​​Абдугафур Искандардан

ТАСАДДУҚ

(Оламлар сарвари Муҳаммад алайҳиссаломга очиқ мактуб)

Саломлар бўлсин сизга, ё Расулуллоҳ! Жоним пойингизга тасаддуқ, ё Расулуллоҳ!
Сизни илк бор кўрганим ёдимда. (Бу кунни унутиб бўларканми?!) Бундан йигирма беш йил муқаддам – рамазоннинг илк куни эди. Ўшанда талаба эдим. Гуноҳ ва жаҳолат биёбонларида сарсон-саргардон юрардим... Бир куни йўлакда писта чақиб бораётсам, олдимдан ҳарбий хизматда юрганимизда биздан илгарилаб кетган собиқ курсдошим чиқиб қолди. Айни наврўз байрамлари ўтказилаётган пайт эди. Пистадан узатдим, олмади. Кейин, юринг, байрам қиламиз, дедим. Кўнмади, кейин: “Мен рўза тутганман”, деди-да каминангиз томондан бўлаётган барча таклифларга нуқта қўйди...
Рамазон келганидан ҳам бехабар қолган эканман-да, ё Расулуллоҳ!
Аллоҳ тилимга бир калима берди шунда. Нега менга айтмадингиз, деб юборганимни ўзим ҳам билмай қолдим. Гўё қачонлардан бери рамазонни кутиб юрибман-у, келганидан бехабар қолганман. Эртадан тутсангиз ҳам бўлаверади, деди собиқ курсдошим. Бўпти, эртадан мен ҳам рўза тутаман, дедим. Аммо қанчалик қатъятим бор эди ўшанда, билмайман.
Ҳа, рамазоннинг илк куни эди ўшанда, ё Расулуллоҳ! Менинг эса, оғзим очиқ!
Бир томондан ҳадисларингиз бизнинг тилимизга ҳам таржималар қилиниб, озми-кўпми ўқиб турибмиз, бошқа томондан эса, бир оёғимиз ҳали ҳам жаҳолат ботқоғида эди. Мен нодон, эртадан рўзани бошласам, маишат ўлади, шунинг учун охирги марта улфатлар билан бииир... дебман-да, Расулуллоҳ.
Ўша кеча нима бўлса бўлди. (Қилмишимдан Аллоҳга тавба қилдим. Сизнинг шафоатингизга умид боғладим. Шу тавба ва умидим орқасида қайтиб оғзимга ичкилик олмадим, ё Расулуллоҳ.)
...сўнг саҳар кирмасидан туриб ювиндим, кийимларимни алмаштириб, ўша дўстимнинг хонасига чиқдим. (Ётоқхонада турардик.) “Маишат”дан кейин бўладиган одатдаги бошоғриқдан асар ҳам йўқ, руҳим фавқулодда жуда тетик эди. Кайфиятимда ҳам ўзим билмаган бир ёрқинлик бор эди. Уч-тўрт киши бирга саҳарлик қилиб, оғиз ёпдик. Бир пас рўза масалаларидан суҳбатлашдик. Кейин улар бомдод намози ўқигани чиқишди. Мен эса, дўстимнинг ўрнига чўзилдим. Кўзим илинибди. Ўшанда илк бор сизни кўрдим, ё Расулуллоҳ! Қоматингиз, сўзларингиз, атворингиз худди саҳобаларингиз таърифлагандек эди. (Бу таърифларни кейинчалик ўқиб билдим.) Ўшанда безовта эдингиз. Мен Сизни безовта қилган нарса кечаги ишларим эканини билиб турардим. “Кимдир биринчи кунги рўзасини бузибди, энди ҳаммамиз бошқатдан тутамиз”, дедингиз. Лекин ўша бузғунчи ким эканини билиб туриб, айтмадингиз. Ҳузурингизда уятдан ерга кириб кетгудек бўлдим. Сўнг... уйғониб кетдим, дўстларим намоздан қайтишган экан.
Ўшанда илк бор поклик нелигини ҳис этдим, ё Расулуллоҳ!
Уни менга Сиз англатиб кетдингиз, ё Расулуллоҳ! (Кейинчалик яна бир марта жамолингизни насиб айлаб, неларнидир айтмоқчи бўлдингиз! Унга ҳам анчалар бўлди.)
Ҳамон ўша покликни, муборак жамолингизни соғинаман, ё Расулуллоҳ, лекин Раббингиз дунё ҳавасларию журм-исёнларга ғарқ бандасига Ҳабибининг жамолини лойиқ кўрмаётир!
Ё Расулуллоҳ, сизни соғиниш, жамолингизни бир бор туш кўриш – бахт, қиёматда ёнингизда бўлиш эса минг чандон улуғ бахт...
Раббимизнинг бизга онажонларимиздан ҳам меҳрибонроқ эканини айтгансиз. Дарҳақиқат, биз Уни шундай топдик. Ахир, бўлмаса, бир кун олдин, рамазондек муборак ойнинг илк кунида катта-катта гуноҳларни содир этиб турган бир бандасини эртасигаёқ, Исломнинг остонасидан ҳатлар-ҳатламас, саҳарлик билан сийлармиди, Расулининг жамолини изҳор этармиди?!
Ё Расулуллоҳ, Сизга саловот ва саломлар йўллаймиз, Сизга салому саловот йўллаш асносида Сизга лойиқ уммат бўлишимизда Оллоҳдан мадад тилаймиз.
Ё Расулуллоҳ, Сизни қиёмат кунида мақтовли мақомда тирилтиришини, Ҳавзи Кавсар бўйида бизни сиз ила дийдор кўриштиришини сўраймиз...
Тушларимга кириб туринг, ё Расулуллоҳ!..

Бир умматингиз


📖 Telegram.me/IBRATLI

​​🌴 СОҒИНДИМ РАМАЗОННИ...
                            
Ўн икки ой султони,
Муштоқ кўнглим меҳмони,
Шафоъатдир ҳар они ,
Соғиндим РАМАЗОННИ ...

Кўкка етар кун оҳим,
Тўкилгайдир гуноҳим,
Гўзал шамсим, хам моҳим,
Соғиндим РАМАЗОННИ...

Кенг қилгувчи сабримни ,
Кетгазгувчи ҳажримни,
Мукофотга - ажримни,
Соғиндим РАМАЗОННИ...

Ҳар қадамда минг савоб,
Силаи- раҳми таъвоф,
Чўғ кўнглимга бўлсин об,
Соғиндим РАМАЗОННИ...

Банди қилган шайтонни,
Юксалтирган иймонни,
Жаннат томон имконни,
Соғиндим РАМАЗОННИ...

Ўн икки ой султони,
Муштоқ кўнглим меҳмони,
Шафоъатдир ҳар они,
Соғиндим РАМАЗОННИ...

СОҒИНДИМ РАМАЗОННИ ...
     
Хазонрезги


📖 Telegram.me/IBRATLI

​​Антиқа саҳоват

- Кечирасиз, ука, мана шу ердан ўтиб кетаётгандим, кўчада юрган экан, сизники эмасми? - сўз бошлади тоза, озода кастюм шим кийиб, қўлида сигир арқонини тутиб олган киши.
- Йўқ, бизни сигиримиз йўқ. -жавоб берди камбағалгина, борига шукур этиб келаётган инсон.
- Мен жуда мажлисга шошиб тургандим, шу сигир сизникида туратурсин, эгаси қидириб келса бериб юборасиз. Кўчада бирор ёққа кетиб қолиб эгаси қидириб юрмасин.
- Хўп, ака майли. Эгаси келиб қолса сизни айтаман, яхши инсон экансиз.
- Майли, мени айтақолинг. Ҳечким сўраб келмаса, ўзим олиб кетаман, майлими? -кулди ҳалиги киши.
- Хўп, ака.
Отасининг ўртоғи унга амаки бўладиган бўлса, жондек жигарига Рамазон олди битта сигир ҳадя этса этибди-да. Саҳоват қилишнинг шундай йўлларини топса ҳам бўларкан-ку. Эртаси тонгда дарвозаси олдида қоғозча топди, шукур билан яшаб келаётган инсон. "Кеча сизга арқонини тутқазган сигирим ўзингизники экан. У сизга Яратганнинг бир туҳфаси эмишки, эгаси қидириб келади деб кутманг. Рамазон муборак бўлсин, дўстим!"

Нуриддин Зиё

•┈┈┈┈•❈••✾••❈•┈┈┈┈•
Яқинларингизга улашинг
https://telegram.me/joinchat/EBkeNT8wOXpAsSelKCAtIA

– Сен ҳақингда дўсту ёр, таниш- билишдан эмас, ҳамма нарсани, ҳамманинг ҳолу аҳволини яхши Биладигандан сўрайман:

"АЛЛОҲИМ, У СОҒ - САЛОМАТ, ҚАЛБИ ХОТИРЖАММИ?"...


Сизу бизни дуоларида сўрайдиган яқинларимиз омон бўлсинлар...

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Рамазон ойининг рўзаси бошланганда қўшниларга хурмо улашинг. Имконингиз етмаса, энг камида битта оилага беринг ва уларга рўзани хурмо билан очиш суннат эканини эслатинг.
Иншааллоҳ, у билан оғиз очган ҳар рўзадорнинг савобига тенгма-тенг шерик бўласиз.

* Ифторлик қилиб бериш зиёфат дегани эмас, оғизни очишда биринчи еган нарса хам ифторлик бўлади.

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

РАМАЗОНГА ТАЁРГАРЛИК

🎙Икром Шариф


Telegram.me/ibratli -
Асл ибрат макони...

КЕЛГИН РАМАЗОНИМ


✍Сарвар Мирзо
🎙Жобир Аҳмад

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Ассалому алайкум ва роҳматуллоҳи ва барокатуҳ.

Азизларим, мана НАВРЎЗ айёмини хам қарши олдик,
Алҳамдулиллаҳ..!

Янгиланиш ва орзулар тимсоли - НАВРЎЗ тонггини ўзгача сурур билан кутиб олайлик... Яқинларингиз ва болаларга хуш кайфият улашинг... Ушбу кунда барчага шодлик ва шукроналик хамрох бўлсин!

Аллоҳ ҳаммамизга барокатли, ҳайрли амалларга тўла умр, барча яқинларимизга сихат - саломатлик, хонадонларимизга файз, ризқимизга кенглик, оилаларимизга хотиржамлик, беморларга комил шифо ва қалбларимизга иймон ҳаловати ва бахор гўзаллигини ато этсин. Кунларимиз сўраганимиздан ҳам зиёда бўлсин!!

НАВРЎЗ МУБОРАК АЗИЗЛАР !

•┈┈┈┈•❈••✾••❈•┈┈┈┈•
Яқинларингизни табрикланг!
https://telegram.me/joinchat/EBkeNT8wOXpAsSelKCAtIA

Ўзбекистон призиденти Шавкат Миромонович Мирзиёевнинг Наврўз байрам табриги

НАВРЎЗ МУБОРАК БЎЛСИН!

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA

#retro
🎶 НОЗЛАНАЖАКДИР...

📝Жуманиёз Жабборов сўзи
🎼Анор Назаров мусиқаси
🎤“Файёд” гуруҳи ижроси


Наврўз келибон жумлаи жаҳон
Нозлана, нозлана, нозланажакдир,
Офтоб қизитиб, аста-секин
Ёзлана, ёзлана, ёзланажакдир.

Яшнар табиат, дашту адир лола ичида,
Юртим – чаманим
Ўзгача, ўзгача пардозланажакдир.

Қайнар сумалак, қайнар сумалак,
Варрак учар, тўй-ю томоша.
Диллар қувониб, диллар қувониб,
Шодлана, шодлана, парвозланажакдир.

Жавлон уради давра қуриб бизнинг йигитлар,
Қизлар безаниб,
Нозлана, нозлана, мумтозланажакдир...


* “Файёд” гуруҳи 1998 йилда ташкил топиб, 2010 йилда эса ўз фаолиятини якунлаган. Қизлари алоҳида ижод қилишни лозим кўришган.

•┈┈┈┈•❈••✾••❈•┈┈┈┈•
Яқинларга ҳам улашинг!👇
https://telegram.me/joinchat/EBkeNT8wOXpAsSelKCAtIA

#Наврўз_муборак

БАҲОР БИЗНИ СЎРОҚЛАР!

🎙Толибжон Исроилов


•┈┈┈┈•❈••✾••❈•┈┈┈┈•
Яқинларга ҳам улашинг!👇
https://telegram.me/joinchat/EBkeNT8wOXpAsSelKCAtIA

НАВРЎЗ КЕЛДИ

✍Хазонрезги
🎙Раъно Тажибаевна

•┈┈┈┈•❈••✾••❈•┈┈┈┈•
Яқинларга ҳам улашинг!👇
https://telegram.me/joinchat/EBkeNT8wOXpAsSelKCAtIA

#qiziq
Улуғ олмон адиби Гётенинг қизиқ бир одати бўлган: у баҳорда дойим чўнтакларини гулларнинг уруғига тўлдириб юрган ва қаерда юрса уларни йўл четига сепиб юрган. У вафот этганида ундан гулларга бурканган кўплаб йўлаклар қолган яъни Гёте юрган Германия йўлакларининг четида гўзал гуллар очилган.

®internet

PS. Гётье ўзидан гўзал из қолдирган экан... "Йўлингизда гуллар очилсин" дегандек...

Бир актриса опамиз борлар, Барно Қодирова, кун давомида учраган барча сухбатдошига самимий табассум ва албатта ширинлик(конфет) улашишни канда қилмайдилар...


🥀 Аллоҳ сизу бизни ҳам хуш кайфият, гўзаллик ва ширин насиба улашувчилардан қилсин!

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

#Кўзларингиз_қувонсин
БОЙЧЕЧАГИМ

🎥 "9999" студияси махсулоти

Болажонларига хуш кайфият, қувонч улашайлик , Азизлар!

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

ОНАМ БИЛАН
РАҚСГА ТУШГАНДА...

🎙Улуғбек Рахматуллаев

Азиз Ота-Оналаримизга ҳамиша хуш кайфият ҳамроҳ бўлсин!

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

БОЛАСИСАН ЎЗБЕКИСТОННИ...

Юртини соғинган мусофир юртдошларимизга хам наврўз айёми муборак бўлсин!

🎙Афзал Рафиқов.

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

#Ибратли_ҳикоя

ОДИЛ ШОҲ

Қадимги Эрон шоҳларидан Анушервон ҳар йили наврўз кунида ҳалқ учун зиёфат ташкил қиларди. Зиёфатга келганлар орасида турмушдан жуда қийналган камбағал бир киши ҳам бор эди. У ўз-ўзига:
— Шу ердаги идишлардан бирини олиб кетиб, сотсам, муҳтожликдан анча қутуламан. Менинг чорасизликдан қилган бу гуноҳимни, шояд кечирар, — деб қимматбаҳо идишлардан бирини кийими орасига ўраб олди.
Анушервон унинг қилиб турган ишини кўриб турган бўлса ҳам, индамади. Зиёфат тамом бўлиб, халқ тарқалишга ҳозирланди. Идиш-товоқларни сақлайдиган хизматчи идишларни санаб, қимматбаҳо бир идишнинг йўқлигини билди. Дарҳол бу ҳақда Анушервонга арз қилиб, ҳаммани текшириб чиқариш кераклигини айтди. Анушервон унга:
— Текшириб ҳеч кимни уялтирма, у идишни муҳтожликдан эзилган бир киши олгандир. Унинг олганини кўрган киши ҳам чақимчилик қилмасин, — деди.

Идишни олган киши уни сотиб, турмушига яратди, ўзига янги кийимлар тиктирди ва кейинги йил зиёфатга ясаниб-тусаниб, янги кийимларни кийиб келди. Зиёфатдан кейин Анушервон уни имлаб ёнига чақирди. Холи ерга олиб бориб:
— Бу янги кийим ўша идиш пулига келган эмасми? — деб кулиб сўради. У киши қизариб:
— Сизнинг соянгизда шу кийимларга эга бўлдим. Муҳтожлик мени шу гуноҳ ишга мажбур қилди, мени кечиринг. Шу қилган айбимдан виждонан азоб тортаман, — деб кечирим сўради. Анушервон унга тасалли бериб:
— Бундан сўнг бировнинг нарсасини сўрамасдан олмагин, эҳтиёжинг бўлса менга келиб айт, ёрдам қиламан, — деб инъом-эҳсон қилиб, уни шодлантирди.


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

АСРИ САОДАТНИ
ҚАТТИҚ СОҒИНДИМ

🎙 Хайрулла Хамидов


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

​​​​Бир яқин дўстим билан орамиздан гап ўтди. Унчалик жиддий эмас, ҳамма оғайниларнинг ҳам ўртасида бўлиб турадиган келишмовчиликлар борку ахир, ўшанга ўхшаш. Мендан аразлаб олди, мен ҳам аразладим. Бир-биримиздан узоқлаша бошладик. Фарзандларимиз, таниш-билишлар бир-биримиз ҳақимиздаги  «деди-деди»ларни ташиб келиши оқибатида бирйўла душманга айланиб қолдик. Шундай қилиб ўттиз йиллик биродарчиликка жаноза ўқилди.

Узоқ вақт юзкўрмас бўлиб кетдик. Бу ҳолат кун сайин менга оғир ботарди. Бир куни, Аллоҳга қалбан яқинроқ бўлиб турган вақтим бўлса керак, дўстим билан ярашиш ҳақида ўйладим. Камайиб қолмайманку ахир, дедим-да, шартта йўлга отландим. Тўғри бориб унининг эшигини қоқдим. Эшикни унинг хотини очди. Кўзларига ишонмасди. Келган киши мен эканимни айтганида эри ҳам ишонмабди. Шунинг учун шекилли олдимга чиққанида кўзларидаги ҳайрат сезилиб турарди. Тўғрисиям-да, нимага келган эканман-а?

Остонада юзага келган совуқ вазиятни ўнглаш учун биринчи бўлиб ўзим гап бошладим. Салом бердим. Саломки, аҳил вақтларимизни эслатувчи самимий салом. У ҳам шунга яраша алик олди. Яна орага сукунат ораламасин деб, кулимсираб сўз қотдим: «Ярашгани келдим олдингга!»...

Уйида бир неча соат қолиб кетдим. Эски гапларни эсладик. Бир-биримизни айбладик. Хуллас, ичимиздаги ғуборларни биргаликда чиқариб ташладик. Шукрлар бўлсин, дўстлигимиз қайтадан жонланди, аввалги ҳолига қайтди.

Ишончим комилки, аразлашганлардан бири ўзида куч топиб мен қилган ишни қилса, ўртадаги келишмовчилик йўқолиб, аҳиллик қайтиши аниқ.
Биргина йўқлаб боришнинг ўзи кифоя. Шу биргина йўқлов келажакдаги юзкўрмаслик, судлашишу даъволашиш эҳтимолларини аритиб юборади.
Муҳими ўзингизда шунга ирода топа олинг. Одам қилган ишни одам қила олади. Битта юриш билан аҳиллик қайтади, самимийлик қайтади, кетиб қолган хотин қайтади, урушиб қолган биродар қайтади...
Фақат иккиланманг!

Али Тантовий

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Ассалому алайкум ва роҳматуллоҳи ва барокатуҳ.

Қалб тўрида иймон порласин
Мусулмон ахлини Аллоҳ асрасин
Муштоқ қалбимиз зиёга тўлсин
Рамазон ойи муборак бўлсин!

Рамазон ойи остонаси ушбу тонгга хам етиб келдик Алҳамдулиллаҳ! Аллох ибодатларимизни қабул қилсин!

Аллоҳнинг саломи
✨ Пайғамбар ﷺнинг дуолари
✨ Қуръоннинг нури
✨ Рамазоннинг таровати сиз билан бирга бўлсин!

Аллоҳим, қалбларингизга хотиржамлик, жисмингизга соғлик, хонадонингизга файзу-барака ва барчамизга ғам-ташвишсиз, машаққатсиз, кун ато этсин.. Кун давомида ажру савоблари кўп амаллар хамрохингиз бўлсин! Амин!

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA