"Бу мумкин эмас!"- деди Сабаб.
"Бу ақлсизлик!"- деди Тажриба.
"Бу фойдасиз!"- деди Ғурур.
"Қани, яна бир уриниб кўр-чи..."- деб шивирлади Умид...

Асрор Самад
“Умр тарозиси” китобидан


Умид сизни хеч қачон тарк этмасин... Таслим бўлманг!

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

ЧУМОЛИДАН ИБРАТ ОЛДИМ

Бир куни Амир Темурдан сўрашибди:
– Сизнинг оддий бекликдан шундай буюк салтанат соҳиби даражасига етишингизга нима ёрдам берди?
– Мен ҳеч қачон умидсизликка тушмадим. Бу борада чумолидан ибрат олганман. Бир куни душманларимдан қочиб, бир харобага беркиндим. Қутулишдан умидимни узиб, тушкунликка тушиб ўтирганимда кўзим бехос бир чумолига тушди. У ўзининг танасидан деярли икки баравар катта буғдой донасини судрарди. Унинг йўлида ёғоч парчаси бор эди. Чумоли унинг устига чиқишга ҳаракат қилар, бироқ юки оғирлигидан ерга тушиб кетарди. Буғдой донаси юмалаб, девор тагига тушар, чумоли қайтиб тушиб, ризқини олиб кетишга ҳаракат қиларди. Бу ҳолат 50 мартадан ҳам кўпроқ такрорланди. Чумоли ниҳоят мақсадига етди. Бу кичкина жонзотнинг ҳаракатини кўриб, юрагимда шижоат, умид пайдо бўлди. Ўз-ўзимга дедим: «Наҳотки, чумолича ғайратим бўлмаса?!» Шундан кейин мақсадимга эришгунча ҳеч қандай тўсиқдан чўчимадим.


Ибрат излаганга ибратдир дунё...

📖 Telegram.me/IBRATLI
Ҳикоя ва ҳаётий воқеалар...

Насибангда бўлса, ҳаттоки чумолидан ҳам дарс оласан. Насибангда бўлмаса, бутун жаҳон сен учун ибрат маёғи бўлиб турган бўлса-да сенга бундан фойда йўқ.

Жалолиддин Румий


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

​​ҲИКМАТЛАР ҲАЗИНАСИ

📖 Кўзларингизни самога қаратсангиз - уларда осмон акс этар, ботқоққа қаратсангиз - ботқоқ акс этар. 
Кўзларимизни қайерга қаратишимиз эса бизнинг иродамиз ва хохишимизга боғлиқдир.
(Конфуций) 

📖 Оламдаги энг бой одам – ўз қувончи учун энг кам маблағ сарфлайдиган одамдир
(Генри Давид) 

📖 Яхшилик шундай неъматки - уни хатто кўзи ожизлар кўра оладилар, қулоғи оғирлар эшита оладилар.
(МаркТвен) 

📖 Хар бир одамга хурмат ва яхшилик билан қаранг - улар шунга лойиқликлари учун эмас, сиз ИНСОН бўлганлигингиз учун
(Конфуций)

📖 @Ibratli - Дунё сабоқлари...

Тупроқ ойнага деди:
– Сенга жудаям ҳавасим келади. чунки сенга қараган киши ўзини кўради. Менга боққанда эса фақат мени кўради, холос.
Ойна жавоб берди:
– Эй тупроқ, беҳуда ғам чекяпсан. Мен юзимга боққанларнинг бугунинигина кўрсатаман. Сен эса кишиларга эрталаридан хабар берасан.
Жавоб тупроққа ёқди, аммо таскин бўлолмади. Бир оздан кейин яна гап бошлади:
– Балки мени юпатиш учунгина айтаётгандирсан бу гапни? Чунки ҳеч ким ҳеч қачон сендан юз буриб, менга қарамайди-ку!
– Қарайди, – жавоб қилди ойна. – Менга қарашга юзи қолмаганларнинг кўзи доим сен томонга қарайди...


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Ойдан гўзал бўлсада васлинг
Шоҳ бўлсада насабинг наслинг
Кимлигингни унутма инсон
Тилло эмас, тупроқдир аслинг


📖 Отасидан қолган бир парча ерни талашиб кетди оға инилар.
- “Ер меники”- деди тўнғичи, - “уч ўғлим бор, биттасига уй қуриб бераман.”
- “Йўқ, меники” - деди ўртанчаси, - “домда яшаш жонга тегди, бир парча ерга зорман”
- “Отам ер сеники” - деган, акаларига эътироз билдирди кенжатой, - “ерни мен оламан”.
Уларнинг мунозарасига сингиллар аралашди:
- “Яхшиси ерни сотиб тенг тақсимлаймиз”
- “Тўппа тўғри” - тасдиқлади кичик сингил ўзига ер тегмаслигни билиб.
- “Бекорларни айтибсанлар” – ўшқирди тўнғич ўғил, - “нима, Мирзакаримбойни гапини эшитмаганмисан, эр киши ер сотмайди, ер сотган эл бўлмайди. Шундай экан ер меники.”

Уларнинг жанжалини эшитиб турган ернинг қахри келди:
–Устимда бунча талашасиз...
Меники, меники дейсиз, аслида сизлар меники....


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

НАФСГА ҚАРШИ ЖАНГ

🎙Абдукарим Мирзаев
✍Ўткирбек Муҳаммадсобир

•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

Аллоҳдан бирор нима сўрар экансиз, самимий ва камтарин бўлинг. Аллоҳ аслида бизнинг нима дейишимизни билади, аммо бўйнимизни эгиб, камтарона синиқлик билан сўрашимизни севади.
Анкаранинг Улус майдонида учта амаки олдиларида тарози қўйиб, ўтган-қайтганнинг оғирлигини ўлчаб ўтиради.
Биринчи амаки: “1,5 лира, келинглар, оғирлигингларни ўлчанглар”, – деб бакириб ўтиради.
Иккинчи амаки: “1 лира, арзонга ўлчайман, 1 лира”, – деб бақиради.
Учинчи амаки эса бошини эгиб нуқул: “Амакинггиз бир чой ичсин, амакинггиз бир чой ичсин”, – деб ўтиради. Негадир килосини билган ҳам, билмаган ҳам учинчи амакининг тарозисига ўтиб кетади.

•┈┈┈┈•❈••✾••❈•┈┈┈┈•
Яқинларга улашинг!
https://telegram.me/joinchat/EBkeNT8wOXpAsSelKCAtIA

#Биласизми
ТАСАВВУФ НИМА?

Тасаввуф - билиш эмас, билмаслик санъатидир.
Билимлари билан ўзини кўрсатишлик эмас, билъакс ўзини ҳеч нарса билмайдиган қилиб кўрсатиш санъатидир.
Менлик эмас, Ҳечлик санъатидир.
Улуғлик эмас, Камтарлик санъатидир.
Бошқалардан ўзини устун қўйиш эмас, ўзини унутиш санъатидир.
Ҳар кимга қўл ўптириш эмас, ҳар кимнинг қалбини ўпиш санъатидир...

Мавлоно Румий


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Ё РОББИМ

🎙Шерзод Карим

•┈┈┈┈•❈••✾••❈•┈┈┈┈•
♻️Яқинларга улашинг!
https://telegram.me/joinchat/EBkeNT8wOXpAsSelKCAtIA

Ҳар бир киши кетаётиб бир бўлагингни олиб кетади.
Бировлар дардингдан фойдаланади, биров меҳрингдан.
Кимдир чорасизлигингни фурсат билади, яна кимдир ишончингни.
Кемтилганинг, ранжиганинг билан бировнинг иши йўқ.
Биров орқангдан пичоқ уради, биров қалбингдан.

Муҳими, ҳар қандай ҳолатда ва ҳар қандай инсон билан муносабатда ўзлигинг ва инсонлигингни унутма.

Чунки, дунё даласида ҳар биримиз экканимизни ўрамиз, қадрдон...


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

​​Эридан кўп шикоят қиладиган бир танишимни кўчада учратиб қолдим. Мени кўриши биланоқ доимгидек яна арзи-ҳолини бошлади.

Унга айтдим:

Уйингда ўтирибсан, ҳализамон болаларинг мактаб-боғчаларидан қайтишади. Овқат қилишинг керак. Аксига олиб музлатгичда гўшт ҳам, тухум ҳам қолмаган. Ҳаво совуқ. Болаларнинг эса қорни оч. Тўрт-беш соатни амаллаб ўтказдиларинг. Энди совуқ ва очлик азоб беришни бошлади. Камига электр ҳам ўчиб қолган. Кичигинг қорни очиб, йиғини қўйиб юборди. Пластигингда эса пул тугаганига анча бўлди. Нима қилишни билмай кўчага чиқдинг. Ўзига тўқроқ қўшнингдан 50 минг сўм қарз сўраш учун. Юзингни суви етти томиб кирдинг қўшниникига. Рад жавобини оларкан, ер ёрилса-ю, кириб кетиш фикри ҳам ўтди бирров хаёлингдан.

Шу пайт кўчанинг бошида яшайдиган бошқа бир қўшнининг қораси кўринди.

Болаларинг кўплигини, совуқ кунда қийналиб қолганингни юз ифодангдан пайқадими, сен билан сўрашди-да, уйига кириб кетди. Сен ҳам минг изтироб билан, қуруқ қўл билан уйингга қайтдинг.

Орадан 10 дақиқача вақт ўтиб, эшик тақиллади. Очиб қарасанг, ҳалиги қўшни аёл. Қўлида бетига иккита нон ёпилган бир лаган палов ва пластик карточка. "Ассалому алайкум қўшни, мени сизникига эрим жўнатдилар, совуқнинг кунида болалар билан қийналиб қолган кўринасиз, мана буни олинг, камингизга ишлатарсиз" деди-да, олмайман дейишингга ҳам қарамай, беш юз минг сўм солинган пластикни ташлаб чиқиб кетди.

Орадан ҳеч қанча ўтмай, улар бошқа жойга кўчиб кетишди. Бир йилдан кейин у аёл ва унинг эрини, уларнинг сенга қилган яхшилигини эсингдан чиқарасанми?

- Йўқ- деди, танишим.

- Ўн йилдан кейинчи?

- Йўқ, уларнинг қилган яхшилигини умримнинг охиригача унутмайман!

- Қўшнингни бир лаган ошини унутмайсан, лекин эрингнинг сени ва болаларингни тўйдиришини сендан олган қарзини қайтаргани каби қабул қиласан.
Хато-камчиликлари бўлса ҳам, таъминотларингни қилиши уни севишингга, ҳурматини жойига қўйишингга етарли эмасми? Нега улар кўзингга кўринмайди?

У жим бўлиб қолди...

Ҳа, биз бошқалар яхшилик қилса, улардан миннатдор бўламиз, лекин эримизнинг бизга қилганларини у буни қилишга мажбур деб биламиз. Қилади-да, вазифаси-да деймиз. Қадрига етмаймиз...

Неъматнинг қадрига етишимиз, аҳамиятини ҳис қилишимиз учун ундан мосуво бўлишимиз шартми?

Сиз нима деб ўйлайсиз?


📖 Telegram.me/IBRATLI
- хикоя ва хаётий воқеалар

ИНСОНИЙЛИК лавозими

🎙Шерзод Карим

Telegram.me/IBRATLI
- Асл ибрат макони

ХАЙРЛИ ТУН !

Тангри ёмонликка дучор этмасин,
Номардлар қўлида ночор этмасин
Ҳеч бир инсонга бермангиз озор,
Сизга ҳам ҳеч зотдан озор етмасин!

Аллоҳга омонатсиз.
Тунингиз осуда ўтсин!

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

Ассалому алайкум ва роҳматуллоҳи ва барокатуҳ!

Аллоҳнинг бизга берган неъматлари ва икромлари учун ҳамд ва шукроналар бўлсин!
АЛҲАМДУЛИЛЛАҲ

Шуни билки, бу дунё уч кундир:

⚜ Биринчи кун: у кеча ўтган кунингдир, у учун тавба қил, аламларни эса унут.

⚜ Иккинчи кун: у бугунги кунинг, сен шу кунингда Аллоҳни рози қилиш учун, одамларга манфаат етказиш учун яшагин.

⚜ Учинчи кун: у эртанги кунинг, у хақда сен билмайсан хали. Демак, сен - Аллоҳдан чиройли хотима ёки солиҳ амалга тавфиқ сўрагин!

Ҳар бир янги кун тавбага йўл, хидоятга нур, ва хайрли амаллар қилиш учун берилган имкондир.

ЯНГИ КУНГА БИСМИЛЛАҲ!

Яхши ният билан бошлаган хар ишингизда Аллоҳ мададкор бўлсин! Кунингиз хайрли бўлсин!

•┈┈┈┈•❈••✾••❈•┈┈┈┈•
Яқинларга улашинг!
https://telegram.me/joinchat/EBkeNT8wOXpAsSelKCAtIA

Ҳар бир янги кун янги имкондир, Сиз кунни “Бисмиллаҳ” билан бошланг, хаммаси яхши бўлади, Ин шаа Аллаҳ !

Яхши ният билан бошлаган хар ишингизда Аллоҳ мададкор бўлсин! Кунингиз хайрли бўлсин!

ЯНГИ КУНГА БИСМИЛЛАҲ!

•┈┈┈┈•❈••✾••❈•┈┈┈┈•
Яқинларга улашинг!
https://telegram.me/joinchat/EBkeNT8wOXpAsSelKCAtIA

Имом Аҳмад Ҳотим ал Асаммдан (Аллоҳ таоло икковларини ҳам ғариқи раҳмат қилсин) сўради:

- Одамлар гап-сўзидан омонда бўлишнинг йўли қандай?

- Уч нарса орқали:
1. Борингни сарфлайсан, улардан сўрамайсан.
2. Ҳақларини адо этасан, ҳаққингни талаб қилмайсан.
3. Озорларига сабр қиласан, озор бермайсан.

- Бу жуда қийин, - деди имом Аҳмад.

- Кошки шундан сўнг ҳам қутулсанг, - деди Ҳотим ал Асам.


•┈┈┈┈•❈••✾••❈•┈┈┈┈•
Яқинларга улашинг
https://telegram.me/joinchat/EBkeNT8wOXpAsSelKCAtIA

Ҳолвапаз уста бир куни болаларининг олов ёқиш учун тўплаган ўтинлари орасидан тўғри ва текис бўлганларини ажратиб олаётганига кўзи тушади.

— Нимага уларни ажратиб оляпсизлар?- дея сўрайди болаларидан.
— Тўғри ва текисларини ажратяпмиз, болта, ўроқ, кетмонга даста бўлади,- деди болалари.

Ҳолвапаз ерга чўккалаб, кўзида ёш билан самога тикилади:

Ўтинларининг ҳам тўғриси оловда ёнишдан қутулиб қолар экан. Инсон қачон дўзах оловидан қўрқиб ўзини тўғрилайди?!...


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

#Тарбия
Алқисса, бир донишманд ўғлига насиҳат қилибди:

– Уч нарсанинг энг сарасини, энг афзалини ихтиёр эт: ширин таом, юмшоқ тўшак ва гўзал жой.

– Агар бунга қурбим етмаса-чи, камбағаллик йўл бермаса нима қиламан? – ажабланибди ўғли.

Шунда донишманд:
– Фақат қорнинг очганида тамадди қил, ана шунда таом энг ширин бўлади. Астойдил халол меҳнат қил, шунда юмшоқ тўшакда ётгандай дам оласан. Одамлар билан хуш хулқда, яхши муомалада бўл, шунда уларнинг қалбидан жой оласан, у жой ер юзидаги энг гўзал ошёндир, болам, – деб жавоб берган экан...


•┈┈┈┈•❈••✾••❈•┈┈┈┈•
Яқинларга улашинг
https://telegram.me/joinchat/EBkeNT8wOXpAsSelKCAtIA

​​​НАФС ВА ИНСОН!

Нафс: - «Мана сенга керак бўлса тахт».
Инсон: - «Йўқ керакмас. Исломим бор! Мен учун бу бахт».

Нафс: - «Балки ёқар ойсулув қизлар?».
Инсон: - «Йўқ ёрим бор, бахтлимиз бизлар».

Нафс: - «Балки сенга керакдир бойлик?».
Инсон: - «Қаноатла холим чиройлик».

Нафс: - «Ундан кўра сен ўйнаб кулгин...».
Инсон: - «Қиёмат бор сен хаё қилгин».

Нафс: - «Бу дунё беш кунлик билгин».
Инсон: - «Хақни айтдинг. Сен тақво қилгин».

Нафс: - «Балки сенга ёқар кайф сафо?».
Инсон: - «Ҳалолга хўп, қолгани жафо».

Нафс: - «Шароблар бор. Маст бўлиб кўргин!».
Инсон: - «Уни қўй. Иймон лаззатин туйгин».

Нафс: - «Кўзингни оч дунё макрдир...».
Инсон: - «Макрларга тўсиқ зикрдир».

Нафс: - «Ахмоқсан сени ҳаётинг ғурбат».
Инсон: - «Йўқ умидим абадий Жаннат».

Нафс: - «Мен нафсингман енгилдим сенга».
Инсон: - «Кел Ҳақ йўлда ёрдам бер менга».

Нафс: - «Розиман. Иймон шартларин билдир».
Инсон: - «Махлуқ борки Роббига қулдир».

Нафс: - «Қуллик қандай бўлади айтгин?».
Инсон: - «Амрига юр. Наҳийдан қайтгин!».

Нафс: - «Гуноҳларим кечарми Қаҳҳор?!».
Инсон: - «У меҳрибон раҳмли Ғаффор!»


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA

ИМОМ БУХОРИЙГА ОНАСИНИНГ НАСИҲАТИ

— Ўғлим, устозингизни илмидан, тақвосидан ва унинг гўзал одобидан таълим олинг. Қулоқларингиз устоз оғзидан чиқаётган дарсни тингласа, кўзларингиз унинг одоби, оғир вазминлиги, одамларга бўлган муомаласини кузатиб сабоқ олсин. Бугун ўқиган бир варағингиз сизни яхши томонга ўзгартирса, иккинчи варағини очиб ўқинг. Агар биринчи варақ сизнинг иймонингизни, тақвойингизни ва одобингизни зиёда қилмаса, асло иккинчи вараққа ўта кўрманг. Фойдаси кам, зиёни кўп бўлур.
Аллоҳ учун ўқинг. Шаҳарда ном чиқараман, тенгдошларимни ортда қолдириб, ҳаммадан олдин бўламан, давралар тўрида ўтираман, одамлар диққатини ўзимга қаратаман, кимларнидир гап билан ўсал қиламан, деган мақсадда ўқиманг. Буларнинг бари шуҳратпарастлик дейилади. Шуҳратпарастлик одам ичига беркинган юқумли балодир. Иймони заиф, эътиқоди суст кимсаларга тез юқадиган вабодир. Шуҳратпарастлик ихлосга зиддир. Фикрингизни дунё ташвишлари билан чалғитманг. Сизнинг ёшингизда илм таҳсилидан ўзгаси дуруст бўлмас.

БУХОРИЙ:
— Хўп бўлади онажон. Сизнинг қимматли ҳар ўгитингиз мен учун йўлчи юлдуздир. Биҳамдилиллааҳким, сизнинг панд-насиҳатингизни олиб асло кам бўлган эмасман.
— Аллоҳ тани жонингизни соғ, ризқингизни мўл қилсин, илоҳим манфаатли илм ато қилсин.
— Айтганингиз келсин онажон. Сизга ҳам Холиқи яктодан соғлик-саломатлик, офият тилайман. Худованди карим сизга узоқ йиллар хизмат қилишимни насиб этсин.
— Ўғлим...
— Лаббай онажон.
— Жавонингизга янги оқ кийим қўйиб эдим, уни киймай яна сиёҳ теккан кўйлакни кийиб олибсизда.
— Ҳечқиси йўқ онажон. Абдуллоҳ ибн Муборак "аҳли илмлар кийимидаги сиёҳни куёвлар кийимидаги зийнат" деб айтган эканлар. Суфён Саврий "Сиёҳ (аҳли илм учун) катта сармоядир" деб айтганлар.
— Ундоқ бўлса "куёв" ўғлим, сармоянгизнинг кўпроғини манфаъатли ишларга, яъниким дафтарингизга сарфлаб, озроғини кўйлагингизга чапланг, тоинки "сармоянгиз" тоғорада чириб кетмасин, - деди онаси ўғлининг ҳазиломуз айтган чин гапларига ҳазил мутойиба тариқасида ва хижолатдан ёноғи қирмизи тусига кирган ўғлини мадрасага кузатар экан, уни ҳижолатдан қутқариб ширин табассум ила хайрлашди.
— Сўзингиз чин ўғлим, эркакларнинг безаги сиёҳдир.
"من خدم المحابر خدمته المنابر"
"сиёҳдонларга хизмат қилганларга минбарлар хизмат қилгай". Хайр энди, яхши ўқиб келинг.
— Лутф этдингиз онажоним, миннатдорман. Устоздан рухсат бўлган ҳамоно ёнингизга чопгайман, хайр.

"Ўн бир ёшли ворис" китобидан.

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA