АЛЛОХ БИЗНИ АСРАСИН...

Тонгги гўзал дуо ва ниятларингиз ижобати дунё ва охиротингизни гўзалликларга тўлдирсин!

•┈┈┈┈•❈••✾••❈•┈┈┈┈•
Яқинларингизга улашинг
https://telegram.me/joinchat/EBkeNT8wOXpAsSelKCAtIA

АССАЛОМ...

Тундан нурафшон тонгга етганларга - Ассалом...
Умид, бахт, иқбол йўлин тутганларга - Ассалом...
Бисмиллоҳдан бошлаб кун, эрта сахар орзулаб,
Баракасин эшикда кутганларга - Ассалом...

Дуога қўл очганда ота деган давлатшоҳ,
"Омин" дея қўшилса она дили бўлиб чоғ,
Қайси фарзанд кўкармас, қайси ниҳол бўлмас боғ,
Яна бир кун ҳисобдан ютганларга - Ассалом...

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

ОНА - БУЮК ИНСОН...

Қизиқ-а...
Одамзод салгина оғриб қолса, дард чекса дарҳол онасини эслайди...
Ҳеч бўлмаса "Оҳ онажон" деб қўяди. Нега шундай...?
Ахир оналарнинг ҳаммаси ҳам шифокор эмас-ку? Отасини... ака-укасини, опа-синглисини, ҳатто турмуш ўртоғини ҳам эмас, айнан онасини эслайди, чақиради!
Айтишларича аёл киши дард тутганида ҳам "она" деб чақирар экан, гарчи онаси узоқларда бўлса-да, келолмаслигини билса-да... Озроқ мазамиз қочиб кўнглимизга қил сиғмай қолса, онамизга қўнғироқ қиламиз:
- Она мазам йўқ...
Онамиз эса одати бўйича вақтида олдини олмаган ишларимизни (юпун кийинганмиз, вақтида овқатланмаганимиз ва ҳакозо) шуларни айтиб койийди, тергайди...
Гўшакни қўямиз-да негадир енгил тортамиз, ўнта дори беролмаган давони онанинг бир лаҳзалик куйиниши, қайғуриши, мехридан топомиз гўё...!
Нега шундай а...?

•┈┈┈┈•❈••✾••❈•┈┈┈┈•
Яқинларингизга юборинг!
https://telegram.me/joinchat/EBkeNT8wOXpAsSelKCAtIA

ЁНГИНАМДА ОНАМ БОР..!

Ажойиб монолог... Албатта эшитинг...

🎤 СЕВДА АЛИЙХАН ижроси

•┈┈┈┈•❈••✾••❈•┈┈┈┈•
Яқинларингизга юборинг!
https://telegram.me/joinchat/EBkeNT8wOXpAsSelKCAtIA

​​📝​​Ибрат учун

АЧЧИҚ ҲАҚИҚАТЛАР

• Негадир доим кўнглимизни оғритгандан эмас — кўнглимизга қарайдиган инсонлардан аламимизни оламиз...

• Бизни севганларга озор берамизу — севмаган инсонларга пояндоз бўламиз...

• Тўғри йўл кўрсатганни ёмон кўрамизу — эгри йўлга бошлаганнинг ортидан доим қолмаймиз...

• Яхши кўрган яқинларимизга, касал биродарларимизга вақтимиз йўғу, етти ёт бегонаникига ошга боришга ҳар доим вақт топамиз...

• Оиласи ночорроқ синглимизга ҳар хил бахоналар билан ёрдам бермаймизу лекин — халқни кўзига қозон-қозон ош қилиб зиёфат берамиз...

• Ота-онамизни ҳафтада бир бора кўриб келишга фурсат йўқ — аммо улфатлар билан ўтиришга ҳар доим ҳам тайёрмиз...

• Аёлимизга бир неча калима ширин сўзимизни аяймизу — лекин кўчадаги аёлларга гўзал калималар орасидан гўзалларини аямаймиз...

• Озгина пулимизни йўқотиб қўйсак қанча асабимиз бузилиб хафа бўламизу — аммо хеч қандай бойликка сотиб олиб бўлмайдиган вақтимизни арзимаган нарсаларга сарфлаётганимизга ачинмаймиз.

Фикр қилинг!


•┈┈┈┈•❈••✾••❈•┈┈┈┈•
Ибрат учун яқинларга юборинг
https://telegram.me/joinchat/EBkeNT8wOXpAsSelKCAtIA

​​​​ДУНЁНИНГ ЭНГ ГЎЗАЛ ХУНУГИ
(Мен яхши кўрган ҳикоя)
🥀
Йигирманчи юз йилликнинг бошлари. 4 та боланинг онаси Марий саҳнада. Бошқа иштирокчилар ҳам бор. Кимдир семиз, кимдир тукли, кимдир бўйи паст бир қанча аёллар мукофотга қўйилган катта миқдордаги пулни олиш учун “Дунёнинг энг хунук аёли” мусобақасида қатнашаётган эди. Марий тараддудланиб атрофга қарарди. Зални тўлдирган томошабинлар қаҳқаҳалар отиб аёлларнинг устидан кулишарди. Марий уялиб бошини эгди. Саҳна ортига бир қадам ташлаган ҳам эдики, уйдаги қорни оч болалари кўз олдига келди. Бу мусобақадан оладиган пули жуда муҳим эди. Эри вафот этгач, изидан чиққан ҳаётини бошқача йўлга сололмасди. Бақир-чақир ҳамда қаҳқаҳаларга қарамасдан саҳнада кутишда давом этди. “Ҳаммаси болаларим учун” деди ўзига ўзи. Ёнидаги тукли аёл “Тушунмадим, бирор нима дедингми?” деб сўради. Марий “Йўқ, ҳечнима демадим” деди. Марий кўзларини юмди ва аввалги ҳолатини эслади. Касалланмасидан олдин қандай гўзал аёл эди. Қараган киши яна қайрилиб қарарди. 29 ёшида Томас Баван билан оила қургач, 4 та фарзандли бўлгандан кейин бошланган мигрен, мушак ва бўғим оғриқларигача. Шифокорлар аввалига касалликнинг нималигини тушунмаган эдилар. Кейинчалик хасталикнинг акромегалия эканлиги аниқланди. Бу касаллик Марийнинг юз шаклини ўзгартирган, аёл танимайдиган ҳолатга келганди. Афсуски, Марий хасталик билан курашаётганда, эри тўсатдан вафот этган ва Марий болалари билан ёлғиз қолганди. Марий шуларни ўйларкан, бирдан олқишларни эшитиб, кўзларини очди. Ҳа, Марий “Дунёнинг энг хунук аёли” мусобақасида биринчи ўринни эгаллаган эди. Марий мукофотни олганида кўзларидан бир томчи ёш қалбига оқиб тушди. Энди у “Дунёнинг энг хунук аёли” эди. Ташқи кўриниши сабаб ҳечқандай ишга қабул қилинмаган Марий ўша кундан кейин циркда ишлай бошлади. Одамлар масхара қилган, кулиб мазза қилган Марий ОНА эди. Ҳечким унинг она эканлигини ҳис қилмади. Чунки одамларнинг завқланишга, кимнидир менсимай, паст санаш эвазига ўзларини буюк хис қилишга эҳтиёжлари бор эди. Фидокор она Марий 59 ёшда вафот этди ва сўнгги нафасигача циркда “Дунёнинг энг хунук аёли” унвони билан ишлади, тиришиб-тирмашди. Ягона дарди фарзандлари халол боқиш ва ҳечкимга муҳтож қилмаслик эди. Ботексли, макияжли, улама киприкли, жингалак сочли аёллар гўзал ҳисобланган дунёда албатта Марий ва Марийдек аёллар ҳар доим мусобақаларнинг “Хунук” лари дея эълон этилажак. Бир куни ТВ да бир моделъер билан суҳбат бўлди. Моделъерга савол билан мурожаат қилишди, у эса кулиб, “Биламан, каллам бўш, лекин вақтим чоғ” деди. Дунё ҳозир айни шу нуқтада. Бугунги кўзлар калласи бўш бироқ вақти чоғ аёлларда.

“Ҳаммаси болаларим учун деди ўз-ўзига”. Ёнидаги тукли аёл “Тушунмадим, нимадир дедингми?” деди. “Ҳечнима, ҳечнима демадим” деди Марий. Марий ҳечнима демасдан кетди !

Тамер Дурсун

Турк тилидан Дилбар Ражабова таржимаси


📖 Telegram.me/IBRATLI
Ҳикоя ва хаётий воқеалар...

​​Онангизни йўқланг, одамлар!

Бозор тушинг, олинг тўртта нон,
Ён кўтарса писта, бодомлар.
Бунда сизга энг азиз меҳмон
Онангизни йўқланг, одамлар!

Деманг, дунё қўлимдан тутган,
Қўлим қўйса йўлимдан тутган,
Дунёни бир чет қўйиб, кутган,
Онангизни йўқланг, одамлар!

Кўнглин олинг хуш суҳбат қуриб,
Ҳажга боринг орқалаб юриб,
Токи тупроқ қучмасдан туриб,
Онангизни йўқланг, одамлар!

Важ бўлмасин кўклам, қишингиз,
Чала қолса қолсин ишингиз,
Ҳақдан кейин чин дўст кишингиз,
Онангизни йўқланг, одамлар!

Нафс ақлдан чиқмасин ғолиб,
Сўнгда юрманг пушмонда нолиб,
Ён ёрингиз, болангиз олиб,
Онангизни йўқланг, одамлар!

Банд даст дардда, ғамда чиниққан,
Соғинч сабаб ранги синиққан,
Сизни жони гаровда туққан,
Онангизни йўқланг, одамлар!

Онасиз тун оҳ урар қаранг,
Кун бош эгиб, жим юрар аранг,
Жон ўқ, тан ёй тортилмай таранг,
Онангизни йўқланг, одамлар!

Бўлса сизда иймон, ғурур, ор,
Меҳрингизга этманг бунча зор,
Бир куни соғ, беш куни бемор,
Онангизни йўқланг, одамлар!

Ҳеч тўхтамас соатнинг мили,
Ўтиб борар милларда йили,
Болангиздан қайтар ҳосили,
Онангизни йўқланг, одамлар!

Пул топилар, топилар сафо,
Ва лек билинг сафо бевафо,
Кекса жонга чектирмай жафо,
Онангизни йўқланг, одамлар!

Тулпордами ё юриб яёв,
Йўл-йўлакай ҳеч қурса бирров,
Арзин айтмас ҳокисор, баёв
Онангизни йўқланг, одамлар!

Куйга солсин байтимни бахши,
Она бутун борлиқнинг нақши,
Ҳамма ҳамма ҳаммадан яхши,
Онангизни йўқланг, одамлар!

Вақт йўқ деган сўзингиз чакки,
Байтим сизга бергувчи дакки,
Тунлар айтган алласи ҳаққи,
Онангизни йўқланг, одамлар!

Марҳабо Каримова

Онангизни йўқлаш ёдингиздан чиқмасин, биродар!!!

📖 Telegram.me/IBRATLI
Ҳикоя ва хаётий воқеалар...

ОҒРИҚ

⸺ Болалигимда менга кўп нарса беролишмагани учун ота-онамдан норози эдим. Кейин улар оламдан ўтиб кетишди. Секинлик билан барчасига ўзим эришдим.
⸺ Хўш?
⸺ Бугун шу эришганларимнинг ҳаммасига ота-онамни алишгим келади...

Байрам Али

•┈┈┈┈•❈••✾••❈•┈┈┈┈•
Ибрат учун яқинларга юборинг
https://telegram.me/joinchat/EBkeNT8wOXpAsSelKCAtIA

ОНАМ ИСИ...

🎙Шерзод Карим


Telegram.me/ibratli
- Асл ибрат макони

Ота бўлиш, она бўлиш илм бўлгани каби ака-ука, опа-сингил бўлиш, тўғрироғи шу мартабада тура олиш ҳам илм экан! Шу нуқтаи назардан қарасак, бу борада саводи камларнинг ғоят кўплиги аён бўлади.
Жигарнинг яхши-ю ёмонидан кечиб бўлмас, ундан нари кетиб бўлмас! Оға-инилар бир-бирларини нафақат жисмонан ёки моддиян, балки қалбан тўлдирадилар. Қалбни эса фақат илоҳий мўъжизаларгина тўлдира олади. Биродар, жигарчилик шу мўъжизаларнинг биридир. Жигарбандингиз яқинлашган сари сизга ота-онангизнинг ҳиди, тафти келаверади.
Ака-укаси борнинг ҳеч қачон отаси ўлмайди! Опа-синглиси борнинг эса ҳамиша онаси тирикдир.


•┈┈┈┈•❈••✾••❈•┈┈┈┈•
Ибрат учун яқинларга юборинг
https://telegram.me/joinchat/EBkeNT8wOXpAsSelKCAtIA

ҚАЙСИ ОИЛА БИРИНЧИ ЎРИНДА БЎЛИШИ КЕРАК ?

🎙Абдулла Бахрамов

Сиз қандай фикрдасиз?

•┈┈┈┈•❈••✾••❈•┈┈┈┈•
Ибрат учун яқинларга юборинг
https://telegram.me/joinchat/EBkeNT8wOXpAsSelKCAtIA

Кейинги пайтларда, агар бир-бирига энг яқин икки инсон бўладиган бўлса, ўша икки инсон эр ва хотин, деган хулосага келяпман.

Фақат шу икки инсонгина бир-бирининг камчиликларини тўлдиради.

Фақат иккисигина бири бировига ҳар қандай ҳолатда кўриниши, шунда ҳам ораларидаги муносабатлар ўзгармай қолиши мумкиндек назаримда...

Бир-бирига суянадиган ҳам, бир-бирига интиладиган ҳам, бир-бирини кутадиган ҳам, бири биридан араз-гина қилиб, бироз ўтиб, ҳеч гап йўқдек, яна ҳазил-ҳузул қиладиган, бир-бирини сўзсиз тушунадиган, бирида йўқ ҳислатни бошқаси ёпиб турадиган ҳам... шу иккиси...

Аввал бошда ер юзида фақат эр ва хотин бўлгани ҳам шунга ишорадир балки...

Ўша пайт она ва бола, ота ва қиз, ака-сингил ё опа-ука эмас, айнан эр ва хотин бўлган. Бир-бирини тўлдирувчи, бир-бирига сакинат улашгувчи...

Сакинат ва ором масканингизни, оилангизни, "либос"ингизни асранг.


•┈┈┈┈•❈••✾••❈•┈┈┈┈•
Яқинларингизга юборинг!
https://telegram.me/joinchat/EBkeNT8wOXpAsSelKCAtIA

СИҚИЛМА...

Қариганда ғалвани кўтаролмас юрагинг,
Қани ота-оналар, суянчиғинг, тиргагинг,
Ётиб қолсанг, оғрисанг кимга бўлар керагинг?
Ўғлинг еб ўрга кетар, қизинг еб қирга...

🎙Нуриддин домла


📖 Telegram.me/ibratli - Асл ибрат макони...

#Тафаккур

"Бугун оғир кун бўлди…" - деманг. «Бугун савоби кўп кун бўлди!..» - денг.
Яхшилик йўлида қийинчилик кўп бўлса, савоби ҳам мўл бўлади…


•┈┈┈┈•❈••✾••❈•┈┈┈┈•
Яқинларингизга юборинг!
https://telegram.me/joinchat/EBkeNT8wOXpAsSelKCAtIA

🤲 Роббим, бугунга тақсим қилганинг яхшилик, ризқ, офият, тавфиқ, саодат, нажот ва қалб очилишидан бизга эртамиз учун хам тўлиқ ҳисса ва насиба ато қилгин!

Ҳайрли оқшом, қадирдон.
Тунингиз осуда ўтсин!

•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA

Ассаламу алайкум ва роҳматуллоҳи ва барокатуҳ!!!

Бошланган яна бир мунаввар тонг барчамизга муборак бўлсин!

Доим «Алҳамдулиллаҳ» дейдиган руҳни табассум тарк этмайди.

Ҳар лаҳза «Астағфируллоҳ» дейдиган тил дунё ва ундаги бор нарсаларнинг қулфини очади.

Аллоҳим! Биз Сендан
-доимий имонни,
-қўрқувчи қалбни,
-содиқ ишончни,
-тўғри динни,
-барча балолардан офиятни
-офиятга шукр этишни ва
-инсонлардан беҳожат бўлишни сўраймиз. 

Кунимиз хайрли, барокатли, савобли амалларга тўла бўлсин!

•┈┈┈┈•❈••✾••❈•┈┈┈┈•
Яқинларингизга улашинг👇
https://telegram.me/joinchat/EBkeNT8wOXpAsSelKCAtIA

​Яхши ниятинг амалингдан кўра кўпроқ хайрли ишга чорлайди.

Яхшиси, қалбингда яхши ниятни барпо қил, Аллоҳ амалингни ҳам яхши томонга йўллайди.

Қилаётган ишингнинг (бу дунё ва охиратда) асари қолсин!


ХАЙРЛИ ТОНГ НИЯТИ ПОКЛАР!

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA

Саломлашишнинг етмишта савоби бор. Шундан олтмиш тўққизтаси салом берганники, биттаси эса алик олганникидир.

Ассаламу Алайкум ва Раҳматуллоҳи ва Барокатуҳ

Кунингиз,
Умрингиз,
Йўлингиз очиқ,
Мушкулингиз осон,
Ҳожатингизни равон бўлсин.

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

​​Эртага 8 март, бу кунни байрам қилиш динимизда ҳаром эканлиги тўғрисида гап сўзлар қулоққа чалиниб турибди. Ҳатто, баъзи обуначиларимиз мурожаат қилиб туришибди.

Баъзилар бу кун аёллар паранжиларидан воз кечишганликларини нишонлашади дейишмоқда.
Асло ундай эмас...
Авваламбор, бу байрам тарихига назар ташлар эканмиз, ҳеч қандай паранжига эмас, ўтган асрнинг бошларида АҚШ аёлларининг меҳнат қонунчилиги борасидаги ҳаракатларига бориб тақалади.

Албатта, динни чуқур билмаслигимиз ҳар доим оёғимизга кишан бўлиб келган. Камига мана шу саёз билимимиз билан ҳар нарсани динга боғлашга ҳаракат қиламиз. Агар моҳиятан олиб қаралса, қиладиган ишларимиз ҳаромга етакламаса, нимага биз уни ҳаром дейишимиз керак?

Албатта, бу кунда баъзи ташкилотларда байрамлар ташкил этилиши, эркагу аёл бир даврада ўтириб, сархуш ва шаҳват назари билан давраларда ўйнаши жуда хунук манзара. Бироқ, бу фурсатдан ўз удумимиз бўйича фойдаланиб, аҳли аёлига яхши кайфият улашиш, онасининг дуосини олишни ният қилганлар асло кам бўлмайди.

Зеро, Пайғамбаримизнинг ҳузурларида мусулмонларнинг энг ҳурматлиси аёлларга яхши муносабатда бўлганлардир!

Сиз қандай фикрдасиз?

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

#Оналик_илми

Ўрганмаган ўргатолмайди!

Аёлнинг уйи жаннат ёки дўзах йўлидир. У энг фазилатли ибодатларини ўша ерда адо этади. Ўша ерда Марям, ўша ерда она бўлади. Ўша ерда фарзандини тарбия қилади. Ўша ерда фарзандларига қаноатни ўргатади. Она ҳаётдир. Ҳаётнинг ўзгинасидир. Болани мактабда ўқийдиган ҳолга келтирувчи ҳам онадир.

🔹 Тўрт йиллик университетни битирган қиз, бирор ўқишда муаллима бўла олар, лекин оила қуриш ёшига етгунича оилага алоқадор ҳеч қандай тайёргарлик кўрмаган бўлса, Китоб ва Суннатни ўрганмаса, ўз уйида муаллима бўлолмайди. Чунки зоҳида бўлмаган аёл зуҳдни, қаноаткор бўлмаган аёл эса қаноатни ўргатолмайди.

Инсон ўзида йўқ нарсани иккинчи инсонга улашолмайди. Бир фарз бошқа нарса орқали адо қилинадиган бўлса, ўшани ўрганиш ҳам фарз бўлади. Шундан келиб чиқилса, асл вазифаси фарзанд тарбия қилиш бўлган аёлнинг ўқитилиши ҳам фарздир.

🔹 Она овқат едиришни билгани сингари, боласига иймоний, ахлоқий, жисмоний, руҳий ва илмий жиҳатдан таълим беришда ҳам моҳир бўлиши керак. Сабаби, илми бўлмаган аёл бу фазилатлардан бебаҳра қолади...

Сиз шу фикрга нима дейсиз? Фикрингизни изоҳда ёзиб қолдиринг!

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA

#Ибратли_видео

❕Эркак киши аёлдан тўртта нарсада устун бўлиши керак!

❕Аёл киши ҳам эркак кишидан тўртта нарсада устун бўлиши керак!

Булар нималар?

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA