РАМАЗОН МЕҲМОН ЭМАС
биз меҳмонмиз...

Тафаккур қилинг!

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Қадр кечасини фойдали ўтказиш учун 27 тавсия:

1. Кечаси тетик туриш учун пешиндан кейин бироз дам олинг.

2. Ибодатга халал бермаслик учун ифторда кўп овқат еманг.

3. Бу кечани ибодат билан ўтказаётганда тавба қилишга азм қилиш.

4. Барча мўминлар ва мўминалар учун истиғфор ва дуони кўпайтиринг.

5. Бутун аъзоларингиз билан Аллоҳга юзланинг, ҳаттоки, ақлингиз ва қалбингиз У Зотдан бошқасидан узилсин.

6. Жанжал ва тортишувлардан узоқда бўлинг, сизнинг ҳаққингизни поймол қилганларни кечиринг.

7. Фикрингизни бир жойга қўйиб, ибодат қилинг, Қадр кечасида хаёл бошқа нарсаларда бўлиб, юз ракатни тугатиб қўйишни фойдаси йўқ.

8. Дуо ва ибодатда ихлосли бўлиш қалбингиз Аллоҳдан бошқаси билан машғул бўлиб ракатларни кўпайтиришдан муҳимроқ.

9. Қадр кечасида имкон борича таҳоратли бўлишга ҳаракат қилинг.

10. Дуоингиз ижобат бўлишига аниқ ишонинг. Чунки ижобат бўлишига ишонмаслик дуонинг орасига тўсиқ пайдо қилади.

11. Аллоҳ дуоларингизни қабул қилиб, ижобат қилишига ишончингиз комил бўлсин.

12. Дуода бор вужудингиз билан ёлвориб сўранг, чунки Аллоҳ азза ва жалла ёлвориб дуо қилган бандасини яхши кўради.

13. Ҳар бир гуноҳингиз учун Аллоҳ таолога истиғфор айтинг, У Зот сизни афв қилишини сўранг.

14. Пайғамбар соллаллоҳу алайҳи васалламга, У зотнинг оилаларига кўп саловот ва саломлар айтинг, саҳобаларга Аллоҳдан розилик сўранг (яъни “Розияллоҳу анҳу” деб айтиш).

15. Пайғамбар соллаллоҳу алайҳи васалламга саловот айтиб ортидан: “Аллоҳумма иннака аъфуввун, туҳиббул аъфва фаъфу аннаа” (яъни: “Эй Аллоҳ, албатта Сен гуноҳларни афв қилувчи зотсан, афв қилишни яхши кўрасан, бизларни афв эт”), дуосини кўп айтинг.

16. Аллоҳ таоло барча мусулмонларни дўзахдан озод қилишини кўп сўранг.

17. Ҳалол ризқни осон қилиб беришини ва ҳолатларни яхши томонга ўзгартиришини сўраб дуо қилиш.

18. Ўтган ота-оналарингизнинг ҳақига дуо қилиб, Аллоҳдан гуноҳларини кечиришини сўранг.

19. Дуо қилганда ушбу дуоларни ҳам айтиш: “Роббанаа ҳаб ланаа мин азважинаа ва зуррияатинаа қуррота аъюн”, (яъни, Эй Роббимиз, бизларга жуфти ҳалолларимиздан, фарзандаларимиздан кўз қувочнчлари бер).

20. Эр ёки хотин бир-бирининг ҳақига гўзал ҳолат, нафс ва фикрнинг роҳатини тилаб дуо қилиши керак.

21. Сажда қилган ҳолатингизда кўп дуо қилинг. Чунки банданинг Роббисига энг яқин бўлган ҳолати сажда қилган ҳолатидир.

22. Саждада узоқ вақт дуо қилиб туринг. Чунки, Пайғамбар соллаллоҳу алайҳи васаллам бу ҳақда шундай деганлар: “Белларингиз гуноҳларингиздан оғирлашиб кетган. Уларни саждада узоқ туриш билан енгиллатинглар”.

23. Бир сонияни ҳам зое кетказманг, вақтни ғанимат билинг. Чунки, илоҳий раҳмат ва шаббодалар бу тунда очик бўлади.

24. Қодир бўлганингизча Қуръон ўқинг.

25. Қадр кечасини ибодат билан ўтказиш тонг отгунича давом этади, ўша вақтда фаришталар осмондан тушиб, чиқиб туришади.

26. Аллоҳ таоло сизни бу кечани ибодат билан ўтказишга муваффақ қилганига шукрлар айтинг, сиздан бошқа қанча-қанча кишилар бу бахтдан бебаҳра қолди.

27. Қадр кечасида имкон қадар садақа беришни унутманг. Чунки бу кечада қилинган ҳар бир амалнинг ажри улуғ.


•┈┈┈┈•❈••✾••❈•┈┈┈┈•
Яқинларни огоҳ қилинг
https://telegram.me/joinchat/EBkeNT8wOXpAsSelKCAtIA

#Иллохий_дуо
«Аллоҳумма, иннака афуввун, туҳиббул афва, фаъфу ъанний!»

Таржимаси:
Аллоҳим, Сен афв қилувчисан, афв қилишни яхши кўрасан, мени афв қилгин!

Аҳли илмлар шундай дейишади:
– Афв Аллоҳдан бўлади;
– Афв соғлик, офият маъносида ҳам келиб, аъзои баданнинг соғлом бўлишини ҳам англатади;
– Афв қалбий амалларга муваффақ бўлишни ҳам англатади;
– Афв фарзанд, ризқ ва яхшиликларнинг зиёда бўлишини ҳам англатади.

Қадр кечаси шу дуони айтинг, ундан ғафлатда қолманг!

•┈┈┈┈•❈••✾••❈•┈┈┈┈•
Аллоҳ йўлида тарқатинг!
https://telegram.me/joinchat/EBkeNT8wOXpAsSelKCAtIA

‼️ Ғафлатда қолманг! Бугун Рамазоннинг тоқ кечаси!

🌙 Минг ойдан афзал кеча
- қадр кечаси

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

Бугун Лайлатулқадр - Рамазоннинг 27 кечаси: 26 март (чоршанба)дан — 27 март (пайшанба)га ўтар кечаси.

▫️Муовия ибн Абу Суфён розияллоҳу анҳудан ривоят қилинади: «Набий соллаллоҳу алайҳи васаллам: «Лайлатул Қадр йигирма еттинчи кечадир», дедилар».

Абу Довуд ва Аҳмад ривоят қилишган.

▫️Оиша розияллоҳу анҳодан ривоят қилинади:«Эй Аллоҳнинг Расули! Айтинг-чи, агар Лайлатул қадр кечаси қайси кеча эканини билсам, унда нима дейман?» дедим. «Аллоҳим! Албатта Сен афв қилувчисан. Афвни яхши кўрасан. Бас, мени афв қилгин», дегин», дедилар».

Имом Термизий, Насаий ва Ибн Можа ривояти.



ЛАЙЛАТУЛҚАДР ДУОСИ

- Аллоҳумма иннака ъафуввун, туҳиббул ъафва, фаъфу ъанний...

🤲 Аллоҳим, Сен афв қилувчисан, афв этишни яхши кўрасан. Мени афв эт. Менинг аҳлим ва зурриётимни ҳам афв эт...

🤲 Аллоҳим, Сен афв қилувчисан, афв этишни яхши кўрасан. Мени онамни, отамни ва уларнинг ота-оналарини, ота-оналарининг ота-оналарини ҳам афв этгин...

🤲 Аллоҳим, Сен афв қилувчисан, афв этишни яхши кўрасан. Менинг оға-иниларим, биродарларим ва уларнинг зурриётларини ҳам афв этгин...

 🤲 Аллоҳим, Сен афв қилувчисан, афв этишни яхши кўрасан. Менинг тоғаларим, холаларим ва уларнинг зурриётларини ҳам афв этгин...

 🤲 Аллоҳим, Сен афв қилувчисан, афв этишни яхши кўрасан. Менинг амакиларим, аммаларим ва уларнинг зурриётларини ҳам афв этгин...

🤲 Аллоҳим, Сен афв қилувчисан, афв этишни яхши кўрасан. Менинг дўстларим, ҳамкасбларим, қўшниларим, мени севган ва мен уларни севганларимни афв этгин...

🤲 Аллоҳим, Сен афв қилувчисан, афв этишни яхши кўрасан. Мени ҳаққимга ортимдан ғоибона дуо қилганларни ва мени дуо қилишга ундаганларни ҳам афв эт...

🤲 Аллоҳим, Сен афв қилувчисан, афв этишни яхши кўрасан. Бизни зиммамизда ғамхўрлик қилишимиз ва адо этишимиз лозим ҳақлари бўлган ва биз улар хусусида сусткашлик қилганларимизни афв эт...

🤲 Аллоҳим, Сен афв қилувчисан, афв этишни яхши кўрасан. Бизнинг вафот этган марҳумларимизни ва мусулмонларнинг марҳумларини афв этгин...

🤲 Аллоҳим, Сен афв қилувчисан, афв этишни яхши кўрасан. Барча ушбу дуоимни ўқиб “амийн” деб турганлари афв этгин. Амийн, амийн, амийн...


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

📜 ЛАЙЛАТУЛҚАДР КЕЧАСИ ИЛТИЖОСИ

🤲 Аллоҳим, агар шу кеча Лайлатулқадр бўлса, унда менга яхшиликни тақсим қил, қазоингда энг яхши якунни бер ва менинг умримни саодат ила якунла.

🤲 Аллоҳим, ушбу кечада менинг исмимни саодатмандлар қаторига, руҳимни шуҳадолар қаторига, эҳсонимни иллийинга қўшгин ва гуноҳларимни мағфират этгин.

🤲 Аллоҳим, бу кеча Ўзингнинг яратганларинг, валий бандаларинг ва тоат аҳлинг учун очган ҳар бир яхшилик эшигини мен учун ҳам очгин ва уни мендан ёпмагин.

🤲 Менга Ўзингнинг бой-беҳожат қиладиган ҳалол ва пок ризқингдан ато эт.

🤲 Аллоҳим, саййидимиз Муҳаммадга ва у зотнинг оилаларига саловот ва саломлар йўллагин.

🤲 Аллоҳим, бу муборак кечада тақсим қилган ҳар бир яхшилик, офият, саломатлик, хотиржамлик ва кенг ризқдан менга ҳам улуш, насиба бергин!

🤲 Унда (Ўз ҳикматингга кўра) нозил қиладиганинг ҳар бир ёмонлик, шумлик ва фитнани мендан ва барча мусулмонлардан узоқ қилгин. Аллоҳим, амийн.

🤲 Аллоҳим, бу кеча мени Ўзингнинг кенг караминг билан ўраб олгин ва мени Ўзингнинг авлиёларингдан қилгин. Уни улуғ ажр ва мукаррам заҳира билан мен учун минг ойдан яхшироқ қилгин!

🤲 Аллоҳим, мени бу кечадан фақат мағфират этилган гуноҳ, мақбул саъй-ҳаракат, қабул бўлган амал, асло зиён кўрмайдиган (охират учун бўлган) тижорат, қалблардаги дардларга шифо ва Ўзингнинг карамли Юзинг учун бўлган холис тавба билангина чиқаргин, эй раҳмлиларнинг раҳмлиси.

🤲 Аллоҳим, мени, оиламни, зурриётимни ва барча мусулмонларни бу кечада жаҳаннамдан озод қилинган ва дўзахдан қутқарилган бандаларингдан қилгин.

🤲 Аллоҳим, бу кечада мени назар солиб раҳм қилинган ва дуоси эшитилиб ижобат этилган бандаларингдан қилгин!

🤲 Аллоҳим, ушбу Лайлатулқадрда, унинг сирлари, нурлари ва баракотлари билан дуо қилган нарсаларимни қабул қилишингни ва ҳожатларимни раво этишингни сўрайман, эй раҳмлиларнинг раҳмлиси!

🤲 Аллоҳим, саййидимиз Муҳаммадга, у зотнинг оилаларига ва барча асҳобларига саловот ва саломлар йўллагин.

