Нафсни деб, иймондан бўлдикми жудо,
Қалбни забт этдими шайтоний буйруқ.
Балки, эсимиздан чиққандир Худо,
Худонинг эсидан чиққанимиз йўқ!

Оёғимга мадор, бошимга соя,
Бир бора исмини айтсак, кифоя,
Жонимизга берур мингта ҳимоя,
Худонинг эсидан чиққанимиз йўқ!

Балки, дард жонларнинг жонидан ўтган,
Балки, қувончлардан мосуво этган,
Энг яқин дўстимиз унутиб кетган,
Худонинг эсидан чиққанимиз йўқ!

Яқинингман дея, ёнига имлар,
Келгувчилар ким-у, кетгувчи кимлар,
Тарк этиб кетса ҳам бизни яқинлар,
Худонинг эсидан чиққанимиз йўқ!

Гарчи вужудингни босиб келса ғам,
Ҳеч бир сўз қалбингга бўлмаса малҳам,
Ҳатто оғир кунда, йўқчиликда ҳам,
Худонинг эсидан чиққанимиз йўқ!

Бир кунда беш маҳал бергайдир садо,
Ҳеч бир бандасини қўймайди қуруқ.
Балки, эсимиздан чиққандир Худо,
Худонинг эсидан чиққанимиз йўқ!

Ўлмасбек Самарқандий.
@Samarqandiy77


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

ТАМА ВА ОЛЧОҚЛИК ҲАҚИДА

Турк шоири Юнус Эмро нафснинг ёлғон ва нифоқ билан машғул бўладиган тўққизта ўғли борлигини қайд қилган. Файласуф шоирнинг белгилашича, таъма – шу ўғилларнинг тўнғичи экан. У инсонни тўғри йўлдан оздиргач, унда нафсининг бошқа фарзандлари: кибр, ҳасад, кин, туҳмат кабилар фаол ҳаракатга тушишар экан.

Таъма – манфаат ҳирси бўлиб, у ақлни олишга, ялтоқиликка ундайди. Табиийки, бунда инсонийлик шаъни таҳқирланиб, ғурур хорланади. Таъма йўлига кирган кўнгил юлғирлик ва эришишга бениҳоя ўч бўлади.
Кимдаки, таъмагирлик, олчоқлик туйғуларини пайқасангиз, бундай кимсаларнинг самимиятига ҳеч қачон инонманг. Бундайлар мақсадига эришиш учун сотмоққа, мансаб ва мартабаларда ўсмоқ учун эгилишга, тўғрилик шиори остида ёлғонга, яхшиликни унутмоққа, беписандликка моҳир бўладилар. Улар дунёга берилиб, Худони унутган инсонлардир.

PS. Афсуски, одамийлик фазилатлари тобора камёб, олчоқлик эса зиёд бўлиб бормоқда...

Telegram.me/IBRATLI -
Дунё сабоқлари...

Ёдда тутинг!
Сиз имтиҳон дунёда яшаяпсиз ва ҳаётингиздаги ҳар бир воқелик - бу ИМТИҲОН.

Берилгани ҳам, олингани ҳам, яхшилик ҳам, ёмонлик ҳам, соғлик ҳам, беморлик ҳам...

Имтиҳон саволлари ёқмаятими, натижасидан қониқмаяпсизми...

Имтиҳон олувчидан норози бӯлманг, шунчаки, бисотингиздаги одамийлик илмидан тӯлиқ фойдаланинг.


•┈┈┈┈•❈••✾••❈•┈┈┈┈•
Якинларингизга узатинг!👇
https://telegram.me/joinchat/EBkeNT8wOXpAsSelKCAtIA

   ХАЁТ  ШУНДАЙ...
 
Хаётингиз тўкин-фаровон, бахт-саодатга тўла ўтишини хоҳлайсизми? Бемалол ибодат қилиб, хеч қандай қийинчилик кўрмай, машаққатлар чекмай яшашничи? Юрагингиз хеч қачон сиқилмаслигини, хеч ким сизга қаршилик қилмай, асабингизни бузмаслигиничи? Хоҳлайсизми?

Чучварани ҳом санабсиз!!!

     Бу дунё жаннат эмас. Агар бу дунёда барчаси яхши бўлганида жаннатни яратишдан маъно бўлмас эди. Агар шу синовлар, машаққатлар бўлмаса, инсон танбаллашиб комилликка интилмай қўяди. Бу холда Аллоҳнинг розилигига эришиш хам мушкул бўлиб қоларди.  
     Шундай экан, нолийверманг! Синовли дунёнинг моҳиятини тушунинг. Курашинг. Яшанг. Қийналинг. Ютинг. Эришинг ва  Аллоҳ харакатларингизга ажр берсин.

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

ЎЙЛАНМА, ЭЙ, БАНДАМ...

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Аллоҳим, ҳаммамизга
хайрли тун ҳадя қилгин...

Ўзингдан ўзгага муҳтож этма, Қалбимизни ва қабримизни мунаввар қил! Аллохим, барча ёмонликлардан паноҳ бергувчи ёлғиз Ўзингсан. Ҳаётимизни фақат яхшиликларни зиёда қилишликка сарф қилишимизни, ҳаёт ва мамотимиз барча ёмонликларидан фориғ бўлишини насиб қил, Аллохим...

Дуоларимдасиз қадрдон...
Хайрли тун!


┉┅━❀🍃📖🍃❀━┅┉
Аллоҳ йўлида тарқатинг!
https://telegram.me/joinchat/EBkeNT8wOXpAsSelKCAtIA

Ассалому алайкум ва раҳматуллоҳи ва барокатуҳ!

Хайрли тонг, Қадрдон!

Ҳар тонгимиз Бисмиллоҳ ила бошланиб, ҳар кунимиз Алҳамдулиллаҳ ила якунлансин. Барчамизга дунё ва охиратимизни саодатга боғлайдиган хайрли амаллар қилиш насиб этсин!!

Кўнгил поклиги, қалб ва руҳ хотиржамлиги, ақл соғломлиги,  тану-жон омонлиги доимий ҳамроҳимиз бўлсин!!

Ҳамиша, ҳар ерда ва ҳар ишда омад ёр, Яратган эгам ўзи мададкор бўлсин, Ин Ша Аллоҳ!

Қалбимиз ва дуоларимиздаги азиз инсонларимизни Аллоҳим паноҳида асрасин!!

Аллоҳ ҳар биримизнинг хонадонимизда файзу-барокат, кетмас давлат, шукронаи неъмат ва тинчлик-тотувликни бардавом қилсин!

Янги кунга "Бисмиллаҳ!"...

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

Дуои саломлари ила тонгларга файз бахш этган Қадрдонларим

 АССАЛОМУ  АЛАЙКУМ! 

Душанба тонги муборак бўлсин. Хафта давомида Сизларга ҳуш кайфият ҳамроҳ бўлсин!

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

🌷ОМОНМИСИЗ, ҚАДРДОНИМ?!

Ҳар тонг шундай дийдорлашайлик,
"Омонмисиз, кадрдоним" денг.
Опам,синглим, акажонларим
Кўнглингизни бир дам қўйинг кенг.

Танишмисиз ёки нотаниш,
Ўзингизга қадрдон билинг.
Бўлса ҳамки, минг ўй, минг ташвиш,
Учрашганда табассум қилинг.

Мен-чи, сизни бағримга босиб,
Меҳрим билан гулларга ўрай.
Яхши кунлар этсин-да насиб,
Сизни доим бахтиёр кўрай.

Қондошгинам, қилмангиз унут,
Дунё бир кам, иши чигал-ку,
Бугун мени кўрдингиз хушнуд,
Эртага мен бўлмасман балки.

Йиллар ўтар, ўтар чарх уриб,
Дарё каби оқади фурсат.
Ҳар тонг қўлни қўлларга бериб,
Омонлашмоқ ўзи ғанимат.

Ҳар тонг шундай дийдорлашайлик,
Омонмисиз, кадрдоним денг!


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

ОМАД ва БАХТ формуласи

Қадрдон, "Мен ҳаётнинг энг олий неъматларига лойиқман" деб айтинг. Чунки дилдан чиққан ҳар сўзингизни яратган ният деб қабул қилади ва сизни лойиқлик йўли томон бошлайди... Ўзингиз англамаган ҳолда лойиқлар йўлидан юрасиз ва энг олий мукофотларга чинданда лойиқ бўлиб борасиз... Энг муҳими, сиз буни чиндан истасангизгина, у йўлни кўра оласиз ва шундагина ҳар қандай қийинчиликлардан чиқиш йўлини топа оласиз!

Йўлингиз ва кўнглингиз
ойдин бўлсин!


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

​​Гарвард талабаларини руҳлантириш учун қандай гаплар  айтилишини биласизми? Ўқинг, сизга ҳам фойдаси тегади!

Ҳозир ухласанг, албатта, орзуларингни тушингда кўрасан. Агар уйқунинг ўрнига ўқишни танласанг, орзуларингни ҳаётда кўрасан.

Қачонки сен ҳаммасига жуда кеч бўлди деб ўйласанг, аслида ҳали эрта бўлади.

Ўқиш азоби — вақтинчалик. Билмаслик азоби — абадий.

Ўқиш — бу вақт сарфлаш эмас. Ўқиш — ҳаракат қилиш.

Ҳаёт фақат ўқишдан иборат эмас. Ҳаётнинг мана шу қисмини ҳам босиб ўта олмасанг, нимага ҳам қодир бўла олардинг?

Қийинчилик ва тинимсиз ҳаракатдан роҳатлан.

Кимки ҳаммасини эрта қилса, ўзининг муваффақиятидан ҳаққоний роҳатлана олади.

Ҳаммасига улгуриш имконияти барчага берилмаган, лекин муваффақият ўз устида ишловчи ва муаммоларни тезда ҳал қиладиганларга келади.

Вақт учади. Ҳозирги сўлагинг эртага кўз ёши бўлади.

Агар сен бугун пиёда юришни хоҳламасанг, эртага югуришга мажбур бўласан.

Келажаги учун нимадир қиладиган одам реалистдир.

Сенинг топадиган пулинг – олган билиминг даражасига пропорционал.

Бугун ҳеч қачон қайтиб келмайди.

Ҳозир хатто душманларинг очларча китобларни варақламоқда.

Қийинчиликларсиз мақсадга етиб бўлмайди.

Таржимон: Акмал Хушвақов.


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

.
ҚАНДАЙ  ЯШАМОҚДАСАН ?

– Умидсизликка тушма! Умидсизлик Аллоҳнинг раҳматига ношукрлик бўлади.

– Ғазабланма!
Ғазаб фазилатларни барбод қилади.

– Кек сақлама!
Кек сақлаш ҳаётнинг гўзаллигини ўчириб юборади.

– Маҳзун бўлма! Маҳзунлик жисмга ҳам, асабга ҳам талофат етказиб, чидаб бўлмас ғам-ғуссага гирифтор қилади.

– Замонлар тасарруфи Аллоҳнинг қазо ва қадар салтанати остида эканини унутма!

- Атрофингдаги воқеаларга бепарво бўлма!
Бошқаларга самимий ҳамдард бўлиш – инсоний
хусусиятлардандир.

- Ҳаргиз худбин бўлама!
Бошқаларга яхшиликни раво кўриш (ийсор) инсоний фазилатларнинг энг гўзалидир.


•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA

Ўқи болам, ўқигин болам...

Етмоқ учун Дунё сирига,
Етмоқ учун Само сирига,
Етмоқ учун Ҳақнинг нурига,
Ўқи болам,
Ўқигин болам...

Илм тунда бўлгуси чироқ,
Бамисоли жангларда яроқ,
Минг бойликдан илм яхшироқ,
Ўқи болам,
Ўқигин болам...

Илм шифо, билимсиз бемор,
Ҳунар тилло, ҳунарсиздир хор,
Илм билан оламдир гулзор,
Ўқи болам,
Ўқигин болам...

Илм учун ўтганинг ҳар бир вақт,
Ибодатдир, қандайин бу бахт,
Бор аъмолинг қўлларингда нақд,
Ўқи болам,
Ўқигин болам...

Китоб очган қўлингдан ўпай,
Китоб кўрган кўзингдан ўпай,
Олим бўлгин, изингдан ўпай,
Ўқи болам,
Ўқигин болам...

Мансуржон Хўжаев


•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA

АФСУСКИ ХАҚИҚАТ

Бир яҳудий инсон билан суҳбатлашиб қолдим. Юрагимни илма-тешик қилар гапларни айтдию, аммо ҳақиқат эди.

Бир даврада ёш болаларнинг яхши хулқлари ҳақида гапира туриб, "Исломий тарбия шундай бўлади" деб қўйдим. Бироздан сўнг кўчага, салқин ҳавога чиқдим. Ёнимга бир инсон келди:
— "Боя айтган гапингизга қўшилмайман. Агар ранжимасангиз ҳақиқатни айтай, — деди. — Сиз мусулмонлар фарзандингизга асло диний тарбия бера олмайсизлар.
Сизлар болаларингизга фақат ва фақат пул топиш, бой бўлиш, катта ҳовли ва машиналар олишни ўргатасиз. Бу Исломий тарбия эмас!

Болангиз доктор бўлгиси келса, сиз "Жуда яхши касб. Инсонларни дардига малҳам бўласан" демайсиз. Аксинча, "Жуда яхши касб. Халқ ҳурматида бўласан, ҳамма сени чўнчагингга пул солади. Докторни бир операцияси фалон пул туради" дейсиз. Натижада болани ёшликдан пора, кибр ва ҳаромхўрликка йўналтирасиз.

Уларга динни ўргатмагани учун шундай деманг. Чунки динни ўрганган руҳонийларингиз ҳам катта бизнес ва сармоя соҳиблари. Минбарга чиқиб олиб, фоиз яхши эмас, дея ўзлари машинасини фоизли ижарага беради. Гап диний билимда эмас, диннинг моҳиятини етказишда!

Мусулмонлар яшайдиган ўлкаларга Аллоҳ барака берган. Энг бой юртлар мусулмонларники. Аммо энг қашшоқи ҳам улар! Нима учун? Чунки фақат бойлик кетидан қувасизлар. Натижада бир-бирингизга гапингиз ўтмайди.

Сизга бир гапни айтаман. Болаларга тарбия беришни биз мусулмонлардан ўргандик. Биз болани ёшлигидан унга хавфли нарсаларни оддий қилиб кўрсатиб, ундан қандай сақланишни ўргатамиз. Масалан, 2-3 яшар бола ҳар нарсага қизиқади. Агар у пулга қизиқса, биз уйни ҳар ерига пул қўямиз. Ўзимиз эса пулга бефарқ бўлиб, қўлларимизга китоб оламиз. Бола пулни ушлаб, бизга қарайди. Бизни диққатимиз китобдалигини билгач, пулни ташлаб, у ҳам қандайдир китобга қараб эмаклайди.

Сизлар болаларингизнинг оғзига топганингизни тиқасизлар. Биз эса кераклисини. Масалан, бола шоколадга қизиқса, унга шоколад берамиз, аммо ўзимиз емаймиз. Шунинг учун бола ҳам уни емайди. Аммо мусулмоннинг боласига қарасангиз: қўлига нима тушса, оғзига солиб кўради.

Биз боламизга касбни ўзимиз танлаймиз. Сизлар эса "Ким бўлсанг бўлавер!" дейсиз, натижада бола жуда кеч улғаяди. Биз ҳар кеча уйда китобхонлик соати қиламиз. Ишдан чарчаб келамиз, мутолаага куч қолмайди. Аммо шу соатда биз китобни очиб, унга термулиб ўтираверамиз. Болаларимиз ҳам бунинг муҳимлигини ҳис қилиб, китобга қизиқа бошлайди.

Агар мен уни инжинер қилмоқчи бўлсам, атайин унинг атрофига шу соҳага оид турли расмдаги китобларни қўяман. Бола нимани билса, шуни касб қилади. Диний ва дунёвий таълимни ёшликдан шундай берсак, келажакда унинг учун қайғуришга ҳожат қолмайди.

Мен яҳудий бўла туриб, Исломни айрим мусулмонлардан яхши биламан. Истасангиз, уйга кирамиз. Ўша даврадагиларга диндан савол бераман. Барчаси жавоб бера олишига ишонасизми? Йўқ! Чунки уларни бефаҳм қилиб тарбиялашган.

Ҳозир болам 9 ёшда. Инглиз, рус ва иброний тилни билади. Ҳар кеча онлайн тарзда Исроил олимларидан Тавротни ўрганмоқда. Хонасидаги жавони китобга тўла. Ядровий физикага қизиқади. Мактабни битириб, Қуддамга кетмоқчи.

Уни зеҳнли қилиб тарбия қилганимиз учун Исроил давлати ҳар ой менга катта маош тўлайди. Мен ҳар ой унга озроқдан маош бераман. Пул билан муомала қилишни ўрганиши учун. Пулни нимага сарфлашига диққат қиламан. Агар ёш болаларча сарфласа, демак тарбияда бироз оғишлик бор. Тўғрилайман.

Мусулмон боласи пулни қандга ишлатса, "Болани пулга ўргатибсан!" дея, онасига дакки беради. Ўзи эса "Ўқисанг — бой бўласан!" деб, уқтиради"...

Унинг гапларини чуқур ўйладим. Аслида у ҳақиқатни гапирган эди. Энг бой ўлкада яшаб туриб, энг камбағал ва маданиятсиз эдик. Демак, айб ўзимизда бўлган экан. "Нобель" олганларнинг кўпи яҳудий. Энг катта бизнесмен, олим, доктор ва ихтирочилар ҳам улар. Энг кўп китоб чоп этиб, таълимга кўп пул сарфлаб, ёшларга кучли таълим берувчилар ҳам улар. Барча соҳани эгаллаб, ўз мақсадлари йўлида фойдаланувчилар ҳам улар! Афсуски шундай!

•┈┈┈┈•❈••✾••❈•┈┈┈┈•
Яқинларга  улашинг!
https://telegram.me/joinchat/EBkeNT8wOXpAsSelKCAtIA

​​Ёши улуғ танишларимдан бири отаси ҳақида эслаб шундай дейди: “Отам раҳматли жуда тақводор, Аллоҳдан қўрқадиган, биз фарзандларига яхши тарбия берган, ҳақиқий комил инсон эдилар. Баъзан улар Аллоҳга илтижо қилиб “Эй, Парвардигорим, негадир менинг болаларимга ташвиш, муаммоларни юбормаяпсан. Фарзандларимни синовларинг билан йўқламаяпсан. Наҳотки, бизни ўз ҳолимизга ташлаб қўйган бўлсанг?” дердилар. Биз “Отажон, нега бунақа дейсиз? Ахир фаровон, тўкис, муаммосиз яшаш яхши-ку!” дея хафа бўлсак, отам “Болам, одам боласи қийинчиликлар, ташвишлар билан тобланади, Аллоҳга яқин бўлади. Ҳамма иши жойида, беғам яшаётганларнинг охири оғир синов бўлади. Мен сизларга охири оғир синовни эмас, охири хайрли, роҳат-фароғат бўлган тақдир истайман” дердилар”...


•┈┈┈┈•❈••✾••❈•┈┈┈┈•
Яқинларга  ҳам  улашинг!
https://telegram.me/joinchat/EBkeNT8wOXpAsSelKCAtIA

ХАЙРЛИ ТУН, АЗИЗЛАР!

Эртанги кунингиз бугунги кунингиздан афзал бўлсин!
Атрофингизга назар солсангиз, чексиз имкон ва неъматлар ичра эканлигингизни англайсиз.
Аллоҳ барчамизни ёмонликлардан омон сақлаб, тонгга саломат етказсин. Аллоҳга омонатсиз!

ЯХШИ ДАМ ОЛИНГ!

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Ассаламу алайкум ва роҳматуллоҳи ва барокатуҳ

Бугунги кунингиз файзли
ва барокатли бўлсин!

Аллох қалбингиздан қувонч ва меҳр-оқибатни аритмасин! Рўзғорингизга барака, халол ризқ, ўзингизга мустаҳкам соғлик ва иймон зиёдалигини насиб қилиб, Ўзи ҳамиша яхшиликлари устида қилсин!

Бахт қидирганларга бахт, фарзандсизларга фарзанд, ёлғизларга ҳамрох, дардманлар дардига даво, беморларга шифо берсин!

Ишингизда ривож, ўзингизга омад ёр бўлсин, фарзандлар камолини кўринг. Сиз ва яқинларингизни  Аллоҳ  ўзи доим паноҳида асрасин.

Бугуннинг яхшиликлари Сизга хамроҳ  бўлсин

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Дуои саломлари ила тонгларга  файз  бахш  этган қадрдоним,

 АССАЛОМУ  АЛАЙКУМ! 

Сешанба тонги муборак бўлсин. Кун давомида Сизга омад ва хуш кайфият ҳамроҳ бўлсин!


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

#Хайрли_кун

Кунни гўзал дуолар, яхши ниятлар билан бошланг ва «Бугун албатта кўп яхшиликлар бўлади!» - дея, яхши гумонда бўлинг.

Чунки кунингиз - кўзингиз билан  кўрганингиздек эмас, қалбингиз билан хис қилганингиздек ўтади.

Кунингиз ва кўнглингиз
ойдин бўлсин!


ХАЙРЛИ КУН,  АЗИЗЛАР!


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA ⠀ ⠀