғида кулди.
"Болани ҳам шундай тергайдими?" деб, ичида танқид ҳам қилди.
Қўшнисига эшитиладиган даражада, атайдан овозини баландлатиб, аёлини ёнига чорлаб эркатой ўғлининг туғилган кунига янги машина совға қилишини айтиб мақтанмиб ҳам қўйган эди.

Маҳаллада иккиси ҳам бирдек азиз.
Маҳалладагилар бирини бойлиги учун хурмат қилишса, иккинчисини художуйлиги меҳр оқибатилилиги ва камтарлиги учун хурмат қиларди.
Бирининг уйида икки келин қайнота ва қайнонатасини хизматини килиб, уларнинг бошларида гирдикапалак бўлишса.
Иккинчисининг уйида икки нафар хизматкор, бир эркак ва бир аёл хизмат қиларди.
Тақдир тақозоси билан вақти соати етиб, икки қўшни оила бошлиқлари бир хафтада бирин-кетин бу дунёни тарк этди.
Хонадонлари хар хил, яшаш тарзи хар хил бўлгани билан жанозаларига бир хил одам йиғилди.
Бириникига казо казолар бўлса, иккинчисинига Жумъа намозига йиғиладиган жамики мўмин мусулмонлар келишди.
Жаноза кунги бўладиган холатлардан одамлар хайрон қолишди.
Бирини уйида азиз ва мўътабар отасидан айрилгани сабаб, йиғлаб куйиб, дод фарёд уриб, фарзандлар ўртасида навбатма-навбат қурьон тиловат қилинган бўлса, иккинчисининг уйида маййит бир чеккада қолиб, ака-сингил хатто келин ўртасида мерос талашувлар бўлиб ўтди.
Орадан кўп вақт ўтмади. Бой хонадоннинг эркатой ўғли, ёшлигида бир ишнинг этагидан мухим тутмаганлиги сабаб, оғир холатга тушиб қолди ва хашаматли уйини сотиб оддийроқ уй сотиб олишни режа қилди.
Харидор оддий қўшнининг, меҳнаткаш ва бир-бирларига меҳрибон бўлган икки уғли бўлди.

Иқбол Юсуф

•┈┈┈┈•❈••✾••❈•┈┈┈┈•
Яқинларга улашинг👇
https://telegram.me/joinchat/EBkeNT8wOXpAsSelKCAtIA

Ассалому алейкум ва роҳматуллоҳи ва барокатуҳ.

Барчамизга яна бир тонг нашидасидан бахраманд бўлиш насиб этибди, Алҳамдулиллаҳ!

Ҳаёт такрорланмас.. умр қисқа... ҳар бир онимиз эса ғанимат...

Ҳар бир отаётган тонгларимизни, ўтказаётган кунларимизни шукроналик хисси ила табассум билан қарши олайлик..

Аллоҳ барчамизнинг муродимизни хосил, мушкулларимизни осон қилсин, қилган яхши ниятларимизни ижобат айлаб, ҳайру-барокатларини зиёдаси билан тухфа этсин..

Иймонимизни бут, сабримизни кенг, виждонимизни пок қилсин.. Яқинларимизни Ўзи паноҳида соғ-омон асрасин...

Бугунги  якшанба  кунимиз   ҳушхабарларга бой бўлсин!

•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA

Тонгларга гўзал дуои саломлари ила файз бахш этган яхшиларим,

   АССАЛОМУ  АЛАЙКУМ! 

Файзли тонг муборак бўлсин! Бугунги кунингиз  хуш дийдор    ва хуш хабарларга бой бўлсин.


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

КЎНГИЛ ИМОРАТИ

Кўнглимга меҳрдан солдим иморат,
Деворлари севги, ишқдан иборат,

Устунлари Вафо, Садоқат эрур,
Тўсинлари Бахтдан, Нафосат эрур.

Ғиштлари Қувончдан, бирдек урилган,
Зинаси Ишончдан, маҳкам қурилган.

Эшиги зиёдан, нақшларга тўлди,
Пойдевори эса Муҳаббат бўлди.

Томига ҳисларим чимдек босилган,
Исмингиз тоқига ўйиб ёзилган.

Остонаси Сабр, ҳовлиси Қадр,
Келинг, бу кошона сизга мунтазир... 😊


Яқинларини кутаётганларга
КУН ХАЙРЛИ БЎЛСИН !


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

#Сизнинг_хонадонингиз
АЛЛОҲГА СУЮКЛИ ХОНАДОН #бўлсин

​​Меҳмон кўп ташриф буюрадиган хонадон – Аллоҳга суюкли хонадондир.

Каттаю, кичикларга бирдек эшиги очиқ уй нақадар гўзал. Бундай уйга осмондан раҳмат ва барака нозил бўлур.

Расулуллоҳ саллаллоҳу алайҳи васаллам: "Аллоҳ бир қавмга яхшиликни истаса, уларга ҳадя ато қилади", деганларида, саҳобалар: "Ўша ҳадя нима экан?" деб айтишди. Шунда у зот: "(Бир хонадонга) меҳмон ризқи билан кириб келиши, кетишида бўлса ўша хонадон аҳлининг гуноҳини олиб кетишидир", дедилар. (Абу Нуъайм ривояти).

Яна Расулуллоҳ саллаллоҳу алайҳи васаллам: "Меҳмон жаннатга йўлловчидир", дедилар. Яна Расулуллоҳ саллаллоҳу алайҳи васаллам: "Ким Аллоҳга ва охират кунига иймон келтирса, меҳмонини ҳурмат қилсин", дедилар.

Имом Бухорий ва
Муслим ривояти


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

АММАЛАР КЕЛГАНДА
бағрингиз очиқ бўлсин...

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

БАРАКАЛИ УЙ

Ҳар бир инсон уйида тинчлик, муҳаббат ва барака бўлишини хоҳлайди. Бу ўз-ўзидан келмайди.
Муҳим қоидалар:
Ризқ ҳалол бўлсин.
Уйга келаётган пул ҳалол йўл билан топилса, уйда барака бўлади.
Оилада эҳтиром устувор бўлсин.
Катталарни ҳурмат қилинг, кичикларга меҳр кўрсатинг.
Фарзандларга дуо қилинг.
Уларни фақат сўз билан эмас, дуо билан тарбияланг. Ота-онанинг дуоси уйга барака келтиради.
Уйда Қуръон садоси бўлсин.
Қуръон тиловати, зикр ва дуолар уйни маънавий нурга тўлдиради.
Меҳмонни ҳурмат қилинг.
Меҳмон – ризқ ва бараканинг сабабчисидир. Унга кўнгилдан хизмат қилинг.
Ўзаро кечиримли бўлинг.
Уйда адоват эмас, кечирим, сабр ва тушуниш бўлсин. Бу тинчликнинг калитидир.
Садақа ва яхшиликни одат қилинг.
Садақа фақат моддий эмас, ширин сўз, яхши муомала ҳам бир яхшиликдир.
Албатта, ушбу амаллар доимий бўлса, Аллоҳ таоло ҳар қандай хонадонга барака, муҳаббат ва тинчлик бағишлайди.


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

* * *
Турфа синовларда тутдек тўкилиб,
Дунёнинг бир чети турар сўтилиб,
Бало эшиклари қолсин ёпилиб,
Келинг, яхшиликдан сўзлашайлик, дўст!

Энг ёруғ кунларга умидни боғлаб,
Чўкиб бораётган дилларни чоғлаб,
Яқинларимизни маҳкам қучоқлаб,
Келинг, яхшиликдан сўзлашайлик, дўст!

Кўнгилни кўтармоқ юмушми оғир,
Қуёш чиқмайдими тинганда ёмғир,
Ёмон ҳабарлардан чарчадик ахир,
Келинг, яхшиликдан сўзлашайлик, дўст!

Ўлчовин ўлчаманг берган умрни,
Чиройли қилайлик бардош, сабрни,
Қирони келмаса бўлди меҳрни!
Келинг, яхшиликдан сўзлашайлик дўст!

Ишонинг, ҳеч қайтмай қолмайди Баҳор!
Тун ўтиб, ёруғ тонг отишлари бор!
Худодан ноумид бўлмайлик зинҳор!
Келинг, яхшиликдан сўзлашайлик, дўст!

Малика Тавфиқ


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

​​ТУҒИЛГАН КУН

Телефонимга синглимдан СМС келди. «Акажон, туғилган кунингиз билан табриклайман. Узоқ умр кўринг», дейилганди унда.
Жаҳлим чиқиб, укамга қўнғироқ қилдим.
– Битта-ю битта синглимиз акажонининг туғилган куни қачонлигини билмас экан, – дедим. – Мени табриклаб, СМС юборибди.
Ёзда туғилганимни етказиб қўй!
Укам бироз сукут сақлаб турди-да, сўнг жавоб берди:
– Менга ҳам СМС юборибди, туғилган кунингиз билан табриклайман, дебди.
– Нима? Сенга ҳам юборибди?.. Нега?
– Тушунмадингизми? – хўрсинди укам. – Аслида мен билан сизнинг эмас, синглимизнинг туғилган куни экан! Биз унутибмиз, ака...
Ҳеч нима дея олмадим. Уятдан юзларим ловулларди.
Биттагина синглим! Онам ўлганида онамнинг калишини юзига босиб, юм-юм йиғлаган синглим...

Анвар Намозов

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

СОҒИНЧ

🎙Эркин Бозоров

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

Ҳаёт, моҳир муаллим, гарчи гапира олмасада жуда яхши тушунтиради...
🌾
Ҳаёт, одил ҳакам, унда ҳеч ким ғирром ўйнай олмайди...
🌾
Ҳаёт, уста тарозибон, нимага лойиқ бўлсангиз фақат ўшани беради...
🌾
Ҳаёт, шундай хонандаки, одамларни хоҳлаган куйига ўйната олади...
🌾
Ҳаёт, оқил донишманд, сизга нима яхши, нима ёмонлигини эслатиб туради...
🌾
Ҳаёт, бахт ва бахтсизлик, орзу ва армон, муҳаббат ва нафрат, ҳурмат ва иллат, доно ва нодон оқибат ва ғафлат каби жуфтликлар йиғиндисидир...
🌾
Ҳаёт, баҳоларингиз жамланиб борадиган кундалик дафтардир...
🌾
Ҳаёт, кичкина ховли, ховлингизга хоҳласангиз гул экасиз... хоҳласангиз тиконзорга айлантирасиз.!


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

​​ЭРНИ ЎЗИГА ЖАЛБ ҚИЛИШ ЙЎЛЛАРИ

Бу тавсияларни муслима аёллар учун тақдим этамиз. Уларга амал қилиш билан хотин эрини сеҳрлаб, мутлақо ўзига қаратиб олиши турган гап. Бу иш Аллоҳ таоло ҳалол қилган нарсалар билан бўлади:

– Аёл фақат эри учун зийнатлансин;

– Эрига бирон-бир хунук нарсани кўрсатмасин;

– Эри ундан фақат ширин ҳидларни туйсин;

– Ҳамиша гўзал табассумли бўлсин;

– Эрига, унинг яқинларига фақат яхши сўз айтсин;

– Эрининг молини, шаънини муҳофаза қилсин;

– Фарзандларига меҳрибон, шафқатли бўлсин;

– Аллоҳга осий бўлмайдиган ишларда эрига итоат этсин.

Лекин, ҳозирги кунда мутлақо тескари ҳолат гувоҳи бўламиз. Хотин киши бирор юмуш билан ёки маросим учун уйдан чиқар экан, бўяниб-безаниб, хушбўйланиб, бисотидаги нафис кийимларни кияди. Ишини битириб, уйига қайтиб келгач, бўёқлар ювилади, тақинчоқлар ечилади, чиройли кийимлар жойига илинади. Ўрнига эски кийимлар кийилади. Улардан овқат, пиёз ҳиди келиб туради...
Ҳолбуки, аёлнинг зийнатланишига, чиройига бошқалардан кўра эр ҳақлироқ эмасми?
Эй муслима аёл, қулоғингга яхшилаб қуйиб ол: агар эринг кўчага иш билан чиқиб кетса, тезда уй ишларига шўнғи. Юмушларингни битказиб бўлгач, ювиниб, зийнатлан, чиройли бўлиш чораларини кўр, эрингга интизор тур. Токи у ишдан қайтиб келганида, қаршисида гўзал аёлини кўриб баҳри дили
очилсин, саришта уйини кўриб қувонсин, ширин таомларни еб нафси қонсин. Шунда унинг сенга муҳаббати янада зиёда бўлади, сенга маҳкамроқ боғланиб қолади.

☝️Унутма: Тўқ одамгина бошқа таомни егиси келмайди

📗 Бахтли ҳаёт cари китобидан

•┈┈┈┈•❈••✾••❈•┈┈┈┈•
Яқинларингизга улашинг
https://telegram.me/joinchat/EBkeNT8wOXpAsSelKCAtIA

– Азиз аёллар, тушининг, сиз эрингизнинг хаётини бир бўлагисиз халос, ортиғига интилманг...

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

ХАЙРЛИ ТУН!
ЯХШИ ДАМ ОЛИНГ


•┈┈┈┈•❈••✾••❈•┈┈┈┈•
Биз  билан  бирга  бўлинг!
https://telegram.me/joinchat/EBkeNT8wOXpAsSelKCAtIA