🤲 Аллоҳумма иннака ъафуввун, туҳиббул ъафва, фаъфу ъаннаа...
Аллоҳим, Сен афв этувчисан, афв этишни яхши кўрасан, бизни афв эт. Аллоҳим, амийн.

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Минг ойдан улуғ бўлган Лайлатул қадр тунлари ўтиб бормоқда. Шундай улуғ кечаларда турибмиз. Аллоҳдан нимани сўрамоқчи бўлсангиз сўранг! Қайта-қайта ёлвориб, ихлос ила сўранг! Қалбингизда сўрайман, деб сўраёлмаган нарса қолмасин. Ҳаттоки ошингизни тузини ҳам сўранг! Аҳли исломга нажот, нусрат сўранг! Солиҳ-солиҳа зурриёт сўранг!

Бу тун дуоларингиз қабул 
бўлган энг хайрли тун бўлсин!

•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA

Бу тун Қадр кечаси деб номланишига сабаб, шу кечада тақдиримиз ўзгариши мумкин!

Аллохим! Бизларни бу кеча дуолари қабул этилганлар қаторида қил! Амин!


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Аллоҳ розилигига эришиш ниятида қадр кечасини бедор ўтказганларнинг ибодатларини Аллоҳ қабул айласин ва жаннати билан мукофотласин🤲

Ибодатли тун шукуҳи кундузи ҳам ҳамроҳингиз бўлсин!

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

Ассалому алейкум ва роҳматуллоҳи ва барокатуҳ

Рамазоннинг 27 қадр кечасининг тонгги муборак бўлсин, Азизлар!

Аллоҳ ушбу кунни барчамизга хайр-баракотли қилсин ва қолган кунларида хам ‎ибодатда, зуҳду тақвода, тавбаю истиғфорда, зикру тасбеҳда бардавом айласин.

‎Имом Шаъбий шундай дейди: “Қадр кечасининг кундузлари ҳам унинг кечалари кабидир”.
Демакки, қадр кечанинг кундузи ҳам дуои саждада бардавом бўлишимиз зарур. Чунки бу вақтдаги дуолар тақдирларга тасир этади.

​Қанча-қанча ғам - андухлар бор фақат саждада тарқалади.

Қанча-қанча дардлар бор фақат дуода тузалади.

Қанча-қанча машаққатлар бор фақат саждадаги кўз ёш билан енгиллашади.

Аллоҳим! Бизларнинг қалбларимизга ором, дардларимизга шифо, ишларимизга енгиллик, амалларимизга қабулият ва дуоларимизга ижобат ато айла!

Тонг хайрли бўлсин, Азизлар!

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

#Ассалому_алайкум

Расулуллоҳ соллаллоҳу алайҳи васаллам:
- “Икки ўринда қилинган дуо рад этилмайди. Азондан кейинги ва ёмғир ёғаётган пайт” -  деганлар.

(Имом Байҳақий ривояти)


Раббим! Ёмғир билан оламни ювганингдек, ауфвинг билан гуноҳларимизни ювиб юбор!

Ё Аллоҳ! Юртимизга ёғаётган ёмғирларни раҳмат ёмғири қил,  гуноҳларимизни мағфират эт, юртимизга, барча мўмин-мусулмонлар юртига тинчлик–омонлик тўкин–сочинлик ато эт!

Ёмғир Аллоҳнинг раҳматидир!
Барчамизга Аллоҳнинг раҳмати бўлсин.

•┈┈┈┈•❈••✾••❈•┈┈┈┈•
Яқинларга  улашинг!
https://telegram.me/joinchat/EBkeNT8wOXpAsSelKCAtIA

#Рамазон
📝 Имом Шофеъий айтади: “Қадр кечасининг кундузларида ҳам кечалари каби (ибодатда) жидду жаҳд қилишни яхши деб биламан”.

🌙 Имом Шаъбий шундай дейди: “Қадр кечасининг кундузлари ҳам унинг кечалари кабидир”.

📚 Ибн Ражаб Ҳанбалий. "Латоифул маориф".


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

🌙 Рамазон ойининг 27-тонги муборак бўлсин

Аллоҳ таоло бу кунни барчамиз учун хайрли, баракали ва савобли амалларга тўла қилсин. Сабр, сиҳат-саломатлик ва оилавий бахт сизларга доимий ҳамроҳ бўлсин.


•┈┈┈┈•❈••✾••❈•┈┈┈┈•
Яқинларингизга улашинг
https://telegram.me/joinchat/EBkeNT8wOXpAsSelKCAtIA

#Илтижо
Аллоҳим, менга шундай кўз бергин-ки, инсонларни фақат яхшиликларини кўрай.

Менга шундай қалб бергин-ки, бандаларингга фақат эзгуликлар улашай.

Менга шундай тоқат бергин-ки, ҳаётнинг ҳар зарбасига чидаб берай!

Менга шундай забон бергин-ки, ҳеч бир бандангни ранжита олмай. Амин!


•┈┈┈┈•❈••✾••❈•┈┈┈┈•
Яқинларингизга улашинг👇
https://telegram.me/joinchat/EBkeNT8wOXpAsSelKCAtIA

Ўтаётган ҳар лаҳза Сени биздан олиб кетяпти-да, соғинчингни қалбимизга экиб кетяпти.

Сенда яшаб сени соғинамиз, шаҳри Рамазон!..

Кечагина сенга интиқ эдик, бугун сонияларингни маҳзунлик билан кузатмоқдамиз.

Биздан рози бўлгин, Рамазон.

Сенда одатланган амалларимиз ҳаётимизни Рамазон айласин!.

Дуоларимизни фаришталар олтин билан ёзиб олсинлар...

Умида Азиз

┉┅━❀🍃📖🍃❀━┅┉
♻️Аллоҳ йўлида тарқатинг!
https://telegram.me/joinchat/EBkeNT8wOXpAsSelKCAtIA

КЕТИШИ АНИҚДИР,
МОҲИ РАМАЗОН

🎙Сардор Рахмхон


┉┅━❀🍃📖🍃❀━┅┉
Аллоҳ йўлида тарқатинг!
https://telegram.me/joinchat/EBkeNT8wOXpAsSelKCAtIA

🌙 Рамазон жўнаш тадоригини кўришни бошлади. Аллоҳим! Ушбу ойнинг хушбўй ҳидидан нафас олдирганинг учун Ўзингга ҳамд бўлсин!
🤲 Аллоҳим! Ушбу ойга етказганингдек, ундаги рўзаи ибодатларнинг қабулидан маҳрум қилма!

Ушбу мохи Рамазонни гуноҳларимиздан фориғ бўлган холда кузатишини насиб эт!


•┈┈┈┈•❈••✾••❈•┈┈┈┈•
Биз билан бирга бўлинг 👇
https://telegram.me/joinchat/EBkeNT8wOXpAsSelKCAtIA

​​Рамазон сабоқлари

ФИДЯ

– Фидя қанақа садақа?
– Маййитнинг, яъни ўлган кишининг ўқилмай қолган намозлари ва тутилмай қолган рўзалари учун садақадир.

– Ҳар бир қазо қилинган рўза учун қанча фидя берилади?
– Ҳар кун учун бир фитр садақаси миқдорича берилади, яъни уч юз олтмиш тўрт мисқол қадар буғдой ёки етти юз йигирма саккиз мисқол қадар арпа берилади.

– Ҳар бир ўқилмаган намоз учун қанча фидя берилади?
– Беш вақт намознинг ҳар бири учун ҳам, витр намози учун ҳам фитр садақаси миқдорича берилади.

– Умри ичида баъзи намози ва баъзи рўзаси қазога қолган киши вафот қилишидан хавфланган замонда нима қилса, вожиб бўлади?
– Қолган намоз-рўзалари учун ворисларига васият этмоғи вожибдир.

– Киши шу тариқа васият қилиб вафот этгач, ворислар қанча миқдор фидя беришлари керак?
– Маййитдан қолган молнинг уч бўлагининг бир бўлагидан бериши лозим бўлади.

– Қолган молнинг учдан бири фидясига етмайдиган бўлса, нима қилади?
– Учдан бири қанча бўлса, ўшанча берилади, етмаган миқдори берилмайди. Aгар ворислари учдан биридан зиёда қилиб берсалар, савобли бўлади. Бир маййит фидя беринглар, деб васият қилмасдан вафот қилса, унинг учун ворислари қолган молидан фидя берсалар, ғоятда савобли бўлади.

– Бир маййитнинг ҳеч бир моли қолмаса, у маййит учун бошқа киши ўз молидан фидя берса, дуруст бўладими?
– Дуруст бўлади.

– Маййитнинг қазога қолган рўза ва намозлари миқдори маълум бўлмаса, нима қилинади?
– Тахмин қилиб берилади. Балоғатга етган замондан ҳисоб қилиб, вафот қилган замонигача ҳар бир намози ва рўзаси учун фидя берилади. Тутилган рўза ва ўқилган намозлари учун ҳам берса, зарари йўқдир, чунки ҳар бир қилинган амалнинг мақбул бўлмоғи маълум эмасдир. Ҳаттоки, ҳеч бир рўза ва намози қазога қолмаган киши ҳам бутун умрида рўза ва намозлари учун фидя берса, фойдадан ҳоли эмасдир.

– Фидянинг тариқаси қандай?
– Эр киши бўлса, ўн икки ёшини, хотин киши бўлса, тўққиз ёшини чиқариб ҳисобланади. Кейин маййитнинг боқий қолган умри учун фақирга фидя берилади.

- Фидя қай миқдорда берилади?
– Aгар ўша маййитнинг қолган молининг учдан бири фидяга кифоя қилгудек бўлса, ҳаммаси бирдан фақирга берилади.

– Бир йиллик рўза ва намознинг фидяси қанча миқдор буғдой бўлади?
– Икки юз ўттиз олти пуд ва йигирма ярим қадоқ буғдой бўлади.

– Ушбу буғдой ва арпа ўрнига баҳоси қадар пул берса, дуруст бўладими?
– Дуруст бўлади.

– Садақаси қанақа кишиларга берилади?
– Закот бериладиган фақир кишиларга берилади.

"Ибодати исломия"дан.


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

#Рамазон_сабоқларидан

ЗАКОТНИНГ  ТУРЛАРИ

Умар Насафий «Ат-Тайсир фит-тафсир» китобида Бақара сурасининг «Улар ғайбга иймон келтирадиган, намозни тўкис адо этадиган ва Биз ризқ қилиб берган нарсалардан эҳсон қиладиганлар» мазмунидаги оятда келган «юнфиқун» (инфоқ қилиш) сўзини «закот бериш» деб тафсир қилиб, уни қуйидаги кўринишларда изоҳлаганлар:

Молнинг закоти – мўминларга закот беришда бағрикенг бўлиш;
Иззатнинг закоти – тавозе ва эҳсон қилиш;
Шарафнинг закоти – заиф ва муҳтожларга ёрдам бериш;
Бола-чақанинг закоти – етимларнинг бошини силаш;
Илмнинг закоти – бошқаларга ўргатиш;
Уйнинг закоти – меҳмондўст бўлиш;
Сиҳатнинг закоти – гуноҳлардан парҳез қилиш;
Гўзал овознинг закоти – Қуръон ўқиш;
Баданнинг закоти – Аллоҳга исён қилмаслик;
Тилнинг закоти – туҳматдан сақланиш;
Кўзнинг закоти – ҳаром нарсаларга қарамаслик;
Мурувватнинг закоти – ғарибларни ҳимоя қилиш;
Бандаликнинг закоти – Аллоҳнинг буйруқларини бажариш;
Муҳаббатнинг закоти – Раҳмонни кўп зикр қилиш;
Иймоннинг закоти – рукнларга (фарзларга) эътиборли бўлиш;
Исломнинг закоти – шайтондан сақланиш;
Зуҳднинг закоти – раҳбарарга қарши чиқишдан йироқ туриш;
Қалбнинг закоти – иймонни мустаҳкамлаш;
Ботиннинг закоти – зоҳирни муроқаба қилиш;

Умар Насафийнинг «Ат-Тайсир фит-тафсир» асаридан


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA