“Хайрлиси“ номли бир йўл бор... Боши қийин ва қайғули кўринса ҳам, охири ҳамиша ҳузурлидир...

Роббим Сизга ҳар йўлнинг хайрлисини насиб этсин...

Хайрли тун, қадрдон!
Яхши дам олинг!


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

Ассалому алайкум ва роҳматуллоҳи ва барокатуҳ.

Хайрли тонг, Азизлар!
Шанба тонгги барчамизга муборак булсин!

Бу кунда Аллоҳ дуоларимизга ижобат, фарзандларимизга салоҳият, ибодатларимизга гўзаллик, ризқимизга барака берсин!  Ўзи қўллаб, ишимизни осон ва унумли қилсин!

Беморларимизга шифо, адашганларимизга ҳидоят, қалбимизга поклик берсин!

Яхшилик ва яхшилар дойим ҳамроҳимиз бўлсин!

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

Шукр қилинг...

Ҳаётда ҳамма нарса ҳам сиз истагандек бўлмаслиги мумкин.

Орзулар кечикиши мумкин, қийинчиликлар йўлингизга чиқиши мумкин.

Аммо…
Соғ тан билан уйғонганингиз — неъмат.
Оила аъзоларингиз саломатлиги — неъмат.
Бир луқма ризқ, бир қадаҳ сув ҳам неъмат.

Хотиржам янги кунни қаршилаябсиз.... Бу ҳам неъмат...

Шукр қилган инсоннинг қалбида сокинлик, юрагида қаъноат, ҳаётида барака бўлади.

Борини қадрлайлик, йўғига исён қилмайлик, фақат дуо ила Аллоҳнинг хукмига қўяйлик...

💐 Кун хайрли бўлсин,
Азизлар!


•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA

#Шукр_қилинг

Ёдингизда бўлсин:

Бугунги ҳаётингизнинг ҳар лаҳзаси минг шукрга муносибдир.


ХАЙРЛИ  КУН  АЗИЗЛАР!


•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA

Кафега бир аёл 7 ёшли қизчаси билан кириб битта копучино ва битта булочка буюртма берди. Буюртмаси келтирилгач, қизчасига кофени устидаги юракчани бузиб қўймасликни тайинлаб, қизини кофе ичаётгандек қилиб расмини олди.
Кейин бошқа столга ўтишди, қизига булочкани тишлаб қўймаслигини айтиб, булочкани тишлаётганини расмини олди. Бу хол тўртта столда ҳар ҳил расмга олгунича 40 дақиқа давом этди. Бу вақт ичида на кофе ичилди на булочка ейилди.
Сўнг совиб қолган кофени қизни онаси шириллатиб ичиб, қизига "булочкани уйда уканг билан бўлишиб ейсан" деб сумкасига солиб чиқиб кетишди. Одамлар "Инстаграмда бу фотоларни кўриб қизчага роса ҳавас қилишса ажабмас"

•┈┈┈┈•❈••✾••❈•┈┈┈┈•
Якинларингизга  узатинг!
https://telegram.me/joinchat/EBkeNT8wOXpAsSelKCAtIA

Бу онанинг тарбияси эса тахсинга лойқ...

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

​​БАЪЗАН...

Баъзан ҳаёт ташвишлари юки ортганда ўзимизни бошқаролмай фарзандимизга заҳар пуркаймиз: "Сенларни деб туну кун итдай ишлайман!..", "Сенларни деб қишнинг совуғи, ёзнинг жазирамасида тинмай меҳнат қиламан!..", "Сенларни деб шу одамга (отангга) чидаб келяпман... ", "Сенларни деб... "

Бу "сенларни деб..." билан бошлайдиган жумлани узоқ давом эттириш мумкин. Шу пайтда юзимизга мунғайибгина, айбдорона тикилиб турган гўдагимизнинг юрагида умрбод  қолиб кетадиган яралар очаётганимизни билмаймиз. Тағин ўзимизни оқлаймиз: "Тўғри-да, шуларни деб!.."
Барака топкур, уни деб, буни деб эмас, ўзимиз учун, ўз нафсимиз учун ишлаяпмиз, югуряпмиз, машаққатларни елкага устма уст ортмоқлаб оляпмиз. Фарзандингиз бўлмаганида осмондан чалпак ёғилишини кутиб, қўл қовуштириб ўтирармидингиз?! Йўқ, албатта! Болаларингиз бўлмаганида ҳам ишлардингиз, меҳнат қилардингиз, шу турмуш ўртоғингизга тоқат қилиб яшайверардингиз. Ўз нафси учун ўзини ўтдан чўққа уриб, елкасига ортмоқлаб олган юки оғирлик қилганида болаларига миннат-маломат қиладиганлар, кексалик чоғларини кўз олдиларига келтирсинлар. Бугун кекса ота-онасига: "Мана, ош-овқатингиз вақтида, бир қадам жойга пиёда бормасангиз, Умраларга юбориб қўйган бўлсам, яна нима қил дейсиз!?" деб иддао қилаётган фарзанд, гўдаклигида "Сенларни деб!.." деган миннат  билан бошланадиган дағдағалардан мажруҳ бўлган киши.
Дунё деворига нима отсак, ўзимизга қайтади, қурбоним. Фарзандларимизни меҳр, вафо ва фидоийлик билан шундай тарбиялаб етиштирайликки, уларнинг ўзи "Аллоҳ рози бўлсин, ота-онамдан, бизларни деб..." дея бошланадиган эътирофларга кўмиб ташласин бизни...!

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

​​Ҳали сўраламиз...

Барчасидан сўраламиз...

Бекорчи ўтган вақтдан, неъматлардан...

Шукр қилганларимиздан, қилмаганларимиздан...

Ранжиган, ранжитган кўнгилларимиздан...

Сабабсиз қолдирган намозларимиздан...

Билмасдан сўзланган сўзлардан... Ҳақ бўла туриб, ҳақиқатни айтолмаганимиздан, қўрққанимиздан...

Аллоҳ йўлида қиладиган ишлардан воз кечганимиздан...

Ёрдам бериш қўлимиздан келса-да, ҳеч иккиланмасдан индамай кетганимиздан...

Бировни ўзи йўқ вақтида ортидан гапирган гапларимиздан, кулганимиздан...

Гуноҳлигини билиб туриб, тийилмаганимиздан... Ўзимизни тиёлмаганимиздан... Асролмаганимиздан...

Инсонларга насиҳат қилиб, ўзимиз амал қилмаганмиздан...


Сўраламиз...

Баридан, барчасидан сўраламиз...


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

БАРОАТ КЕЧАСИ ҚАЙСИ ТУНГА ТЎҒРИ КЕЛАДИ?

Эслатма!

Шаъбон ойининг 14-дан 15-га ўтар кечаси энг фазилатли тунлардан бири Бароат кечасидир. Милодий ҳисобда 2026-йил 2-февралдан 3-февралга ўтар кечасига тўғри келади.

БАРОАТ КЕЧАСИ ҲАҚИДА
Али розияллоҳу анҳудан ривоят қилинади:
«Қачон Шаъбон ярими кечаси бўлса, унинг кечасини бедор ўтказинглар, кундузининг рўзасини тутинглар. Чунки ўшанда Аллоҳ қуёш ботиши пайтида дунё осмонига тушади ва:
«Қани, истиғфор айтувчи борми? Мен унга ризқ берурман. Қани, балога учраган борми? Мен унга офият берурман. Фалончи қани, фистончи қани?» дейди. Токи, тонг отгунча шундоқ бўлади», дедилар».
Ибн Можа ривоят қилган.
Ҳазрати Алидек улуғ саҳобий бунчалик аҳамиятли гапни ўзларидан айтмайдилар. Албатта, бу ҳақда Пайғамбаримиз соллаллоҳу алайҳи васалламдан бир нарса эшитганлар ва ўша эшитганларини ўз иборалари билан ифода этганлар.
Ушбу ривоятга биноан, Шаъбон ойининг қоқ яримининг кечаси ҳам, кундузи ҳам улуғ ва баракот вақтлар эканлиги келиб чиқади.
Шу сабабдан ҳам ҳазрати Али розияллоҳу анҳунинг тавсияларига биноан, кундузни рўза, кечасини бедорлик ибодати билан ўтказишга ҳаракат қилмоқ керак бўлади.

Оиша розияллоҳу анҳодан ривоят қилинади:
«Набий соллаллоҳу алайҳи васалламни кечалардан бирида йўқотиб қўйдим. Сўнг у кишини излаб чиқдим. Қарасам, У зот Бақийъда бошларини кўтариб осмон томонига қараб турган эканлар:
«Эй Оиша, Аллоҳ ва Унинг Расули сендан четлашидан хавф қилдингми?» дедилар.
«Сиз баъзи аёлларингизга боргансиз, деб гумон қилувдим», дедим.
«Албатта, Аллоҳ Шаъбоннинг яримидаги кечада дунё осмонига тушадир ва Калбнинг қўйлари жуни ададидан кўпроқни мағфират қиладир», дедилар».
Ибн Можа, Термизий ва Аҳмад ривоят қилган.

Бақийъ – Мадинаи мунавварадаги машҳур қабристон. Барча Мадинада вафот этган саҳобалар шу қабристонга дафн этилганлар. Зотан, Мадинаи мунавварада бошқа қабристон йўқ ҳам.
«Калб» – машҳур араб қабиласи бўлиб , ўша вақтда Бани Калб қабиласи энг қўйи кўп қабила бўлган. Пайғамбаримиз соллаллоҳу алайҳи васаллам Шаъбон ойи яримида Аллоҳ таоло жуда ҳам кўп гуноҳларни мағфират қилишини ифодалаб ўша қўйларнинг жуни ададидан ҳам кўпроқ деб эсга олганлар.
Ўйлаб кўрадиган бўлсак, бир дона қўйнинг жун толалари қанча бўлишини санашнинг ўзи қийин. Араб қабилалари ичида энг кўп қўйли қабиланинг қўйлари жун толаси қанча бўлишини тасаввур қилинг. Бу ўша кеча жуда ҳам фазилатли эканига далолатдир.

Ушбу ҳадисдан олинадиган фойдалар:
1. Кечаси қабристонга кириш, осмонга қараб туриш мумкинлиги.
2. Оиша онамизда қизғаниш борлиги. Пайғамбаримизни баъзи хотинлари олдига кетган бўлсалар керак, деб ортларидан излаб чиқишлари шуни кўрсатади. Бу эса айб эмас, балки табиий бир ҳол. Балки меъёрида бўлса, аёл кишининг зийнати ҳам.
3. Пайғамбар алайҳиссаломнинг Оиша онамиз розияллоҳу анҳонинг руҳий ҳолатларини яхши тушунганлари.
4. Шаъбон яримидаги тун фазилатли кеча экани.
5. Мазкур кечада кўплаб гуноҳлар мағфират қилиниши.
6. Шаъбоннинг яримидаги кечада бедор бўлиб ибодат, истиғфор ва дуо билан машғул бўлиш кераклиги.
Абу Мусо розияллоҳу анҳудан ривоят қилинади:
«Набий соллаллоҳу алайҳи васаллам:
«Аллоҳ Шаъбон яримидаги кечада қараб кўриб жамики махлуқотларини мағфират қилур. Магар мушрик ва хусуматчи бундан мустаснодир», дедилар».
Ибн Можа ва Аҳмад ривоят қилишган.

Ушбу ҳадисдан олинадиган фойдалар:
1. Шаъбоннинг яримидаги кеча фазилатли экани.
2. Мазкур кечада Аллоҳ махлуқотларига назар солиб қараб, ҳаммаларининг гуноҳларини кечириши.
3. Мушриклик ва хусуматчилик жуда ёмон нарса экани.
Демак, Шаъбон ойи яримлаганда ибодат қилиб мазкур ваъда қилинган ажру савоб ҳамда мағфиратлардан баҳраманд бўлиб қолиш керак. Ана шундоқ фазилатли вақтда гуноҳни мағфират қилинишига монеъ бўлгувчи мушриклик ва хусуматчиликдан узоқлашмоқ керак.

Шайх Муҳаммад Содиқ Муҳаммад Юсуф раҳимаҳуллоҳ


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

#Ассалому_алайкум
Бугун 1-феврал,
Шаъбон ойининг 13-куни.

Ушбу кунлари рўза тутиш тавсия этилади.

Аллоҳ таоло тутган рўза ва ибодатларимизни қабул қилсин, дуоларимизда сўраганларимизнинг ижобати билан сийласин!

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Ассалому алайкум ва роҳматуллоҳи ва барокатуҳ.

Барчамизни тинч омонликда соғ-саломат тонгга етказган Роббимизга ҳамдлар бўлсин.

Аллоҳ борлиқни тонг шуъласи ила ёритганидек, ҳаётимизни ҳам ҳидоят нури ила мунаввар айлаб, ибодатларимизга комиллик ато қилсин.

Аллоҳим, қалбларимизни ислоҳ қилсин, гуноҳларимизни мағфират этсин. Айбларимизни беркитиб, тавбаларимизни қабул қилсин. Ўзининг изми ила бошланган кунимиз, ўзининг ризолиги ила адоғига етсин.

Аллоҳ дуолар ижобатини сизларга ҳамрох қилсин!


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Саҳарликдан кейин, ифтордан аввалги бу икки вақт ниҳоятда муҳимдир.

Охиратда одамзод уч нарсадан пушаймон бўлади:
1. Ҳофизи Қуръон бўлмагани учун.
2. Таҳажжудга турмагани учун.
3. Шомда ифтордан аввал,
тунда саҳарликдан кейин:

"Субҳаналлоҳу биҳамдиҳ ва субҳаналлоҳу аъзийм" - дея Аллоҳга тасбеҳ айтмагани учун қаттиқ пушаймон бўлади.

Бу ниҳоятда муҳим: рўзанинг ифтордан аввалги вақти Ҳақ субҳанаҳу ва таолонинг даргоҳидаги барча эшикларни очиб: "Бандам, нима истайсан?! Сўра, тилагин!" дейдиган лаҳзаларидир. Бу лаҳзалардан муносиб фойдаланиб қолинг.

Яна бир бор таъкидлаймиз, бу онлар айнан сўрайдиган, истайдиган лаҳзалардир!


•┈┈┈┈•❈••✾••❈•┈┈┈┈•
Яқинларни ҳам огоҳ этинг!
https://telegram.me/joinchat/EBkeNT8wOXpAsSelKCAtIA

РЎЗА ТЎРТ ХИЛ БЎЛАДИ

1. Субҳдан шомга қадар еб-ичмаслик. Бу Шариат тақозо қилган рўза.

2. Бемаъни, фойдасиз сўзларни сўзламаслик. Бу Тариқат тақозо қилган рўза.

3. Бемаъни, фойдасиз сўзларни ҳатто кўнгилга, хаёлга ҳам келтирмаслик. Бу Маърифат тақозо қилган рўза.

4. Кўнгилни, хаёлни Аллоҳдан ўзгасига ёпишлик яъни кўнгилда Аллоҳдан ўзга нарса бўлмаслиги бу Ҳақиқат тақозо қилган рўзадир.

Саййид Абдулқодир Жийлоний


•┈┈┈┈•❈••✾••❈•┈┈┈┈•
Яқинларга ҳам улашинг!👇
https://telegram.me/joinchat/EBkeNT8wOXpAsSelKCAtIA

Дуои саломлари ила тонгларга файз бахш этган Қадрдонларим,

  АССАЛОМУ  АЛАЙКУМ! 

Феврал ойининг илк тонги муборак бўлсин.  Бу тонг қилган дуо ва тилакларингиз ижобати дунё ва охиротингизни гўзалликларга тўлдирсин!

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA ⠀ ⠀ ⠀ ⠀ ⠀ ⠀ ⠀

Яхшилар умрига ўхшайди феврал,
Нозик куртакларни уйғотар бир-бир,
Оғир кунда ёнда тургувчи дўстдай,
Баҳор яқин дея, бергайдир сабр.

Яхшилар умрига ўхшайди феврал,
Неча юз йилдирки куни қисқа ой.
Кўкламга етсин деб тезроқ одамлар,
Икки кунлик умрин кечган ҳойнаҳой.

Ўлмасбек Самарқандий
@Samarqandiy77


🌷Баҳор ва Рамазон даракчиси - февралнинг 1–куни муборак бўлсин!


•┈┈┈┈•❈••✾••❈•┈┈┈┈•
Яқинларга ҳам улашинг!👇
https://telegram.me/joinchat/EBkeNT8wOXpAsSelKCAtIA

💥Бугун 1-Февраль
Халқаро Ҳижоб куни.

Муслима аёлларимизни бугунги байрамлари билан табриклаймиз!


📌 Бу байрам 2013 йилдан
буён нишонланмоқда.

Хурматли эркаклар, бугун муслималарга совға-салом олишни унутманг!

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

ЎРАНГАН ОЙ ЮЗИНГИЗНИ
АЛЛОҲ СУЙСИН

🎙Хайрулла Хамидов


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

БИР САВОЛ

Куламан дейману, йиғлайман нега,
Қалбим дарзларига бормикан чега.
Дардли бир армонга наҳот мен эга,
Бир савол ёдимдан бўлмас фаромуш -
"Севаман" демаган нимага Кумуш?!

Ҳижрон ойларини алмашиб йилга,
Ҳавасга берилмай, қулф уриб дилга.
"Чидолмайман" демай, эрк бермай тилга,
Ориятни асраш бу қандай юмуш,
"Севаман" демаган нимага Кумуш?!

Қолоқ бўлганми ё - четга юрмаган,
Сериал кўрмаган, "чат"га кирмаган.
Интернет, "сотка"да кўнгил бермаган,
Кийиб жинси шиму, кўзга қўйиб тушь,
"Севаман" демаган нимага Кумуш?!

Шаддод неварага ёқармиш бири,
Буни ҳамма билар, йўқ эмиш сири.
Не дейишин билмас чолга кампири,
Дунёнинг ҳолига боқаман хомуш,
"Севаман" демаган нимага Кумуш?!

"Ўткан кунлар" - орга тикланган бино,
Такрор китоб қараб, кўраман кино.
Қанча назокату, қанча истиғно,
Қанча одоб билан дилни айлаб хуш,
"Севаман" демаган нимага Кумуш?!.

Бобур Бобомурод

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

БЕҲАЁЛИК САНЪАТМИ?

🎙Икром Шариф


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA